"Vroue vir Jesus"

"Vroue vir Jesus" Die bladsy vir "Bemoediging en Leiding"

07/09/2026

Abba Vader, die dag is verby, die son het gesak, die natuur het stil geword. Vader, ek wil ook stil raak voor U vanaand, ek het so 'n behoefte om met U kontak te maak. Vader, so in my stilte, kan ek nie anders as om die volgende lied se woorde aan te haal nie: "Down on my knees, I found my Jesus, Down on my knees I found my Lord, not on the mountain nor in the valley, down on my knees I found my Lord." Vader, ek het U nie op die bergpunt of 'n buitegewone plek ontmoet nie, maar op my knieë. Vader, ek bid in besonder vir hulle wat siek, eensaam en alleen is, hulle wat hartseer is, en lê hulle aan U voete neer vanaand en ons sê reeds baie dankie vir die wonderwerk wat U vir elkeen wat in U glo doen, vir die genesing wat plaasvind, en vir die innerlike heling wat U bewerk. Vader U is ons alles, U is ons Redder, U is ons Voorsiener, U is ons Geneesheer, U is die Begin en die Einde, Vader, hoor en verhoor asseblief ons gebed en bring verligting en uitkoms vir elkeen wat U Naam aanroep. Vader, hou U hand oor ons gedurende die nag en wek ons môre oggend met 'n eerste gevoel van dankbaarheid, teenoor U ons Skepper en ons dank U reeds daarvoor, Amen.

07/09/2026

Goeie môre🌱🪷🌱🪷Soms is hoop net ’n stil “môre weer” 🌿
​Ons hoef nie al die antwoorde te hê om aan te hou stap nie. Soms is hoop nie ’n groot, harde gejuig nie — dis net daardie stil stemmetjie binne-in jou wat weier om te glo dat wanneer die son ondergaan, dit die einde van die wêreld is.
​Ons hoop want ons het al gesien hoe die donkerste nagte stilletjies plek maak vir oggendlig. Ons het al gesien hoe 'n hart wat gedink het hy sal nooit weer heel wees nie, skielik weer van vooraf kan lag. Hoop vra nie dat jy die hele pad voor jou moet kan uitlê nie; dit vra maar net dat jy vertrou dat die Storieskrywer nog nie Sy pen neergesit het nie. Daar is nog 'n pad.
​
​“Want Ék weet watter gedagtes Ek oor julle koester, spreek die Here, gedagtes van vrede en nie van onheil nie, om julle ’n hoopvolle toekoms te gee.”
Jeremia 29:11
​
Here, dankie dat U my pad ken selfs wanneer ek dit nie kan sien nie. Wanneer die dae swaar voel en die uitsig grys is, plant asseblief 'n vars saadjie van hoop in my hart. Herinner my daaraan dat U oggendlig altyd op pad is, en gee my die rus om net een tree op 'n slag saam met U te gee. Amen.
​Mag dit vir jou 'n geseënde, mooi week wees! 🪷🌱🪷🌱

06/09/2026

Goeie môre 🌿🪷🌿🪷HY GEE RUS VIR VERMOEIDES.🪷

MATTHÉÜS 11:28 AFR53
Kom na My toe, almal wat vermoeid en belas is, en Ek sal julle rus gee.

Hierdie vers Herinner ons aan een van God se Kosbare BELOFTES:
Jesus Gee Rus aan Almal wat vermoeid en belas is.

Dit is ’n RUS wat die wêreld Nie kan Gee Nie en wat ons harte Stilmaak wanneer die lewe swaar en oorweldigend voel.

Wanneer ons moeg, bekommerd of belas is, kan ons Vashou aan hierdie BELOFTE.
Jesus Nooi ons om na Hom Toe te Kom en ons laste aan Hom Oor te Gee.
Hy Verwag Nie dat ons Alles Alleen Moet Dra Nie.

Ons hoef Nie deur ons laste oorweldig te word Nie.
Ons kan na Jesus Toe Kom, ons bekommernisse aan Hom Oorgee en Vertrou dat Hy ons Krag Gee. Sy Teenwoordigheid Gee ons Rus, Sy Liefde Gee ons Troos en Sy BELOFTE Gee ons Hoop.🪷🌿🪷🌿

05/09/2026

Goeie Nag! 💤💫💤
Here Jesus ...
Ek voel gelei vanaand om vir elke persoon wat hier lees .... 'n gebed te doen ...

Here Jesus U ken ons 💞 harte ...U ken ons smarte ... U ken ons 😢 trane ... U ken alles van ons af! ... Here vir U kan ons niks wegsteek nie! ... Vader ... hoor ons hulp geroep in die aand vir elke siek persoon ... vir elkeen wat seer het ... vir elkeen wat alleen is ... vir elke ou kindjie wat seer het ... en wat ernstig siek is! ... Here my God ... U wat was en wat is en wat sal wees ... Koning van alle Konings ... en Meester van Meesters ... Here hier waar ek kniel voel ek hulle smarte en pyne en seer! ... Heer ek voel die dorings ... Vader in Jesus se Heilige Naam bid ek in alle opregtheid ... tree asseblief in en heel almal en gee uitkoms aan ons almal! ... Here ons sal U loof en prys en eer U!!

