What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00

សាជីវកម្មធានាឥណទានកម្ពុជា Credit Guarantee Corporation of Cambodia

Home
Cambodia
Phnom Penh
សាជីវកម្មធានាឥណទានកម្ពុជា Credit Guarantee Corporation of Cambodia

Call Directions Website Contact the business

Contact information, map and directions, contact form, opening hours, services, ratings, photos, videos and announcements from សាជីវកម្មធានាឥណទានកម្ពុជា Credit Guarantee Corporation of Cambodia, Financial service, Business Development Center (19th Floor), OCIC Boulevard , Sangkat Chroy Changvar, Khan Chroy Changvar, Phnom Penh.

CGCC is a state-owned enterprise established with the mission of providing innovative credit guarantee solutions to address challenges in the credit market, thereby contributing to greater financial inclusion and promoting national economic growth.

30/10/2026

នាថ្ងៃទី ២៧ ខែតុលា ឆ្នាំ២០២៦ លោកស្រី ពិន ម៉ានីកា ប្រធានជាន់ខ្ពស់ការិយាល័យអភិវឌ្ឍន៍ និងគ្រប់គ្រងអាជីវកម្មនៃ សាជីវកម្មធានាឥណទានកម្ពុជា (CGCC) បានចូលរួមជាវាគ្មិនមួយរូបក្នុងកិច្ចពិភាក្សា ស្តីពី “ការពង្រឹងតម្លាភាពហិរញ្ញវត្ថុ៖ ទំនាក់ទំនងរវាងព័ត៌មានហិរញ្ញវត្ថុ និងការសម្រេចចិត្តផ្ដល់ឥណទាន” ដែលជាផ្នែកមួយនៃកម្មវិធី “វេទិកាថ្នាក់ជាតិស្ដីពីហិរញ្ញប្បទានសម្រាប់ MSMEs លើកទី១ ឆ្នាំ២០២៦ ក្រោមប្រធានបទ៖ លទ្ធភាពទទួលបានហិរញ្ញប្បទានរបស់ MSMEs” ដែលសហការរៀបចំដោយ ធនាគារអភិវឌ្ឍន៍ជនបទ និងកសិកម្ម (ARDB) និង សម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC)។

លោកស្រី ពិន ម៉ានីកា បានឆ្លើយតបទៅនឹងសំណួរនៃកិច្ចពិភាក្សា ដោយផ្ដោតទៅលើយន្តការធានាឥណទានដែលអាចចូលរួមចែករំលែកហានិភ័យ និងគាំទ្រដល់ការសម្រេចចិត្តផ្ដល់ឥណទានរបស់គ្រឹះស្ថានហិរញ្ញវត្ថុទៅកាន់សហគ្រាសធុនមីក្រូ តូច និងមធ្យម (MSMEs) ដែលមានសក្ដានុពល ប៉ុន្តែខ្វះទ្រព្យធានា និងបានលើកឡើងអំពីសារៈសំខាន់នៃរបាយការណ៍ហិរញ្ញវត្ថុគ្រប់ជ្រុងជ្រោយសម្រាប់ MSMEs ដើម្បីជាមូលដ្ឋានផ្ដល់ទំនុកចិត្តទៅកាន់គ្រឹះស្ថានហិរញ្ញវត្ថុក្នុងការផ្តល់ឥណទាន ប្រកបដោយប្រសិទ្ធភាព។

កិច្ចពិភាក្សាក៏បានលើកឡើងអំពី ការផ្លាស់ប្តូរទស្សនៈ និងបទពិសោធរវាងស្ថាប័នពាក់ព័ន្ធអំពីតួនាទីនៃព័ត៌មានហិរញ្ញវត្ថុក្នុងការសម្រេចចិត្តផ្ដល់ឥណទាន បញ្ហាប្រឈម និងដំណោះស្រាយជាក់ស្ដែងក្នុងការពង្រឹងតម្លាភាព ទំនុកចិត្ត និងលទ្ធភាពទទួលបានឥណទានរបស់ MSMEs៕

29/10/2026

សូមគោរពថ្វាយព្រះពរ និងអបអរសាទរ ក្នុងឱកាសខួបលើកទី២២ នៃព្រះរាជពិធីគ្រងព្រះរាជ្យសម្បត្តិរបស់ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា!

