MGL FOREX Broker

Home
Mongolia
Ulaanbaatar
MGL FOREX Broker

Call Directions Website Contact the business

Монголын онлайн форекс брокер. Forex, Stocks, Metals, Index, Energy, Cryptocurrency бүтээгдэхүүнийг арилжаална. Монголын анхны онлайн форекс брокер.

Forex, Metals, CFD, Energy бүтээгдэхүүнийг арилжаална.

30/10/2026

Японы Төв банк бодлогын хүүгээ хүлээлтийн дагуу 1.25%-д хэвээр үлдээлээ

Японы Төв банк (BoJ) богино хугацааны бодлогын хүүгээ 1.25% орчимд хэвээр хадгалах шийдвэрийг 8:1 саналын харьцаагаар гаргалаа.

- Таката хүү нэмэх санал гаргав. Суурь инфляц 2%-ийн зорилтот түвшинд хүрсэн гэж үзэн бодлогын хүүг 1.5% болгон нэмэгдүүлэх санал гаргасан ч дэмжигдсэнгүй.

- Хүүг бууруулах чиглэлийн санал гарсангүй. Хурлын өмнө иений ханшид эрсдэл учруулж болзошгүй гэж анхааруулж байсан зөөлөн мөнгөний бодлогыг дэмжсэн эсрэг санал гараагүй нь иений хувьд эерэг дохио болов.

- ETF-ийн борлуулалтын хурдыг нэмэгдүүлэв. Банкны удирдах зөвлөл биржээр арилжаалагддаг сангуудын (ETF) жилийн борлуулалтыг дансны үнэлгээгээр 330 тэрбум иенээс 860 тэрбум иен орчим болгон нэмэгдүүлэх шийдвэрийг санал нэгтэй гаргалаа.

- Шинэ зохицуулалт 2027 оны нэгдүгээр сараас хэрэгжинэ. Харин үл хөдлөх хөрөнгийн хөрөнгө оруулалтын сангуудын (J-REIT) борлуулалтын хэмжээ өөрчлөгдөхгүй.

- Зах зээлийн анхаарал дараагийн мэдээлэлд төвлөрч байна. Одоо хөрөнгө оруулагчид Японы Төв банкны эдийн засгийн төлөв байдлын тайлан (Outlook Report) болон ерөнхийлөгч Казүо Үэдагийн хэвлэлийн бага хурлыг анхааралтай ажиглаж байна.

28/10/2026

Австралийн Төв банкны тэргүүн Буллок: Инфляц хэт өндөр түвшинд байна

Австралийн Нөөцийн банкны (RBA) ерөнхийлөгч Мишель Буллок гуравдугаар улирлын хэрэглээний үнийн индекс (CPI) нийтлэгдсэний дараа Сенатын хороонд мэдүүлэг өгөхдөө Австралийн инфляц хэт өндөр түвшинд байгааг онцоллоо.

- Инфляц өсөх эрсдэл өндөр байна:
Буллокын хэлснээр, шинээр нийтлэгдсэн эдийн засгийн мэдээллүүд инфляц цаашид өсөх эрсдэл байгааг харуулж байна. Мөн нийлүүлэлтийн гэнэтийн доголдлоос үүссэн үнийн өсөлтийн нөлөөг мөнгөний бодлогын шийдвэр гаргахдаа бүрэн үл тоомсорлох боломжгүй гэж мэдэгджээ.

- Дотоодын эрэлт нийлүүлэлтээс давсан хэвээр байна: Австралийн дотоодын эрэлт дотоодын нийлүүлэлтээс өндөр хэвээр байгааг Буллок онцолсон. Гэхдээ 11-р сарын 2–3-нд болох RBA-ийн Удирдах зөвлөлийн хурлаар ямар шийдвэр гаргах талаар урьдчилан чиглэл өгөхөөс татгалзжээ.

