Consulate General of Nepal, Jeddah, Saudi Arab

28/10/2026

यान्बु शहरमा नेपाली कन्सुलेट जनरलको पासपोर्ट घुम्ति टोली आउने बारे जानकारी

28/10/2026

नेपाली राजदूतावास, रियादको अनुरोध ।

25/10/2026

नेपाली महावाणिज्यदूताबासको पासपोर्ट घुम्ति सेवा बारेको जानकारी

25/10/2026

नेपाली महावाणिज्यदूतावासको पासपोर्ट घुम्ति सेवा यान्बु र आभा खमिसमा चाँडै आउँदैछ । यो जानकारी आफ्नो साथीभाईहरुलाई पनि शेयर गर्नुहोस ।

18/10/2026

बिजया दशमीको हार्दिक मंगलमय शुभकामना ।
दशैंको अवसरमा कार्तिक २ देखि ४ (अक्टोबर १९-२१) सम्म ३ दिन महावाणिज्यदूतावास बन्द रहनेछ । अत्यन्त जरुरी विषयमा सम्पर्क गर्नुपरेमा कन्सुलेटको Whatsapp नम्बरमा 053 125 4099 मेसेज गर्न सक्नुहुनेछ ।

16/10/2026

महावाणिज्यदूतावासले आज २०८३ असोज ३० गते ताइफ शहरमा एक सचेतनामुलक एवम् अन्तर्क्रियात्मक कार्यक्रमको आयोजना गरेको थियो । कार्यक्रममा ताइफमा बसोबास गर्नुहुने नेपाली श्रमिक एवम् नेपाली समुदायका स्वयमसेवी दाजुभाई दिदिबहिनीहरुको सहभागिता रहेको थियो । महावाणिज्यदूतावासको टोलीले नेपाली समुदायसंग खास गरी नेपाली श्रमिकहरुले सामना गर्नु परेका विभिन्न समस्या एवम् कठिनाइहरुको समाधानका लागि अपनाउन सकिने उपायहरुको बारेमा छलफल गर्नुका साथै श्रमिकहरुले थाह पाउनु पर्ने श्रम सम्बन्धी एवम् अन्य व्यवाहारिक विषयका बारेमा सचेतनामुलक प्रस्तुती गरिएको थियो । साथै, उक्त अवसरमा नयाँ प्रणाली अन्तर्गत राहदानीको घुम्ति सेवाको परिक्षणस्वरुप केहि राहदानी आवेदन लिने कार्य सफलतापूर्वक सम्पन्न गरिनुका साथै राहदानी वितरणको कार्य समेत गरिएको थियो । कार्यक्रमलाई सफलतापूर्वक सम्पन्न गर्न महत्वपूर्ण सहजिकरण गर्नुहुने ताइफका नेपाली स्वयंसेवी नेपालीहरु र कार्यक्रममा सहभागिता जनाउनु हुने सबैप्रति हार्दिक आभार व्यक्त गर्दछौं ।

15/10/2026

🚨साउदी अरेबियामा रहनुहुने सम्पूर्ण नेपाली दाजुभाइ तथा दिदीबहिनीहरूका लागि विशेष जानकारी!

हालको सुरक्षा परिस्थितिलाई मध्यनजर गर्दै साउदी सरकारले एक महत्वपूर्ण र कडा निर्देशिका जारी गरेको छ। कृपया यस नियमको कडाइका साथ पालना गर्नुहोला:

मिसाइल तथा ड्रोन प्रतिरक्षा (Interception) र यस्ता गतिविधिहरू भएको वा खसेको स्थानको तस्बिर खिच्न, भिडियो बनाउन, सामाजिक सञ्जालमा प्रकाशन (Publish) वा सेयर (Share) गर्न पूर्ण रूपमा निषेध गरिएको छ। यस्तो कार्य गरेको पाइएमा कानुनबमोजिम कडा कानुनी कारवाही हुनेछ।

के गर्न पाइँदैन?
* कुनै पनि प्रकारका क्षेप्यास्त्र वा ड्रोन आक्रमण र त्यसको प्रतिरक्षाका भिडियो वा फोटो नखिच्नुहोस्।

* त्यस्ता घटनाका दृश्यहरू फेसबुक, टिकटक, ह्वाट्सएप वा अन्य कुनै पनि सामाजिक सञ्जालमा सेयर वा पोस्ट नगर्नुहोस्।

सुरक्षित रहनुहोस्, कानुनी झमेलाबाट बच्नुहोस् र साउदी कानुनको सम्मान गर्नुहोस्।
यो सन्देशलाई धेरैभन्दा धेरै नेपाली दाजुभाइहरूसम्म पुर्याउन यसलाई सक्दो शेयर गरिदिनुहुन अनुरोध छ।

‏تصوير أو نشر أو تداول معلومات ذات صلة بالتصدي للصواريخ والطائرات المسيرة ومواقع سقوطها يعرضك للمساءلة القانونية.

‏⁧ ⁩

‏Filming, publishing, or sharing information related to countering missiles and drones and their impact sites exposes you to legal liability.

‏⁦

12/10/2026

https://maps.app.goo.gl/HVgTz8pGMimf8GUW7 आगामी १६ अक्टोबरमा हाम्रो टोली ताईफ शहरमा आउँदैछ । त्यस क्षेत्रमा बसोबास गर्नुहुने दाजुभाई दिदिबहिनीहरुलाई कार्यक्रममा उपस्थितिको लागि हार्दिक अनुरोध छ । थप जानकारीको लागि तल उपलब्ध गराइएको मोबाइल नम्बरहरुमा सम्पर्क गर्नुहोस । लोकेसनका लागि लिंकमा क्लिक गर्नुहोस वा QR कोड स्क्यान गर्नुहोस ।

12/10/2026

साउदी अरबमा बसोबास गर्नुहुने सबै नेपाली दाजुभाई दिदिबहिनीहरुलाई यस सूचनामा उल्लेख भएका विषयहरुलाई गम्भिरतापूर्वक मनन गर्नुहून हामी अनुरोध गर्दछौं ।
जेद्दा, ताबुक, मक्का, मदिना, यान्बु, अल उला, आभा खमिस, जिजान, नजरान क्षेत्रमा बसोबास गर्ने नेपालीहरुलाई कुनै पनि विषयमा जानकारी आवश्यक भएमा महावाणिज्यदूतावासको Whatsapp नम्बर 0531254099 मा सम्पर्क गर्न सकिनेछ ।

नेपाली राजदूतावास, रियादको अनुरोध।

08/10/2026

Consulate will remain closed on Sunday, 11 October 2026.
आइतबार, २५ असोजका दिन घटस्थापनाको अवसरमा कन्सुलेट बन्द रहनेछ । कन्सुलेट बन्द रहने अरु सार्वजनिक विदाको सूचि तल हेर्नुहोला 👇