CGCC would like to pay our sincerest highest respect and congratulate the celebration of the 22nd Coronation Anniversary of His Majesty King Norodom Sihamoni"

28/10/2026

នាថ្ងៃទី២៧ ដល់ទី២៨ ខែតុលា ឆ្នាំ២០២៦ សាជីវកម្មធានាឥណទានកម្ពុជា (CGCC) មានកិត្តិយសចូលរួមក្នុងវេទិកាថ្នាក់ជាតិស្តីពី «លទ្ធភាពទទួលបានហិរញ្ញប្បទានសម្រាប់ MSMEs» ដែលរៀបចំឡើងដោយធនាគារអភិវឌ្ឍន៍ជនបទ និងកសិកម្ម (ARDB) និងសម្ព័ន្ធសមាគមសហគ្រាសធុនតូច និងមធ្យម (FASMEC) នៅមជ្ឈមណ្ឌលសន្និបាត និងពិព័រណ៍កោះពេជ្រ។

នៅក្នុងវេទិកានេះ CGCC បានចូលរួមតាំងបង្ហាញនៅស្តង់ពិព័រណ៍ ដើម្បីចែករំលែកព័ត៌មានអំពីយន្តការ និងអត្ថប្រយោជន៍នៃការធានាឥណទាន ព្រមទាំងផ្តល់ការយល់ដឹងបន្ថែមអំពីតួនាទីរបស់ CGCC ក្នុងការសម្របសម្រួលដល់ម្ចាស់អាជីវកម្មដែលខ្វះទ្រព្យធានាគ្រប់គ្រាន់ ក្នុងការទទួលបានឥណទានពីគ្រឹះស្ថានហិរញ្ញវត្ថុជាដៃគូ។

វេទិកានេះ បង្កើតឡើងក្នុងគោលបំណង ដើរតួនាទី ជាវេទិកាពិភាក្សា អំពីបញ្ហាប្រឈមនានា ការស្វែងរកកាលានុវត្តភាពថ្មីៗ និងដំណោះស្រាយជាក់ស្តែង សម្រាប់ពង្រឹងលទ្ធភាពទទួលបានហិរញ្ញប្បទានចាំបាច់ ព្រមទាំងផ្តល់នូវព័ត៌មានទូទៅ និងការយល់ដឹងបន្ថែមអំពីការត្រៀមខ្លួនក្នុងការស្នើសុំ និងការទទួលបានឥណទានរបស់ម្ចាស់សហគ្រាសធុនមីក្រូ តូច និងមធ្យមនៅកម្ពុជា។

28/10/2026

នាថ្ងៃទី២៣ ខែតុលា ឆ្នាំ២០២៦ CGCC បានរៀបចំវគ្គបណ្ដុះបណ្ដាលទី៣ នៃកម្មវិធីកសាងសមត្ថភាពសហគ្រិនរបស់ CGCC (EPIC) ឆ្នាំ២០២៦ លើប្រធានបទ «ផែនការអាជីវកម្ម និងការព្យាករណ៍ហិរញ្ញវត្ថុ» ក្រោមកិច្ចសហការជាមួយកម្មវិធីកសាងសមត្ថភាព និងជំនាញសម្រាប់សហគ្រាសធុនតូច និងមធ្យម (BCC) របស់ធនាគារ Maybank Cambodia។

ជាកិច្ចចាប់ផ្ដើមនៃកម្មវិធី លោក ណូ លីដា អគ្គនាយក CGCC បានថ្លែងមតិស្វាគមន៍ ដោយលោកបានលើកឡើងអំពីសារៈប្រយោជន៍នៃប្រធានបទបណ្ដុះបណ្ដាល ទាំង ៣វគ្គ របស់កម្មវិធី EPIC ឆ្នាំ២០២៦ និងគូសបញ្ជាក់អំពីទស្សនវិស័យ និងគុណតម្លៃ ដែលជាផ្នែកមួយដ៏សំខាន់ក្នុងការកសាងនូវភាពរឹងមាំរបស់អាជីវកម្ម។