- RBA-ийн удирдлагуудын байр суурь:
Төв банкны дэд ерөнхийлөгч Эндрю Хаузер CPI-ийн үзүүлэлт хүлээлттэй нийцсэн боловч хэт өндөр хэвээр байгааг мэдэгдсэн. Харин туслах ерөнхийлөгч Сара Хантер инфляцын үзүүлэлт RBA-ийн наймдугаар сард тооцоолж байснаас өндөр гарсныг онцолжээ.

- Эдийн засгийн уналт болохгүй гэж үзэж байна:
Сара Хантер Австралийн эдийн засаг рецесс буюу эдийн засгийн уналтад орно гэж хүлээхгүй байгаагаа илэрхийлсэн байна.

- Инфляцын үзүүлэлт хүлээлтээс давлаа:

Гуравдугаар улирлын суурь инфляцыг илэрхийлэх Trimmed Mean CPI жилийн 3.7%-д хүрч, зах зээлийн 3.6%-ийн хүлээлтээс өндөр гарчээ. Мөн есдүгээр сарын ерөнхий инфляц (Headline CPI) жилийн 4.3%-д хүрсэн байна.

28/10/2026

АНУ 11-р сарын 3-ны сонгуулийн дараа Ираны эсрэг богино хугацааны, хүчтэй цэргийн ажиллагаа явуулж болзошгүйг Персийн булангийн орнуудад анхааруулжээ

АНУ 11-р сарын 3-нд болох Конгрессын завсрын сонгуулийн дараа Ираны эсрэг богино хугацаанд эрчимтэй цэргийн ажиллагаа явуулж болзошгүй тул бэлтгэлтэй байхыг Персийн булангийн Арабын хэд хэдэн улсад анхааруулсан талаар The Wall Street Journal мэдээлжээ.

- Трамп Ираны эсрэг томоохон цохилт өгөх хувилбарыг авч үзэж байна:

Трампын байр суурийг мэдэх эх сурвалжуудын мэдээлснээр, тэрээр Ираны дэд бүтэц болон цөмийн байгууламжуудад өргөн хүрээний цэргийн цохилт өгөх тал руу хэлбийж байгаа ч эцсийн шийдвэрээ хараахан гаргаагүй байна.

- АНУ Ойрхи Дорнод дахь цэргийн хүчээ нэмэгдүүлж байна:

АНУ бүс нутагт Patriot агаарын довтолгооноос хамгаалах систем шилжүүлж, зэвсэг, сумны нөөцөө нөхөн бүрдүүлж байна. Мөн аль хэдийн байрлуулсан 20 орчим байлдааны хөлөг онгоцон дээр нэмээд нисэх онгоц тээгч хөлөг тэргүүтэй цохилтын бүлгийг илгээж байна. Израил ч мөн цэргийн цохилт өгөх төлөвлөгөө боловсруулжээ.

- Цагаан ордон бүх хувилбар нээлттэй хэвээр байгааг мэдэгдэв:

Цагаан ордон цэргийн ажиллагааны төлөвлөгөөний талаар тайлбар өгөхөөс татгалзсан. Гэхдээ Ираныг цөмийн зэвсэгтэй болохоос сэргийлэхийн тулд боломжит бүх хувилбарыг авч үзэж байгааг онцолжээ.

- Иран хариу цохилт өгөхөө анхааруулав:
Ираны тал цэргийн ажиллагаа эхэлбэл бүс нутгийн эдийн засгийн болон иргэний зориулалттай объектуудад цохилт өгнө гэж анхааруулсан байна. Ираны зэвсэглэлд хэдэн зуугаас хэдэн мянга хүртэлх тооны пуужин байсаар байгаа гэж мэдээлжээ.

- Дипломат хэлэлцээг сэргээх оролдлого үргэлжилж байна:

Зуучлагч орнууд АНУ, Ираны хоорондын хэлэлцээг дахин эхлүүлэхээр ажиллаж байгаа боловч одоогоор мэдэгдэхүйц ахиц гараагүй байна.

