香港的士交易所 HKTEx

香港的士交易所 HKTEx HKTEx App 一站式的士買賣租賃平台

香港的士交易所成立於香港特別行政區，是區內領先之的士交易所營運機構，是全港其中一間最大之的士交易所集團。

香港的士交易所是經營香港各區的士牌照及車輛買賣交易的結算所，亦是香港的士交易所內的士牌照買賣代理的前線監管機構。

香港的士交易所的工作包括: 為香港的士牌照及車輛買賣市場提供一個可靠的買賣平台，以誠實、公開、透明、專業的態度，提供一站式的士牌照買賣中介服務。監管及確保交易買賣各個細節公平有序地運作，審慎管理風險，保障買賣雙方應有權益，促進和推動市場發展。

市場資訊中心

香港的士交易所透過旗下的數據服務中心提供可靠的市場資訊，包括最新各區的士牌價、成交記錄、市場相關新聞和市場動態，讓公眾掌握最新的士牌照買賣的可靠資訊。

的士牌照買賣代理

為確保市場公平有序地運作，香港的士交易所提供已登記之專業的士牌照買賣代理，為買賣雙方提供交易、結算及交收、託管及代理公司轉介服務，以誠實、專業的態度處理買賣細節，確保交易順利完成。

的士管理服務

香港的士交易所致力提供優質的的士管理服務，從而車主無需擔心尋找司機的煩惱，我們會有專人跟進一切管理的士的瑣碎事情，車主便可安心地直接收取穩定的租金回報。

31/08/2026

如想觀看足本版，請登入香港的士交易所YouTube官方頻道收看。
影片連結：https://youtu.be/yVxuQA4RcMU?si=noN6zl6_0qry7b5L

閱覽文章：https://www.hongkongtaxiexchange.com/single-post/%E3%80%90ai%E5%A4%A7%E6%88%B0-%E5%82%B3%E7%B5%B1%E7%9A%84%E5%A3%AB%E7%94%9F%E5%AD%98%E6%89%8B%E5%86%8A%E3%80%91

【HKTEx 一站式的士買賣租賃平台App】

想買賣的士牌？放租的士搵司機？從此變得輕鬆簡單！
你而家可以用 香港的士交易所 App -「HKTEx」免費自助搵盤放盤喇！
訂金、成交價、成交期，全部自己話晒事！
結合線上線下，香港的士交易所 HKTEx 一站式為你服務，你仲可以自助放租的士搵司機添！
無論你係想搵盤放盤、租的士、買的士，HKTEx 都幫到你，
App內仲會提供按揭資訊、成交記錄、最新市場動向一應俱全！
如果想深入了解的士牌買賣詳情，更加可以係App內免費報名參加「的士牌照買賣投資講座」
另外特別推介：「AI智能到價提示助理」功能，助你輕鬆搵到心水售盤租盤，唔會錯失任何機會！

立即免費下載 香港的士交易所 App -「HKTEx 一站式的士買賣租賃平台」啦！

App Store：➡️ https://apps.apple.com/us/app/hktex-%E4%B8%80%E7%AB%99%E5%BC%8F%E7%9A%84%E5%A3%AB%E8%B2%B7%E8%B3%A3%E7%A7%9F%E8%B3%83%E5%B9%B3%E5%8F%B0/id1643871037

Google Play：➡️ https://play.google.com/store/apps/details?id=com.hktex.app&hl=zh-HK&pli=1

===========================
香港的士交易所 HKTEx：

📌 官方網站 ➡️ http://www.hktex.com.hk

☎️ 聯絡我們👇🏼

📞 熱線電話 ➡️ (852) 5239-7034
📲 WhatApp查詢 ➡️ https://api.whatsapp.com/send?phone=85252397034

===========================

19/08/2026

經典回顧〡節目重溫〡專題探討【無人駕駛的士啟示錄 重製版】2021年12月31日

大家好，我係Tiffany，今集淺談一個主題「無人駕駛的士啟示錄」，我們嘗試預測一下，到底未來如果香港發展無人駕駛的士，會發生甚麼情況？對於的士投資者及的士司機，又會有甚麼的啟示？

