What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00

Unet Securities - Үнэт Секьюритис ҮЦК

Home
Mongolia
Ulaanbaatar
Unet Securities - Үнэт Секьюритис ҮЦК

📈Хувьцаа | Бонд | Хөрөнгө оруулалт

04/11/2026

📢АНУ-ын завсрын сонгуулийн үр дүнд Бүгд найрамдах нам ялагдал хүлээсэн нь сонгогчдын эдийн засгийн нөхцөл байдалд сэтгэл дундуур байгаа болон Трампын улс төрийн бодлоготой холбогдож байна.

📌Сонгуулийн дараах санал асуулгаар иргэдийн бараг 90% нь амьжиргааны өртөг, бараа бүтээгдэхүүний үнийн өсөлт нь өөрсдийн сонголтод нь нөлөөлсөн гол хүчин зүйлсийн нэг хэмээсэн бөгөөд сонгогчдын 2/3 орчим нь үнийн өсөлтөд Трампын бодлогыг буруутгажээ.

🔴Түүнчлэн Трампыг 2024 оны Ерөнхийлөгчийн сонгуульд дэмжиж байсан залуу болон Латин гаралтай сонгогчид Бүгд найрамдах намыг дэмжих нь багасаж, Трампын дэмжсэн зарим нэр дэвшигч сонгуульд ялагдал хүлээлээ. Энэ нь Трампын нам доторх улс төрийн нөлөө, нэр дэвшигч сонгох стратегид сорилт болов. Ийнхүү сонгуулийн үр дүн нь Конгресс дахь эрх мэдлийн харьцааг өөрчлөхөөс гадна Бүгд найрамдах намын цаашдын улс төрийн чиглэл, сонгуулийн стратегид нөлөөлөх үйл явдал боллоо.

Эх сурвалж: reuters.com

Апп татах линк⬇️
🔗 iOS хэрэглэгчид: https://shorturl.at/EtLUb
🔗Android хэрэглэгчид: https://shorturl.at/30yfe
________________________________________
🌐https://unetsecurities.mn/
📧 [email protected]
☎️7700-9090
#ХөрөнгөОруулагчБай

04/11/2026

🔵АНУ-ын 2026 оны завсрын сонгуулиар Ардчилсан нам Сенат болон Төлөөлөгчдийн танхимд олонх болж, Конгрессын хяналтыг Бүгд найрамдах намаас шилжүүлэн авлаа. Тус нам Техас, Өмнөд Каролина, Охайо, Канзас зэрэг Бүгд найрамдах намын дэмжлэгтэй мужуудад Сенатын суудал авч, сонгуулийн томоохон амжилт үзүүлж, хууль тогтоох үйл ажиллагаанд нөлөөлөх боломжоо нэмэгдүүлэв.

🗽Гэхдээ Конгрессын хяналтыг авах нь Ардчилсан намын хувьд давуу болон сул тал аль алийг дагуулна. Конгрессын хоёр танхимд олонх болсон ч Ерөнхийлөгчийн хориг тавих эрх хэвээр байх тул Ардчилсан намын санаачилсан хууль, бодлогыг хэрэгжүүлэхэд тодорхой хязгаарлалт тулгарна. Түүнчлэн сонгогчид амьжиргааны өртөг, инфляц зэрэг эдийн засгийн тулгамдсан асуудлыг шийдвэрлэхийг шаардаж байгаа нь тус намд нэмэлт сорилт болж байна.

📢Ардчилсан намын ялалт нь хиймэл оюуны дэд бүтэц, дата төв, эрчим хүч, усны хэрэглээнд тавих зохицуулалтыг чангатгаж, технологийн компаниудын зардлыг нэмэгдүүлэх эрсдэлтэй. Мөн батлан хамгаалахын төсвийн зарцуулалтад тавих хяналт нэмэгдэх нь зэвсэг үйлдвэрлэгчдийн хувьцаанд дарамт учруулж болзошгүй. Харин эрүүл мэндийн даатгалын татаас, Medicaid хөтөлбөрийн санхүүжилтийг дэмжих нь тухайн салбарт эерэг нөлөөтэй ч эм, эмчилгээний үйлчилгээний үнийн зохицуулалт чангарах эрсдэлтэй.

