What are the opening hours?

Monday 09:00 - 17:00 Tuesday 09:00 - 17:30 Wednesday 09:00 - 17:30 Thursday 09:00 - 17:00 Friday 09:00 - 17:30

Erdenes Mongol

Home
Mongolia
Ulaanbaatar
Erdenes Mongol

Call Directions Website Contact the business

MANAGING ASSETS LEADING GROWTH
“Chinggis Khaan Sovereign Wealth Fund Holding”, was founded in 2007

02/11/2026

АЖИЛЧДЫН ЭРХ АШГИЙГ ХАНГАХ ЧИГЛЭЛЭЭР ИДЭВХТЭЙ ХАМТРАН АЖИЛЛАХААР БОЛОВ

“Чингис хаан баялгийн сан нэгдэл” ХХК-ийн Гүйцэтгэх захирал Б.Даваадалай удирдлагын багийн зарим гишүүний хамт “Эрдэнэт үйлдвэр” ТӨҮГ-ын Үйлдвэрчний эвлэлийн холбооны дарга Ж.Мөнгөншагай тэргүүтэй төлөөллийг хүлээн авч уулзлаа.

✅ Уулзалтын үеэр Үйлдвэрчний эвлэлийн холбооноос нийгмийн шинжтэй цехүүдийг төрд шилжүүлэх бодлогыг илүү тодорхой болгож, ажилчдын цалин, нийгмийн баталгааг дордуулахгүй байх, ажлын байрны дарамт болон Хөдөлмөрийн хууль зөрчсөн гэх гомдол мэдээллийн хүрээнд Хүний эрхийн Үндэсний комиссыг Эрдэнэт үйлдвэрт ажиллуулахад дэмжлэг үзүүлэх хүсэлт тавив.

Мөн хүний нөөцөө тогтвортой хадгалах зорилгоор хуримтлал, даатгалын тогтолцоог бодлогын түвшинд дэмжих, хөрөнгө оруулалтын зардлыг ажиллах орчин, хөдөлмөрийн аюулгүй байдалтай уялдуулан авч үзэх, менежментийн төлбөрийг үе шаттай бууруулах эсвэл тооцох аргачлалыг шинэчлэх саналыг хөндлөө.

✅ Гүйцэтгэх захирал Б.Даваадалай нийгмийн цехүүдийг төрд шилжүүлэхтэй холбоотой асуудлыг үйлдвэрийн удирдлага, Үйлдвэрчний эвлэлийн холбоо харилцан зөвшилцөж шийдвэрлэх ёстойг онцолж, энэ нь тухайн байгууллагын дотоод шийдвэрийн хүрээний асуудал гэдгийг тэмдэглэлээ.

Хуримтлал, даатгалын тогтолцооны тухайд тодорхой санал боловсруулж, бизнес төлөвлөгөөндөө тусган хэлэлцүүлэх боломжтойг дурдаад, хууль эрх зүйн нийцлийг сайтар тооцох шаардлагатайг сануулав. Түүнчлэн Хүний эрхийн Үндэсний комиссоор судалгаа хийлгэх санаачилгыг бүрэн дэмжиж ажиллахаа илэрхийллээ.

Тэрбээр ирэх онд төрийн өмчит компаниуд улсын төсөвт 3.5 их наяд төгрөгийн ногдол ашиг төвлөрүүлэх зорилттой холбоотойгоор хөрөнгө оруулалтын зардалд тодорхой хязгаар тавих шаардлага үүссэнийг тайлбарлав. Гэвч ийм нөхцөл байдал удаан үргэлжилбэл уул уурхайн салбарын тогтвортой үйл ажиллагаанд эрсдэл учруулж болзошгүйг мөн онцоллоо.

Менежментийн төлбөрийн талаар Нэгдлийн хэмжээнд бодлогын шинэчлэл хэлэлцэж байгаа бөгөөд цэвэр ашгаас тооцох эсэх, өөр эх үүсвэр ашиглах боломж, менежментийн үйлчилгээний хүрээ, үнэлгээний зарчмыг тодорхой болгох чиглэлээр шийдэл боловсруулж байгааг танилцуулав.

