Cfo講年報

Cfo講年報 會計師、CFO、分析企業本質真相

本專頁所有分享純屬個人，分享內容並非投資意見，亦不構成任何投資產品之要約、要約招攬或建議。另本人無法保證有關內容的真確性和完整性。

本人可能持有本專頁所提及的公司或資產的長倉及短倉及衍生工具 , 並會在亳無預料下買入及賣出。撰文時會儘量保持客觀公正，但對所持有的資產內容亦可能有較偏頗的論述。投資涉及風險，讀者應考慮該投資是否適合閣下的個別情況，務請運用個人獨立思考、求證、分析。讀者一切的投資決定以及該投資引致的收益或損失，概與本人無關。

😨孫正義：SpaceX太空數據中心根本唔make sense📉孫正義喺軟銀股東會話，除咗降低電力成本，佢諗唔到任何其他喺太空喜數據中心嘅好處…但電費只係佔數據中心一小部份嘅成本，最大嘅成本係來自於AI芯片硬件🔥仲要都未計將零件運送去...
24/06/2026

😨孫正義：SpaceX太空數據中心根本唔make sense

📉孫正義喺軟銀股東會話，除咗降低電力成本，佢諗唔到任何其他喺太空喜數據中心嘅好處…

但電費只係佔數據中心一小部份嘅成本，最大嘅成本係來自於AI芯片硬件

🔥仲要都未計將零件運送去太空高昂成本、持續極高嘅維護成本、仲有通訊延遲等問題….

所以呢個構思，解決電力成本但產生更多額外成本，根本唔make sense…

😅而最唔make sense嘅係，AI軍備競賽，呢幾年可能已經要決勝負，

與其將精力資源放喺10年後，都唔知得唔得嘅太空數據中心

💵軟銀寧願將精力、資源全力放喺地面上嘅數據中心度發展

“In the battle for AI, the next few years will be far more important than what might happen a decade or so from now

唔知Elon Musk 會點回應？

😰美伊衝突緩和….但點解股市持續下跌？🛢️美伊衝突緩和、油價開始下跌，唔係有利股市咩？但點解股市持續下跌？因為佢嘅漣漪效應，已經開始深深影響緊通脹數據….💸 再加上科技巨頭近期不斷舉債融資，連最有錢嘅NVDA，同埋啱啱先集資800億嘅Sp...
23/06/2026

😰美伊衝突緩和….但點解股市持續下跌？

🛢️美伊衝突緩和、油價開始下跌，唔係有利股市咩？但點解股市持續下跌？因為佢嘅漣漪效應，已經開始深深影響緊通脹數據….

💸 再加上科技巨頭近期不斷舉債融資，連最有錢嘅NVDA，同埋啱啱先集資800億嘅SpaceX都要繼續向市場搶錢

🔥仲有四大科技巨頭，目前只有Google宣布發新股，外嗰三間邏輯上、理論上好大機會都會做呢一樣嘢，因為佢哋嘅現金流壓力都係好大…

🤯仲嚟緊兩隻大IPO，市場不斷融資搶錢都會推升利率，…所以市場嘅風險定價，已經由中東衝突、油價走向後續嘅利率上升趨勢…

💹正如我之前所講，通脹最壞時刻仲未出現…星期四晚嘅PCE數據亦都唔會太理想…

👨‍⚖️而新聯儲局主席新作風喺下次議息會議之前都唔會講太多嘢…所以市場更加波動、得個估字…

#通脹 #利率 #科技股 #美光

🧐美光投資Anthropic，又一供應商融資案例….美光宣布投資Anthropic、確立供需關係、並且共同設計內存AI架構，以及美光公司內部部署Claude AI應用….前沿AI模型公司，直接向上游硬件大廠鎖定記憶芯片採購….意味着長遠佢...
23/06/2026

🧐美光投資Anthropic，又一供應商融資案例….

美光宣布投資Anthropic、確立供需關係、並且共同設計內存AI架構，以及美光公司內部部署Claude AI應用….

前沿AI模型公司，直接向上游硬件大廠鎖定記憶芯片採購….

意味着長遠佢哋更傾向減少對科技巨頭提供AI數據中心算力供應嘅依賴…

而美光作為Anthropic硬件供應商、同時亦投資喺Anthropic….

呢個係繼Nvidia 後，另一個重大供應商融資案例。資金係冇個別標籤，你唔會區分到美光投資落Anthropic嘅資金，同 Anthropic 向美光買記憶體嘅資金….

呢種供應商融資嘅案例越來越多，真實嘅AI需求就會變得更加模糊….

究竟係來自終端企業或者用家嘅真實需求….定係中游AI嘅競爭所產生嘅需求….

