Cfo講年報

Directions Contact the business

Cfo講年報 會計師、CFO、分析企業本質真相

本專頁所有分享純屬個人，分享內容並非投資意見，亦不構成任何投資產品之要約、要約招攬或建議。另本人無法保證有關內容的真確性和完整性。

本人可能持有本專頁所提及的公司或資產的長倉及短倉及衍生工具 , 並會在亳無預料下買入及賣出。撰文時會儘量保持客觀公正，但對所持有的資產內容亦可能有較偏頗的論述。投資涉及風險，讀者應考慮該投資是否適合閣下的個別情況，務請運用個人獨立思考、求證、分析。讀者一切的投資決定以及該投資引致的收益或損失，概與本人無關。

美國生產者物價亦加速升溫....美國9月生產者物價指數PPI 按月升1.3%，遠高於市場預期嘅0.5%呢個升幅係自2022年3月俄烏戰爭開始以來最急，亦係有紀錄以來第二高核心PPI按月升0.7%，高過上月嘅0.2%，自4月以來最大升幅核心P...
15/10/2026

美國生產者物價亦加速升溫....

美國9月生產者物價指數PPI 按月升1.3%，遠高於市場預期嘅0.5%
呢個升幅係自2022年3月俄烏戰爭開始以來最急，亦係有紀錄以來第二高

核心PPI按月升0.7%，高過上月嘅0.2%，自4月以來最大升幅
核心PPI按年升5%，8月數字上修至4.8%，係自2023年1月以來最高

四項數據全部都遠高於預期：

名義PPI按月升1.3%，預期0.5%
名義PPI按年升6.3%，預期5.3%
核心PPI按月升0.7%，預期0.3%
核心PPI按年升5%，預期4.4%

#純淨無噪音 #沉澱細味 #加息

👷無堅不摧嘅AI硬件供應鏈板塊，終於開始對高利率環境有明顯反應….唔知少年股神今次情況如何？尋晚嘅CPI尤其是核心CPI超出市場預期，但明顯仲未反映晒近期嘅油價高位影響….美國9月CPI按年升至3.7%，高過8月及7月嘅3.4%，亦高過市場...
15/10/2026

👷無堅不摧嘅AI硬件供應鏈板塊，終於開始對高利率環境有明顯反應….唔知少年股神今次情況如何？

尋晚嘅CPI尤其是核心CPI超出市場預期，但明顯仲未反映晒近期嘅油價高位影響….

美國9月CPI按年升至3.7%，高過8月及7月嘅3.4%，亦高過市場預期嘅3.6%。能源價格按年上升20.4%。

按月CPI 升0.6%，雖然同市場預期一致，但係近五個月以來最大單月升幅，8月係0.4%，而核心CPI按月升0.3%，高過市場預期嘅0.2%。

美國9月通脹數據匯總：

名義CPI按月升0.6%，符合預期
名義CPI按年升3.7%，高過預期3.6%
核心CPI按月升0.3%，高過預期0.2%
核心CPI按年升2.6%，高過預期2.4%

通脹持續升溫，一個月0.6%….年化係7.2%….當然市場會期望中東衝突結束…通脹有望舒緩

但雖然講咗好耐…一來唔知幾時真係結束…就算真係結束.. 沙特亞美行政總裁已經講咗全球石油儲備已經用咗好多….

即係油價緩衝力量已經減少….回落速度亦會變慢…所以美國10年期債息又要向上升…. 去無視聯儲局10月唔加息嘅趨勢…

#純淨無噪音 #沉澱細味 #加息

🛢️美國最新通脹繼續升溫，幾乎全面高於預期美國9月CPI按年升至3.7%，高過8月及7月嘅3.4%，亦高過市場預期嘅3.6%。能源價格按年上升20.4%。按月CPI 升0.6%，雖然同市場預期一致，但係近五個月以來最大單月升幅，8月係0...
14/10/2026

🛢️美國最新通脹繼續升溫，幾乎全面高於預期

美國9月CPI按年升至3.7%，高過8月及7月嘅3.4%，亦高過市場預期嘅3.6%。能源價格按年上升20.4%。

按月CPI 升0.6%，雖然同市場預期一致，但係近五個月以來最大單月升幅，8月係0.4%，

而核心CPI按月升0.3%，高過市場預期嘅0.2%。

美國9月通脹數據匯總：

名義CPI按月升0.6%，符合預期

名義CPI按年升3.7%，高過預期3.6%

核心CPI按月升0.3%，高過預期0.2%

核心CPI按年升2.6%，高過預期2.4%

通脹持續升溫，一個月0.6%….年化係7.2%….當然市場會期望中東衝突結束…通脹有望舒緩

但雖然講咗好耐…一來唔知幾時真係結束…就算真係結束..