Уулзалтын төгсгөлд талууд мэдээллээ нээлттэй солилцож, ажилчдын эрх ашиг, хүний нөөцийн тогвортой байдлыг хангах, үйлдвэрийн үр ашгийг нэмэгдүүлэх чиглэлээр нээлттэй хамтран ажиллахаар санал нэгдлээ.

#ЧингисХаанБаялгийнСанНэгдэл
Эрдэнэт үйлдвэрийн Үйлдвэрчний Эвлэлийн Холбоо
#ТогтвортойХүнийНөөц
#ҮрАшигтайХамтынАжиллагаа

02/11/2026

✅ Г.Ёндон: “Хөрөнгө оруулалтын ажлууд бодит үр дүнгээ өгч байгаа эсэхийг газар дээр нь үзэж, цаашид анхаарах асуудлуудаа тодорхойлсон үр өгөөжтэй уулзалт боллоо. Эрдэнэт үйлдвэр 2025 онд түүхэндээ анх удаа улсын төсөвт 2.3 их наяд төгрөг төвлөрүүлсэн. Ирэх онд энэ үзүүлэлтийг ахиулж, Үндэсний баялгийн сангийн орлогыг нэмэгдүүлэхэд толгой компанитайгаа нягт хамтран ажиллана.”

#ЧингисХаанБаялгийнСанНэгдэл
Эрдэнэт үйлдвэр ТӨҮГ
#ҮрАшигтайХамтынАжиллагаа

01/11/2026

ХАРИУЦЛАГА, ҮР ДҮНД СУУРИЛСАН УДИРДЛАГЫН ТОГТОЛЦООГ БЭХЖҮҮЛЭХИЙГ ҮҮРЭГ БОЛГОВ

“Чингис хаан баялгийн сан нэгдэл” ХХК-ийн Гүйцэтгэх захирал Б.Даваадалай Дарханы төмөрлөгийн үйлдвэрт ажиллаж, 2026 оны үйл ажиллагааны үр дүн, 2027 оны бизнес төлөвлөгөөтэй холбогдуулж, цаашид хэрэгжүүлэх арга хэмжээний талаар үүрэг даалгавар өгөв.

✅ Компанийн хувьд үйлдвэрлэл, борлуулалтаа тогтвортой өсгөж, үндсэн зорилтот үзүүлэлтүүдээ ханган ажилласан талаар танилцууллаа. Энэ жил хүлээгдэж буй гүйцэтгэлээр Үндэсний баялгийн санд 43.4 тэрбум төгрөг хуримтлуулж, улс орон нутагт 137.1 тэрбум төгрөгийн татвар төлөх юм. Мөн нэгж өртгийг бууруулах чиглэлээр тодорхой ахиц гаргасан байна. Жишээ нь 2027 оны төлөвлөгөөндөө урсгал болон их засварын зардлыг 37 хувиар бууруулж тусгахаар төлөвлөжээ.

✅ Уулзалтын үеэр төрийн өмчит компанийн үр ашиг, засаглалыг сайжруулах бодлогын хүрээнд хөрөнгө, өр төлбөрийн удирдлага, үйлдвэрлэлийн бүтээмж, стратегийн төслүүдийн хэрэгжилтэд онцгой анхаарч ажиллахыг үүрэг болголоо.

✅ Мөн техник, тоног төхөөрөмжийн ашиглалтыг нэмэгдүүлж, үйлдвэрлэлийн хүчин чадлыг бүрэн ашиглах, бүтээгдэхүүний өрсөлдөх чадварыг дээшлүүлэх шаардлагатайг онцлов. Мөн зардлаа бууруулж, ашигт ажиллагааг нэмэгдүүлэх, гүйцэтгэлд суурилсан KPI тогтолцоог нэвтрүүлж, хариуцлага, үр дүнд суурилсан удирдлагын тогтолцоог бэхжүүлэхийг үүрэг болгов.

#ЧингисХаанБаялгийнСанНэгдэл
Дарханы Төмөрлөгийн Үйлдвэр ХХК
#БизнесТөлөвлөгөө

01/11/2026

ЗАСАГЛАЛАА БЭХЖҮҮЛЖ, САНХҮҮГИЙН САХИЛГА БАТЫГ ЧАНГАТГАХ ҮҮРЭГ ӨГӨВ

“Чингис хаан баялгийн сан нэгдэл” ХХК-ийн удирдлагын баг Техникийн багийн зөвлөмжид үндэслэн “Цемент шохой” ХХК-д ажиллаж, үйлдвэрлэлийн үр ашиг, хөрөнгө оруулалтын бодлого, удирдлагын тогтолцоо болон 2026 оны төлөвлөгөөний хэрэгжилт, 2027 оны бизнес төлөвлөгөөг хэлэлцлээ.

