27/08/2026
Amal Express Waxay Qabatay Tababar Heer Caalami ah si ay u Xoojiso Nidaamkeeda u hogaansanaanta AML/CFT ee Caalamiga ah.
Amal Express waxay muddadii u dhaxaysay 16–20 August 2026 qabatay tababar heer caalami ah oo ku saabsan Uhogaansanaanta Caalamiga ah, ( AML/CFT International Standards, Somali Regulatory Landscape, iyo Cross-Border Compliance Challenges).
Tababarkan oo si joogto ah loogu qabto Saraakiisha Uhogaansananta (Compliance officers) ee Amal Express, ayaa sanad-kan waxaa si buuxda uga qayb galay dhamaan Saraakiisha uhogaansanaanta Amal Express ee ka hawlgala gobollada iyo dalalka ay shirkaddu ku leedahay xarrumaha oo ay ka mid yihiin Somalia, Kenya, Uganda, Djibouti, United Arab Emirates (UAE), Europe, North America iyo Australia.
Intii uu tababarku socday, saraakiisha uhogaansanaantu waxay si qoto dheer uga wada hadleen, Xeerarka, Xeer-nidaamiyeyaasha iyo Hab-raacyada AML/CFT ee dalalka ay ka Hawl galaan, waajibaadka hay’adaha maaliyadeed iyo xawaaladaha, iyo caqabadaha ka dhasha hawlaha Macaamilada maaliyadeed ee ka gudba xuduudaha dalalka. (cross-border transactions). Sidoo kale, waxaa la wadaagay khibrado, casharro laga bartay, iyo talooyin wax-ku-ool ah oo ku saabsan sidii loo xoojin lahaa u hoggaansanaanta xeerarka, Xeer-nidaamiyeyaasha iyo Hab-raacyada kala duwan ee wadamada ay Amal Express ka hawlgasho.
FURITAANKA TABABARKA
Tababarka waxaa si rasmi ah u daah-furay Gudoomiyaha Xawaalada Amal Mudane Abdulkadir Mohamud Osman (CEO), iyo Mudane Abdullahi Mohamed Sheikh, Guddoomiyaha Ururka Xawaaladaha Somaliyeed (SMSBA).
Labada mas’uul waxay si gaar ah u adkeeyeen muhiimadda ay leedahay in si joogto ah loo xoojiyo aqoonta iyo awoodda Saraakiisha uhogaansanaanta (Compliance Officers), iyadoo la tixgelinayo isbeddellada joogtada ah ee ku yimaada heerarka caalamiga ah ee AML/CFT, shuruucda gudaha, iyo kuwa la xiriira adeegyada maaliyadeed ee xuduudaha ka gudba.
Waxay sidoo kale carrabka ku adkeeyeen in aqoon-is-weydaarsiga, wadaagista khibradaha, iyo iskaashiga ka dhexeeya kooxaha uhogaansanaanta ay yihiin tiir muhiim u ah ilaalinta hufnaanta iyo hab-raaca shuruucda ee Amal Express.
TIKNOOLAJIYADA, NIDAAMYADA & U HOGGAANSANAANTA SHURUUCDA IYO XEERARKA.
(TECHNOLOGY, SYSTEMS & REGULATORY COMPLIANCE)
Sidoo kale waxaa Qayb muhiim ah ka ahayd tababarka Waaxda IT-ga ee Amal Express, oo uu hoggaaminayay Eng. Feisal Gelle, oo ay weheliyaan koox khubaro ah oo la shaqaysa.
Kooxdu waxay soo bandhigeen horumarro iyo isbeddello muhiim ah oo lagu sameeyay Amal Express System, iyadoo xoogga la saaray sidii nidaamka shirkaddu u noqon lahaa mid si hufan uga jawaaba shuruudaha iyo xeerarka kala duwan ee Ha’adaha Sharciyeynta iyo Kormeerka (Regulatory Authorities) ee waddamada ay Amal Express ka hawlgasho.
Isku-xirka uhogaansanaanta, Tignoolajiyada iyo Shuruudaha Sharciyeynta iyo Nidaaminta (Regulatory Requirements) ayaa muhiim u ah hubinta in nidaamyada shirkaddu si joogto ah ula jaanqaadaan heerarka caalamiga ah, isla markaana ay taageeraan maamul hufan, ammaan ah, oo waafaqsan shuruucda.
SHAHAADADA CADDEYNTA KA-QAYBGALKA (CERTIFICATES OF PARTICIPATION)
Gabagabadii tababarka, dhammaan saraakiishii ka qayb gashay waxay heleen Shahaadooyinka Caddeynta Ka-qaybgalka (Certificates of Participation), kuwaas oo caddeynaya ka qaybgalka iyo dhamaystirka tababarkan muhiimka ah.
Amal Express waxay sii wadi doontaa maalgelinta aqoonta, xirfadda iyo horumarinta shaqaalaheeda, gaar ahaan dhinacyada AML/CFT, U Hoggaansanaanta Shuruucda iyo Xeerarka Nidaaminta, Maareynta Khataraha, Tiknoolajiyada iyo U Hoggaansanaanta Xeerarka Maaliyada ka Gudubta Xuduudaha., si loo xaqiijiyo in hawlaheeda caalamiga ah ay mar walba waafaqaan heerarka iyo shuruucda khuseeya.
Amal Express — U Hoggaansanaanta Xeerarka, Daacadnimada iyo Heer-sareynta Shaqada .(Compliance, Integrity & Excellence)
