28/08/2026
"Аав минь социализмын үед Хүнсний нэгийн ард суудаг, дарга нарын гэргий нарт зориулж импортынхоос ч илүү чанартай гутал хийж өгдөг 'Нарангарав гуталчин' гэж хүн байлаа. Хуучны хүмүүс бол андахгүй дээ. Бид эцэг эхээс долуулаа. Ах эгч нар маань цэрэг, цагдаа, нисэх гээд дандаа л том алба хашдаг мундаг улсууд бий. Харин би гэдэг хүн багаасаа л аавынхаа өврөөс холддоггүй, 'цээжний ганц' эрх бацаан байсан болохоор тэр үү, энэ мэргэжлийг нь өвлөөд, одоо 15 ажилтантай эсгий гутлын жижигхээн үйлдвэр ажиллуулж байна.
Монголд жижиг дунд бизнес эрхлэх ч бас л хатуу шүү дээ. Татвар энэ тэр гээд л асуудал мундахгүй. Гэхдээ тэр бүхнээс хамгийн хэцүү нь 'Хүний нөөц' байдаг юм. Ёстой нэг сайхан залууг ажилд аваад, бүх юмаа зааж өгөөд, ажилдаа гаршиж эхэлтэл нь нүдээ аниад л зүтгэнэ. Тэгээд л яг ажилд сураад, жигдрээд ирэхийн цагт гараад явчихдаг. Мэдээж залуу хүмүүс өөр ажилд ороод, эсвэл гадаад руу явахад нь би хар буруу юм юу гэж санах вэ дээ. 'Нэгнийх нь ч гэсэн амьдрал дээшилж байгаа нь яамай' гээд л баярлаад үднэ. Гэхдээ цаанаа бол үйлдвэрлэл доголдож, үлдсэн хэдэн ажилчдад маань л маш хүнд ачаалал ирнэ.
Тэгээд би дотроо их бодсон юм. 'Энэ залуучуудыг яавал тогтвортой ажиллуулах вэ? Яагаад ингээд гараад байна аа?' гээд ярилцаад үзэхээр, тэдэнд ирээдүйгээ бодох сөхөө байдаггүй юм билээ. Зүгээр л өнөөдрийн байрны түрээс, өдрийн зээлээ яах вэ гэдгээ л бодож амьдарч байна. Тийм болохоор би энэ хэдэн залуустаа 'Монголдоо ч гэсэн сайхан амьдарч болдог юм шүү. Ирээдүйдээ санаа зовохгүй байх боломж бий шүү' гэдгийг ямар нэг байдлаар мэдрүүлэхийг маш их хүссэн. Тэгээд тэдэндээ зориулж тэтгэврийн хуримтлал нээж өгөхөөр шийдсэн юм.
Эхлээд энгийн банканд хийж үзлээ. Үгүй ээ, тэгсэн чинь манай хэд 'Минийх одоо хэд болж байна?' гээд л муу няравыг маань өдөр шөнөгүй шалгаагаад, бөөн асуудал (инээв). Харин Ард Тэтгэврийн Сан руу шилжсэнээс хойш ёстой бүх зүйл амар болсон доо. Компаниас нь сар бүр 150,000 төгрөг, өөрсдөө хүсвэл цалингаасаа 100,000 хүртэл төгрөг нэмээд хуримтлуулдаг болоод одоо 5 жил болж байна. Хамгийн гоё нь тэд утаснаасаа Ард Апп руугаа ороод л хуримтлалаа хэзээ ч хамаагүй харчихна. Гэнэтийн ослын даатгалтай, бүр болохгүй яаралтай мөнгө хэрэгтэй үед хуримтлалаа барьцаалаад зээл авчихдаг. Энэ системд орсноос хойш манайд хүн тогтохгүй байх асуудал алга болж, үнэхээр тогтвор суурьшилтай сайхан ажиллаж байна.
Саяхан манай нэг ахмад ажилчин тэтгэвэртээ гарах дөхөөд хуримтлалаа шалгасан чинь бараг 21 сая төгрөг болчихсон байна гэнэ. Анх энэ хуримтлалыг эхлүүлэхэд 'Зүгээр л цалин дээр нэмээд өгчихгүй дээ' гэж унтууцаж байсан хүн шүү дээ. Одоо бол 'Өвлөгдөж үлдэх хөрөнгөтэй боллоо' гээд нүд нь гэрэлтээд л явж байна. Тэрийг нь харсан залуучууд маань уулга алдаад, 'Бид нар олон жил хийвэл бүр том болох нь ээ' гээд л хоорондоо уралдаад тооцоолж суухыг харах надад үнэхээр сэтгэл өег байдаг.
Эзэн хүн чинь ажилчдаа жаргалтай, ирээдүйдээ итгэлтэй байхыг харах шиг сайхан зүйл хаана байх вэ дээ. Энэ боломжийг бүрдүүлж өгсөн Ард Тэтгэврийн Сангийнханд баярлалаа л гэж хэлье."
ЖДҮ эрхлэгч: Н.Наранбаатар
👇 Та ч бас ирээдүйдээ зориулан хуримтлалаа яг одоо эхлүүлээрэй:
🔗 Хуримтлал нээх: https://shorturl.at/zNjL8
🔗 Орлого хийх заавар: https://shorturl.at/BCmMh
🔗 Хуримтлал тооцоолол: https://ardpension.com/
☎️ Холбогдох: 8818-6333, 7700-3322
