What are the opening hours?

Monday 08:00 - 16:30 Tuesday 08:00 - 16:00 Wednesday 08:00 - 16:00 Thursday 08:00 - 16:00 Saturday 08:00 - 16:00 Sunday 08:00 - 16:00

Midnimo Microfinance

Home
Somalia
Mogadishu
Midnimo Microfinance

Call Website Contact the business

Maalgelin waafaqsan Shareecada Islaamka oo taageerta ganacsiyada yaryar, haweenka iyo dhalinyarada Soomaaliya. Kobcinta ganacsiga iyo fursadaha dhaqaale.

www.mmic.so | 810199 | +252 61 313 4159

30/10/2026

𝗠𝗶𝗱𝗻𝗶𝗺𝗼 𝗠𝗶𝗰𝗿𝗼𝗳𝗶𝗻𝗮𝗻𝗰𝗲 | 𝗞𝘂𝗹𝗮𝗻𝗸𝗮 𝗪𝗮𝗱𝗮𝘁𝗮𝘀𝗵𝗶𝗴𝗮 𝗥𝗦𝗠

Qaar ka mid ah 𝗺𝗮𝗮𝗺𝘂𝗹𝗸𝗮 𝘀𝗮𝗿𝗲 ee 𝗠𝗶𝗱𝗻𝗶𝗺𝗼 𝗠𝗶𝗰𝗿𝗼𝗳𝗶𝗻𝗮𝗻𝗰𝗲 ayaa ka qaybgalay kulan wadatashi ah oo ku saabsan horumarinta 𝗛𝗮𝗻𝗻𝗮𝗮𝗻𝗸𝗮 𝗪𝗮𝗱𝗮𝗮𝗴𝗴𝗮 𝗞𝗵𝗮𝘁𝗮𝗿𝘁𝗮 𝗠𝗮𝗮𝗹𝗴𝗲𝗹𝗶𝗻𝘁𝗮 (𝗥𝗶𝘀𝗸 𝗦𝗵𝗮𝗿𝗶𝗻𝗴 𝗠𝗲𝗰𝗵𝗮𝗻𝗶𝘀𝗺—𝗥𝗦𝗠) ee Soomaaliya.

Kulankan, oo ay 𝗠𝗲𝗿𝗰𝘆 𝗖𝗼𝗿𝗽𝘀 Soo qaban qaabiyay intii u dhexeysay 𝟮𝟲–𝟮𝟴 𝗢𝗸𝘁𝗼𝗼𝗯𝗮𝗿 𝟮𝟬𝟮𝟲, ayaa isu keenay wakiillo ka socday 𝗵𝗮𝘆’𝗮𝗱𝗮𝗵𝗮 𝗱𝗼𝘄𝗹𝗮𝗱𝗱𝗮 𝗲𝗲 𝗺𝗮𝗮𝗹𝗶𝘆𝗮𝗱𝗱𝗮, 𝗕𝗮𝗻𝗴𝗶𝗴𝗮 𝗗𝗵𝗲𝘅𝗲, 𝗯𝗮𝗻𝗴𝗶𝘆𝗮𝗱𝗮 𝗵𝗼𝗿𝘂𝗺𝗮𝗿𝗶𝗻𝘁𝗮, 𝗱𝗲𝗲𝗾-𝗯𝗶𝘅𝗶𝘆𝗲𝘆𝗮𝗮𝘀𝗵𝗮, 𝗵𝗮𝘆’𝗮𝗱𝗮𝗵𝗮 𝗳𝘂𝗹𝗶𝗻𝘁𝗮 𝗺𝗮𝘀𝗵𝗮𝗮𝗿𝗶𝗶𝗰𝗱𝗮, iyo qaar ka mid ah 𝗯𝗮𝗻𝗴𝗶𝘆𝗮𝗱𝗮 𝗶𝘆𝗼 𝗵𝗮𝘆’𝗮𝗱𝗮𝗵𝗮 𝗺𝗮𝗮𝗹𝗶𝘆𝗮𝗱𝗱𝗮 dalka.