📊Түүхэн үзүүлэлтээр завсрын сонгуулийн дараа 12 сарын хугацаанд АНУ-ын хөрөнгийн зах зээл өсөх чиг хандлага давамгайлдаг. 1980-аад оноос хойш завсрын сонгуулийн дараа S&P 500 индекс жилийн хугацаанд өсөлт үзүүлсэн. Гэвч 2026 онд тус индекс сонгуулийн өмнө аль эрчимтэй өссөн тул энэ удаад түүхэн эерэг хандлага давтагдах эсэхэд шинжээчид эргэлзэж байна.

Эх сурвалж: cnbc.com

Апп татах линк⬇️
🔗 iOS хэрэглэгчид: https://shorturl.at/EtLUb
🔗Android хэрэглэгчид: https://shorturl.at/30yfe
________________________________________
🌐https://unetsecurities.mn/
📧 [email protected]
☎️7700-9090
#ХөрөнгөОруулагчБай

04/11/2026

🔝Австралийн нөөцийн банк (RBA) бодлогын хүүгээ сүүлийн 18 жилийн өндөр түвшин буюу , 4.8 хувьд хүргэж, инфляцын төсөөллөө нэмэгдүүлж, цаашид хүүг дахин өсгөх боломжтой талаар мэдэгдлээ. Гэхдээ Төв банкны мөнгөний бодлогын шийдвэр гаргах зөвлөлийн 9 гишүүний 3 нь хүүг хэвээр хадгалах санал өгсөн тул шийдвэр санал нэгтэй гараагүй. Уг шийдвэр нь RBA-ийн энэ онд хэрэгжүүлсэн бодлогын хүүгийн тав дахь өсөлт бөгөөд энэ нь инфляцыг бууруулахад тулгарч буй хүндрэлтэй нөхцөл байдалтай холбоотой.

📢Ойрх Дорнодын мөргөлдөөнөөс үүдэлтэй эрчим хүчний үнийн өсөлт, дотоодын эрэлт өндөр хэвээр байгаа байдал болон хиймэл оюуны салбарын хөрөнгө оруулалт нэмэгдсэн зэрэг хүчин зүйлсийн нөлөөгөөр инфляцын өсөлт эрчимжсэн хэмээн үзэж байна.

📊RBA 2026 оны инфляцын төсөөллөө өмнөх 3.6%-иас 4.7% болгон нэмэгдүүлсэн, мөн 2026 оны эдийн засгийн өсөлтийн төсөөллөө өмнөх 1.4%-иас 1.6% болгон өсгөлөө. Capital Economics-ийн шинжээчдийн үзэж буйгаар, энэ удаагийн шийдвэр нь RBA мөнгөний бодлогыг хангалттай хэмжээнд чангарсан гэж үзэж дараагийн бодлогын алхам нь хүүг бууруулах шийдвэр байх магадлалтай гэв.

Эх сурвалж: investing.com

🟣Та UNET SC апп-р дамжуулан гадаад арилжаанд хялбар, шуурхай оролцоорой.
Апп татах линк⬇️
🔗 iOS хэрэглэгчид: https://shorturl.at/EtLUb
🔗Android хэрэглэгчид: https://shorturl.at/30yfe
________________________________________
🌐https://unetsecurities.mn/
📧 [email protected]
☎️7700-9090
#ХөрөнгөОруулагчБай

04/11/2026

🌎 ДЭЛХИЙН ЗАХ ЗЭЭЛ ТАНЫ БОЛОМЖ

Хөрөнгө оруулалтын хүрээгээ тэлж, олон улсын зах зээлийн өсөлтөөс өгөөж хүртэхийг хүсэж байна уу? 🧐

💡Unet SC апп-аар дамжуулан дэлхийн 40 улсын 170 гаруй зах зээлд нэвтэрч, томоохон компаниудад хөрөнгө оруулах боломжтой. Гадаад арилжааны дансаа нээгээд, ердөө 10 ам.доллароор дэлхийн зах зээлд хөрөнгө оруулалтаа эхлүүлээрэй.

📞Гадаад арилжааны талаар мэргэжлийн зөвлөгөө авах: 8628-9090

🟣Та UNET SC апп-аар дамжуулан гадаад арилжаандаа хялбар, шуурхай оролцоорой.