ជាកិច្ចបន្ទាប់ លោកស្រី ជុន សុថានី ប្រធាននាយកដ្ឋានយុទ្ធសាស្រ្ត និងអភិវឌ្ឍន៍អាជីវកម្មនៃ CGCC ក្នុងនាមជាគ្រូបណ្តុះបណ្តាល នៃប្រធានបទបណ្ដុះបណ្ដាលនាថ្ងៃនេះ បានចែករំលែកចំណេះដឹង ដោយផ្តោតលើគំរូអាជីវកម្ម, ការរៀបចំផែនការអាជីវកម្ម, ការយល់ដឹងអំពីទិន្នន័យ និងការព្យាករណ៍លំហូរសាច់ប្រាក់របស់អាជីវកម្ម។ នៅក្នុងវគ្គបណ្ដុះបណ្ដាលនេះ សិក្ខាកាមទាំងអស់ មិនត្រឹមតែទទួលបានចំណេះដឹងប៉ុណ្ណោះទេ តែបានអនុវត្តជាក់ស្ដែងដើម្បីរៀបចំធាតុផ្សំសំខាន់ៗ ក្នុងការរៀបចំផែនការអាជីវកម្ម និងការព្យាករណ៍ហិរញ្ញវត្ថុផងដែរ។

បន្ទាប់ពីវគ្គបណ្តុះបណ្តាល សិក្ខាកាមទាំងអស់តម្រូវឱ្យបំពេញកិច្ចការ រួមមានការរៀបចំផែនការ Business Model Canvas ៣០ថ្ងៃ, ការធ្វើផែនការអាជីវកម្ម និងការធ្វើផែនការហិរញ្ញវត្ថុ លើការព្យាករណ៍ចំណេញ ខាត និងលំហូរសាច់ប្រាក់។ វគ្គបណ្ដុះបណ្ដាលនេះ ត្រូវបានបញ្ចប់ដោយការធ្វើតេស្ដវាយតម្លៃ ដើម្បីវាស់ស្ទង់កម្រិតនៃការយល់ដឹងរបស់អ្នកចូលរួមលើប្រធានបទទាំង៣ ដែលសិក្ខាកាមទទួលបានពីកម្មវិធី EPIC 2026 ទាំងមូល។

ជាការបូកសរុបបញ្ចប់កម្មវិធី EPIC ឆ្នាំ២០២៦ សិក្ខាកាមដែលបានបំពេញគ្រប់លក្ខខណ្ឌនឹងចូលរួមវគ្គបញ្ចប់ការសិក្សា និងទទួលវិញ្ញាបនបត្រនៅខែធ្នូខាងមុខនេះ៕

27/10/2026

កាលពីថ្ងៃទី២៣ ខែតុលា ឆ្នាំ២០២៦ លោកស្រី ពិន ម៉ានីកា ប្រធានជាន់ខ្ពស់ការិយាល័យអភិវឌ្ឍន៍ និងគ្រប់គ្រងអាជីវកម្ម បានចូលរួមជាវាគ្មិនកិត្តិយស ក្នុងរបៀបវារៈស្តីពីកម្មវិធីហិរញ្ញប្បទាន និងឥណទានសម្រាប់អាជីវកម្មកសិកម្ម នៃវេទិកា និងពិព័រណ៍កសិកម្មកម្ពុជា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ។

តាមរយៈរបៀបវារៈនេះ លោកស្រី ពិន ម៉ានីកា បានចែករំលែកអំពីគម្រោងធានាឥណទានសម្រាប់សហគ្រាសធុនតូច និងមធ្យម រួមទាំងកសិធុរកិច្ច អំពីព័ត៌មានទូទៅ និងវឌ្ឍនភាពរបស់ CGCC នីតិវិធី និងអត្ថប្រយោជន៍នៃយន្តការធានាឥណទាន និងជាពិសេស អំពីលក្ខខណ្ឌទូទៅ សម្រាប់ម្ចាស់សហគ្រាសធុនតូច និងមធ្យម ក្នុងការស្នើសុំ និងទទួលបានហិរញ្ញប្បទានដែលមានការធានាពី CGCC ដើម្បីជាចំណែកមួយក្នុងការពង្រឹង និងពង្រីកអាជីវកម្មប្រកបដោយទំនុកចិត្ត និងមានប្រសិទ្ធភាព។

