Saral Banking Sewa

24/05/2026

अरूको Loan मा Guarantor बस्नु केवल सिफारिस गर्नु होइन। ऋण नतिरेमा तपाईं पनि Blacklist मा पर्न सक्नुहुन्छ।

तर बैंकले चाहेको बेला सिधै Guarantor लाई Blacklist गर्न भने पाउँदैन।

नेपाल राष्ट्र बैंकको व्यवस्थाअनुसार:
• पहिलो चरणमा बैंकले ऋणीले राखेको धितो लिलाम गरेर ऋण असुल गर्नुपर्छ।
• धितो बेचेर पनि पूरा रकम उठेन भने मात्र Guarantor लाई बाँकी रकम तिर्न ९० दिनको लिखित सूचना दिनुपर्छ।
• त्यो समयभित्र पनि रकम भुक्तानी नभएपछि मात्र Guarantor लाई CIB Blacklist मा राख्न सकिन्छ।

त्यसैले, कसैको Loan मा Guarantor बस्नुअघि सम्बन्ध मात्रै होइन, जोखिम र जिम्मेवारी पनि राम्रोसँग बुझ्नुहोस्।

22/05/2026

कम ब्याजदरको Loan खोज्दै हुनुहुन्छ?
सिर्फ Interest Rate होइन, बैंकको आधार दर (Base Rate) पनि हेर्नुहोस्।

किनकि यही Base Rate ले तपाईंको Loan कति महँगो वा सस्तो हुन्छ भन्ने तय गर्छ।

नेपालका बैंकहरूको पछिल्लो Base Rate तुलना गर्न Saral Banking Sewa को Base Rate पेज आजै हेर्नुहोस्: https://saralbankingsewa.com/allbaserates

21/05/2026

क्रेडिट कार्डको लागि आवेदन दिनुभयो, तर Reject भयो? नेपालमा धेरै आवेदनहरू अस्वीकृत हुनुको कारण आम्दानी मात्रै हुँदैन।

CIB history, EMI, कागजातमा गल्ती, बैंक कारोबार, यी सबै कुराले असर गर्छन्।

Approval chance कसरी बढाउने?
कस्ता गल्तीले आवेदन Reject हुन्छ?

पूरा blog पढ्नुहोस्: https://saralbankingsewa.com/blog/why-credit-card-application-gets-rejected-nepal

Learn why your credit card application gets rejected in Nepal and how to fix it. Discover common mistakes, eligibility tips, and ways to improve approval rate.

20/05/2026

वैदेशिक रोजगारीबाट आर्जन गरेको पैसामा सबैभन्दा बढी ब्याज दिने बैंक खोज्दै हुनुहुन्छ भने जेठ २०८३ का लागि नेपालका वाणिज्य बैंकहरूको रेमिट्यान्स मुद्दती र बचत खाताको पछिल्लो ब्याजदर विवरण अपडेट गरिएको छ।

नेपाल राष्ट्र बैंकको नियम अनुसार रेमिट्यान्स खातामा अन्य साधारण खाताको तुलनामा कम्तीमा १% थप ब्याज पाइने हुनाले कुन बैंकमा राख्दा बढी फाइदा हुन्छ भन्ने कुरा तलको लिंकमा गएर हेर्न सक्नुहुन्छ।

पूरा विवरण र बैंकहरूको तुलना: https://saralbankingsewa.com/deposit-account-types/remittance-fixed-deposit
https://saralbankingsewa.com/deposit-account-types/remittance-saving

19/05/2026

के तपाईंको बचत खाताले सही प्रतिफल दिइरहेको छ? वाणिज्य बैंकहरूले जेठ महिनाका लागि नयाँ ब्याजदर सार्वजनिक गरेका छन्। तपाईंको परिवार र भविष्यको बचतलाई सही ठाउँमा व्यवस्थापन गर्ने यही नै उपयुक्त समय हो।

कुन बैंकले सबैभन्दा बढी ब्याज दिइरहेका छन् त? विस्तृत तालिका र तुलना हेर्न तलको लिंकमा क्लिक गर्नुहोस्!

सामान्य फिक्स्ड डिपोजिट: https://saralbankingsewa.com/deposit-account-types/general-fixed-deposit
बालबचत खाता: https://saralbankingsewa.com/deposit-account-types/children-saving
नारि बचत खाता: https://saralbankingsewa.com/deposit-account-types/women-saving

18/05/2026

नेपाल राष्ट्र बैंकले आर्थिक वर्ष २०८२/८३ को मौद्रिक नीतिको तेस्रो त्रैमासिक समीक्षा सार्वजनिक गरेको छ। केन्द्रीय बैंकले विदेशी विनिमय सञ्चिति पर्याप्त रहेको र वित्तीय क्षेत्र स्थिर रहेको निष्कर्ष निकाल्दै चालू आर्थिक वर्षको सुरुदेखि अपनाइएको लचिलो मौद्रिक नीतिलाई वर्षको अन्त्यसम्म नै निरन्तरता दिने निर्णय गरेको छ।

