"Vroue vir Jesus"

06/11/2026

Ek kyk terug in my binneste vanaand: ek hoor U fluisterstem met my praat; elke dag sien Ek om na jou. Voor jy vra weet Ek reeds wat jy benodig.
Styf in My arms hou Ek jou vas.
In die nag stuur Ek ‘n melkweg om jou pad te verlig
Ek versag die son wanneer jy in die woestyn van jou lewe is, Ek bring vir jou ‘n oase wanneer jy moeg gestap is,
in die vroeë oggend uur bring Ek die sonskyn in ‘n prag van helder kleur om jou dag vrolikheid te gee so glimlag vir die res van die wêreld en weet dat jy baie spesiaal is Uit vele het Ek jou uitgesoek om My liefde te verkondig.
Gaan dus in vrede. Soete Drome💚💤💚💤

06/11/2026

Goeie"As die Seun julle dan vrymaak, sal julle regtig vry wees." — Johannes 8:36
​Daar is ’n vryheid wat die wêreld nie kan gee nie, en gelukkig ook nie kan wegneem nie. ’n Vryheid wat nie gebou is op ons eie prestasies of goed genoeg wees nie, maar op ’n leë kruis en ’n oop graf.
​Jesus het ons vrygekoop van die donker se greep. Hy het ons skuld finaal betaal sodat ons nie meer in kettings van vrees, skuldgevoel of veroordeling hoef te leef nie. Vandag mag ons asemhaal in die lig van Sy genade – skoon, heel en oneindig liefgehad.
🌻​Gebed
​Here Jesus, my hart loop oor van diep dankbaarheid vir die kosbare prys wat U vir my betaal het. Dankie dat U my kettings verbreek het en my ’n kind van die lig gemaak het. Help my om vandag in hierdie oorwinnende vryheid te wandel en dat my lewe ’n loflied vir U sal wees. Amen.🌻🌾🌻🌾

05/11/2026

Goeie Nag Soete Drome ⭐💫⭐💫As die nag te swaar begin druk
Soms, net wanneer die storm blyk te bedaar en die son ’n oomblik deurbreuk, breek die horison op in nuwe probleem. Dit voel soos ’n gedurige gety wat jou wil meesleur, ’n fluistering in die donker om jou anker te breek en jou geloof te steel.
Maar in die stilte van jou gebroke hart, brand daar ’n vlam wat die nag nie kan uitdoof nie. Selfs in die seer en onsekerheid, kies jy om te fluister: Here, U bly my God.
Habakuk 3:17-18
"Al sou die vyeboom nie bloei nie en daar geen opbrengs in die wingerde wees nie... nogtans sal ek jubel in die Here, ek sal juig in die God van my heil."
Gebed:
My Vader, wanneer die golwe oor my slaan en die kommer te swaar voel om te dra, hou my vas. Laat my nie los nie. Help my om in die donker na U hand te gryp en U te loof, want U is my rus en my veilige hawe. Wanneer die slegte dinge mekaar opvolg en die wêreld om my skud, gryp my hand stywer vas. Bewaar my geloof, beskerm my hart teen bitterheid, en leer my om U te loof—nie net in die sonskyn nie, maar juis in die "nag"... want anderkant wag die nuwe dag, vol van U nuwe genade en krag.⭐💫⭐💫⭐

05/11/2026

Goeie môre 🪷🌾🪷🌾🌾JESUS SE SEËN OOR ONS🌾

JESUS spreek Sy seën uit oor ons, dit rus op ons lewe. Hy het ons gekies om onder Sy hand te leef, gevul met oorvloed en vrede. Sy seën is nie net materieël nie, dit is geestelik en die volheid van Sy Teenwoordigheid in ons lewe.

Wanneer ons Hom gehoorsaam en ons hart op Hom rig, sal ons die vrug van Sy seën ervaar. Hy maak ons sterk, gee ons wysheid, en hou ons vas in elke seisoen en lei ons op die regte paaie.

Die HERE maak ons die kop en nie die stert nie; ons sal bo wees en nie onder nie, as ons luister na die gebooie van die HERE ons GOD wat Hy ons beveel om dit te hou en te doen.. Deut 28:13

JESUS se seën bring lig in donker plekke, Hy gee rus waar daar onrus is. Hy spreek oor ons ’n toekoms van hoop en ’n pad van oorwinning.