CGCC សង្ឃឹមថា អ្នកចូលរួមបានស្វែងយល់កាន់តែច្បាស់អំពីនីតិវិធី និងអត្ថប្រយោជន៍នៃការធានាឥណទានរបស់ CGCC សម្រាប់ការចូលរួមអភិវឌ្ឍអាជីវកម្ម៕

27/10/2026

នាថ្ងៃទី២៣ ខែតុលា ឆ្នាំ២០២៦ លោក ណូ លីដា អគ្គនាយក CGCC បានអញ្ជើញចូលរួមជាវាគ្មិនកិត្តិយសមួយរូប ក្នុង “កិច្ចពិភាក្សាបើកចំហរ៖ សំណួរចម្លើយ ស្តីពីការទទួលបានហិរញ្ញប្បទាន និងសេវាគាំទ្រនានា” ដែលជារបៀបវារៈសំខាន់មួយ នៃវេទិកា និងពិព័រណ៍កសិកម្មកម្ពុជា ឆ្នាំ២០២៦ ដែលរៀបចំឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ។

តាមរយៈកិច្ចពិភាក្សាសំណួរចម្លើយនេះ លោកអគ្គនាយក CGCC បានឆ្លើយតបទៅនឹងសំណួរជាច្រើន របស់អ្នកចូលរួម ជាពិសេសម្ចាស់អាជីវកម្មក្នុងវិស័យកសិកម្ម និងវិស័យពាក់ព័ន្ធ អំពីសារៈសំខាន់នៃការធានាឥណទានក្នុងការជួយសម្រួលដល់ការទទួលបានហិរញ្ញប្បទាន។ លោកអគ្គនាយកបានពន្យល់ថា ការធានាឥណទានពិតជាអាចជួយដោះស្រាយបញ្ហាកង្វះទ្រព្យធានារបស់ម្ចាស់អាជីវកម្ម ដោយជួយបង្កើនលទ្ធភាពក្នុងការទទួលបានកម្ចីពីធនាគារ និងគ្រឹះស្ថានមីក្រូហិរញ្ញវត្ថុជាដៃគូ។

ជាមួយគ្នានេះ លោកអគ្គនាយកក៏បានលើកឡើងពីតួនាទីរបស់ CGCC ក្នុងការចែករំលែកហានិភ័យឥណទានជាមួយគ្រឹះស្ថានហិរញ្ញវត្ថុជាដៃគូ តាមរយៈយន្តការធានាឥណទាន ដែលអាចជួយលើកកម្ពស់ទំនុកចិត្តរបស់គ្រឹះស្ថានហិរញ្ញវត្ថុក្នុងការផ្តល់កម្ចីដល់ម្ចាស់អាជីវកម្មដែលមានលទ្ធភាពសងត្រឡប់ ប៉ុន្តែខ្វះទ្រព្យធានាគ្រប់គ្រាន់។ លោកអគ្គនាយកក៏បានបញ្ជាក់ពីសារៈសំខាន់នៃការរៀបចំផែនការអាជីវកម្ម ការគ្រប់គ្រងចំណូល ចំណាយ និងការរៀបចំឯកសារចាំបាច់ឱ្យបានត្រឹមត្រូវ ដើម្បីបង្កើនលទ្ធភាពក្នុងការទទួលបានហិរញ្ញប្បទាន។

