28/06/2026
打個靚J 2026年1月16日
已提1/2月大概率出高底
計年波=至少會見23樓
我都要去番聽
恒指思路：自用順便
先說恒指思路先 大市呢一浪走大 ABC 浪，個人主觀睇個比例結構好似行緊平坦型（Flat Pattern）嘅 3-3-5 比例，每次規律都係「跌 2,000 點、彈 1,000 點」。 上星期五夜期期指一度低見 22,5XX 點，港股確實去到 22 幾呢個水平，中途強行抽升番上 23,0XX 水平收市，彈番足足 500 點，似超跌後嘅「急彈」訊號。
我自己計數，繼續維持我今年年頭嘅說法：1、2月已經做左全年嘅頂底（28 樓高位）。下行年波幅如果計 6,000 點左右嘅波幅，目標會望到 22,200 左右。雖然現時大局心入面有數，但老實講，時間上比我想像中快咗 DD，而且完全唔同外圍同步，港股自己單邊行先。既然到咗呢個年波幅目標水位，策略上個股反而可以開始入少少，暫時重點望緊 1024。 但如果短線真係行 3-3-5 比例結構，星期一按道理又唔應該一條直線直拉爆上去，呢個位確實有少少技術上嘅衝突。
個人覺得，呢度行一個「快彈再回」嘅洗盤走勢亦都不出奇，變相令短線變得非常難玩。 短線操作上，第一步依然先望反彈上望 23,800 呢個位置嘅阻力；再上則看 20 日線（目前已經移到 24,200 左右）。
6 月期結與 7 月思路由來 講下月波幅與後市 正常來講，6 月份因為世界盃效應應該好沉悶，但今個月上下竟然已經行左3,000 點左右嘅大波幅！ 既然 6 月份行咗咁大波動，如果 7 月前 2 星期都係大波少少，技術上好有機會延續呢個 3-3-5 比例嘅拉鋸慣性。 而且呢個星期因為端午節假期，港股得 4 日市，時間短左，兼逢 6 月期結。成交隨時喺週中開始收細
展望 7 月思路，傳統上雖然話「5窮6絕7番生」，但主觀直覺上，呢個 7 番生似係要等到下半月、差唔多完埋世界盃之後先會真正出現。 上半月前裝星期即使大波少少都只係高位震盪，市場資金好大機會繼續放假維持死魚格橫行。 要等到 7 月中尾波波完左、資金班師回朝，港股先至有條件借業績期政策期真正「番生」。
長線睇法無變，大方向下望年波幅 22,200 附近，呢一轉好大程度只係落去前嘅一個大後抽，只要大市借消息虛火彈上去，有人開始吹「東升西降」，依然係分批閃正股嘅良機。
美股點睇？老納太瘋狂 美股看法：老美呢個位置暫時有啲看唔透，雖然整體瘋牛繼續、高位強拉，但係 SpaceX（SPCX）無啦啦喺有個 Call 期權嘅異動，睇落又係鬼鬼地，唔太知想點。 配合呢個期權異動，短線節奏上美股似會先迎來一個「小回」先。 操作上要望實老納（納指）在 30,000 點左右嘅下跌裂口，如果之後反彈能補回呢個裂口的一半以上，就要小心可能隨時會再回吐；但在目前未補、未跌穿關鍵位嘅情況之下，大方向暫時都仲未看太弱先。
個股方面：1024 估值極低進場思維 個股方面，之前兩隻車股、IP 股暫時無咩新思路，拍埋一邊睇慢磨，既然港股落到 22 幾符合年頭計數（年波幅下望 22,200 左右），個股可以開始入少少，暫時聚焦科技追落後股。
1024 (快手) 目前睇法是「估值超低」。單單係佢旗下隻「可靈AI」同潛在變現能力，計番數基本上都已經差唔多等於佢而家成個市場估值，牌面上被嚴重低估。 現時股價捱到落去 40 蚊邊，從技術圖表睇，周線級數嘅大型底部已經浮現，喺呢個位無論博超跌反彈定係中線部署，周線底部都絕對可以想想、值得試探性小試牛刀，暫時望緊呢隻入少少。
總結：
呢星期得 4 日市兼逢 6 月期結，港股落到 22 幾，年波幅計 6,000 點下望 22,200 左右，時間上比想像中快咗且唔同外圍同步，大局心入面有數下個股（如 1024）可考慮開始入少少。大局上睇 3-3-5 比例，要提防星期一若強行「快彈」直拉後、週中隨時出現「再回」嘅洗盤走勢。短線操作上，第一步依然先望反彈上望 23,800 呢個位置嘅阻力；再上則看 20 日線（目前已經移到 24,200 左右）。 外圍老美暫時看唔透，SPCX 於 7 月 2 日有 Call 異動略嫌古怪，預期先有個小回，望實老納 3 萬點下跌裂口。展望 7 月前兩星期可能依然大波少少，但真正「番生」預期要等下半月完埋世界盃。