Апп татах линк⬇️
🔗 iOS хэрэглэгчид: https://shorturl.at/EtLUb
🔗Android хэрэглэгчид: https://shorturl.at/30yfe
________________________________________
🌐https://unetsecurities.mn/
📧 [email protected]
☎️7700-9090
#ХөрөнгөОруулагчБай

02/11/2026

🗽АНУ-ын XI сарын 3-ны завсрын сонгуулиар Конгрессын хяналтыг аль нам авах нь татвар, төсвийн зарцуулалт болон бизнесийн орчинд нөлөөлөх төлөвтэй байна. Морган Стэнлигийн таамаглалаар Ардчилсан нам Төлөөлөгчдийн танхимд олонх болох магадлал өндөр байгаа бол Сенатын сонгуулийн үр дүн өрсөлдөөнтэй гэж үзжээ.

🔎Ардчилсан нам Төлөөлөгчдийн танхимд олонх болбол томоохон хууль тогтоомжийн өөрчлөлт хязгаарлагдаж, улс төрийн тэнцвэртэй байдал хадгалагдах боломжтой хэдий ч төсвийн санхүүжилт, улсын өрийн дээд хязгаартай холбоотой маргаан зах зээлийн хэлбэлзлийг нэмэгдүүлэх эрсдэлтэй. Харин Бүгд найрамдах нам олонх байдлаа хадгалбал Ерөнхийлөгчийн бодлогыг хэрэгжүүлэх боломж илүү нээлттэй хэвээр байна.

📢Конгресс дахь намуудын төлөөллийн харьцаанаас хамааран салбаруудын хэтийн төлөв ч ялгаатай байж болзошгүй. Ардчилсан нам олонх болбол татвар, худалдааны бодлогын хэрэгжилтэд хяналт нэмэгдэж, технологи болон эрчим хүчний салбарын зохицуулалт чангарах магадлалтай. Харин Бүгд найрамдах нам олонхын байр сууриа хадгалбал татварын хөнгөлөлт, төсвийн дэмжлэг үргэлжлэх боломж нэмэгдэж, санхүү, уламжлалт эрчим хүч, батлан хамгаалахын салбарын компаниудад эергээр нөлөөлж болзошгүй. Иймд сонгуулийн үр дүнгээс хамааран хөрөнгө оруулагчдын салбарын сонголт болон зах зээлийн хүлээлт өөрчлөгдөж, богино хугацаанд үнийн хэлбэлзэл нэмэгдэх боломжтой.

📊Шинжээчдийн үзэж буйгаар сонгуулийн үр дүнгээс илүүтэйгээр хэрэгжүүлэх бодлого нь компанийн ашиг, үйл ажиллагааны зардал, санхүүжилтийн өртөгт хэрхэн нөлөөлөх нь хөрөнгийн зах зээлийн чиг хандлагыг тодорхойлно. Түүнчлэн 1930-2022 оны завсрын сонгуулийн жилүүдэд S&P 500 индекс IV улиралд дунджаар 5.6%-ийн өсөлт үзүүлсэн нь бусад жилийн мөн үеийн 2.9%-ийн дунджаас өндөр үзүүлэлт юм.

Эх сурвалж: finance.yahoo.com

Апп татах линк⬇️
🔗 iOS хэрэглэгчид: https://shorturl.at/EtLUb
🔗Android хэрэглэгчид: https://shorturl.at/30yfe
________________________________________
🌐https://unetsecurities.mn/
📧 [email protected]
☎️7700-9090
#ХөрөнгөОруулагчБай

02/11/2026

🌐 ХӨРӨНГИЙН ЗАХ ЗЭЭЛИЙН X САРЫН ТОЙМ

Аравдугаар сард дотоодын болон олон улсын хөрөнгийн зах зээлд ямар өөрчлөлтүүд өрнөсөн бэ?

• Дотоодын зах зээл
• Олон улсын зах зээл
• Онцлох мэдээ, үйл явдлууд

🔎Өнгөрсөн сарын зах зээлийн онцлох үйл явдлуудтай танилцаж, хөрөнгө оруулалтын орчны талаарх мэдээллээ нэг дороос аваарай!

________________________________________
🌐https://unetsecurities.mn/
📧 [email protected]
☎️7700-9090
#ХөрөнгөОруулагчБай

02/11/2026

📌 Монголын хөрөнгийн биржийн 7 хоногийн тойм

🗓️ 2026.10.26-2026.10.30

📊Монголын хөрөнгийн биржийн хоёрдогч зах зээлийн арилжаа идэвхтэй явагдаж голлох индексүүд ялгаатай хөдөлгөөнтэй хаагдлаа. ТОP 20 индекс өсөлт үзүүлсэн бол MSE A болон MSE B индексүүд бууралттай байв.