其實無人駕駛並不是新事物，世界各地都有不同的公司品牌，正在急速發展無人駕駛技術。甚至已試行無人駕駛的士，進入商業化收費階段。例如在美國鳳凰城，Waymo無人駕駛的士，於2021年9月獲加州車輛管理局允許，可以在特定區域對無人駕駛載客的士服務進行商業收費。起中國國內，無人駕駛的士已經進入商業化收費階段。在北京，百度和小馬智行的無人駕駛的士已經獲准率先試行，向乘客開啟體驗收費服務。即使香港未有無人駕駛的士試行，但在香港國際機場，機管局早前宣佈，投放約HK$5000萬港元發展無人駕駛技術。當中包括無人駕駛拖車，無人駕駛巡邏車，和測試無人駕駛巴士。目前機場已經有2部無人駕駛巡邏車進行日常巡邏，正式投入服務。所以在香港發展無人駕駛的士是未來大方向，絕對是好大機會會發生的事情。只是到時候以怎樣形式進行是未知之數。我們嘗試預測發展方向的可能性：

第一個可能性，將現有的士車輛轉換成無人駕駛的士車輛。即現有的士車主，有權申請將擁有的士轉換成無人駕駛的士車輛，以無人駕駛的方式去營運。第二個可能性，政府直接新增一定數量的無人駕駛的士，交由受權的營運商統一經營運作。不過無論甚麼可能性都好，由於無人駕駛屬於新的範疇，要順利發展，大前提一定是香港政府要重新訂立無人駕駛車輛的相關法規。例如萬一遇到交通意外，損傷賠償的責任到底由哪一方負責？車廠？車主？定係保險公司呢？另外，無人駕駛技術亦引發不少潛在的問題和爭議；例如無人駕駛車輛較易成為恐佈襲擊的工具。又例如，無人駕駛嘅AI在預測到行駛前方會發生交通意外時，但無論車輛係急煞，定轉左，或者轉右，都會造成唔同人命傷亡的時候，AI又會點樣決策呢？

雖然有唔少潛在的問題同爭議，但係無人駕駛技術絕對係事在必行的發展大方向。那麼發展無人駕駛的士對於的士投資者有啲咩啟示？由於無人駕駛的士唔洗再使用司機，所以的士車主是可以直接賺取乘客車費的利潤，相對回報增加咗。不過現有嘅的士車主到底會唔會得益？就好視乎無人駕駛的士的發展情況，舊有車主有冇權去轉換新車去經營，這個是未知之數。

至於發展無人駕駛的士對於的士司機又有何啟示？最直接的啟示是由於無人駕駛的士不再使用司機，市場上對司機的需求會越來越少，的士司機變相有機會失業。

雖然無人駕駛的士係發展大方向，但我們相信要全面實行仲有一段好長的時間。當中起發展過程中會有技術上，同埋法例政策上的變化。所以有機會會有發展方向的轉變。我哋會定期update大家最新情況，密切留意我們的Channel 。咁今集就同大家講到呢度，記得留言話俾我哋知你嘅睇法，下集見。

Tiffany
香港的士交易所 HKTEx 主播
首次上架：2021年12月31日

07/08/2026

【網約車會打殘的士市場？】︱AI的士快訊︱2026年8月7日

「香港人一講起的士，通常得一個反應：玩完。但呢一個月內，金錢，好似同輿論行緊相反方向。」

回望倫敦同東京嘅案例，傳統的士資產之所以能夠抗衡網約車，關鍵從來唔係靠政策保護，而係靠「轉型效率」。香港的士業，依家正行緊呢一步。歷史上呢齣戲做過三次：深圳2019年建成全球最大電動的士車隊，行業冇死；倫敦「黑的」換晒LEVC(London Electric Vehicle Company)電動車，靠升級續命；紐約的士堅持唔變，的士牌價插到見骨。的士從來唔係死於網約車——係死於「一成不變」。

這次香港的士業引進嘅係創維新款純電動的士，車內有AI聊天機械人同空氣淨化，甚至可以變身成「豪華床舖車」，幫司機開拓高客單價市場。加上配合50個充換電站嘅規劃，解決咗電動車營運嘅最大問題。另一邊廂，科技大學同 DASH 研發嘅「StreetSights」系統，將香港劃分350個區域進行大數據調度，本質上係的士業一場遲來嘅「工業革命」。