27/10/2026

Японы Сангийн сайд Катаяма иений ханшийг хамгаалахын тулд шийдэмгий арга хэмжээ авахад бэлэн байгаагаа анхаарууллаа

Японы Сангийн сайд Катаяма валютын зах зээлд шаардлагатай тохиолдолд шууд оролцож, иений ханшийг хамгаалах арга хэмжээ авахад Токио бэлэн байгааг дахин мэдэгдлээ.

Тэрээр өнөөдөр зах зээлд хандан дахин анхааруулга өгч, Японы Засгийн газар валютын ханшийн хөдөлгөөнийг анхааралтай ажиглаж байгааг онцолжээ.

- Шийдэмгий арга хэмжээ авахад бэлэн:
Японы Засгийн газар валютын зах зээлд шаардлагатай тохиолдолд шийдэмгий арга хэмжээ авахад бэлэн байна.

- Зах зээлийг өндөр сонор сэрэмжтэй ажиглаж байна:
Валютын зах зээлийн хөдөлгөөнийг өндөр түвшний сонор сэрэмжтэйгээр байнга ажиглаж байгаа бөгөөд яг одоо ч анхааралтай хянаж байна.

- Иений ханш эдийн засгийн суурь үзүүлэлттэй нийцэх ёстой: Японы иений ханшийн хөдөлгөөн нь эдийн засгийн бодит суурь хүчин зүйлсийг тусгасан байх шаардлагатай.

- Зах зээлийн итгэлийг хадгалах:
Ил тод, тууштай мэдээлэл өгөх замаар иений ханш болон Такаичигийн Засгийн газрын төсөв, санхүүгийн бодлогод итгэх зах зээлийн итгэлийг хадгалахыг зорьж байна.

26/10/2026

Европын Төв банк бодлогын хүүгээ 2.50%-д хэвээр хадгалах төлөвтэй. Morgan Stanley 12-р сарыг хүүг дахин нэмэгдүүлэх хамгийн тохиромжтой үе гэж үзэж байна

Европын Төв банк (ECB) 9-р сард бодлогын хүүгээ нэмэгдүүлсний дараа энэ пүрэв гарагийн хурлаар хадгаламжийн хүүгээ 2.50%-д хэвээр хадгалах төлөвтэй байна.

- ECB бодлогын хүүгээ хэвээр хадгалах төлөвтэй:
Европын Төв банк пүрэв гарагт мөнгөний бодлогын шийдвэрээ зарлана. Есдүгээр сард хүүгээ нэмэгдүүлсний дараа энэ удаад хадгаламжийн хүүг 2.50%-д хэвээр үлдээнэ гэсэн хүлээлт давамгайлж байна.

- Morgan Stanley-ийн байр суурь:
Эрчим хүчний үнийн огцом өсөлт бусад бараа, үйлчилгээний үнэ болон цалингийн өсөлтөд мэдэгдэхүйц дам нөлөө үзүүлж эхэлсэн нотолгоо одоогоор алга байна. Мөн урт хугацааны бондын өгөөж өссөн нь санхүүгийн нөхцөлийг нэмэлтээр чангаруулж байгаа тул энэ долоо хоногт хүү нэмэх яаралтай шаардлагагүй гэж үзжээ.

- 12-р сард хүү нэмэх магадлал өндөр:
Morgan Stanley-ийн үзэж байгаагаар эдийн засгийн шинэ мэдээлэл болон шинэчилсэн төсөөллүүд гарах 12-р сар нь бодлогын хүүг өөрчлөх илүү тохиромжтой үе юм. Reuters агентлагийн санал асуулгад оролцсон 73 эдийн засагчийн 64 нь 12-р сард хүү нэмнэ гэж таамаглажээ.