Waxaa kulanka looga wada hadlay sidii hannaanka 𝗥𝗦𝗠 uu uga caawin lahaa hay’adaha maaliyadda 𝘆𝗮𝗿𝗮𝘆𝗻𝘁𝗮 𝗸𝗵𝗮𝘁𝗮𝗿𝗮𝗵𝗮 𝗺𝗮𝗮𝗹𝗴𝗲𝗹𝗶𝗻𝘁𝗮 iyo ballaarinta 𝗺𝗮𝗮𝗹𝗴𝗲𝗹𝗶𝗻 𝘄𝗮𝗮𝗳𝗮𝗾𝘀𝗮𝗻 𝗦𝗵𝗮𝗿𝗲𝗲𝗰𝗮𝗱𝗮 𝗜𝘀𝗹𝗮𝗮𝗺𝗸𝗮

Ka qaybgalka maamulka sare ee 𝗠𝗶𝗱𝗻𝗶𝗺𝗼 𝗠𝗶𝗰𝗿𝗼𝗳𝗶𝗻𝗮𝗻𝗰𝗲 wuxuu fursad u ahaa is-weydaarsiga aragtiyo iyo waayo-aragnimo ku saabsan 𝗯𝗮𝗹𝗹𝗮𝗮𝗿𝗶𝗻𝘁𝗮 𝗵𝗲𝗹𝗶𝘁𝗮𝗮𝗻𝗸𝗮 𝗮𝗱𝗲𝗲𝗴𝘆𝗮𝗱𝗮 𝗺𝗮𝗮𝗹𝗶𝘆𝗮𝗱𝗲𝗲𝗱 iyo taageeridda koboca ganacsiyada Soomaaliyeed.

𝗠𝗶𝗱𝗻𝗶𝗺𝗼 𝗠𝗶𝗰𝗿𝗼𝗳𝗶𝗻𝗮𝗻𝗰𝗲 waxay uga mahadcelinaysaa 𝗠𝗲𝗿𝗰𝘆 𝗖𝗼𝗿𝗽𝘀 qabanqaabada kulanka iyo dhammaan daneeyayaashii ka qaybqaatay wada-tashigan.

28/10/2026

𝐏𝐀𝐍𝐄𝐋 𝐃𝐈𝐒𝐂𝐔𝐒𝐒𝐈𝐎𝐍 | 𝐘𝐎𝐔𝐓𝐇 & 𝐆𝐎𝐎𝐃 𝐆𝐎𝐕𝐄𝐑𝐍𝐀𝐍𝐂𝐄

𝐃𝐇𝐀𝐋𝐈𝐍𝐘𝐀𝐑𝐀𝐃𝐀 𝐈𝐘𝐎 𝐌𝐀𝐀𝐌𝐔𝐋-𝐖𝐀𝐍𝐀𝐀𝐆𝐆𝐀 | 𝐃𝐇𝐈𝐒𝐌𝐀𝐇𝐀 𝐇𝐎𝐆𝐆𝐀𝐀𝐍 𝐌𝐀𝐒𝐔𝐔𝐋 𝐀𝐇 𝐈𝐘𝐎 𝐌𝐀𝐀𝐌𝐔𝐋 𝐇𝐔𝐅𝐀𝐍 𝐀𝐇

Dood-wadaaggan waxaa si wadajir ah u soo qabanqaabiyey Somali Youth Returnees Network (SYRN), Somali National Youth Council (SNYCO) iyo Somali Solutions Hub (SSH), isaga oo diiradda saaraya xoojinta doorka dhallinyarada ee maamul-wanaagga, ka-qaybgalka geeddi-socodka go’aan-qaadashada iyo dhismaha hoggaan ku dhisan hufnaan, daahfurnaan iyo isla-xisaabtan.

Madashan waxaa ka qaybgalaya aqoonyahanno, khubaro iyo hoggaamiyeyaal ka kala socda qaybaha kala duwan ee bulshada, oo ay ku jiraan afar aqoonyahan oo haysta darajada PhD, kuwaas oo ku xeeldheer maamulka dadweynaha iyo siyaasadaha dowladda, cilmiga siyaasadda, sharciga iyo dastuurka, iyo daraasaadka horumarinta bulshada.

