1994 онд үүсгэн байгуулагдсан Монголын анхны хувийн даатгалын компани юм. Хамгийн олон хувьцаа эзэмшигчтэй , БОНЗ-ын тайлагналын хүрээнд тогтвортойгоор үйл ажиллагаагаа явуулж буй анхны байгууллага юм. Ард Даатгал ХК нь 1994 онд Монгол Улсын анхны хувийн хэвшлийн даатгалын компани болон байгуулагдаж, даатгалын зах зээлд үйл ажиллагаагаа явуулж эхэлсэн. Өдгөө Монгол Улсын даатгалын салбарт тэргүүл
эгч байр суурь бүхий олон улсад болон дотоодод нэр хүнд бүхий тогтвортой даатгалын үйлчилгээ үзүүлэгч болсон төдийгүй баялаг бүтээгчдийн найдвартай ар тал болон дэмжиж ажилласаар ирсэн нь Монгол Улсын эдийн засаг, нийгмийн хөгжилд тодорхой хувь нэмрээ оруулан амжилттай ажиллаж байгааг харуулж байна.
2004 онд хөрөнгө, санхүүгийн зах зээл дээр зөвлөх үйлчилгээ үзүүлдэг Их Британийн Виттингтон групп тус компанид хөрөнгө оруулалт хийж хувь нийлүүлэгч болсноор Ард Даатгал компани нь улсдаа гадаадын хөрөнгө оруулалттай анхны даатгалын компани болж, Европын тэр тусмаа даатгалын зах зээл анхлан хөгжсөн Английн даатгалын зах зээлийн шилдэг туршлага, олон улсын know-how, бүтээлч чанарыг улс орныхоо даатгалын зах зээлд авчирсан юм.
Мөн 2011 онд бид Гранд Даатгал ХХК-ийг албан ёсоор өөртөө нэгтгэсэн нь Монголын даатгалын зах зээл дээр бий болсон анхны нэгдэн нийлэх (merger & acquisition) процесс бөгөөд үүгээрээ даатгалын зах зээл дээр компаниуд нэгдэн нийлэх, өрсөлдөөний зөв орчин бүрдүүлэх зэрэг олон зөв хандлага, жишгийг зах зээлд бий болгосон билээ.
2013 оны 4 улиралд манай компанийн томоохон хувьцаа эзэмшигч Интергрупп Интернэйшнл ХХК нь Ард Даатгал компани дахь өөрийн эзэмшлийн хувьцаагаа И Ай Ти ХХК-ийн хувьцаагаар харилцан солилцож, хууль эрх зүй, өмчлөлийн хувьд Ард Даатгал ХК-ийн шууд хөрөнгө оруулагчаар И Ай Ти ХХК болсон юм.
И Ай Ти ХХК-ийн шууд хөрөнгө оруулалт бүхий Ард Даатгал ХК, Ард Кредит ХК, Монет Капитал ХХК зэрэг банк санхүү, даатгал, үнэт цаасны брокер, дилерийн компаниуд нь Ард Санхүүгийн Нэгдэл хэмээх хүчирхэг санхүүгийн нэгдэлд нэгдэж бүтэц зохион байгуулалтын хувьд өөрчлөгдөн, хэрэглэгч, харилцагчиддаа улам бүр ойртон хамтран ажиллахыг зорьж байна. 2018 онд IPO гаргаж хамгийн олон хувьцаа эзэмшигч бүхий хувьцаат компани болж өөрчлөгдсөн нь Ард Даатгал компани ард түмний компани болсон.