- Бусад банкуудын таамаглал:
ING банк Францын төсвийн хямрал болон бондын өгөөжийн өсөлт нь санхүүгийн нөхцөлийг аль хэдийн чангаруулж байгааг онцолсон. Харин Commerzbank 12-р сард хүүг нэг удаа нэмэгдүүлж, 2.75%-д хүргээд, 2027 оны турш энэ түвшинд хадгална гэж таамаглаж байна.

- Лагардын хэвлэлийн бага хурал:
ECB-ийн ерөнхийлөгч Кристин Лагардын хэвлэлийн бага хурлыг хөрөнгө оруулагчид анхааралтай ажиглана. Учир нь түүний мэдэгдлээс бодлогын хүүг цаашид нэмэгдүүлэх эсэх талаар дохио авахыг зах зээл хүлээж байна.

- Эдийн засгийн чухал мэдээллүүд:
Баасан гарагт Евро бүсийн гуравдугаар улирлын ДНБ-ий урьдчилсан үзүүлэлт болон Франц, Герман зэрэг орнуудын 10-р сарын инфляцийн мэдээлэл нийтлэгдэнэ. Үүнээс гадна Германы Ifo бизнесийн итгэлийн индекс даваа гарагт, GfK хэрэглэгчдийн итгэлийн индекс лхагва гарагт, Евро бүсийн эдийн засгийн итгэлийн судалгаанууд пүрэв гарагт гарахаар байна.

26/10/2026

Маск: SpaceX GPU худалдан авах 40 тэрбум долларын өрийн санхүүжилтийн хэлцлээ дуусгалаа. Neocloud компаниудын зах зээлд томоохон өөрчлөлт гарна

- 40 тэрбум долларын санхүүжилт:
Илон Маск ням гарагт мэдэгдэхдээ, SpaceX компани 2027 оны эхний болон хоёрдугаар улиралд нийлүүлэгдэх GPU буюу график процессоруудыг санхүүжүүлэх зорилгоор 40 тэрбум ам.долларын өрийн санхүүжилтийн хэлцлээ эцэслэсэн гэжээ. Санхүүжилтийн дийлэнх нь хугацаанаас өмнө эргүүлэн төлөх боломжтой нөхцөлтэй боловч санхүүжилтийн өртөг, хүүгийн нөхцөлийг эцэслэн тохиролцсон эсэх нь тодорхойгүй байна.

- SpaceX-ийн санхүүгийн давуу тал:
Маск энэхүү томоохон санхүүжилтийг татах боломж бүрдсэн нь SpaceX-ийн хөрөнгө оруулалтын зэрэглэлийн зээлжих үнэлгээ болон Starlink, сансрын хөөргөлтийн үйлчилгээний тогтвортой орлоготой холбоотой гэж тайлбарлав. SpaceX дөрөвдүгээр улирлын хөрөнгийн зардлаа (CapEx) 35–40 тэрбум ам.долларт хүрнэ гэж тооцоолж байна.

- AI үүлэн үйлчилгээний компаниудад эрсдэл нэмэгдэж байна: Маскийн хэлснээр, AI дата төвөөс өөр томоохон орлогын эх үүсвэргүй компаниудад өрийн санхүүжилт татах боломж эрс хумигджээ. Тэрээр 200 гаруй Neocloud компанийн зарим нь дампуурч, бусад нь нэгдэх замаар зах зээлд томоохон өөрчлөлт явагдана гэж таамаглаж байна. SpaceX эдгээр компаниудын алийг нь ч худалдан авахгүй гэдгийг мөн мэдэгджээ.

- AI бизнесийн огцом өсөлт:
Мэдээлэлд дурдсанаар, SpaceX-ийн хиймэл оюуны салбар компанийн хамгийн том бизнес болжээ. Гуравдугаар улирлын орлого нь өмнөх үеийн харьцуулах үзүүлэлтээс ойролцоогоор 9 дахин өсөж, 7.6 тэрбум ам.долларт хүрсэн байна.

