Mongolian Stock Exchange - Монголын Хөрөнгийн Бирж

Mongolian Stock Exchange - Монголын Хөрөнгийн Бирж Stock Exchange

ҮНЭТ ЦААСНЫ ЗАХ ЗЭЭЛИЙН АНХАН ШАТНЫ МЭДЛЭГ ОЛГОХ СУРГАЛТЫН 6 ДУГААР САРЫН БҮРТГЭЛ ЭХЭЛЛЭЭ https://www.mse.mn/news/14629“...
25/05/2026

ҮНЭТ ЦААСНЫ ЗАХ ЗЭЭЛИЙН АНХАН ШАТНЫ МЭДЛЭГ ОЛГОХ СУРГАЛТЫН 6 ДУГААР САРЫН БҮРТГЭЛ ЭХЭЛЛЭЭ https://www.mse.mn/news/14629

“Монголын хөрөнгийн бирж” ХК нь иргэдэд үнэт цаасны зах зээлийн мэдлэг олгох, хөрөнгө оруулалтын оновчтой шийдвэр гаргах чадвар эзэмшүүлэх зорилгоор “Үнэт цаасны зах зээлийн анхан шатны мэдлэг олгох” танхимын сургалтыг зохион байгуулдаг.

Сургалтыг 2026 оны 6 дугаар сарын 15, 16, 17-ны өдрүүдэд биржийн сургалт мэдээллийн төв /MSE hall/-д зохион байгуулах ба санхүү, үнэт цаасны зах зээлд олон жил ажиллаж буй мэргэжлийн байгууллагын удирдлага, мэргэжилтнүүд нийт 12 цагийн сургалтыг удирдан явуулж, онол, практик хослуулан зохих мэдлэг олгодгоороо онцлог, давуу талтай юм.

Хөрөнгө оруулалт, хөрөнгийн зах зээлийн зарчмыг ойлгож, технологийн дэвшлийг ашиглан Монгол хүн бүр хөрөнгө оруулагч болох боломж бүрдсэн энэ цаг үед сургалтаас системтэй мэдлэг олж авсан хэн бүхэн дотоод, гадаадын аль ч биржийн арилжаанд оролцох чадвартай болж төгсөнө. Сургалтад хамрагдсан төгсөгчдөд сертификат олгох болно.

🔎Төлбөр: 180,000 төгрөг
📌Төлбөрийг Голомт банкны MN09 0015 00 1105021404 тоот МХБ-ийн дансанд байршуулна.
♾️Бүртгүүлэх холбоос https://mse.mn/knowledge
☎Лавлах утас: 11-313-747 /3112/
📧Цахим шуудан: [email protected]

#монголынхөрөнгийнбирж

#35Жил

#ИтгэлээрБүтээсэн
#ХөрөнгийнӨсөлт

ЗАХ ЗЭЭЛ ҮҮСГЭХ АНХНЫ ЗАХИАЛГУУД БАЙРШИЖ ЭХЭЛЛЭЭ"Голомт капитал" ҮЦК ХХК нь Монгол Улсад зах зээл үүсгэгчийн үйл ажиллаг...
22/05/2026

ЗАХ ЗЭЭЛ ҮҮСГЭХ АНХНЫ ЗАХИАЛГУУД БАЙРШИЖ ЭХЭЛЛЭЭ

"Голомт капитал" ҮЦК ХХК нь Монгол Улсад зах зээл үүсгэгчийн үйл ажиллагааг хэрэгжүүлж байна.

Өнөөдөр (2026.05.22) "Монос хүнс" ХК-ийн MFC.MSE хувьцаан дээр зах зээл үүсгэх анхны авах, зарах захиалгууд албан ёсоор байршиж эхэллээ.

Зах зээл үүсгэгчийн үйл ажиллагааны хүрээнд "Голомт Капитал" ҮЦК ХХК нь дараагийн 6 сарын хугацаанд MFC.MSE хувьцаан дээр биржийн арилжааны цагийн 50-аас доошгүй хувьд хоёр талт буюу авах, зарах захиалгыг тасралтгүй байршуулж ажиллана.

