21/07/2023
Hedera DLT(тархмал бүртгэлийн технологи - блокчэйн) нь Shinhan Bank(Солонгос улс) болон SCB Tech X-ийн хил дамнасан стэйблкойны туршилтыг хамтран хэрэгжүүлэх суурь нь боллоо.
🔵Сүүлийн хэдэн жилийн хугацаанд крипто хөрөнгө болон стэйблкойны олон нийтийн хэрэглээ нь банкны салбарт томоохон хувьсгал ар араас нь хийсээр байна. Дэлхий даяар илүү олон банк төвлөрсөн бус санхүүгийн салбаруудаар дамжуулан ирээдүйн өсөлтийн хэтийн төлөвөө баталгаажуулах арга замыг судалж, өдөр тутмын үйл ажиллагаандаа тархмал бүртгэлийн технологийг (DLT) нутагшуулж байна. Үүнээс гадна банкууд криптовалютыг олон нийтийн хэрэглээ болгоход шаардлагатай хөрвөх чадвар,банк хоорондын системүүдийн холболтуудтай байгаа нь онцлог байна.
🔵Өмнөд Солонгосын орчин үеийн тэргүүлэгч банк болох Shinhan банк болон Тайвань дахь SCBX группын дижитал технологид төвлөрсөн охин компани болох SCB TechX хамтран Hedera нээлттэй платформоор дамжуулан стэйблкойн гуйвуулгын концепцын (PoC) туршилтыг 7-р сарын 18-ний өдөр амжилттай дуусгаснаа зарлалаа. Ингэснээр блокчэйн технологийг нэвтрүүлсэн уламжлалт банкны салбарын амжилттай жишээ нэгээр нэмэгдэж байгаа юм.
🔵Сонирхолтой нь, PoC буюу туршилтын хөтөлбөр нь Тайландын Бат (THB), Шинэ Тайванийн доллар (NTD), Өмнөд Солонгосын вонын (KRW) бодит цагийн төлбөр тооцооны сеттлемент болон валютын ханшийн тэгшитгэлийг хийсэн юм. Hedera-ийн мэдэгдлийн дагуу PoC туршилтын хөтөлбөр нь EVM стандарттай нийцдэг тул Ethereum-д суурилсан стэйблкойнуудад оролцох боломжийг олгож байгаа аж.
🔵Shinhan банкны Блокчейн хэлтсийн дарга Бёнхи Ким:”Hedera платформтой байгуулсан стратегийн түншлэл нь олон улсын хил дамнасан мөнгөн гуйвуулга дахь саад тотгорыг мэдэгдэхүйц арилгах болно. Олон улсын төлбөр тооцоог хийхэд Hedera сүлжээнд стэйблкойн ашиглах нь олон арван жилийн асуудлыг шийдвэрлэх орчин үеийн шийдэл” хэмээжээ.
🔵Энэхүү туршилт нь Shinhan банкны хил дамнасан мөнгөн гуйвуулгын тестийн 2 дахь ажил бөгөөд өмнөх туршилт нь мөн адил амжилттай хэрэгжсэн талаар олон улсын хэвлэлийн байгууллагуудаар зарлаж байсан билээ.
🔵Түүнчлэн, стэйблкойн нь хэрэглэгчдэд олон улсын түвшинд мөнгө шилжүүлэх хурдан, найдвартай, хямд арга хэрэгслийг санал болгодог. Үүний үр дүнд хил дамнуулан мөнгө шилжүүлэх өндөр зардлаар тусгаарлагдсан дэлхийн олон хүмүүс удахгүй Hedera сүлжээгээр дамжуулан энэхүү үйлчилгээг ашиглах боломжтой болно хэмээн SCB TechX компанийн Гүйцэтгэх захирал Trirat Suwanprateeb онцоллоо.
The Hedera native coin HBAR gained nearly 3 percent in the last 24 hours to trade around $0.0549 on Wednesday.