26/10/2026

Алтны үнэ 4,000 ам.доллараас доош унав: ETF-ийн худалдан авалтаас давсан LONG байрлалын хаалт үнийг унагасан гэж Saxo Bank үзэж байна

- Алтны үнийн уналт:
Saxo Bank-ийн мэдээлснээр АНУ-ын Засгийн газрын бондын үнэ хүчтэй өсөж байсан ч алтны үнэ буурсан нь анхаарал татаж байна. Өгөөж буурах үед алтны үнэ ихэвчлэн дэмжлэг авдаг. Гэвч энэ удаад өсөлтийн эрч сулрахтай холбоотой борлуулалт болон LONG байрлалуудыг олноор хаасан нь энэхүү дэмжлэгээс илүү хүчтэй нөлөөлжээ.

- Алт 4,000 ам.доллараас доошиллоо:
Пүрэв гарагт алтны үнэ 4,060 ам.долларын орчмын дэмжлэгийн түвшинг сэтэлсний дараа техникийн шинжилгээнд суурилсан борлуулалт эрчимжсэн. Улмаар спот алтны үнэ түр хугацаанд 4,000 ам.доллараас доош унаж, сүүлийн хэдэн сарын хамгийн огцом долоо хоногийн уналтаа үзүүлэх төлөвтэй байна.

- Мөнгөний үнэ мөн буурав:
Мөнгөний үнэ 54 ам.доллар орчимд хүрч, сүүлийн 11 сарын хамгийн доод түвшинд ойртжээ. Үүний улмаас алт, мөнгөний үнийн харьцаа (Gold/Silver Ratio) 74-өөс давж, мөн сүүлийн 11 сарын хамгийн өндөр түвшинд хүрсэн байна.

- ETF-ийн хөрөнгө оруулагчид алт худалдан авсаар байна: Долдугаар сараас хойш алтанд хөрөнгө оруулдаг ETF сангуудын хөрөнгө оруулагчид бараг тасралтгүй алтны эзэмшлээ нэмэгдүүлсээр иржээ. Saxo Bank-ийн үзэж байгаагаар одоогийн үнийн залруулга нь алтны урт хугацааны өсөлтийг дэмжих үндсэн хүчин зүйлс үгүй болсон гэсэн үг биш юм.

- Техникийн чухал түвшнүүд:
Алтны үнийн өсөх чиглэлийн тренд шугамын ойролцоох 3,985 ам.доллар нь гол дэмжлэгийн түвшин болж байна. Харин 4,060 ам.доллар болон түүнээс дээших 4,230 ам.доллар нь эсэргүүцлийн түвшнүүд юм.

26/10/2026

Японы Төв банк бодлогын хүүгээ 1.25%-д хэвээр хадгалах ч Үэда цаашид хүүг нэмэгдүүлэх дохио өгч байна

Японы Төв банк (BOJ) 10-р сарын 29–30-ны хурлаараа бодлогын хүүгээ 1.25%-д хэвээр хадгалах төлөвтэй байна. BOJ-ийн ерөнхийлөгч Казүо Үэда хүүг дараалсан хурлуудаар нэмэгдүүлэх шаардлагагүй ч саармаг түвшин (neutral rate) хүртэл мөнгөний бодлогыг цаашид чангаруулах шаардлагатайг илэрхийлжээ.

- Бодлогын хүү: Японы Төв банк 9-р сард болсон хурлаараа 7:2 саналын харьцаагаар бодлогын хүүгээ 1.00%-аас 1.25% болгон нэмэгдүүлсэн. Харин 10-р сарын 29–30-ны хурлаар хүүгээ 1.25%-д хэвээр хадгалах төлөвтэй байна.