26/10/2026

នាថ្ងៃទី២៣ ដល់ថ្ងៃទី២៥ ខែតុលា ឆ្នាំ២០២៦ សាជីវកម្មធានាឥណទានកម្ពុជា (CGCC) មានកិត្តិយសបានចូលរួមវេទិកា និងពិព័រណ៍កសិកម្មកម្ពុជា ឆ្នាំ២០២៦ ដែលរៀបចំឡើងដោយ ក្រសួងកសិកម្ម រុក្ខាប្រមាញ់ និងនេសាទ និងអង្គការស្បៀង និងកសិកម្មនៃអង្គការសហប្រជាជាតិ (FAO) នៅមជ្ឈមណ្ឌលសន្និបាត និងពិព័រណ៍កោះពេជ្រ។

វេទិកានេះ បានរៀបចំឡើងក្នុងរយៈពេល ៣ថ្ងៃ ជាមួយនឹងកម្មវិធីអមផ្សេងៗ រួមមានកិច្ចពិភាក្សាតុមូល កិច្ចពិភាក្សាបើកចំហរ បទបង្ហាញពីវាគ្មិនកិត្តិយស ព្រមទាំងការដាក់តាំងបង្ហាញផលិតផល និងសេវាកម្មសម្រាប់វិស័យកសិកម្ម និងវិស័យពាក់ព័ន្ធ ដែលផ្តល់ឱកាសឱ្យអ្នកចូលរួមគ្រប់រូបអាចទទួលបានព័ត៌មានកាន់តែស៊ីជម្រៅ អំពីការវិវឌ្ឍនៃវិស័យកសិកម្មនៅកម្ពុជា ព្រមទាំងគោលដៅជាយុទ្ធសាស្ត្ររបស់គ្រប់ភាគីពាក់ព័ន្ធ ក្នុងការអភិវឌ្ឍវិស័យកសិកម្មនៅកម្ពុជា។

តាមរយៈវេទិកានេះ CGCC បានចូលរួមតាំងបង្ហាញ និងផ្តល់ព័ត៌មានលម្អិតអំពីសេវាកម្ម និងផលិតផលរបស់ CGCC ជូនអ្នកចូលរួម ដែលបានអញ្ជើញមកកាន់ស្តង់ពិព័រណ៍របស់ CGCC ជាពិសេសអំពីអត្ថប្រយោជន៍នៃការធានាឥណទាន សម្រាប់ម្ចាស់អាជីវកម្មធុនមីក្រូ តូច និងមធ្យម ជាពិសេសសម្រាប់ម្ចាស់អាជីវកម្មក្នុងវិស័យកសិកម្ម ដើម្បីពង្រីកលទ្ធភាពទទួលបានហិរញ្ញប្បទានចាំបាច់ សម្រាប់គាំទ្រដល់អាជីវកម្មខ្លួនប្រកបដោយប្រសិទ្ធភាព៕

From October 23 to 25, 2026, Credit Guarantee Corporation of Cambodia (CGCC) participated in the Cambodia Agriculture Forum and Exhibition 2026, organized by the Ministry of Agriculture, Forestry and Fisheries and the Food and Agriculture Organization of the United Nations (FAO) at the Koh Pich Convention and Exhibition Center.

The forum was held for three days, with a variety of insightful sessions, including panel discussions, open discussions, presentations by distinguished speakers, as well as an exhibition of products and services for the agricultural sector. This aims to allow every participant to gain in-depth information on the development of the agricultural sector in Cambodia, as well as the strategic goals of all stakeholders to develop the agricultural sector in Cambodia.

Through this forum, CGCC participated to showcase and provide details information to the participants who came to the CGCC exhibition booth about CGCC’s services and products, including the benefits of credit guarantee for micro, small, and medium enterprise (MSMEs), especially for business owners in the agricultural sector, to enable business owners to effectively obtain financing to support their businesses.

