Mongolian Stock Exchange - Монголын Хөрөнгийн Бирж

Mongolian Stock Exchange - Монголын Хөрөнгийн Бирж Stock Exchange

МЭНДЧИЛГЭЭЭрхэм хүндэт хөрөнгө оруулагчид, үнэт цаас гаргагч, зах зээлийн мэргэжлийн оролцогчид болон харилцагч та бүхэн...
28/08/2026

МЭНДЧИЛГЭЭ

Эрхэм хүндэт хөрөнгө оруулагчид, үнэт цаас гаргагч, зах зээлийн мэргэжлийн оролцогчид болон харилцагч та бүхэндээ Монгол Улсад үнэт цаасны хоёрдогч зах зээлийн арилжаа эхэлсний 31 жилийн ойн мэнд дэвшүүлье!

Өнгөрсөн 31 жилийн хугацаанд Монголын хөрөнгийн бирж нь Монгол Улсын санхүүгийн зах зээлийн нэгэн чухал тулгуур болж, иргэд, аж ахуйн нэгж, төрийн болон хувийн хэвшлийн байгууллагуудыг хөрөнгө оруулагч, санхүүжилт шаардлагатай бизнесүүдтэй холбосон зах зээлийн дэд бүтцийг тасралтгүй хөгжүүлж ирлээ. Энэ хугацаанд хуримтлуулсан туршлага, бий болгосон тогтолцоо нь хөрөнгийн зах зээлийг шинэ шатанд гаргах бат суурь болсон.

Өнөөдөр бид уламжлалт үнэт цаасны арилжаанаас гадна шинэ бүтээгдэхүүн, үйлчилгээ, технологийн шийдлийг нэвтрүүлж, зах зээлийн хөрвөх чадвар, хүртээмж, ил тод байдлыг нэмэгдүүлэх, дотоодын болон гадаадын хөрөнгө оруулагчдын оролцоог өргөжүүлэх зорилт тавин ажиллаж байна.

Цаашид хөрөнгийн зах зээлээ бүс нутагт өрсөлдөхүйц, олон улсын жишигт нийцсэн зах зээл болгон хөгжүүлэхэд төр, зохицуулагч байгууллага, мэргэжлийн оролцогчид, үнэт цаас гаргагчид, хөрөнгө оруулагчид Та бүхний итгэлцэл, хамтын ажиллагаа хамгийн чухал байх болно.

Монголын хөрөнгийн зах зээлийн хөгжилд үнэтэй хувь нэмэр оруулж ирсэн үе үеийн ахмад мэргэжилтнүүд, нийт хамтран ажиллагчид, хөрөнгө оруулагчид, зах зээлийн оролцогч Та бүхэндээ талархал илэрхийлье.

Та бүхний ажил үйлс өөдрөг, хөрөнгө оруулалт тань өгөөжтэй, хамтын зорилго бүхэн амжилтаар дүүрэн байх болтугай.
https://new.mse.mn/news/mendchilgee

ҮНЭТ ЦААСНЫ ЗАХ ЗЭЭЛИЙН АНХАН ШАТНЫ МЭДЛЭГ ОЛГОХ ТАНХИМЫН СУРГАЛТ ЗОХИОН БАЙГУУЛЛААСургалтыг үнэт цаасны зах зээлд олон ...
27/08/2026

ҮНЭТ ЦААСНЫ ЗАХ ЗЭЭЛИЙН АНХАН ШАТНЫ МЭДЛЭГ ОЛГОХ ТАНХИМЫН СУРГАЛТ ЗОХИОН БАЙГУУЛЛАА

Сургалтыг үнэт цаасны зах зээлд олон жил ажилласан туршлагатай мэргэжилтнүүд удирдан явуулж, онол, практикийн мэдлэгийг гүнзгийрүүлэн хүргэсэн.

Энэ үеэр биржийн Бизнес хөгжлийн газрын захирал Т.Хаш-Эрдэнэ "Өдрөөс өдөрт өсөн нэмэгдэж буй хөрөнгийн зах зээлийн үр өгөөж, түүнтэй холбоотой шинэ мэдээлэл, арилжааны практик сургалтаар мэдлэгээ баяжуулсан эрхэм та бүхэнд баяр хүргэе. Энэхүү сургалтаас хөрөнгийн зах зээлийн үндсэн ойлголтууд, ач холбогдол, зах зээлд оролцогч байгууллагын үйл ажиллагаа, үнэт цаасны арилжаа, практик сургалтын талаар системтэй мэдлэг мэдээлэл олж авсан гэдэгт итгэл дүүрэн байна" хэмээн онцлоод суралцагчдад баяр хүргэн, сертификатийг гардуулсан юм.

