26/04/2020
ХАРИЛЦАГЧДАД ӨГӨХ ЗӨВЛӨГӨӨ
Өдрийн мэнд, та бүхэнд дараах 7 мэдээлэл зөвлөгөөг хүргэе. Олон хүмүүс асуулт асууж байна. Их ачаалалтай холбоотой бүгдэд нь хариулт өгөх боломжгүй байгаа тул та бүхэн анхааралтай уншиж танилцаарай.
1. Үнэт цаасны данс хэд хоногт нээгддэг вэ?
Хүсэлт гаргасны дараа та зааврын дагуу гүйлгээний утгад регистрээ криллээр, утасны дугаарын хамт бичин үйлчилгээний хураамж төлсөн бол АЖЛЫН 1-3 ӨДӨРТ багтан нээгддэг. Бид таны хүсэлтийг бүртгэн төлбөрийг баталгаажуулсны дараа Үнэт Цаасны Төвлөрсөн Хадгаламжийн Төв рүү илгээдэг. Тус байгууллага таны мэдээллийг бүртгэснээр таны данс эцэслэгдэж нээгддэг. Тус төвийн ачаалал их байгаагаас данс нээгдэх хугацаа 1-2 хоног хэтрэх тохиолдол гарсан. Улсын бүртгэлийн мэдээлэлтэй харилцагчийн мэдээлэл зөрсөн, овог эсвэл нэрээ урьд өмнө нь солиулж байсан, өмнө нь харилцсан брокерийн компани таны хүсэлтийг илгээсэн ч данс нээгдээгүйгээс болж манай компаниас илгээсэн таны данс нээх хүсэлтийг авахгүй байх гэх мэт асуудлаас болж хугацаа хойшлох тохиолдлууд гардаг. Бид эдгээр харилцагчдын асуудлыг шийдэн дансыг нээхээр ажиллаж байгаа. Тун удахгүй тэдгээр иргэдийн данс нээгдэнэ. Данс нээгдсэний дараа бид танд мессежээр мэдэгдэнэ.
2. Төлбөрөө төлсөн ч ТӨЛБӨР ТӨЛӨӨГҮЙ БАЙНА гэсэн мессеж ирсэн харилцагчдад
Гүйлгээний утга дээр ДАНС НЭЭЛГЭЖ БАЙГАА ХҮНИЙ РЕГИСТР /КРИЛЛ ҮСГЭЭР/, УТАСНЫ ДУГААР зэргийг бичсэн байх шаардлагатай байгаа. Харилцагчид аль нэгийг нь бичих, буруу, дутуу бичих, эсвэл зарим банкнаас хамааран зөв гүйлгээний утга бичсэн ч манайд өөр тэмдэгт болон ирдгээс хамаарч програм автоматаар таны гүйлгээг тулгаж чаддаггүй. Иймээс програмаас автоматаар танд ТӨЛБӨР ТӨЛӨӨГҮЙ БАЙНА гэсэн мессеж илгээгддэг. Манай ажилтнууд өдөр бүр гүйлгээний утга алдаатай гүйлгээнүүдийг тулган холболт хийдэг ба тэгж холбогдсон харилцагчдад ТӨЛБӨР АМЖИЛТТАЙ ТӨЛӨГДЛӨӨ гэсэн мессеж очдоггүй. Тэдгээр харилцагчид данс нээх үйл ажиллагаа ямар шатанд явж байгаагаа шалгах зааврыг 4 дугаарын зөвлөгөөнөөс авна уу. Данс нээгдсэний дараа бид танд мессежээр мэдэгдэнэ.
3. Данс нээгдсэн гэсэн мессеж ирсэн ч шалгахад дансгүй гэж гарч ирсэн харилцагчдад
Улс орон даяар данс нээх ажил идэвхтэй өрнөж байгаа үед Үнэт Цаасны Төвлөрсөн Хадгаламжийн Төв буюу Монгол улсад нээгдэж байгаа бүх үнэт цаасны дансыг нээж хадгалдаг газрын ачаалал маш их байгаа, мөн системийн шинэчлэл, улсын бүртгэлийн мэдээлэл нэмэх зэрэг ажлууд тус байгууллагад хийгдэж байгаатай холбоотой иргэдийн ДАНС НЭЭГДСЭН Ч шалгахад нээгдсэн гэдэг нь харагдахгүй байх, ҮЦТХТ рүү илгээсэн ч нээгдэхгүй 1-2 хонох гэх мэт асуудлууд тулгарч байна. Манай компанийн зүгээс харилцагчдынхаа мэдээллийг тухай бүрт илгээж байгаа ба данс нээгдсэн эсэхийг хэрхэн шалгахыг дараах мэдээллээс уншина уу.