Dooddu waxay fursad u noqon doontaa falanqayn qoto dheer, is-weydaarsi aqooneed iyo soo bandhigid aragtiyo wax-ku-ool ah oo ku saabsan caqabadaha iyo fursadaha maamul-wanaagga Soomaaliya, iyadoo xoogga la saarayo isla-xisaabtanka hay’adaha, hoggaaminta masuulka ah iyo xoojinta ka-qaybgalka dhallinyarada ee maamulka iyo horumarka dalka.

📅 Taariikhda: 28-ka Oktoobar 2026
🕕 Waqtiga: 6:00 fiidnimo
📍 Goobta: Arkaan Leadership & Innovation Hub, Muqdisho.

15/10/2026

Nagu soo booqo xarunteenna Muqdisho. Midnimo Microfinance si diirran ayay kuu soo dhoweyneysaa!

📍 Orfane Tower, Luuq Canjeerada, Taleex, Hodan.
📞 810199 | 🌐 www.mmic.so

07/10/2026

Midnimo Microfinance waxay shalay, 6 Oktoobar 2026, ka qayb gashay maalintii labaad ee Madasha Ganacsiga Midowga Yurub iyo Soomaaliya ee Muqdisho.

Waxaan wada sheekaysi iyo is-dhaafsi fikrado oo miro dhal ah la yeelannay ka qaybgalayaasha caalamiga ah, annagoo xoojinnay xiriirrada xirfadeed kana wada hadalnay fursadaha ganacsiga, helitaanka maalgelinta iyo koboca ganacsiyada Soomaaliyeed.

Ka qaybgalkeennu wuxuu qayb ka yahay dadaalka Midnimo Microfinance ee taageeridda ganacsatada iyo horumarinta adeegyada maaliyadeed ee loo wada dhan yahay.

Waxaan u mahadcelinaynaa qabanqaabiyeyaasha iyo dhammaan ka qaybgalayaasha kulanka.

Faahfaahinta ka akhriso website-keena:
https://www.mmic.so/article.php?slug=midnimo-eu-somalia-business-forum-2026-day-2

05/10/2026

Maanta, 5 Oktoobar 2026, Midnimo Microfinance waxay ka qayb gashay maalinta koowaad ee Madasha Ganacsiga Midowga Yurub iyo Soomaaliya (EU–Somalia Business Forum 2026), oo ka socota Muqdisho.

Madashu waxay isu keenaysaa ganacsatada Soomaaliyeed, shirkadaha iyo maalgashadayaasha Yurub, hay’adaha maaliyadda iyo hay’adaha dowladda, si loo xoojiyo maalgashiga, ganacsiga iyo iskaashiga dhaqaale.

Midnimo Microfinance ahaan, waxaan muhiimad siinaynaa ballaarinta helitaanka maalgelinta iyo kobcinta ganacsiyada yaryar. Ka qaybgalka madashan wuxuu noo yahay fursad aan ku baranno fursadaha cusub ee suuqa iyo iskaashiyada taageeri kara ganacsatada Soomaaliyeed.

Faahfaahinta kulanka ka akhriso website-keena:
https://www.mmic.so/article.php?slug=midnimo-eu-somalia-business-forum-2026-day-1

27/09/2026

Qaar ka mid ah maamulka shirkadda Midnimo Microfinance ayaa ka qaybgalay kulan wada-tashi ah oo ay Wasaaradda Ganacsiga iyo Warshadaha ee Dowladda Koonfur-Galbeed la yeelatay bangiyada iyo hay’adaha bixiya adeegyada Microfinance-ka.

Kulanka waxaa diiradda lagu saaray:

• Xoojinta wada-shaqaynta hay’adaha maaliyadeed iyo dowladda.
• Horumarinta adeegyada maaliyadeed ee la gaarsiinayo bulshada.
• Fududeynta helitaanka maalgelinta, gaar ahaan ganacsiyada yaryar iyo kuwa dhexdhexaadka ah.
• Xog-wadaagga iyo fahamka baahiyaha ganacsatada.
• Horumarinta adeegyo maaliyadeed oo la jaanqaadaya baahiyaha iyo xaaladda suuqa.