✅ Гүйцэтгэх захирал Б.Даваадалай хариуцлага, сахилга батыг сайжруулж, үйл ажиллагааг тодорхой зорилтод төвлөрүүлэх, стратегиа шинэчилж хөрөнгө оруулалтаа оновчтой төлөвлөх шаардлагатайг онцоллоо. Мөн үйлдвэрлэлийн найдвартай ажиллагааг хангах, технологийн шинэчлэлийг эрчимжүүлэх, хөрс хуулалтын хоцрогдлыг бууруулах, авлага болон нөөцийн удирдлагыг сайжруулж мөнгөн хөрөнгийн урсгалыг нэмэгдүүлэх, компанийн засаглалыг бэхжүүлж ажиллахыг үүрэг болгов.

✅ “Цемент шохой” ХХК нь энэ онд 360 мянган тонн цемент, 40 мянган тонн шохой үйлдвэрлэхээр төлөвлөснөөс одоогийн байдлаар 310 мянган тонн цемент, 28.5 мянган тонн шохой үйлдвэрлээд байна.

✅ Компанийн Гүйцэтгэх захирал Ч.Баяраа 2026 онд улсын төсөвт 6.2 тэрбум төгрөг, орон нутгийн төсөвт 3.3 тэрбум төгрөг, нийгмийн даатгалд 14.4 тэрбум төгрөг төвлөрүүлсэн талаар танилцууллаа. Мөн НӨАТ-ын 18 тэрбум төгрөгийн урт хугацааны өглөг нь компанийн тулгамдсан асуудлын нэг хэвээр байгааг дурдав.

✅ Ирэх онд тус компани 350 мянган тонн чулуунцар, 360 мянган тонн цемент, 38 мянган тонн шохой үйлдвэрлэж, 119.7 тэрбум төгрөгийн борлуулалтын орлого, 1.2 тэрбум төгрөгийн цэвэр ашиг олохоор төлөвлөжээ.

Цаашид хүчин чадлаа нэмэгдүүлэхийн тулд:
•Хөргөлтийн усны системийн шинэчлэл •Шохойн чулууны бутлуурын шинэчлэл
•Борлуулалт, ложистикийн төвтэй болох
•Цементийн тээрмийн шинэчлэл
•Шохойн шинэ үйлдвэр
•Вагон, зүтгүүрийн шинэчлэл гэсэн дунд хугацааны зургаан төсөл хэрэгжүүлэхээр төлөвлөж байна.

Эдгээр зорилт, арга хэмжээг хэрэгжүүлснээр үйлдвэрлэлийн үр ашиг, найдвартай ажиллагаа сайжирч, санхүүгийн тогтвортой байдал хангагдаж, өрсөлдөх чадвар нэмэгдэнэ гэж тус компани тооцжээ.

#ЧингисХаанБаялгийнСанНэгдэл
#ЦементШохойХХК
#БизнесТөлөвлөгөө
Цемент шохой ХХК

01/11/2026

✅ Б.Даваадалай: Эрдэнэт үйлдвэрийн 2027 оны бизнес төлөвлөгөөнд зайлшгүй тусгах шаардлагатай хөрөнгө оруулалт болон тулгамдсан асуудлыг газар дээр нь үнэлж байна. Ингэснээр үйлдвэрийн үр ашгийг нэмэгдүүлж, уурхайчдын орлого, нийгмийн баталгааг дээшлүүлэхэд бодит хувь нэмэр оруулах юм.

"Чингис хаан баялгийн сан нэгдэл" ХХК-ийн удирдлага, мэргэжлийн баг Эрдэнэт үйлдвэрт ажиллаж, ирэх оны хөрөнгө оруулалтын төлөвлөгөөг газар дээр нь хэлэлцэв.