4. Данс нээгдсэн эсэхийг хэрхэн шалгах вэ?
Та ҮЦТХТ-ийн веб сайт net.schcd.mn/registration цахим хаягт хандах, эсвэл тус төвийн 158989 дугаарт регистрийн дугаараа илгээн шалгах боломжтой. Тус байгууллагын ачаалал их байгаатай холбоотой таны данс нээгдсэн ч 1 өдөртөө шалгахад нээгдээгүй байх тохиолдол гарч байна.
Тэгэхээр та бүхэн www.goodsec.mn/login хаягт хүсэлт гаргасны дараа өгсөн нэвтрэх, нэр нууц үгийн тусламжтай нэвтрэн, төлбөр төлөгдсөн эсэх, Үнэт Цаасны Төвлөрсөн Хадгаламжийн Төв рүү илгээгдсэн эсэх, данс нь нээгдсэн эсэхээ шалгах боломжтой. Нэвтэрч чадахгүй байгаа харилцагчдын хувьд нууц үг мартсан сонголтоор нууц үгээ шинэчлэх боломжтой. Нэвтэрч орсон ч Төлбөр бүртгэгдээгүй буюу ШИНЭ гэсэн төлөвтэй байвал та дараах зааврын дагуу манайд хандаж хүсэлт илгээгээрэй.
Эрдэнэс Тавантолгой ХК-ийн аппликейшн МЭДЭЭЛЛЭЭ ШИНЭЧЛЭХГҮЙ БАЙГАА учраас таныг данстай байсан ч дансгүй хэмээн гаргаж байгаа тул дээрх заавруудаар шалгахыг зөвлөж байна.
5. Танд асуудал, тодорхойгүй зүйл тулгарвал яах ёстой вэ?
Манай мессенжер автомат хариулагч болох m.me/goodsecmongolia дээр дарж санал хүсэлт рүү орон ямар асуудал тулгарснаа илгээх боломжтой. Бид шалган хариу өгөх болно.
6. Хүүхэд, гадаадад байгаа, банкны дансгүй иргэд яах вэ? Банкны данс яагаад чухал вэ?
Харилцагч бүр өөрийн нэр дээрх банкны дансыг бүртгүүлэх шаардлагатай. Хүүхэд байсан ч хүүхдийн өөрийн нэр дээрх банкны дансыг холбох шаардлагатай. Ногдол ашиг 5-р сарын 1-ний өдрөөс хойш ҮНЭТ ЦААСНЫ ДАНСТАЙГАА холбосон ӨӨРИЙН НЭР ДЭЭРХ АРИЛЖААНЫ БАНКНЫ ДАНС РУУ шилжин орно. Арилжааны банкны дансгүй иргэд буюу хүүхэд, гадаадад байгаа иргэн, хөдөө орон нутгийн иргэд өөрийн нэр дээр банкны данстай болж холбуулсны дараа тухайн дансандаа авах боломжтой. Тэр болтол хувьцааны ногдол ашиг үнэт цаасны дансанд нь хадгалагдах болно. Бид банкны түр дансыг онлайнаар нээх талаар зарим арилжааны банктай хамтран ажиллахаар судлаж байна.
7. Банкны данс холбуулаагүй, буруу өгсөн иргэд хэрхэн холбох, засах вэ?
Дараах хаяг дээр дарж мессенжерээр автомат хариулагчтай холбогдон холбосон банкны дансаа харах, буруу данс холбосон байвал засах, дансаа холбуулаагүй иргэд дансаа холбох боломжтой. m.me/goodsechelp дарж орон шалгах дээр дарж регистрээ КРИЛЛ ҮСГЭЭР оруулах шаардлагатай.
