01/11/2026
（歌、片、文不符，純粹show返自己今日打扮好，準備出去見客）
做保險成日聽到唔同背景嘅客人都有個唔同林林種種嘅睇法，其中一個最常聽到嘅就係：「我覺得自己唔會有大病，所以我唔使買危疾／醫保。」
但通常呢啲朋友仔，平時又唔見得有幾健康。話唔使買危疾，轉個頭竟然會去打減肥針，平時又成日話食物中毒、敏感、心跳得好快、唔飲得咖啡等等。有時見到呢啲唔想買危疾嘅朋友，真係覺得好無奈。
佢哋覺得自己唔會病，可能只係因為身邊未有人試過大病。大病除咗要停工，甚至再冇辦法好似以前咁努力工作，被迫進入半退休狀態，經濟全面進入「冰河時期」。面對住冇收入但又要畀大筆藥費嗰種徬徨，嗰種壓力真係唔係一般人承受得到。身體已經同緊病魔搏鬥，如果仲要承受龐大嘅財政壓力，真係雪上加霜。
所以朋友仔可能會嫌我長氣、嫌我太過關心佢哋，但長氣同太過關心我都要講：真係要認真為自己考慮買返份危疾！
如果你真係冇乜 Budget： 可以做一份冇儲蓄成分（純保障）嘅定期危疾，保費平啲，暫時頂住先。
如果你有 Budget，又想保本／唔想冒險投資： 不妨買一份有儲蓄成分嘅危疾，真正做到「有病賠錢，冇病儲錢」。
雖然每個月／每年可能少咗啲錢去旅行、吃喝玩樂，但最起碼萬一真係有大病嗰陣，你唔會咁徬徨。你永遠唔會知道疾病幾時來襲，可能下次體檢嘅時候，大病就已經搵上門。老生常談都要提醒一句，危疾係俾你冇病嘅時候買，當你有任何徵兆有病嘅時候，就已經冇得買，所以正正係冇病嘅時候先要買危疾。