#ЧингисХаанБаялгийнСанНэгдэл
Эрдэнэт үйлдвэр ТӨҮГ
#ХөрөнгөОруулалтынӨгөөж

31/10/2026

ЭРДЭНЭТ ҮЙЛДВЭРИЙН ХӨРӨНГӨ ОРУУЛАЛТЫН ҮР ӨГӨӨЖИЙГ ҮЙЛДВЭРЛЭЛИЙН ТАЛБАРТ ХЭЛЭЛЦЛЭЭ

“Чингис хаан баялгийн сан нэгдэл” ХХК-ийн удирдлага, мэргэжлийн баг “Эрдэнэт үйлдвэр” ТӨҮГ-т ажиллаж, энэ оны эхний есөн сарын үйл ажиллагааны үр дүн, хөрөнгө оруулалтын өгөөж болон 2027 оны бизнес төлөвлөгөөний талаар санал солилцлоо.

✅ Ирэх онд төрийн өмчит уул уурхайн компаниудын улсын төсөвт төвлөрүүлэх орлого мэдэгдэхүйц өсөхтэй холбоотойгоор орлого бүрдүүлэх төлөвлөгөө, үйлдвэрлэлийн зорилт, болзошгүй эрсдэлийг урьдчилан тооцож, бэлтгэлээ хангаж байгааг талууд онцлов.

✅ “Эрдэнэт үйлдвэр” ТӨҮГ-ын Ерөнхий захирал Г.Ёндоны мэдээлснээр, энэ оны эхний есөн сарын урьдчилсан гүйцэтгэлээр цэвэр ашгийн төлөвлөгөө 170 гаруй хувиар давж биелсэн бөгөөд оны эцэст 1.7 их наяд төгрөгт хүрэх төлөвтэй байна. Мөн төлөвлөгөөнөөс давуулан 350 гаруй вагон зэсийн баяжмал ачуулсан бөгөөд үлдсэн хугацаанд үйлдвэрлэлийн технологийн тулгамдсан асуудлыг шийдвэрлэх, түлшний үнийн өсөлтийн нөлөөг бууруулах чиглэлд анхаарч ажиллаж байгааг хэллээ.

✅ “Эрдэнэт үйлдвэр” 2025 онд түүхэндээ анх удаа 2.3 их наяд төгрөгийн татвар, төлбөр, ногдол ашгийг улсын төсөвт төвлөрүүлсэн. Энэ оны урьдчилсан гүйцэтгэлээр тус амжилтаа ахиулах төлөвтэй байна.

📌 Г.ЁНДОН: “Компанийн бизнес төлөвлөгөөг зөвхөн тайлан, мэдээлэлд тулгуурлан үнэлэхээс илүүтэйгээр хөрөнгө оруулалт хэрхэн хэрэгжиж, ямар үр дүн өгснийг газар дээр нь үзэж танилцан, ирэх оны төлөвлөгөөг ТУЗ-д хэлэлцүүлэхээс өмнө төслийн шатанд нь дэмжлэг үзүүлж байгаа нь сайшаалтай.”

✅ “Чингис хаан баялгийн сан нэгдэл” ХХК нь хөрөнгө оруулалтын үр өгөөжийг бодит үйлдвэрлэл, санхүүгийн үзүүлэлтээр үнэлж, төрийн өмчит компаниудын бүтээмж, ашигт ажиллагаа, улсын төсөвт оруулах хувь нэмрийг нэмэгдүүлэх чиглэлээр мэргэжлийн дэмжлэг, хамтын ажиллагаагаа эрчимжүүлэн ажиллаж байна.

#ЧингисХаанБаялгийнСанНэгдэл
Эрдэнэт үйлдвэр ТӨҮГ
#ҮрАшигтайХамтынАжиллагаа
#ХөрөнгөОруулалтынҮрӨгөөж

31/10/2026

ТЕХНИКИЙН БАГ “ЭРДЭНЭТ ҮЙЛДВЭР” ТӨҮГ-Т АЖИЛЛАЖ БАЙНА

✅ Техникийн багийн ажлын уулзалт нь үйлдвэрийн 2027 оны бизнес төлөвлөгөө, хөрөнгө оруулалтын төсөл, хөтөлбөрүүдийг нарийвчлан судлах, тулгамдаж буй асуудал, цаашдын хөгжлийн боломжийг тодорхойлох, хоёр байгууллагын хамтын ажиллагааг бэхжүүлэх зорилготой юм.