沙特亞美行政總裁已經講咗全球石油儲備已經用咗好多….即係油價緩衝力量已經減少….回落速度亦會變慢…

所以美國10年期債息又要向上升…. 去無視聯儲局10月唔加息嘅趨勢….

#純淨無噪音 #沉澱細味 #加息

Meta 朱克伯格話上年投資AI其實冇乜把握….喺星期一個播客節目，朱克伯格承認，其實上年曾經同團隊講過要開一張1000至2000億美元嘅支票去競爭AI問佢嘅首席AI執行官Alexander Wang有冇信心搞得掂？當時CFO Susa...
14/10/2026

Meta 朱克伯格話上年投資AI其實冇乜把握….

喺星期一個播客節目，朱克伯格承認，其實上年曾經同團隊講過要開一張1000至2000億美元嘅支票去競爭AI

問佢嘅首席AI執行官Alexander Wang有冇信心搞得掂？

當時CFO Susan Li 警告失敗代價會好大…而Alexander 亦都只可以提交一個計劃書

但完全保證唔到一定成功….亦都完全唔知行唔行得通….

到最近佢哋終於推出新嘅AI模型，話可以媲美OpenAI嘅ChatGPT，仲有智能代理AI Muse 計劃進軍消費平台市場….

最近勢頭感覺唔錯，最近一個月都升咗17%，呢個時候講返上年嘅搏一搏冇頻撲，朱克伯格係咪開始對AI競爭嘅信心大增？

其實呢種心態可能四大科技巨頭全部都有….

#純淨無噪音 #沉澱細味

唔覺唔覺，原來美股記憶體四師兄弟今個月累計跌幅都超過一成有多….記憶體行情是否開始已成記憶？說好的UBS MU目標價1650….仲有冇希望？ #純淨無噪音 #沉澱細味 ☕️
13/10/2026

唔覺唔覺，原來美股記憶體四師兄弟

今個月累計跌幅都超過一成有多….

記憶體行情是否開始已成記憶？

說好的UBS MU目標價1650….仲有冇希望？

#純淨無噪音 #沉澱細味 ☕️

🤯博通CEO: AI投資者好似賭徒.....AVGO CEO陳福陽喺一個活動上表示，好多AI投資者好似賭徒，唔清楚自己支持緊嘅技術、但就設定極端期望佢話投資前沿大模型嘅資金湧入速度，已超出投資者對背後經濟效益嘅理解範圍而企業試用AI tok...
13/10/2026

🤯博通CEO: AI投資者好似賭徒.....

AVGO CEO陳福陽喺一個活動上表示，好多AI投資者好似賭徒，唔清楚自己支持緊嘅技術、但就設定極端期望

佢話投資前沿大模型嘅資金湧入速度，已超出投資者對背後經濟效益嘅理解範圍

而企業試用AI token就好似小朋友喺遊戲機中心用哂家長畀嘅代幣，十分鐘玩晒但乜都冇學到。

佢承認前沿AI有可行商業路徑：OpenAI年化收入達到500億美元，係鼓舞里程碑。不過持續投入大量資金訓練新模型，令OpenAI暫時仲係虧損，長遠盈利遙不可及，所以佢警告資金短缺可能係AI行業擴張嘅下一個樽頸

同場嘅Intel CEO陳立武亦表示，AI建設步伐急速，未來兩至三年硬件供應將持續緊張，但記憶體可能係最早出現需求降溫嘅類別

其實佢講得好坦白，芯片、記憶體、基建所有樽頸本質都需要資本

所以都係我一直講既嗰句: 連全宇宙最有錢嘅四大科技巨頭都陷入負數自由現金流嘅境地…

說明除咗硬件，而家最大嘅AI競爭場地係資本市場，持續不斷創20年新高嘅長債息，除咗美國政府債務規模不斷擴大外...

另一加速器，就係科技巨頭不斷用唔同方法融資、競爭資本；而賣產人皮褸黃亦推波助瀾，推出5000億融資平台….

但呢種對於資金嘅高度競爭唔會無止境地延續...個原理好似而家成日講記憶體供不應求….需要擴充產能….

但代價就係資金供不應求，利率自然不斷上升…下一步甚至係息差擴闊.....

#純淨無噪音 #沉澱細味 #資本支出 #賭場

🤯80億合同，令美國三大電訊商市值蒸發500億？上星期五SpaceX宣佈從私募基金Grain 手上以80億收購800MHZ低無線電頻譜，被市場解讀為有機會蠶食美國三大電訊商嘅移動通訊服務市場…消息令T-Mobile, AT&T 以及Veri...
12/10/2026

🤯80億合同，令美國三大電訊商市值蒸發500億？

上星期五SpaceX宣佈從私募基金Grain 手上以80億收購800MHZ低無線電頻譜，被市場解讀為有機會蠶食美國三大電訊商嘅移動通訊服務市場…

消息令T-Mobile, AT&T 以及Verizon 喺上星期五分別大跌14%、10%、9%、總市值蒸發超過500億….