- Уэдагийн байр суурь: Уэда бодлогын хүүг дараалсан хурлуудаар нэмэгдүүлэх шаардлагагүй гэж мэдэгдсэн. Гэхдээ суурь инфляц 2%-д ойртсон тул үнийн өсөлт цаашид нэмэгдэхийг Төв банк хүлээн зөвшөөрөх боломжгүй бөгөөд инфляцыг зорилтот түвшний орчимд тогтворжуулах шаардлагатай гэж онцолжээ.

- Хүүгийн цаашдын төлөв: Бодлогын хүүг 12-р сар эсвэл 1-р сард 1.50%, дараа нь 3-р сар эсвэл 4-р сард 1.75% хүртэл нэмэгдүүлэх нь хамгийн магадлалтай хувилбар гэж үзэж байна.

- BOJ-ийн гишүүдийн байр суурь: Мөнгөний хатуу бодлогыг дэмжигч Такада болон Тамүра нар баасан гарагт болох хурлаар хүүг дахин нэмэгдүүлэх асуудлыг хөндөж магадгүй. Ингэснээр 12-р сарын 17–18-ны хурлаар хүү нэмэх боломж бүрдэнэ. Харин мөнгөний зөөлөн бодлогыг дэмжигч Асада болон Сато нар сүүлийн үеийн хүүгийн өсөлтүүдийг эсэргүүцэн санал өгсөн байна.

- Эдийн засгийн үзүүлэлтүүд: Токиогийн 10-р сарын хэрэглээний үнийн индекс (CPI) гол хэмжүүрүүдээрээ 2.7–2.8% байх төлөвтэй байна. Үүнээс гадна 9-р сарын хөдөлмөр эрхлэлт, аж үйлдвэрийн үйлдвэрлэл болон жижиглэн худалдааны борлуулалтын мэдээллүүд нийтлэгдэхээр байна.

26/10/2026

Энэ долоо хоногийн анхаарвал зохих улаанаар тэмдэглэсэн онцгой өндөр импакт бүхий мэдээнүүдийг болон биржийн хаалттай цагуудыг анхаарч арилжаандаа оролцоно уу.
Мэдээ гарах үеэр spread тэлэх, gap үүсэх, хүчтэй хөдөлгөөн үзүүлэх, re-quote, off-quote үүсэх, зах зээлийн бус хөдөлгөөн гарах зэргээс урьдчилан сэргийлнэ үү

23/10/2026

Зеленский: Украин НАТО-д элсвэл Орос хүртэл илүү аюулгүй болно

Украины Ерөнхийлөгч Владимир Зеленский Украин НАТО-д элссэнээр Орос улс илүү аюулгүй болно гэж үзэж байна.

Зеленскийн үзэж буйгаар Украин НАТО-гийн гишүүн болох нь тус улсыг эвслийн гадна байлгаснаас Оросын аюулгүй байдалд илүү ашигтай ажээ.

-Оросуудад хүртэл Украин НАТО-д элсэх нь хэрэгтэй гэж би бодож байна. Учир нь Украин НАТО-гийн гадна үлдсэнээс тус эвсэлд элссэнээр Оросын аюулгүй байдал илүү сайн хангагдана.”

хэмээн мэдэгджээ.

Харин уг мэдэгдлийг шүүмжилсэн нийтлэгч:

“Найз минь, чамд хэн ийм зүйл хэлэхийг зөвлөснийг мэдэхгүй юм. Гэхдээ энэ бол чиний хэлж байсан хамгийн ухаалаг үгсийн нэг лав биш байна” гэж ёжилжээ.

Address

Төв шуудангийн баруун талд Экспресс тауэр 12-р давхарт 1201 тоот
Ulaanbaatar
15160

Telephone

97670177170

Website

http://www.mglforex.mn/, https://www.skool.com/mgl-forex-academy-8249/about

Alerts

Be the first to know and let us send you an email when MGL FOREX Broker posts news and promotions. Your email address will not be used for any other purpose, and you can unsubscribe at any time.