31/10/2026

"ЦЕМЕНТ ШОХОЙ" ХХК ДАВХАРДСАН ЧИГ ҮҮРГҮҮДИЙГ АРИЛГАЖ, ШИНЭЧЛЭЛИЙН ТӨСЛҮҮДЭЭ ЭРЭМБЭЛЖЭЭ

“Чингис хаан баялгийн сан нэгдэл” ХХК-ийн Гүйцэтгэх захирал Б.Даваадалайн тушаалаар байгуулагдсан Техникийн баг Сэлэнгэ аймгийн Сайхан суманд үйл ажиллагаа явуулж буй “Цемент шохой” ХХК-д ажиллалаа.

Техникийн баг тус компанийн 2026 оны бизнес төлөвлөгөөний хэрэгжилт, 2027 оны бизнес төлөвлөгөөний төсөл, хөрөнгө оруулалтын хөтөлбөр болон үйлдвэрлэлийн үйл ажиллагаанд тулгамдаж буй асуудлуудыг газар дээр нь ярилцаж, дүн шинжилгээ хийв.

“Цемент шохой” ХХК-ийн Гүйцэтгэх захирал Ч.Баяраа бүтээмж, үр ашгийг нэмэгдүүлэх зорилгоор хэрэгжүүлсэн бүтцийн оновчлолын талаар танилцууллаа. Тухайлбал, Хөтөлийн дулаан хангамжийг хариуцдаг охин компани болох “Хөтөл Энержи”-ийн үйл ажиллагааг нэгтгэн зохион байгуулж, захиргааны орон тоог бууруулснаар зардлаа хэмнэжээ.

Мөн компанийн дунд болон урт хугацааны хөгжлийг дэмжих дараах төслүүдийг танилцуулав. Үүнд:
• Шохойн чулууны бутлуурын шинэчлэл
• Борлуулалт, ложистикийн төв байгуулах төсөл
• Цементийн тээрмийн шинэчлэл
• Жилд 100 мянган тонн хүчин чадалтай шохойн үйлдвэр байгуулах төсөл
• Зүтгүүр, вагон шинэчлэх төсөл

Техникийн баг үйлдвэрлэлийн үр ашгийг нэмэгдүүлэх, хөрөнгө оруулалтын өгөөжийг сайжруулах, бизнес төлөвлөлтийг бодит тооцоо, эрсдэлийн үнэлгээнд суурилан боловсруулах чиглэлээр зөвлөмж өгч, 2027 оны зорилт, төлөвлөгөөг үр дүнтэй хэрэгжүүлэхэд илүү нягт хамтран ажиллахаар болов.

“Чингис хаан баялгийн сан нэгдэл” ХХК нь харьяа компаниудын бүтээмж, өрсөлдөх чадвар, ашигт ажиллагааг нэмэгдүүлэх, Үндэсний баялгийн санд төвлөрүүлэх орлогыг өсгөх зорилтын хүрээнд газар дээр нь ажиллаж, дэмжлэг үзүүлэх ажлыг үе шаттай хэрэгжүүлж байна.

#ЧингисХаанБаялгийнСанНэгдэл
#ЦементШохойХХК

31/10/2026

ТЕХНИКИЙН БАГ ДАРХАНЫ ТӨМӨРЛӨГИЙН ҮЙЛДВЭРТ АЖИЛЛАЛАА

“Чингис хаан баялгийн сан нэгдэл” ХХК-ийн Гүйцэтгэх захирал Б.Даваадалайн тушаалаар байгуулагдсан Техникийн баг төвийн бүсийн харьяа уул уурхайн компаниудад ажиллаж байна.

Техникийн баг газар дээр нь ажиллаж, тухайн байгууллагуудын үйл ажиллагааны өнөөгийн нөхцөл байдал, тулгамдаж буй асуудал, хөгжлийн боломжийн талаар мэдээлэл солилцох юм. Мөн ирэх оны бизнес төлөвлөгөөний төсөл, цаашдын хөгжлийн боломжуудыг үнэлэн ажиллах зорилготой юм.