Дэлгэрэнгүйг https://new.mse.mn/news/unet-tsaasny-zakh-zeeliin-ankhan-shatny-medleg-olgokh-tankhimyn-surgalt-zokhion-baiguullaa

26/08/2026

Хамтын биржээр арилжаалагддаг сан буюу ETF гэж юу вэ? 🏛️
Д.Мөнхбат ("Монголын Хөрөнгийн Бирж" ХК-ийн Гүйцэтгэх захирлын түр орлон гүйцэтгэгч)

📌FTI ETF нь хиймэл оюун, технологи, тэдгээрийн дэд бүтэц болох эрчим хүч болон зэсийн салбарын 800 гаруй компанийг хамарсан 17 сангийн багцаас бүрдэж буй.

Ирээдүйг нэг багцад✨

Дэлгэрэнгүйг:
🔗etf.mn | 7575-2050

26/08/2026

"Эм Жи Эл Акуа” ХК-ийн Гүйцэтгэх захирал Б.Ундрал:
“Ти Эм Эл Пластик” ХХК нь 2024 онд хог хаягдлыг дахин боловсруулах /green recycle/ зорилгоор “Ногоон” бондыг гаргаж хаягдлыг дахин боловсруулах үйлдвэрийн тоног төхөөрөмж, үйл ажиллагааны зардлаа санхүүжүүлсэн бөгөөд одоо үйл ажиллагаагаа өргөжүүлж амжилттай ажиллаж байна. Та бүхэн хөрөнгийн зах зээлийн идэвхжилтийг ашиглан байгаль орчинд ээлттэй төслүүдээ Ногоон бондоор санхүүжүүлээрэй.

📍ЗАЛИЛАГЧИЙН ГОЛ АРГА НЬ ТАНД АШИГТАЙ МЭТ САНАЛ ТАВИХ🤝 Өөрийгөө болон бусдыг эрсдэлээс хамгаалцгаая. Иргэд та бүхэн: 📌 Х...
25/08/2026

📍ЗАЛИЛАГЧИЙН ГОЛ АРГА НЬ ТАНД АШИГТАЙ МЭТ САНАЛ ТАВИХ

🤝 Өөрийгөө болон бусдыг эрсдэлээс хамгаалцгаая.

Иргэд та бүхэн:
📌 Хувийн мэдээллээ бусдад өгөхгүй байх
📌 Банкны нууц үг, нэг удаагийн баталгаажуулах кодоо бусдад хэлэхгүй байх
📌 Танихгүй хүнээс ирсэн линкийг нээхгүй байх
📌 Яаралтай мөнгө шилжүүлэхийг шаардсан тохиолдолд мэдээллийг албан ёсны эх сурвалжаас нягтлаарай.

#ЦахимЗалилан #ЗалилахГэмтХэрэг #СэрэмжтэйБайя #ИргэнТаныОролцоо #УрьдчиланСэргийлье

“ЕСӨН ШИЖИР ИНВЕСТ ББСБ” ХХК 10 ЖИЛИЙН ОЙН ХҮРЭЭНД 10 ТЭРБУМ ТӨГРӨГИЙН “ШИЖИР-1” ХБҮЦ-НЫ АНХДАГЧ АРИЛЖААГАА ЭХЛҮҮЛЛЭЭ.“Е...
24/08/2026

“ЕСӨН ШИЖИР ИНВЕСТ ББСБ” ХХК 10 ЖИЛИЙН ОЙН ХҮРЭЭНД 10 ТЭРБУМ ТӨГРӨГИЙН “ШИЖИР-1” ХБҮЦ-НЫ АНХДАГЧ АРИЛЖААГАА ЭХЛҮҮЛЛЭЭ.

“Есөн шижир инвест ББСБ” ХХК нь 2016 оноос хойш санхүүгийн салбарт тогтвортой, хариуцлагатай үйл ажиллагаа явуулж, жижиг, дунд бизнес болон иргэдийн санхүүгийн хүртээмжийг нэмэгдүүлэх, ил тод, тогтвортой санхүүжилтийн эх үүсвэрийг бүрдүүлэхэд тодорхой хувь нэмэр оруулж ирсэн санхүүгийн байгууллага бөгөөд өнөөдөр “Есөн шижир актив хоёр ТЗК” ХХК-аар дамжуулан анхны ХБҮЦ-ыг олон нийтэд санал болгож, хөрөнгө оруулагчдад эрсдэл багатай, тогтвортой өгөөж хүртэх боломж бий болгож буйг онцлон тэмдэглээд, ийнхүү "Есөн шижир актив хоёр" ТЗК-ийн гаргаж буй "Шижир-1 ХБҮЦ" анхдагч зах зээлийн арилжааг эхлүүлж цан цохих ёслолын ажиллагааг нээлээ.