Die HERE seën ons en beskerm ons; die HERE laat Sy Aangesig oor ons skyn en ons genadig wees; die HERE verhef Sy Aangesig oor ons en gee ons vrede.. Num 6:24-26

JESUS spreek seën oor ons en dit sal ons dra tot in ewigheid.
Dankie JESUS.🪷🌾🪷🌾🪷

04/11/2026

Goeienag lekker slaap.💤✨💤 Die gedagte aan jou maak GOD opgewonde. Terwyl Hy jou met liefde leer, Sal Hy al jou probleme wegvee. En jou voete staan stewig, Jou gemoed standvastig, Jou hoop gevestig op Hom. Lê vanaand weer jou lewe voor Sy voete neer, Saam met Hom gee jy elke tree, Bly wandel in al Sy weë. En Hy sal jou gee, Wat jou hart begeer. ¸.*`.¸¸ . ✶*¨*. ¸ .✫*¨*🌟 .¸¸.✶*¨`*✶🌟✶*¨`*✶. GEBED: Vader baie dankie vir hierdie dag wat verby is. Vader gaan met elkeen wat hier lees deur die nag, waak oor hulle asb. Dankie dat ons weer by U voete kan sit en tot gebed met U kan gesels.
Vader, my gebed is dat elkeen van ons 'n hart van omgee , eerlikheid en nederingheid sal hê. Heer, hier is ons vol modderkolle vol splinters, Here ons is U kinders ons staan voor U en vra, Here, deel met my binne U genade en liefde. Maak ook my hart rein om U te kan dien soos U dit doen. Vader Seën die wat siek is, hartseer is deur 'n geliefde wat verhuis het na U toe. Dankie Vader vir al U liefde en genade aan my en U kinders. Amen. ¸.*`.¸¸✶*¨*.¸ .✫*¨*🌟 .¸¸.✶*¨`*✶🌟✶*¨`*✶. ..◦°°◦.◦°°◦. .◦°°◦.◦°°◦..
( Sweet )( Dreamzz )
◦. .◦ ◦. .◦
΅◦. .◦΅ ΅ ◦. .◦΅
Leke dux. Lief julle met Jesus liefde ¸✨💤✨💤

04/11/2026

Goeie môre 🪻🌾🪻🌾Daar is dae wanneer die stilte swaar weeg en die skaduwees van ons eie tekortkominge oor ons gemoed val. Maar hoor vandag hierdie troos: Sy goedheid is ‘n gety wat nooit terugtrek nie.
​Waar mensehande dalk laat los, hou Sy genade vas. Elke keer as jy struikel, wag Sy vergifnis soos ‘n oop deur om jou tuis te bring. Jy is nooit vergete nie; jou roep om hulp is die melodie wat Sy hart dadelik laat stilhou om te luister.
​Bybelvers
​“U is goed, Here, U vergewe altyd weer, U is getrou teenoor dié wat na U roep om hulp.”
— Psalms 86:5 AFR83
​Gebed
Hemelse Vader, dankie dat U goedheid my elke oggend omring en dat U vergifnis my altyd weer nuwe kanse gee. Dankie dat U goedheid soos ‘n balsem oor my pyn daal. As my hart vandag swak of moeg is, leer my om altyd na U toe te vlug, met die seker wete dat U getrou is en my nooit sal begewe nie. Leer my om na U te roep. Ek weet nou dat U vergifnis my elke keer nuwe asem gee. Amen.🌾🪻🌾🪻

03/11/2026

Goeie Nag Soete Drome 💫⭐💫⭐Aand Bemoediging💫
MOENIE BANG WEES NIE – GOD IS MET JOU!
Numeri 14:9
“Maar wees nie teen die HERE
opstandig nie,
en wees nie bevrees vir die volk
van die land nie ...
die HERE is met ons.
Wees nie bevrees vir hulle nie.”

Soms lyk die uitdagings
groter as ons vermoëns.
Ons kyk na die probleme,
die onsekerheid en die struikelblokke,
en skielik begin vrees ons harte oorheers.

Numeri 14:9 herinner ons
aan 'n belangrike waarheid:
Wanneer God met jou is,
hoef jy nie deur vrees beheer te word nie.

Josua en Kaleb het geweet
dat die beloofde land
uitdagings gehad het,
maar hulle het ook geweet
dat God groter was as enige
reus wat voor hulle gestaan het.

Miskien staan jy vandag
voor jou eie reuse:
- 'n Probleem waarvoor jy nog nie 'n oplossing sien nie.
- 'n Gebed waarop jy wag vir 'n antwoord.
- 'n Situasie wat jou geloof en geduld toets.

Moenie toelaat dat vrees jou laat vergeet wie jou God is nie!💫⭐💫⭐

03/11/2026

Goeie môre seën vir die nuwe dag🌾🪻🌾🪻Die Storie in die Stilte🕯📖
​"Laat julle lig só skyn... dat hulle julle goeie werke kan sien." — Matteus 5:16
​Elke dag skryf ons ’n storie op die wit bladsy van die gewone.
Nie met groot woorde of gebedsoë in aanbidding nie,
maar in die klein, onsigbare dinge:
’n sagte woord terwyl jou hart ’n bietjie moeg is,
eerder 'n stilte wanneer jy kon terugkap,
’n vergifnis wat sonder ’n antwoord bly.
​Die wêreld skree na volmaaktheid,
maar God vra net vir ’n hart wat wil handevat...
En as ons dan val?
Dan buig ons voor Hom neer, vra genade...
want Sy genade maak ons altyd weer nuut en vry.
​Moenie vandag se klein oorwinnings onderskat nie.
Iemand loop dalk vanaand weg met ’n bietjie meer van Jesus in hul hart, net omdat hulle jou ontmoet het.
​Gebed:
Here, maak my lewe ’n stille lied tot U eer. Laat my hande sag wees, my hart oop, en my woorde ’n tuiste waar mense U kan vind. Leer my om U genade wat ek so mildelik ontvang, ook uit te deel aan ander. Help my om in U Lig te wandel. Amen.🪻🌾🪻🌾🪻