但最吊詭嘅係呢個頻譜，其實啱啱八月Grain 先至由T-Mobile手上收購返嚟，但轉頭兩個月之後，Grain 就賣咗俾SpaceX….

感覺Grain根本唔係真正買家，而只係中間人，從兩個競爭對手之間，幫SpaceX出面，轉一轉手買咗極具價值嘅戰略資產？

而又諗深一層，個威脅係咪真係市場反映咁大？


#純淨無噪音 #沉澱細味

💰美國家庭延遲清還借款比例升至近16以來新高聯儲局啱啱公布每三年一次嘅消費者財務調查結果，2022-2025年嘅三年期內，拖欠貸款嘅家庭比例，由上個3年調查約12%急升至近20%，增幅約67%，係自2010年以來最高，但留意返當時美國...
09/10/2026

💰美國家庭延遲清還借款比例升至近16以來新高

聯儲局啱啱公布每三年一次嘅消費者財務調查結果，2022-2025年嘅三年期內，拖欠貸款嘅家庭比例，

由上個3年調查約12%急升至近20%，增幅約67%，係自2010年以來最高，但留意返當時美國係啱啱從金融海嘯復甦復甦….

而還款佔收入比率超過40%嘅家庭，由2022年6.5%升至8.6%，係2013年以來最高。

紐約聯儲調查亦顯示，美國家庭認為呢一刻嘅財務狀況比一年前差，預期未來一年會更弱…

喺呢幾年經濟依然有增長嘅情況下，家庭借貸還款延期反而增加咗….

即係可能財富分配更加唔均勻….或者係因為通脹問、高利率問題，蠶食咗更多家庭嘅實質財富…

🤯美國按揭利率升至創2023年11月新高…美國房地產市場係首當其衝、最直接受高利率環境所傷害嘅板塊….但當高息水平，一路持續落去，經濟體裏面嘅其他需要大額槓桿、長期現金負數嘅板塊、公司冇可能完全免疫仲要，有一個最大嘅債仔，就係美國政府都係...
07/10/2026

🤯美國按揭利率升至創2023年11月新高…

美國房地產市場係首當其衝、最直接受高利率環境所傷害嘅板塊….

但當高息水平，一路持續落去，經濟體裏面嘅其他需要大額槓桿、長期現金負數嘅板塊、公司冇可能完全免疫

仲要，有一個最大嘅債仔，就係美國政府都係響資本市場搶緊錢….

彭博報道：
美國按揭利率連續第七個星期上升，升至近三年最高水平、30年期固定按揭合約利率，喺截至10月2日上升19個基點，去到7.49%

係自2023年11月以來嘅最高位，按揭利率喺過去三個星期累計升咗大約半個百分點，係2023年初以來最快嘅升幅

自伊朗戰爭開始之後，能源成本同整體通脹持續上升，推高10年期美國國債息率

10年期國債息率直接影響按揭利率，星期一升至2002年以來最高

二手樓同新屋銷售都無法維持升勢、受壓嘅可能包括地產發展商、建材、家居用品同按揭相關金融業務

#純淨無噪音 #沉澱細味 ☕️ #通脹 #加息

🛢️高盛預期柴油價格要維持高位到2027年高盛預計2026年煉油產能會負增長，年底成品油庫存可能會低於2015年以來嘅供應庫存緩衝日數 。而如果出年需求反彈，全球煉油廠嘅產能利用率，就要創二十年新高，先可以滿足到需求….而目前約每日200...
06/10/2026

🛢️高盛預期柴油價格要維持高位到2027年

高盛預計2026年煉油產能會負增長，年底成品油庫存可能會低於2015年以來嘅供應庫存緩衝日數 。

而如果出年需求反彈，全球煉油廠嘅產能利用率，就要創二十年新高，先可以滿足到需求….

而目前約每日200萬桶中東煉油產能仲係停運，俄羅斯嘅受損生產設施…

仲有美國煉油廠，喺近期高負荷運作之後，又要進行維修

同時，沙特阿美CEO 啱啱亦提過，緊急儲備可能只可以捱到一個冬天，解決唔到長期供應問題。

即係話：就算中東衝突結束，高能源成本嘅局面未必喺短期可以扭轉…

#純淨無噪音 #沉澱細味 ☕️ #油價 #通脹

Address

Hong Kong

Website

Alerts

Be the first to know and let us send you an email when Cfo講年報 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Cfo講年報:

Shortcuts

Share