Энэ хүрээнд Техникийн баг “Дарханы төмөрлөгийн үйлдвэр” ХХК-д ажиллаж, компанийн үйл ажиллагааны үр дүн, 2027 оны бизнес төлөвлөгөөний төсөл болон тулгамдаж буй асуудлуудын талаар үйлдвэрийн удирдлагуудтай мэдээлэл солилцов.

Уулзалтаар хаягдал төмрийн тогтвортой нөөц бүрдүүлэх, тэсрэх бодисын нөөцийг нэмэгдүүлэх, геологийн хайгуулын ажлын үр дүнг эрчимжүүлэх, нойтон баяжуулах үйлдвэрийн асуудлаар холбогдох судалгаа, үнэлгээг үргэлжлүүлэх зэрэг асуудлыг ярилцав. Түүнчлэн нэгдлийн харьяа компаниудын хамтын ажиллагааг өргөжүүлж, дотоод нөөц боломжийг үр ашигтай ашиглах замаар дээрх асуудлуудыг шийдвэрлэх боломжийг судлахаар тогтлоо.

Тус үйлдвэр түлшний нөөцийн савтай болох, вагоны тоог нэмэгдүүлэх, тоног төхөөрөмж, техникийн их засвар, хөргөлтийн үйлдвэрийн судалгаа эхлүүлэх, гангийн үйлдвэрийн өргөтгөл шинэтгэлийн ТЭЗҮ хийж дуусгах зэрэг томоохон ажлуудыг хийж гүйцэтгэхээр ирэх оны бизнес төлөвлөгөөний төсөлдөө тусгажээ.

Техникийн багийн зүгээс үйлдвэрийн ашигт ажиллагааг нэмэгдүүлэх, өртөг зардлыг оновчтой удирдах, үр ашиггүй зардлыг бууруулах, хөрөнгө оруулалтын өгөөжийг сайжруулах чиглэлээр хэд хэдэн зөвлөмж өгөв. Мөн 2027 оны бизнес төлөвлөгөөг бодит хэрэгцээ, зах зээлийн нөхцөл байдал, үйлдвэрлэлийн чадавхтай нягт уялдуулан боловсруулах шаардлагатайг онцоллоо.

#Чингисхаанбаялгийнсаннэгдэл
#Дархантөмөрлөгийнүйлдвэр

30/10/2026

Пүрэв гарагт Монголын Хөрөнгийн Биржид “Монгол Улсын 2027 оны эдийн засаг, хөрөнгө оруулалтын төлөв” сэдэвт хэлэлцүүлэг боллоо.

Хэлэлцүүлэгт “Чингис хаан баялгийн сан нэгдэл” ХХК-ийн Төслийн удирдлагын газрын дарга Б.Баярдаваа панелистаар оролцож, нэгдлийн 2027 оны үйл ажиллагааны чиглэл, шинэчлэлийн бодлогыг танилцууллаа.

Тэрбээр “Чингис хаан баялгийн сан нэгдэл” нь Монгол Улсын ДНБ-ий 30 орчим хувьтай тэнцэх хэмжээний актив удирдаж байгааг онцлоод, төрийн өмчит уул уурхайн компаниудын толгой байгууллагын хувьд төрийн өмчит компаниудын шинэчлэлийг манлайлан хэрэгжүүлэх зорилт тавин ажиллаж буйг дурдлаа.

Алдагдалтай ажиллаж байсан 14 компанийг төрийн өмчит компанийн шинэчлэлийн хүрээнд татан буулгаснаар жил бүр 70 орчим тэрбум төгрөгийн зардал хэмнэх боломж бүрдсэнийг мөн онцлов.

#ЧингисХаанБаялгийнСанНэгдэл

Address

Chinggis Khaan Sovereign Wealth Fund Holding, Baga Toiruu, 1st Khoroo Chingeltei District
Ulaanbaatar
15160

Opening Hours

Monday	09:00 - 17:00
Tuesday	09:00 - 17:30
Wednesday	09:00 - 17:30
Thursday	09:00 - 17:00
Friday	09:00 - 17:30

Telephone

+97675553399

Website

http://www.chinggiskhaanswf.mn/

Alerts

Be the first to know and let us send you an email when Erdenes Mongol posts news and promotions. Your email address will not be used for any other purpose, and you can unsubscribe at any time.