29/05/2026
⭐ GSB Stories #2 "Жи Эс Би Капитал ББСБ" ХХК-ийн Бизнес зээлийн төвийн эдийн засагч Ц.Нямбат
🔸Би 2023 оны зун буюу төгсөх курст орох жилдээ Жи Эс Би Капитал ББСБ-ын Ж.Чулуунбаатар захиралтай Да хүрээ 1 салбарт дадлагын ажлаа хийхээр анх орж байлаа. Тэр цагаас хойш өнөөдрийг хүртэл гурав дахь жилдээ ажиллаж байна.
🔸Миний хувьд анхны минь ажил байсан. Тэр ч утгаараа анх удаа тийм халуун, дулаан уур амьсгалтай, хамт олон, найрсаг ах, эгч нартайгаа танилцаад их зүйлийг сурч мэдсэн. Анх юуг ч мэдэхгүй оюутан залуу ажилд орж байсан бол одоо илүү төлөвшиж, хамт олонтойгоо найрсаг байх, харилцагч нартайгаа зөв харьцах, цагийг үр бүтээлтэй өнгөрүүлэх, цагийн зохицуулалт болон хувийн зохион байгуулалтаа сайжруулах гэх мэт олон эерэг өөрчлөлтүүдийг өөртөө гаргаж чадсан. Мөн санхүүгийн байгууллага тул санхүүгийн мэдлэгээ ч өдөр бүр сайжруулсаар байна.
🔸Ажлын туршлагагүй байхад минь тухайн үеийн Сонгинохайрхан салбарын захирал Ц.Мөнхгэрэл болон одоогийн ажиллаж буй салбарын ахлах Б.Мөнхбаяр ах нар маань ажлын ярилцлагаас эхлээд хамт олонтойгоо дотносох, ажилдаа дадлагажих бүхий л алхамд чин сэтгэлээсээ тусалж, чиглүүлж өгсөнд үргэлж баярлаж явдаг.
🔸Өнөөдрийг хүртэл байгууллагадаа тууштай ажиллаж байгаа том шалтгаануудын нэг бол ажиллах таатай орчин, ажлын хамт олон, тэр дундаа "Бизнес зээлийн төв"-ийн захирал Ж.Чулуунбаатар болон Ахлах Б.Мөнхбаяр гэх хүмүүстэй салшгүй холбоотой. Миний бүх зүйлийг дэмжиж, алдсан алдааг минь засаж, залруулан үргэлж миний талд зогсдог ийм хамт олон ард минь байдаг болохоор ажиллахад маш тухтай, таатай байдаг даа...