Ингэснээр хувьцааны хөрвөх чадвар нэмэгдэж, хөрөнгө оруулагчид, харилцагчдын арилжаа хийх боломж сайжрахын зэрэгцээ MFC хувьцааны зах зээлийн идэвх, хүртээмж нэмэгдэх ач холбогдолтой юм.
https://mse.mn/news/14626

21/05/2026

Монголын Хөрөнгийн Бирж болон BGM Asset Management хамтран олон улсын зах зээлд чиглэсэн анхны индекс болох FTI (Future Tech Innovation) индексийг албан ёсоор тооцож эхэллээ.🔔

Энэхүү индекс нь технологи болон түүний өргөн экосистемийг хамарсан ETF-үүдийн гүйцэтгэлийг нэгтгэн илэрхийлэх зорилготой юм.

FTI индексийн бүтэц нь дараах байдалтай байна:
▫️ 50%: Технологи болон AI салбарын ETF
▫️10%: Зэсийн салбар (COPX ETF)
▫️ 10%: Эрчим хүчний салбарын ETF
▫️ 30%: Америкийн топ 500 компанийг багцалсан ETF

Уг индекс гарснаар Монголын Хөрөнгийн Бирж дээр энэхүү индексийг дагасан шинэлэг хөрөнгө оруулалтын бүтээгдэхүүнүүд бий болох боломж нээгдэж байна.💡

21/05/2026

🔔 Монголын Хөрөнгийн Бирж болон BGM Asset Management хамтран "Future Tech Innovation" (FTI) гадаад зах зээлийн шинэ индексийг тооцож эхэллээ.

FTI индекс нэвтэрснээр Монголын Хөрөнгийн Бирж дээр уг индексийг дагасан шинэ бүтээгдэхүүнүүд бий болох боломж нээгдэж байна. 💡

ҮНЭТ ЦААСНЫ ЗАХ ЗЭЭЛИЙН ДУНД ШАТНЫ СУРГАЛТЫН АНХНЫ СУРАЛЦАГЧИД СЕРТИФИКАТАА ГАРДАН АВЛААСуралцагч Б.Нарангэрэл:“Би багш ...
20/05/2026

ҮНЭТ ЦААСНЫ ЗАХ ЗЭЭЛИЙН ДУНД ШАТНЫ СУРГАЛТЫН АНХНЫ СУРАЛЦАГЧИД СЕРТИФИКАТАА ГАРДАН АВЛАА

Суралцагч Б.Нарангэрэл:

“Би багш мэргэжилтэй. Миний амьдралын хоёр дахь үе шат эхэлж байна. Өөрөөр хэлбэл тэтгэврийн нас буюу оюун санааны хувьд чадамжтай, амьдралын нэгэн сонирхолтой мөчлөгт ирээд, цаашид хэрхэн ажиллаж, амьдрах вэ гэдгээ бодож төлөвлөх болсон.

Хоёр жилийн өмнө банкуудын хувьцаа зарагдаж эхлэх үед 95 настай аав минь “Би өнөөдөр банкны хувьцаа худалдаж авсан” гэж хэлэхэд нас дээр гарсан аав минь ирээдүйдээ хөрөнгө оруулалт хийж байхад би яах ёстой вэ гэж бодсон...

Дэлгэрэнгүйг https://mse.mn/news/14620

НИЙСЛЭЛИЙН ЦАГДААГИЙН УДИРДАХ ГАЗРЫН АЖИЛЛАГААНЫ ХЭЛТСИЙН АЛБА ХААГЧИД БИРЖИД ЗОЧИЛЛООСүүлийн жилүүдэд төрийн албан хааг...
20/05/2026

НИЙСЛЭЛИЙН ЦАГДААГИЙН УДИРДАХ ГАЗРЫН АЖИЛЛАГААНЫ ХЭЛТСИЙН АЛБА ХААГЧИД БИРЖИД ЗОЧИЛЛОО

Сүүлийн жилүүдэд төрийн албан хаагчид хөрөнгийн зах зээлийн талаарх мэдлэг ойлголтоо нэмэгдүүлэх, хөрөнгө оруулагч болох шат дараатай алхам хийж, мэдлэг мэдээллээ баяжуулах, суралцах сонирхолтой болсон байна.