02/11/2026

Goeie Nag Soete Drome 💤✨💤So kom ons weereens aan die einde van nog 'n dag en naweek. Baie seën vir die nuwe week.. Wanneer ons terug kyk op ons wandelspad dan is dit Hy wat ons deurgedra het deur elke storm, elke pyn elke traan, in Hom kan ons, ons self in Hom verheug. Soms kan ons net vra.. 'Leer my tog om te volhard as dinge verkeerd loop, Heer - dat ek kalm kan bly, geduldig kan wees en uit my swaarkry kan leer.' En dankbaar kan wees vir elke goeie gawe wat ons ontvang uit U hand al is dit om te kan lewe, ongeag omstandighede..

Here om te wandel in die weg van goedheid en hou die paaie van geregtigheid is ons gebed gedurigdeur want, die opregtes sal in die land woon, en die onberispelikes sal daarin bly; maar die ellendiges sal van die aarde afgesny word, en die ontroue sal daaruit ontwortel word. (Spreuke 2: 20-22).

_ “(A)nd when The Chief Shepherd appears, you will receive the crown of glory that does not fade away”_ (I Peter‬ ‭5:4‬).

*PRAYER: Father GOD, in Jesus’ Name You Are The Chief Shepherd. Amen.*

“Shepherd:” https://youtu.be/bVjedGudN8w.

Blessings in The Most High.

Watch the official lyric video for "Shepherd" from the album, "Brav...

01/11/2026

Goeie Nag Soete Drome ⭐💫⭐💫MY GEBED VIR JOU:

As jy GEFRUSTREERD is en voel dat jy nie meer weet wat om te doen nie, Bid ek dat Jesus vir jou Sy KALMTE en RUS sal Gee.

As jy KWAAD is oor iets wat gebeur het, Bid ek dat Jesus Sy VREDE in jou hart sal Bring.

As jy BITTER geword het oor dit wat jou seergemaak het, Bid ek dat Jesus jou hart sal Aanraak, jou sal VERANDER en jou sal Genees.

As jy HARTSEER is, ongeag die rede, Bid ek dat Jesus jou sal TROOS en jou trane sal Afdroog.

As jy VERWERP en EENSAAM voel, Bid ek dat Jesus Sy LIEFDE Aan jou sal Openbaar en jou sal Herinner dat jy Nooit Alleen is Nie.

As jy op soek is Na ’n ANTWOORD en nie weet watter pad om te kies nie, Bid ek dat Jesus vir jou WYSHEID en KENNIS sal Gee en jou sal Lei.

As jy FINANSIEEL swaarkry en nie weet hoe jy deur die moeilike tyd gaan kom nie, Bid ek dat Jesus jou Nood sal RAAKSIEN en vir jou sal Voorsien volgens Sy Wil.

As jy EMOSIONEEL UITGEPUT en moeg is, Bid ek dat Jesus jou Nuwe KRAG sal Gee en jou sal laat RUS in Sy Teenwoordigheid.

As jy BEKOMMERD en PANIEKBEVANGE is, Bid ek dat Jesus jou gedagtes met Sy VREDE sal Vul en vir jou Nuwe HOOP sal Gee.

As jy SUKKEL OM TE BID en jou Bybel te Lees, Bid ek dat Jesus jou sal WYS Hoe Om Weer NADER Aan Hom te Kom en dat Die Heilige Gees jou sal Lei.

As jy reeds MOED VERLOOR het en voel asof daar geen uitkoms is nie, Bid ek dat Jesus jou Uit jou WANHOOP sal Oplig en jou sal Versterk Met Sy OPSTANDINGSKRAG.

Mag jy vanaand Onthou:
Jy is Nie Alleen nie.
Jesus Sien jou.
Jesus Hoor jou.
Jesus Ken jou pyn.
Jesus Ken jou behoefte.
En Jesus is Steeds Getrou.

Alles Bid ek In Jesus Naam.
AMEN.

Mag hierdie Gebed vanaand ook iemand bereik wat swaarkry, seer het of deur ’n moeilike tyd gaan — iemand wat dalk net ’n eenvoudige Herinnering Nodig het dat Jesus STEEDS daar Is.

Stuur dit vanaand aan iemand wat dit Nodig mag Hê.
Soms kan ’n klein Boodskap van Hoop, Liefde en Gebed vir iemand ’n Groot Verskil maak.

Geseënde aand.
Jesus Liefde.⭐💫⭐💫⭐