🔎Голлох индексүүдийн хувьд, ТОP 20 индекс 67,555.2 нэгжид хүрч 0.34%-иар өссөн бол, MSE A индекс 25,295.3 нэгжид хаагдаж 5.41%-иар, MSE B индекс 15,187.5 нэгжид хүрч 1.56%-иар тус тус хаагдлаа. Зөвхөн TOP 20 индекс өсөлттэй хаагдсан нь хөрөнгө оруулагчид томоохон компаниудын хувьцаанд төвлөрсөн арилжаа ихээхэн хийснийг илэрхийллээ.

🔝Идэвхтэй арилжаалагдсан үнэт цаас (үнийн дүнгээр):

• Худалдаа хөгжлийн банк ХК (TDB) - 1,377,674,040.0₮
• Монголын хөрөнгийн бирж ХК (MSE) - 1,199,969,244.4₮
• ХААН Банк ХК (KHAN) - 1,087,456,164.0₮

💡Өнгөрсөн долоо хоногт Монголын хөрөнгийн зах зээлийн голлох индексүүд харилцан адилгүй хөдөлгөөнтэй байж, ТОП-20 индекс өссөн бол MSE A болон MSE B индексүүд буурлаа. Арилжааны үнийн дүнгээр банк, санхүүгийн салбарын компаниуд тэргүүлсэн нь хөрөнгийн зах зээлийн арилжааны идэвх тус салбарт төвлөрсөн хэвээр байгааг харуулж байна.

Апп татах линк⬇️
🔗 iOS хэрэглэгчид: https://shorturl.at/EtLUb
🔗Android хэрэглэгчид: https://shorturl.at/30yfe
________________________________________
🌐https://unetsecurities.mn/
📧 [email protected]
☎️7700-9090
#ХөрөнгөОруулагчБай

30/10/2026

📢Европын төв банк (ECB) пүрэв гарагт болсон ээлжит хурлаараа бодлогын хүүгээ өөрчлөхгүй хэвээр хадгалах шийдвэр гаргалаа. Тус банк IX сард бодлогын хүүгээ 0.25 нэгж хувиар нэмэгдүүлсэн бөгөөд энэ онд 2 удаа бодлогын хүүгээ өсгөжээ.

📊ECB-ийн Удирдах зөвлөл мэдэгдэлдээ эрчим хүчний үнийн өсөлт нь инфляцыг нэмэгдүүлэх, эдийн засгийн өсөлтийг сааруулах эрсдэл дагуулж байгааг онцолсон ч суурь инфляц болон цалингийн өсөлт одоогоор харьцангуй тогтвортой байгаа хэмээн мэдэгдэв. Евро бүсийн инфляц өнгөрсөн сард 3.8 хувьд хүрч, 2023 оны IX сараас хойших хамгийн өндөр түвшинд хүрчээ.

💡ECB-ийн ерөнхийлөгч Кристин Лагард бүрэн эрхийн хугацаа нь 2027 оны X сард дуусах байсан ч улс төр, геополитикийн асуудлаар байр сууриа илүү чөлөөтэй илэрхийлэх боломж бүрдүүлэхийн тулд II сард албан тушаалаасаа буухаар шийджээ. Тэрээр төвийг сахих зарчмыг эрхэмлэдэг ч өнөөгийн нөхцөлд үнэн бодит мэдээллийг олон нийтэд хүргэх, Европын үнэт зүйлсийг хамгаалахын тулд дуу хоолойгоо илэрхийлэх шаардлагатай гэж үзэж байгаагаа мэдэгдэв.

Эх сурвалж: cnbc.com

Апп татах линк⬇️
🔗 iOS хэрэглэгчид: https://shorturl.at/EtLUb
🔗Android хэрэглэгчид: https://shorturl.at/30yfe
________________________________________
🌐https://unetsecurities.mn/
📧 [email protected]
☎️7700-9090
#ХөрөнгөОруулагчБай

30/10/2026

🏦АНУ-ын Холбооны нөөцийн банк (Fed) ээлжит хурлаараа бодлогын хүүг 3.75-4.00 хувьд хэвээр хадгалах шийдвэр гаргалаа. Бодлого боловсруулагчдын хүлээлтээс инфляцын өсөлт харьцангуй тогтвортой байгаа нь энэхүү шийдвэрийн гол шалтгаан болж байна.