Өнөөдөр Цагдаагийн ерөнхий газрын харьяа Нийслэлийн цагдаагийн удирдах газрын Ажиллагааны хэлтсийн 20 алба хаагч Монголын хөрөнгийн биржид зочилж, биржийн үүсэл хөгжил, үнэт цаасны зах зээлийн өнөөгийн нөхцөл байдал болон, арилжаанд оролцох, хөрөнгө оруулагч болоход суралцах, анхаарах зүйлсийн талаар зохих мэдээлэл авлаа.

Дэлгэрэнгүйг https://www.mse.mn/news/14617

20/05/2026

"Монголын хөрөнгийн бирж" ХК нь дотоодын зах зээлд шинэлэг бүтээгдэхүүн гаргахыг дэмжих зорилгоор "BGM Asset Management" компанитай хамтран Future Tech Innovation (FTI) индексийг албан ёсоор тооцож эхэллээ.

Энэхүү индекс нэвтэрснээр Монголын хөрөнгийн бирж дээр уг индексийг дагасан шинэ бүтээгдэхүүнүүд бий болох боломж нээгдэж байна.

🔔 Монголын Хөрөнгийн Бирж "Future Tech Innovation" (FTI) гадаад зах зээлийн шинэ индексийг тооцож эхэллээ. Монголын Хөр...
20/05/2026

🔔 Монголын Хөрөнгийн Бирж "Future Tech Innovation" (FTI) гадаад зах зээлийн шинэ индексийг тооцож эхэллээ.

Монголын Хөрөнгийн Бирж нь дотоодын зах зээлд шинэлэг бүтээгдэхүүн гаргахыг дэмжих зорилгоор "BGM Asset Management" компанитай хамтран Future Tech Innovation (FTI) индексийг албан ёсоор тооцож эхэллээ.

Энэхүү индекс нь дэлхийн технологийн хөгжил болон түүний экосистемийг хамарсан шилдэг ETF (биржээр арилжаалагддаг сан)-үүдийн гүйцэтгэлийг нэгтгэн харуулах зорилготой бөгөөд дараах бүтэцтэй байна.

🔹50% — Технологи болон Хиймэл оюун ухаан (AI) салбарын ETF
🔹30% — АНУ-ын шилдэг 500 хувьцаат компанийг багцалсан ETF
🔹10% — Эрчим хүчний салбарын ETF
🔹10% — Зэсийн салбарын ETF (COPX)

💡 FTI индекс нэвтэрснээр Монголын Хөрөнгийн Бирж дээр уг индексийг дагасан шинэ бүтээгдэхүүнүүд бий болох боломж нээгдэж байна.

Индексийн тооцооллыг МХБ өдөр тутам албан ёсоор тооцоолох бөгөөд хөрөнгө оруулалтын өгөөжийг тогтвортой байлгах үүднээс багцын шинэчлэлтийг жил бүр, дахин тэнцвэржүүлэлтийг (rebalancing) хагас жил тутам тогтмол хийх юм.

“И ЭС ЭМ” ОЛОН УЛСЫН ДУНД СУРГУУЛИЙН СУРАГЧИД БИРЖИД ЗОЧИЛЛОО“И Эс Эм” олон улсын дунд сургуулийн Н.Энхчимэг багшаар уди...
19/05/2026

“И ЭС ЭМ” ОЛОН УЛСЫН ДУНД СУРГУУЛИЙН СУРАГЧИД БИРЖИД ЗОЧИЛЛОО

“И Эс Эм” олон улсын дунд сургуулийн Н.Энхчимэг багшаар удирдуулсан нийт 48 сурагч өнөөдөр (2026.05.14) Монголын хөрөнгийн биржид зочилж, биржийн үүсэл хөгжил, үнэт цаасны зах зээлийн өнөөгийн нөхцөл байдал болон арилжаанд оролцох, хөрөнгө оруулагч болоход суралцах, анхаарах зүйлсийн талаар анхан шатны мэдлэг, мэдээлэл авлаа.