22/10/2026

🌾 CGCC គាំទ្រសហគ្រាសធុនតូចនិងមធ្យម និងជាពិសេស ម្ចាស់អាជីវកម្មក្នុងវិស័យកសិកម្ម ក្នុងការទទួលបានហិរញ្ញប្បទានចាំបាច់ ក្នុងការទ្រទ្រង់ និងពង្រីកអាជីវកម្ម តាមរយៈការធានាឥណទាន។

ម្ចាស់អាជីវកម្មក្នុងវិស័យកសិកម្មទាំងអស់គ្នា អាចស្វែងយល់បន្ថែមអំពីការធានាឥណទានជាមួយក្រុមការងារ CGCC ដោយផ្ទាល់នៅស្តង់របស់ CGCC ក្នុងវេទិកា និងពិព័រណ៍កសិកម្មកម្ពុជា ឆ្នាំ២០២៦ (Cambodia Agriculture Forum & Exhibition 2026 (CAFE26)។

📅 កាលបរិច្ឆេទ៖ ថ្ងៃទី២៣–២៥ ខែតុលា ឆ្នាំ២០២៦
📍 ទីតាំង៖ មជ្ឈមណ្ឌលពិព័រណ៍ និងសន្និបាតកោះពេជ្រ រាជធានីភ្នំពេញ

📣 កុំភ្លេចចូលរួមទស្សនាស្ដង់របស់ CGCC ឱ្យបានច្រើនកុះករទាំងអស់គ្នា!

21/10/2026

📊 វឌ្ឍនភាពនៃការធានាឥណទានរបស់ CGCC គិតត្រឹមថ្ងៃទី៣០ ខែកញ្ញា ឆ្នាំ២០២៦ 🇰🇭

📈 តាមរយៈព្រឹត្តិបត្រវឌ្ឍនភាពនៃការធានាឥណទានប្រចាំខែរបស់ CGCC នេះ លោកអ្នកអាចស្វែងយល់លម្អិតអំពីបច្ចុប្បន្នភាពនៃទិន្នន័យការធានាឥណទានរបស់ CGCC គិតចាប់តាំងពីខែមេសា ឆ្នាំ២០២១ ដែល CGCC បានដាក់ឱ្យដំណើរការគម្រោងធានាឥណទានដំបូង រហូតដល់ថ្ងៃទី៣០ ខែកញ្ញា ឆ្នាំ២០២៦។

✅ គិតត្រឹមចុងខែកញ្ញា ឆ្នាំ២០២៦ CGCC បានផ្តល់ការធានាសរុបចំនួន ១០.៩៨៦ គណនី ដែលក្នុងនោះ៖

💰 ឥណទានដែលមានការធានាមានទំហំ ៦២៦,០៤ លានដុល្លារអាមេរិក
📑 សញ្ញាបណ្ណដែលមានការធានាមានទំហំ ៣០ លានដុល្លារអាមេរិក។

20/10/2026

នាថ្ងៃទី១៩ ខែតុលា ឆ្នាំ២០២៦ នៅទីស្នាក់ការកណ្ដាលធនាគារ FTB សាជីវកម្មធានាឥណទានកម្ពុជា (CGCC), FTB, និង SME Bank បានសហការរៀបចំពិធីចុះហត្ថលេខាលើ «កិច្ចព្រមព្រៀងស្ដីពីការអនុវត្តគម្រោងហិរញ្ញប្បទានប្រសិទ្ធភាពថាមពល» រវាង FTB និង ធនាគារសហគ្រាសធុនតូច និងមធ្យម កម្ពុជា (SME Bank) និង «កិច្ចព្រមព្រៀងស្ដីពីគម្រោងធានាឥណទានសម្រាប់ប្រសិទ្ធភាពថាមពល (EEGS)» រវាង FTB និង CGCC ដែលជាគម្រោងធានាឥណទានត្រូវបានបង្កើតឡើងជាពិសេស ក្រោមមូលនិធិបង្វិលសម្រាប់ប្រសិទ្ធភាពថាមពល (EERF)។

គម្រោង EERF នេះបង្កើតឡើងដើម្បីពង្រីកលទ្ធភាពទទួលបានហិរញ្ញប្បទាន ដល់សហគ្រាស សម្រាប់ការវិនិយោគលើបច្ចេកវិទ្យា ម៉ាស៊ីន បរិក្ខារ អគារ និងប្រព័ន្ធផលិតកម្មដែលប្រើប្រាស់ថាមពលកាន់តែមានប្រសិទ្ធភាព ក្រោមការគាំទ្រផ្នែកហិរញ្ញវត្ថុ និងបច្ចេកទេសពីធនាគារអភិវឌ្ឍន៍អាស៊ី (ADB) និងក្រសួងរ៉ែ និងថាមពល។

