25/08/2026
/English Below/
НҮБ-ын Ерөнхий Нарийн Бичгийн Даргын Орлогч, НҮБ-Хабитатын Гүйцэтгэх Захирал Анаклаудиа Россбах COP17 бага хуралд оролцохоор Монгол Улсад айлчлах үеэрээ Улаанбаатар хотын Сонгинохайрхан дүүргийн Толгойт гол орчимд хэрэгжиж буй “Гэр хорооллын иргэдийн үерийг тэсвэрлэх чадавхыг бэхжүүлэх” (GCRP) төслийн хэрэгжилт, үр дүнтэй танилцлаа. Тус төслийг Дасан зохицох сангийн санхүүжилтээр НҮБ-Хабитат байгууллага хэрэгжүүлж, Хөгжлийн Шийдэл ТББ гүйцэтгэгчээр ажиллаж байна.
Үерийн хамгаалалтын сувагтай танилцах үеэр хатагтай Анаклаудиа Россбах “Хөгжлийн Шийдэл” ТББ-ын төслийн баг, Сонгинохайрхан дүүргийн Засаг дарга Ц.Баттөр, тус дүүргийн 26 дугаар хорооны Засаг дарга Б.Батбаяр болон нутгийн иргэдийн төлөөлөлтэй уулзав. Уулзалтаар төслийн хэрэгжилтийн үр дүн, оршин суугчдын амьдралд үзүүлж буй бодит нөлөөллийн талаар санал солилцлоо.
GCRP төслийн хүрээнд Сонгинохайрхан дүүрэгт нийт 2,035 метр урт үерийн хамгаалалтын суваг, 54.3 шоо метрийн нийт багтаамжтай мөс хуримтлуулах хоёр санг байгуулаад байна. Эдгээр байгууламж нь 60.6 га талбайг үерийн эрсдэлээс хамгаалж, 3,000 орчим өрхийн 12,000 гаруй оршин суугчийг үер, мөсний халиа, дошингийн аюулаас урьдчилан сэргийлэхэд чухал хувь нэмэр оруулж байна.
Төслийн онцлог нь Толгойт голын байгалийн үндсэн төрхийг хадгалсан, байгальд түшиглэсэн ногоон шийдлийг хэрэгжүүлж, иргэдэд ээлтэй, эрүүл, аюулгүй орчныг бүрдүүлсэнд оршино. Мөн оршин суугчдыг төлөвлөлт, хэрэгжилтийн үйл явцад идэвхтэй оролцуулсан нь төслийн үр дүн, тогтвортой байдлыг улам бэхжүүлжээ.
Оролцогч талууд энэхүү төсөл нь гэр хорооллын иргэдэд тулгардаг байгаль орчин, эрүүл мэнд, нийгмийн харилцан уялдаатай олон асуудлыг шийдвэрлэхэд чиглэсэн, урт хугацааны үр өгөөжтэй, тогтвортой хөрөнгө оруулалт болсныг онцлон тэмдэглэв.
During her visit to Mongolia for COP17, United Nations Under-Secretary-General and UN-Habitat Executive Director Anacláudia Rossbach visited the Tolgoit River area in Songinokhairkhan District, Ulaanbaatar, to learn about the progress of the “Ger Community Resilience Project”, implemented in Mongolia by UN-Habitat with funding from the Adaptation Fund.
At the project’s flood protection channel, Ms. Rossbach met with representatives of the Development Solutions NGO the project’s Executing Entity as well as local authorities, including Songinokhairkhan District Governor Ts. Battur and Governor of the 26th Khoroo B. Batbayar, and members of the local community. They discussed the project’s achievements and its impact on residents.
To date, the “Ger Community Resilience” project has constructed 2,035 metres of flood protection channels and two water retention basins with a combined capacity of 54.3 cubic metres in Songinokhairkhan District. These measures protect 60.6 hectares of land and approximately 12,000 residents from around 3,000 households against flooding and winter ice-overflow hazards.
A distinctive feature of the project is its nature-based approach, which preserves the river’s natural condition while creating a greener, healthier and more community-friendly environment. Stakeholders highlighted that the active participation of residents has strengthened the sustainability of the interventions, making the project an effective investment that addresses interconnected environmental, health and social challenges facing ger-area communities.