Дэлгэрэнгүйг https://www.mse.mn/news/14611

БИРЖИЙН ХЯНАЛТ, ЗОХИЦУУЛАЛТЫН ГАЗРЫН ЗАХИРАЛ А.МӨНХБАЯСГАЛАН ХӨДӨЛМӨРИЙН ГАВЪЯАНЫ УЛААН ТУГИЙН ОДОНГООР ШАГНУУЛЛААhttps:...
18/05/2026

БИРЖИЙН ХЯНАЛТ, ЗОХИЦУУЛАЛТЫН ГАЗРЫН ЗАХИРАЛ А.МӨНХБАЯСГАЛАН ХӨДӨЛМӨРИЙН ГАВЪЯАНЫ УЛААН ТУГИЙН ОДОНГООР ШАГНУУЛЛАА
https://www.mse.mn/news/14607

Монгол Улсын Ерөнхийлөгч У.Хүрэлсүх өнөөдөр (2026.05.18) санхүүгийн салбарын төлөөлөлтэй уулзалт хийлээ.

Энэ үеэр "Монголын хөрөнгийн бирж" ХК-ийн Хяналт, зохицуулалтын газрын захирал А.Мөнхбаясгалан ХӨДӨЛМӨРИЙН ГАВЪЯАНЫ УЛААН ТУГИЙН ОДОН-гоор шагнуулсан юм.

Шагналыг Ерөнхийлөгч У.Хүрэлсүх гардуулан өгч, цаашдын ажил үйлсэд нь амжилт хүслээ.

Тус уулзалтаар Ерөнхийлөгч, "Эдийн засгийн тогтвортой өсөлт, төсвийн сахилга бат, хөрөнгө оруулалтын орчныг сайжруулах чиглэлээр хүчин зүтгэж буй санхүүгийн салбарын үе үеийн ажилтан, албан хаагчдад талархал илэрхийлж, амжилт хүсэхийн зэрэгцээ Эдийн засаг 6.8 хувиар өсч, нэг хүнд ногдох Дотоодын нийт бүтээгдэхүүн 7,000 ам.доллар болж, худалдаа, хөрөнгө оруулалт нэмэгдэн, гадаад валютын нөөц 7 тэрбум ам.доллар давж, Зээлжих зэрэглэл түүхэн дээд түвшинд хүрэхэд санхүүгийн салбарынхны оруулсан хувь нэмэр их" гэдгийг онцолсон.

Түүчлэн төрийн тэргүүнээр сонгогдсоноосоо хойш хийсэн ажил, үндэсний хэмжээнд өрнүүлж байгаа хөдөлгөөн, хөтөлбөрүүдийн хэрэгжилт, гадаад харилцаа, нийгэм, эдийн засгийн байдал зэргийн талаар товч танилцуулж, тус салбарын нэр бүхий хүмүүсийг ийнхүү төрийн дээд одон, медалиар шагналаа.

Address

Sukhbaatar Square/3
Ulaanbaatar
15160

Opening Hours

Monday 08:30 - 17:30
Tuesday 08:30 - 17:30
Wednesday 08:30 - 17:30
Thursday 08:30 - 17:30
Friday 08:30 - 17:00

Telephone

976-11-313747-3312

Website

Alerts

Be the first to know and let us send you an email when Mongolian Stock Exchange - Монголын Хөрөнгийн Бирж posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mongolian Stock Exchange - Монголын Хөрөнгийн Бирж:

Shortcuts

Share

Category