यसको अर्थ ब्याजदर करिडोर, बैंकदर र अनिवार्य नगद मौज्दात (CRR) जस्ता साङ्केतिक दरहरू यथावत् रहनेछन्, जसले बजारमा कर्जाको ब्याजदर तत्काल नबढ्ने स्पष्ट संकेत गरेको छ।

ऋण लिने सोचमा हुनुहुन्छ वा व्यवसाय विस्तार गर्दै हुनुहुन्छ भने यो समीक्षाले बजारमा सकारात्मक वातावरण बनाउने देखिन्छ।

17/05/2026

आगामी आर्थिक वर्ष २०८३/८४ को नीति तथा कार्यक्रम मार्फत सरकारले वित्तीय पारदर्शिता कायम गर्न र भ्रष्टाचार रोक्न अब सबै सरकारी तथा निजी आर्थिक कारोबारहरूलाई डिजिटल प्लेटफर्ममा आबद्ध गर्दै मुलुकलाई पूर्ण रूपमा 'क्यासलेस' (नगदरहित) अर्थतन्त्र तर्फ लैजाने योजना अघि सारिएको छ।

15/05/2026

वैशाख महिनामा सुनको मूल्यमा क्रमिक वृद्धि देखिएको छ। महिनाको सुरुमा प्रतितोला रु. २,९९,८०० रहेको सुनको भाउ महिनाको अन्त्यसम्म आइपुग्दा बढेर रु. ३,०२,५०० कायम भएको छ।

त्यस्तै, चाँदीको मूल्यले पनि उकालो यात्रा तय गरेको छ। वैशाख महिनाको सुरुमा रु. ५,०६५ रहेको चाँदीको भाउ महिनाको अन्त्यमा आइपुग्दा उल्लेखनीय रूपमा वृद्धि भई रु. ५,७४५ पुगेको छ।

14/05/2026

आगामी आर्थिक वर्ष २०८३/८४ को नीति तथा कार्यक्रम मार्फत सरकारले कृषि क्षेत्रमा एउटा ठुलो सुधारको घोषणा गरेको छ। अब कृषि उपजको न्यूनतम समर्थन मूल्य (MSP) को भुक्तानी प्रणालीलाई पूर्ण रूपमा डिजिटल बनाइनेछ, जसले गर्दा किसानले आफ्नो उपजको मूल्य कुनै पनि बिचौलिया बिना सिधै आफ्नो बैंक खातामा प्राप्त गर्नेछन्।

यो व्यवस्थाले कृषि क्षेत्रमा पारदर्शिता ल्याउने र वास्तविक किसानलाई प्रत्यक्ष लाभ पुर्‍याउने लक्ष्य राखेको छ।

14/05/2026

आगामी आर्थिक वर्ष २०८३/८४ को नीति तथा कार्यक्रम मार्फत सरकारले नेपालमै बसेर विदेशी कम्पनीहरूका लागि 'फ्रीलान्सिङ' गर्नेहरूका लागि स्पष्ट कानुनी व्यवस्था गर्ने नीति लिएको छ।

यससँगै अब विदेशी मुद्रा आर्जनलाई वैधानिकता दिइनेछ, जसले डिजिटल माध्यमबाट हुने कमाइलाई सुरक्षित, पारदर्शी र कानुनी रूपमा मान्य बनाउन मद्दत गर्नेछ। यो कदमले युवाहरूका लागि स्वदेशमै बसेर अन्तर्राष्ट्रिय बजारमा प्रतिस्पर्धा गर्ने र विदेशी मुद्रा भित्र्याउने प्रक्रियालाई अझ सहज बनाउने अपेक्षा गरिएको छ।

13/05/2026

आगामी आर्थिक वर्ष २०८३/८४ को नीति तथा कार्यक्रमले अनलाइन व्यापार र विदेशबाट आम्दानी गर्नेहरूका लागि विशेष बाटो खोलेको छ। सरकारले अन्तर्राष्ट्रिय पेमेन्ट गेटवेलाई कानुनी मान्यता दिँदै विदेशी मुद्रा प्राप्ति र कर व्यवस्थापनलाई सहज बनाउने नीति अख्तियार गरेको छ।

यससँगै अब नेपालमै बसेर विदेशी कम्पनीका लागि काम गर्ने (Remote Work) युवाहरूले आफ्नो मिहिनेतको कमाइ वैधानिक रूपमा सिधै बैंक खातामा प्राप्त गर्न सक्नेछन्। यो व्यवस्थाले डिजिटल अर्थतन्त्र र फ्रीलान्सिङ क्षेत्रलाई थप सुरक्षित र व्यवस्थित बनाउने अपेक्षा गरिएको छ।

यस सम्बन्धी थप विस्तृत जानकारी र प्रभावका बारेमा बुझ्न हाम्रो नयाँ ब्लग पोस्ट हेर्नुहोस्।

https://saralbankingsewa.com/blog/nepal-government-policy-and-program-2083-84