不過上游硬件繼續受惠…

#美光 #供應商融資

😰咁快畫餅不靈？！SpaceX係小型太空企業、小眾電訊公司、陷於困境社交平台…？💹說好的期待被動資金喺納入納指100掃貨….說好的供應量好少，所以容易炒高….雖然比招股價都仲有三成升幅…但SpaceX原來已經從上市後高位222下跌21%，到...
22/06/2026

😰咁快畫餅不靈？！SpaceX係小型太空企業、小眾電訊公司、陷於困境社交平台…？

💹說好的期待被動資金喺納入納指100掃貨….說好的供應量好少，所以容易炒高….

雖然比招股價都仲有三成升幅…但SpaceX原來已經從上市後高位222下跌21%，到而家175(下圖紅色箭嘴）

最搞笑嘅係Michael Burry 剝開大餅面目後嘅形容字眼一針見血..….SpaceX基本上其實係：

😨「一間小型太空企業、一間小眾電訊公司、一間陷於困境嘅社交平台、以及一間輕量版嘅CRWV、年收入不足200億嘅公司」

「fundamentally a small space company, a niche telecom, a bedeviled social media company, and a Coreweave-light” generating less than $20 billion in annual revenue.」👺

😌股神五年前嘅一番說話，而家睇返感覺別有一番滋味…👨🏻‍🦳股神巴菲特5年前講過最好嘅公司就係唔需要投入太多資本，都可以有高額回報…😈但佢當年舉出嘅絕佳公司例子，而家全部都變成燒錢狂魔….「我哋一直都知道，最理想生意模式，就係唔需要太多...
21/06/2026

😌股神五年前嘅一番說話，而家睇返感覺別有一番滋味…

👨🏻‍🦳股神巴菲特5年前講過最好嘅公司就係唔需要投入太多資本，都可以有高額回報…

😈但佢當年舉出嘅絕佳公司例子，而家全部都變成燒錢狂魔….

「我哋一直都知道，最理想生意模式，就係唔需要太多資本投入，就可以持續擴張嘅企業。

蘋果、Google、微軟同埋Facebook，佢哋都係絕佳嘅成功企業例子…

蘋果公司固定資產淨值有370億美元，巴郡就有差唔多1,700億，但佢哋賺到嘅錢比我哋多好多。

而且佢哋嘅商業模式明顯優勝過我哋。微軟係咁，Google亦都係咁…我哋一直以來都睇到佢哋比我哋更強大嘅競爭力….

呢個正正就係所有人都一直追求嘅資本主義核心本質：資本追逐回報。

而成功關鍵，就係揀唔使大灑金錢、又可以持續創造高回報項目。

如果你真係要投入大量資本，好似公用事業，本質上就唔會係高回報嘅選擇。

🔥💵你要不斷燒錢，雖然最終都會有回報，但係同Google呢啲公司比較，根本就唔係同一個級數。」

#股神巴菲特 #資本回報

😨新任聯儲局主席Kevin Warsh 係偽鷹派 ！？👨‍⚖️Kevin Warsh 喺FOMC 雖然高姿態表示對於長遠2%通脹目標毫無動搖…..😌但又同時，對傳統每季度作出嘅聯儲局經濟預測點陣圖，就直接承認自己並冇參與預測💹所以你會見...
20/06/2026

😨新任聯儲局主席Kevin Warsh 係偽鷹派 ！？

👨‍⚖️Kevin Warsh 喺FOMC 雖然高姿態表示對於長遠2%通脹目標毫無動搖…..

😌但又同時，對傳統每季度作出嘅聯儲局經濟預測點陣圖，就直接承認自己並冇參與預測

💹所以你會見到聯署官員有19個，但點陣圖只有18個圓點（下圖紅色箭嘴）….暗示覺得點陣圖毫無用處….

🚨變相佢就係拒絕緊，為經濟預測嘅數據背書..以及想擺脫舊有機制嘅束縛….

👨🏼‍💻同時，佢亦刪減咗有方向性嘅利率政策路徑指引、大大減少議息聲明字數…

👺動作擺明就係想減低利率政策透明度之餘，同時增加咗自己利率政策突然轉身嘅彈性….

🤣但諷刺矛盾嘅係：佢直指過去五年聯儲局傳達俾市場打擊通脹嘅信息唔夠清晰….

👳🏼但自己…就喺呢個所謂唔夠清晰嘅歷史包袱上，再進一步減少訊息透明度同前瞻性…

🧐呢種玩語言藝術、擺出強硬姿態、但又實質降低透明度嘅政客式作風….

📉注定會令股票市場，因為利率政策而更加波動，而同時，亦為佢可能係短期利率偽鷹派聯儲局主席….埋下一大伏筆….

🤯SpaceX IPO 後再向市場搶錢、將會發債200億美元….👨🏻‍💻據路透報道最快下星期，SpaceX將會繼啱啱先完成IPO集資850億後，再向資本市場搶錢，發債200億…..🤓趕喺今年另外兩間巨型IPO（OpenAI、Anthropi...
19/06/2026

🤯SpaceX IPO 後再向市場搶錢、將會發債200億美元….

👨🏻‍💻據路透報道最快下星期，SpaceX將會繼啱啱先完成IPO集資850億後，再向資本市場搶錢，發債200億…..