Dankie Here Jesus .... Amen en Amen!!💤💫💤💫

05/09/2026

Goeie môre 🪻🌿🪻🌿Wanneer ons soos kinders alles self wil beheer, word die pak op ons skouers te swaar. Haal diep asem en laai alles in gebed by Jesus af. Die Here weet reeds vooruit wat ons nodig het; ons kan die groot dinge... en kleintjies... met ’n geruste hart in Sy hande laat. Sy liefde is ons veilige hawe.
​🪻 Bybelvers vir vandag
​"Vertrou deurgaans op die Here, want die Here God is vir altyd ’n veilige toevlug."
— Jesaja 26:4 (NLV)
​🪻Gebed
Here, dankie dat U my lewe so teer en getrou bestuur. Leer my om my eie Planne neer te lê en rustig in U vrede te rus. Ek los die alle dinge (groot en klein) vandag in U Hande. Amen.
​🪻Mag ons vandag Sy diep vrede beleef. 🪻🌿🪻🌿

04/09/2026

Goeie nag! 💤⛄💤GOD HOU WAG OOR JOU ........ Moenie vrees of jou bekommer nie - jy kan maar rus .... Vertrou op die Vader - Hy weet wat die beste is .... Sy liefde waak oor jou - Sy engele is oral ..... Jou hart kan verseker weet - Sy sorg sal jou omvou ..... Klere, kos en skuiling verskaf Hy in oorvloed - getrou sal Hy jou onder Sy troue vlerke behoed ..... Als wat Hy belowe - sal Hy doen vir jou - God, wat vir die swaeltjies sorg - sal ook oor jou waghou. Lekker slaap en wees veilig.💤⛄💤

04/09/2026

Goeie môre 🪻🌿🪻🌿Dagstukkie: God se Tyd is Volmaak
“So sê die Here: Op 'n tyd wat Ek goeddink, sal Ek jou gebede verhoor...” – Jesaja 49:8

Soms voel dit asof ons gebede in die wind verdwyn, maar God hoor elke woord. Sy tydsberekening is nie altyd ons eie nie, maar dit is altyd perfek. Wanneer die regte oomblik aanbreek, tree Hy in – om te red, te help, te herstel.

God belowe nie net om ons te hoor nie, maar ook om ons te gebruik as instrumente van herstel. Waar dinge gebreek is, kan Hy dit herbou. Waar daar verlies was, bring Hy weer hoop en herstel.

🕊️Gebed:
Here, dankie dat U my hoor – selfs wanneer ek twyfel. Help my om op U tyd te wag en op U beloftes te vertrou. Gebruik my, Here, om hoop en herstel te bring waar dit nodig is. Amen.🪻🌿🪻🌿

03/09/2026

Goeienag..... 💤💫💤💫
Die Here is my herder; niks sal my ontbreek nie. Hy laat my neerlê in groen weivelde; na waters waar rus is, lei Hy my heen. Psalm 23:1‭-‬2
Hoe wonderlik is dit om te weet ons Herder is altyd daar om ons te beskerm en ons te lei na waters wat rus is al gaan ons deur baie storms.
Hemelse Vader, ek wil net vir U kom dankie sê vir hierdie dag waar U ons styf vas gehou het. Heer seën elkeen met 'n rustige nag. Dankie Heer dat U in hierdie nag ook oor ons sal waak. Heer U is ons Vader en ons Herder sonder U is ons verlore! Amen💤💫💤💫

03/09/2026

Goeie môre🪷🍃🪷🍃 Sterkte vir vandag. Onthou: jy stap nie hierdie dag alleen in nie.
​Bybelvers
​"Wanneer jy deur water gaan, sal Ek by jou wees... wanneer jy deur vuur loop, sal jy nie brand nie, en die vlam sal jou nie skroei nie."
— Jesaja 43:2
​Oordenking
Ons dink dikwels aan Daniël en sy maats in die Brandende Oond en hoe God hulle van die vlamme kon spaar. Maar God het gekies om hulle nóg nader as naby te wees: Hy het saam met hulle in die vuur gestaan. Die hitte was daar, maar die Vlammaker was dáár presies in due vuur... by hulle. Hulle het nie eens na rook geruik toe hulle uitstap nie.
​Watter "vuuroond" vandag ook al voor jou lê — 'n moeilike gesprek, 'n swaar taak of swaar gevoelens — God stap níé buite en kyk toe nie. Hy staan rééds binne-in die hitte saam met jou. Die vuur het nie die laaste woord oor jou lewe nie; Sy teenwoordigheid, krag en GENADE
het die laaste sê.
​Gebed🪷
Here, U sien die warm oond van vandag wat voor my lê. Dankie dat U my nie van ver af dophou nie, maar stap-vir-stap saam met my deur die vlamme loop. Beskerm my hart, gee my U vrede wat alle verstand te bowe gaan, en laat my vanaand uitstap sonder dat die rook van hierdie dag aan my kleef. Amen🍃🪷🍃🪷

02/09/2026

Goeie Nag Soete drome 💤💫💤💫Weereens is dit met 'n dankbare hart wat ons die dag afsluit.
Heer dankie dat U ons elke aand met die woord "Vrede" inwag, dankie dat ons die dag se gebeure, frustasie, moegheid en spanning by U Voete kan neerlê en U ons weer perspektief en rus gee vir die dag van môre.
Dankie dat U, U Engele opdra gee om ons te Beskerm en te Bewaar deur die donker nag.
Geniet jul aand verder, soete drome vir julle.💤💫💤💫

Address

Malmesbury
7299

Opening Hours

Monday 08:00 - 20:00
Tuesday 08:00 - 20:00
Wednesday 08:00 - 20:00
Thursday 08:00 - 20:00
Friday 08:00 - 20:00

Website

Alerts

Be the first to know and let us send you an email when "Vroue vir Jesus" posts news and promotions. Your email address will not be used for any other purpose, and you can unsubscribe at any time.

Contact The Business

Send a message to "Vroue vir Jesus":

Shortcuts

Share