28/08/2026
ຈັນທະວີ ສູນດາວົງ (ໄກ່), ໜຶ່ງໃນທີມງານມືອາຊີບ ຕຳແໜ່ງ Field Operation Manager ປະຈຳພະແນກ ເງິນດ່ວນ ທັນໃຈ (Micro Credit Department). ເຊິ່ງຖືເປັນອີກໜຶ່ງກຳລັງສຳຄັນ ທີ່ຢູ່ເບື້ອງໜ້າການສ້າງຮາກຖານຄວາມເຕີບໂຕທາງທຸລະກິດ ແລະ ການບໍລິການທີ່ໄດ້ມາດຕະຖານ.
ເປັນເວລາຫຼາຍກ່ວາ 17 ປີ ທີ່ ຈັນທະວີ ໄດ້ເລີ່ນຕົ້ນໃນສາຍງານການທະນາຄານ, ຈາກຈຸດເລີ່ມຕົ້ນຂອງປະສົບການ ໃນລະບົບວຽກງານການທະນາຄານ ດ້ວຍການເປັນພະນັກງານສິນເຊື່ອວົງເງີນຂະໜາດນ້ອຍ, ຂະໜາດກາງ ຜ່ານຄວາມມຸ່ງໝັ້ນ ແລະ ການພັດທະນາຕົນເອງຢ່າງບໍ່ຢຸດຢັ້ງ. ຈົນສາມາດກ້າວຂຶ້ນມາເປັນຫົວໜ້າສິນເຊື່ອ, ຫົວໜ້າໜ່ວຍບໍລິການ ແລະ ຫົວໜ້າສາຂາໃນສາຍວຽກການທະນາຄານ.
ຈັນທະວີ ມີສ່ວນສຳຄັນໃນການຂັບເຄື່ອນການພັດທະນາອົງກອນຫຼາຍດ້ານບໍ່ວ່າຈະເປັນ: ດ້ານການໃຫ້ບໍລິການແກ່ລູກຄ້າຢ່າງມືອາຊີບ, ການເຂົ້າໃຈຜະລິດຕະພັນຂອງທະນາຄານໄດ້ຢ່າງລຶກຊຶ້ງ ເພື່ອສົ່ງມອບການບໍລິການທີ່ດີທີ່ສຸດແກ່ລູກຄ້າ ກໍ່ຄືການສ້າງຄວາມເຊື່ອໝັ້ນໃຫ້ແກ່ລູກຄ້າຂອງທະນາຄານໄດ້ເປັນຢ່າງດີ.
-----------------------------------