Midnimo Microfinance waxaa ka go’an ballaarinta helitaanka adeegyada maaliyadeed iyo taageeridda kobaca ganacsiyada iyo bulshada Soomaaliyeed.

13/09/2026

Qaar Ka Mid ah Hoowl Wadeenada Shirkadda Midnimo Microfinance oo ka qaybgalay tababarka Making Microfinance Work

Midnimo Microfinance ayaa ka qaybgalay tababarka Making Microfinance Work, oo qabsoomay 6 ilaa 10 Sebteembar 2026, kana tirsan barnaamijka Somalia MicroGrow.

Tababarku wuxuu qayb ka yahay iskaashiga Bangiga Dhexe ee Soomaaliya (CBS) iyo International Finance Corporation (IFC), si loo xoojiyo aqoonta iyo awoodda hay’adaha maalgelinta yaryar ee Soomaaliya.

Waxaan uga mahadcelinaynaa CBS, IFC iyo tababarayaasha aqoonta iyo waayo-aragnimada ay nala wadaageen.

12/09/2026

Midnimo Microfinance oo ka qaybgashay aqoon-is-weydaarsiga Tartanka iyo Ilaalinta Macaamiisha

Midnimo Microfinance ayaa maanta, 12 Sebteembar 2026, Muqdisho kaga qaybgashay aqoon-is-weydaarsi ay Wasaaradda Ganacsiga iyo Warshaduhu ku ansixinayso qabyo-qoraalka Siyaasadda iyo Sharciga Qaranka ee Tartanka iyo Ilaalinta Macaamiisha. Kulanku wuxuu xoojinayaa tartan ganacsi oo caddaalad ah iyo ilaalinta xuquuqda macaamiisha Soomaaliyeed.

29/08/2026

Qaar ka mid ah Maamulka sare ee shirkadda oo ka qaybgalay GIZ EPIS SME Finance-Readiness Workshop ee Nairobi

Midnimo Microfinance waxay ka qayb gashay Financial Institutions Engagement and SME Finance-Readiness Workshop oo GIZ EPIS ku qabtay Nairobi, Kenya, 26 ilaa 27 August 2026.

Kulanku wuxuu isu keenay hay’adaha maaliyadda, dowladda, bahwadaagta horumarinta, iyo Multi-Stakeholder Forums-ka Baidoa iyo Kismayo.

Dooduhu waxay diiradda saareen diyaarinta SMEs-ka si ay maalgelin u helaan, hagaajinta xogta ganacsiga iyo cash flow-ga, nidaamka gudbinta macaamiisha, taageeridda ganacsiyada haweenka iyo dhalinyarada, iyo xalalka risk-sharing iyo blended finance.

26/08/2026

Marwo Kaabe, Maalgelinta Haweenka Ganacsatada
Ganacsigaaga wuxuu mudan yahay fursad uu ku kobco.
Adeegga Marwo Kaabe ee Midnimo Microfinance waxaa loogu talagalay haweenka ganacsatada ah ee doonaya inay balaariyaan ganacsigooda, kordhiyaan raasumaalkooda, kuna gaaraan koboc waara iyagoo helaya maalgelin waafaqsan Shareecada Islaamka.
Haddii aad leedahay ganacsi ama aad qorshaynayso inaad bilowdo mid cusub, waxaan diyaar kuu nahay inaan kula soconno tallaabo kasta oo horumar ah.
Codso maanta, hana seegin fursadda kobaca ganacsigaaga.
📞 +252 61 313 4159

Address

Maka Almukaram Road Taleex Hodan District
Mogadishu

Opening Hours

Monday	08:00 - 16:30
Tuesday	08:00 - 16:00
Wednesday	08:00 - 16:00
Thursday	08:00 - 16:00
Saturday	08:00 - 16:00
Sunday	08:00 - 16:00

Telephone

+252614868571

Website

http://www.mmic.so/

Alerts

Be the first to know and let us send you an email when Midnimo Microfinance posts news and promotions. Your email address will not be used for any other purpose, and you can unsubscribe at any time.