🤓趕喺今年另外兩間巨型IPO（OpenAI、Anthropic) 之前，先行「截劫」市場總共超過1000億資金…

💵感覺呢一刻，AI科技巨頭間間都急於向市場融資….四大科技巨頭微軟、亞馬遜、Google、Meta上年同今年已經持續發債….

😰Google更係籌劃發行800億股份、當中100億由股神巴菲特嘅巴郡承接….其餘三間，其實今年發新股嘅機會亦都唔細…

👽如此同時，前幾日先公布業績嘅Oracle，啱啱先融資咗480億，嚟緊又話要再發債200億、發新股200億..

👑連資金非常充沛嘅Nvidia，都話要發債250億….

🧐有冇睇到個趨勢現象？而家個個都喺度同資本市場搶錢….

🚨一係佢哋覺得而家息率好平（即係預期息口會再上升？）、或者資金缺口好大要盡早補充……？

 #利率 #瘋狂融資借錢



🤓聯儲局新主席擺出鷹派作風…特朗普係咪再次捉蟲？👮🏻侵侵親手委任嘅新任聯儲局主席Kevin Warsh，喺琴晚嘅FOMC議息會議，發表強硬應派立場….💹話佢嘅目標只有一個，就係將通脹維持喺已經五年冇出現嘅2%水平….🔥所以按目前嘅持續升溫通...
18/06/2026

🤓聯儲局新主席擺出鷹派作風…特朗普係咪再次捉蟲？

👮🏻侵侵親手委任嘅新任聯儲局主席Kevin Warsh，喺琴晚嘅FOMC議息會議，發表強硬應派立場….

💹話佢嘅目標只有一個，就係將通脹維持喺已經五年冇出現嘅2%水平….

🔥所以按目前嘅持續升溫通脹走勢，今年內加息事在必行…

👱🏻‍♂️特朗普親手發動美伊戰爭（但做唔到速戰速決）、推高油價…造成通脹近幾個月急速上升….

👺所以佢好難再好似之前咁，每日啄住前任主席鮑威爾，話佢唔減息、唔識經濟利率政策咁樣….

🤡因為今次通脹持續升溫….好大部份係因為佢嘅原因….

🚀SpaceX 2030年有1萬億收入？咁而家一年又有幾多億呢？🤓世界級畫餅大師，冇人可匹敵…Elon Musk 豪言SpaceX 2030年收入，可能有1萬億美元（下圖綠色箭嘴）…..😨當然冇嘢係絕對，但以SpaceX呢一刻年收入只係18...
16/06/2026

🚀SpaceX 2030年有1萬億收入？咁而家一年又有幾多億呢？

🤓世界級畫餅大師，冇人可匹敵…Elon Musk 豪言SpaceX 2030年收入，可能有1萬億美元（下圖綠色箭嘴）…..

😨當然冇嘢係絕對，但以SpaceX呢一刻年收入只係180億嘅狀況…

💹要五年後去到1萬億…代表嚟緊每一年佢嘅收入增長都要有122%，記住係連續五年，每年都增長122%….先可以由而家嘅零頭180億、變身做1萬億宇宙級大餅….

🧐咁個增長源頭究竟係：由火箭發射業務（2026年第一季倒退13%）、定係Startlink業務（2026年第一季增長32%）…

👽定抑或由2026年第一季得8.2億收入、增長13%嘅所謂嘅AI業務去帶動？

🤓不過市場短期就係咁神奇、刺激，SPCX呢一刻市值已經去到全美第四大…超越咗微軟（下圖紅色箭嘴）….

🤯連最有錢、現金流最強嘅Nvidia 都要借錢？🧐Nvidia 最新宣佈發行250億債券…明明資金好充裕，啱啱先宣佈股份回購800億…點解要向市場借錢?👨🏻‍💻官方說法，唔係用嚟做資本支出，只係一般資金用途，以及維持本身流動性….👽反而我嘅...
16/06/2026

🤯連最有錢、現金流最強嘅Nvidia 都要借錢？

🧐Nvidia 最新宣佈發行250億債券…明明資金好充裕，啱啱先宣佈股份回購800億…點解要向市場借錢?

👨🏻‍💻官方說法，唔係用嚟做資本支出，只係一般資金用途，以及維持本身流動性….

👽反而我嘅邏輯直覺，係佢可能為咗以供應商身份，向下游客戶提供更多融資資金….

👑以佢嘅財務實力，一定容易過下游規模較細嘅客戶借錢……而佢又可以隨時將啲錢投資去比下游供應鏈夥伴….

💵個情況就好似下游嘅客戶，而家都會用佢嘅GPU去抵押貸款同一邏輯….

當然佢亦都有可能意識到，市場資金越嚟越緊絀….或者之後利率會更高…又有3大IPO、雲端巨頭又要集資供奉返俾佢…

#發債 #供應商融資

Address

Hong Kong

Website

Alerts

Be the first to know and let us send you an email when Cfo講年報 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Cfo講年報:

Shortcuts

Share