ឆ្លៀតក្នុងឱកាសនេះ លោក ណូ លីដា អគ្គនាយក CGCC មានប្រសាសន៍ថា “ពិធីចុះហត្ថលេខានាពេលនេះ គឺជាភស្តុតាងដ៏ប្រសើរមួយ នៃការសហការ រវាងស្ថាប័នពាក់ព័ន្ធ ដើម្បីដោះស្រាយបញ្ហារួមគ្នា ដែលរួមមានទាំងស្ថាប័នរដ្ឋ (ក្រសួងរ៉ែ និងថាមពល, CGCC និង SME Bank), ស្ថាប័នឯកជន (FTB Bank) និង ដៃគូអភិវឌ្ឍន៍ (ADB) ក្នុងការរួមគ្នាជំរុញការវិនិយោគលើប្រសិទ្ធភាពថាមពល និងគាំទ្រការអភិវឌ្ឍសេដ្ឋកិច្ចប្រកបដោយចីរភាពនៅកម្ពុជា។ ដើម្បីគាំទ្រដល់ការអនុវត្តគម្រោង EERF នេះ CGCC បានបង្កើត Energy Efficient Guarantee Scheme (EEGS) ក្នុងគោលដៅផ្តល់ការធានាលើកម្ចីសរុប ក្នុងទំហំ ២០លានដុល្លារ។ ការធានារបស់ CGCC ក្រោមគម្រោង EEGS នេះ នឹងដើរតួជាកាតាលីករដ៏សំខាន់ ក្នុងការបង្កើនលទ្ធភាពទទួលបានហិរញ្ញប្បទានរបស់សហគ្រាសធុនតូច និងមធ្យមដែលមានគុណវុឌ្ឍិ ដើម្បីប្រើប្រាស់ជាទុនបង្វិល ឬការវិនិយោគលើគម្រោង ដែលពាក់ព័ន្ធនឹងការបង្កើនប្រសិទ្ធភាពនៃការប្រើប្រាស់ថាមពល និងជួយជំរុញឱ្យមានការផ្តល់ហិរញ្ញប្បទានកាន់តែច្រើនទៅកាន់គម្រោងថាមពលស្អាត និងគម្រោងដែលបង្កើនប្រសិទ្ធភាពថាមពល។”

តាមរយៈគម្រោង EERF នេះ ម្ចាស់អាជីវកម្ម និងសហគ្រាសធុនតូច និងមធ្យម នឹងទទួលបាននូវដំណោះស្រាយហិរញ្ញវត្ថុដែលមានអត្រាការប្រាក់សមរម្យ រយៈពេលឥណទានអំណោយផល និងយន្តការធានាឥណទាន ដែលជួយកាត់បន្ថយតម្រូវការទ្រព្យធានា សម្រួលថ្លៃដើមប្រតិបត្តិការ បង្កើនផលិតភាព និងកាត់បន្ថយការបំភាយឧស្ម័នផ្ទះកញ្ចក់ ព្រមទាំងផ្តល់អាទិភាពដល់សហគ្រាសដែលដឹកនាំដោយស្ត្រីផងដែរ ដើម្បីលើកកម្ពស់សមភាពយេនឌ័រ និងបរិយាបន្នហិរញ្ញវត្ថុ៕

Address

Business Development Center (19th Floor), OCIC Boulevard , Sangkat Chroy Changvar, Khan Chroy Changvar
Phnom Penh
12210

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00

Telephone

+85523722123

Website

http://www.cgcc.com.kh/, https://t.me/CGCCCambodia

Alerts

Be the first to know and let us send you an email when សាជីវកម្មធានាឥណទានកម្ពុជា Credit Guarantee Corporation of Cambodia posts news and promotions. Your email address will not be used for any other purpose, and you can unsubscribe at any time.