✒️Тус хурлын дараах мэдэгдэлд инфляцыг 2 хувийн зорилтот түвшинд хадгалахын тулд цаг тухайд нь шаардлагатай мөнгөний бодлогын чиглэлийг хэрэгжүүлэх бөгөөд үнийн тогтвортой байдлыг хангана хэмээв. FOMC-ийн 12 гишүүний 2 нь тухайн шийдвэртэй санал зөрж, 0.25 нэгж хувиар нэмэгдүүлэх байр суурьтай байв.
Мөн 11 сарын 3-нд болох АНУ-ын Конгрессын завсрын сонгууль мөнгөний бодлогын шийдвэрт нөлөөлж болзошгүй хэмээн ажиглагчид үзэж байгаа ба Fed улс төрөөс хараат бус байх зарчмыг чухалчилдаг ч сонгуулийн өмнөхөн бодлогын хүүг нэмэгдүүлэхээс зайлсхийж магадгүй гэсэн таамаг зах зээлд үүслээ.

📢Түүнчлэн Fed-ийн дарга Кевин Уорш хурлын зохион байгуулалтад өөрчлөлт оруулах төлөвлөгөөг танилцуулжээ. 2027 онд нэг хурлыг мөнгөний бодлогын ерөнхий стратегид зориулж, 2028 оноос стратегийн хэлэлцүүлгийн хоёр, бодлогын шийдвэрийн зургаан хурал зохион байгуулахаар төлөвлөжээ.

Эх сурвалж: cnbc.com

Апп татах линк⬇️
🔗 iOS хэрэглэгчид: https://shorturl.at/EtLUb
🔗Android хэрэглэгчид: https://shorturl.at/30yfe
________________________________________
🌐https://unetsecurities.mn/
📧 [email protected]
☎️7700-9090
#ХөрөнгөОруулагчБай

28/10/2026

🔝Өмнөд Солонгосын хагас дамжуулагч үйлдвэрлэгч SK Hynix компани III улиралд түүхэн дээд хэмжээний ашигтай ажиллаж, шинжээчдийн таамгийг давуулан биелүүллээ. Тус компани III улиралд оны мөн үетэй харьцуулахад борлуулалтын орлого 327.9%, үйл ажиллагааны ашиг 632.1%-иар тус тус өсжээ. Ингэснээр улирлын борлуулалтын орлого анх удаа 100 их наяд воныг давж, компанийн орлого болон үйл ажиллагааны ашиг түүхэн дээд хэмжээнд хүрэв.

📈III улирлын ногдол ашигт 14 их наяд вон баталсан бөгөөд үүнд Японы хагас дамжуулагч үйлдвэрлэгч Kioxia компанид оруулсан хөрөнгө оруулалтаас олсон ашгаар санхүүжүүлэх тусгай ногдол ашиг багтжээ.

🤖SK Hynix хиймэл оюуны хэрэглээ өргөжиж байгаатай холбоотойгоор өндөр хүчин чадалтай санах ойн эрэлт цаашид өснө гэсэн байр суурьтай байна. Мөн компани 2027-2028 оны үйлдвэрлэлийн хүчин чадлынхаа 50%-иас дээш хувийг хамарсан урт хугацааны гэрээг 14 томоохон харилцагчтай байгуулсан. Санах ойн чипийн нийлүүлэлтийн хомсдол 2030 он хүртэл үргэлжилнэ гэж тооцож, хиймэл оюуны дэд бүтцийн эрэлтийг хангах, ирээдүйн захиалгаа биелүүлэх зорилгоор ирэх онд үйлдвэрлэлийн хүчин чадал болон дэвшилтэт технологид оруулах хөрөнгө оруулалтаа мэдэгдэхүйц нэмэгдүүлэхээр төлөвлөжээ.

Эх сурвалж: reuters.com

Апп татах линк⬇️
🔗 iOS хэрэглэгчид: https://shorturl.at/EtLUb
🔗Android хэрэглэгчид: https://shorturl.at/30yfe
________________________________________
🌐https://unetsecurities.mn/
📧 [email protected]
☎️7700-9090
#ХөрөнгөОруулагчБай

Address

Сүхбаатар дүүрэг, 1-р хороо Олимпийн гудамж Министер тауэр 22 давхар
Ulaanbaatar

Opening Hours

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00

Website

http://www.unetsecurities.mn/

Alerts

Be the first to know and let us send you an email when Unet Securities - Үнэт Секьюритис ҮЦК posts news and promotions. Your email address will not be used for any other purpose, and you can unsubscribe at any time.