Дэлгэрэнгүй: https://www.mse.mn/news/14922

24/08/2026

Санхүүгийн зохицуулах хорооны Үнэт цаасны газрын дарга Б.Дөлгөөн:
Монгол улсад Ногоон бондын эрх зүйн орчин бүрдсэнээс хойш 50 гаруй сая ам.долларын санхүүжилтийг Монголын хөрөнгийн бирж дээр татаад байгаа бөгөөд тун удахгүй тогтвортой байдалд нийцэлтэй бонд /Sustainability Bond/-ийн эрх зүйн орчин батлагдах бөгөөд ингэснээр ногоон, тогтвортой, нийгмийн бондын олон улсын стандартад нийцсэн эрх зүйн орчин иж бүрэн бий болж гадаад дотоодын хөрөнгө оруулагчид идэвхтэй хөрөнгө оруулалт хийх боломж бүрдэх юм.
https://mse.mn/news/14911

21/08/2026

🌱 Ногоон бонд — Тогтвортой ирээдүйн санхүүжилт

НҮБ-ын Цөлжилттэй тэмцэх конвенцын Талуудын 17 дугаар бага хурлын хүрээнд “Монголын хөрөнгийн бирж” ХК-ээс “Ногоон бонд” сэдэвт хэлэлцүүлгийг зохион байгууллаа.

Хэлэлцүүлгээр Монгол Улсын ногоон санхүүжилтийн бодлого, эрх зүйн орчин, ногоон болон жендэрийн бонд гаргасан компаниудын туршлага, цаашдын боломжийг хэлэлцэв.

📌 Монгол Улсад ногоон санхүүжилтийн бодлого, зохицуулалтын орчин бүрдсэн хэдий ч үнэт цаас гаргагчдын зүгээс ногоон санхүүжилт татахад бэлэн төсөл, хөтөлбөрийг нэмэгдүүлэх шаардлагатай байна.

Мөн хөрөнгийн зах зээлийн оролцогчдын хувьд ногоон үнэт цаасны арилжаа, хөрвөх чадварыг нэмэгдүүлэх, мэргэжлийн хөрөнгө оруулагчдын урт хугацааны оролцоог дэмжих чиглэлд анхаарах шаардлагатайг онцоллоо.

21/08/2026

“Монголын Хөрөнгийн Бирж” ХК-ийн шинэ цахим хуудас нь зах зээлийн бодит цагийн мэдээлэл, хөрөнгө оруулагчийн заавар, IPO, компанийн тайлагнал, гадаадын хөрөнгө оруулагч болон уул уурхайн бүтээгдэхүүний мэдээллийг хэрэглэгч төвтэй нэг бүтэц дор нэгтгэн хүргэж байна.

Зах зээлийн бодит цагийн мэдээллээс хөрөнгө оруулалтын шийдвэр хүртэл — нэвтрэх цахим цэг

Монголын хөрөнгийн зах зээлийн мэдээлэл, үйлчилгээний нэгдсэн цахим орчинтой яг одоо танилцана уу.

Шинэ цахим хуудас: new.mse.mn

“Монголын Хөрөнгийн Бирж” ХК цахим хуудасныхаа шинэ хувилбарыг new.mse.mn хаягаар гурван сарын туршилтын горимоор ажиллу...
21/08/2026

“Монголын Хөрөнгийн Бирж” ХК цахим хуудасныхаа шинэ хувилбарыг new.mse.mn хаягаар гурван сарын туршилтын горимоор ажиллуулж эхэллээ.

Энэхүү шинэчлэлийн зорилго нь цахим хуудасны өнгө төрх, дизайныг өөрчлөхөөс гадна зах зээлийн бодит цагийн мэдээлэл, хөрөнгө оруулагчийн мэдлэг, компанийн тайлагнал, IPO, гадаадын хөрөнгө оруулагч болон уул уурхайн бүтээгдэхүүний мэдээллийг нэгтгэсэн Монголын хөрөнгийн зах зээлийн дижитал нэгдсэн гарц бий болгоход оршино.

Зах зээлийн бодит цагийн мэдээллээс хөрөнгө оруулалтын шийдвэр хүртэл — нэвтрэх цахим цэг

Дэлгэрэнгүй: https://mse.mn/news/14912

Address

Sukhbaatar Square/3
Ulaanbaatar
15160

Opening Hours

Monday 08:30 - 17:30
Tuesday 08:30 - 17:30
Wednesday 08:30 - 17:30
Thursday 08:30 - 17:30
Friday 08:30 - 17:00

Telephone

976-11-313747-3312

Website

Alerts

Be the first to know and let us send you an email when Mongolian Stock Exchange - Монголын Хөрөнгийн Бирж posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mongolian Stock Exchange - Монголын Хөрөнгийн Бирж:

Shortcuts

Share

Category