咁而家盤數點計先？新電車只售24萬6，續航距離480公里；AI實測令收入多16%。車價落咗、收入增加、司機自然肯租——資產回報條數，係近十年第一次向牌主嗰邊傾。仲好多人諗漏咗嘅位：全港的士需求，六成係街頭截車。呢六成，網約車平台食唔曬——你喺街邊擰手截車，冇App冇佣金冇平台。以前個個當呢六成係『舊經濟』，AI就將呢6成嘅線下流量全面數據化，佢即刻變成成個行業最深嘅護城河。當的士擁有同網約車一樣、甚至更強嘅派單同預測能力，傳統的士牌嘅資產價值，將會被重新定義。

所以Thinking outside the box：最危險嘅唔係行業轉型，係你以為佢唔會轉，喺谷底沽咗貨。當然，300架車對成個行業只係杯水車薪，見真章仲要睇落地後嘅成績。但方向已經郁咗。作為投資者，睇到嘅唔單止係一架新車，而係一個資產升值嘅新周期。你覺得的士業係「價值陷阱」定係「錯殺股」？留言分享你嘅睇法。

Tiffany
香港的士交易所 HKTEx 主播
2026年8月7日

#香港的士牌價 #的士牌 #網約車 #的士 #一站式的士買賣租賃平台 #的士市場資訊 #新聞 #女主播

31/07/2026

【網約車合法化其實係救的士？】︱AI的士快訊︱2026年7月31日

「8月3日網約車合法化係判的士死刑？我反而覺得係的士業十幾年嚟最好嘅機遇。」

你諗下而家咩世界：白牌車唔使考牌、保險平、入行成本近乎零，咁同的士搶客，呢個先叫不公平。合法化之後，要考筆試、攞許可證、平台要交營運數據俾政府、仲要得1萬個牌。網約車呢個對手，第一次要『畀入場費』。

回顧國際：紐約網約車完全唔設上限，結果令的士牌價起十年蒸發九成；倫敦黑的就冇死，因為佢哋嘅係鬥質素、仲有埋巴士線特權。好多人只睇到的士同網約車嘅爭拗。但如果你從「智慧城市」嘅角度去睇，就會明白香港交通正經歷一場三十年來最重要嘅變革。

關鍵不在於發幾多個網約車牌，而在於政府即將建立嘅「智能監管系統」。未來，網約車平台必須同運輸署系統對接，實時提交營運數據。這代表香港終於告別『街頭執法』，進入大數據治理時代。當政府掌握咗最真實嘅出行數據，的士車隊同網約車就唔再係「零和遊戲」。數據會話畀政府聽，邊度唔夠車、幾時需要增發牌照。用科技解決民生問題，先係國際大都會應有嘅格局。

所以真正嘅問題從來唔係『網約車殺唔殺死的士』，而係的士接唔接得住一個公平嘅競爭環境。的士車隊車隊創辦人自己都預計，網約車規管後，初期可能會有司機回流的士業。道門，其實一值都開緊。

記住呢句：保護唔會令你贏，只會令你遲啲輸。的士業要贏返香港人嘅心，唔係靠條例，係靠服務。你幾耐冇搭過的士？留言話我知。

Kristin
香港的士交易所 HKTEx 主播
2026年7月31日

#香港的士牌價 #的士牌 #網約車 #的士 #一站式的士買賣租賃平台 #的士市場資訊 #新聞 #女主播

24/07/2026

【香港靠百度實現「空鐵聯運」？】︱AI的士快訊︱2026年7月24日

咩話？香港唔係市場，只係一隻棋？
�個個都以為，無人駕駛的士登陸西九，百度一定賺大錢。但點解百度股價反而下跌？其實有冇諗過香港根本唔係佢嘅市場。你諗下：部署得幾架車，實際路面3.3公里，呢個規模連間茶餐廳都養唔起喇。咁點解百度仲要貼錢做？但如果你從大灣區「空鐵聯運」嘅戰略角度去睇，就會明白呢步棋可能係關乎香港國際航空樞紐嘅生死戰。�
香港係全世界數一數二難考嘅路試，堪稱一個完美嘅實驗場地！喺武漢Work到，唔等於喺香港都Work到。但調返轉頭諗，喺香港行得通，就等於攞咗張國際通行證。

加上宜家國內嘅機場搶客搶得好犀利。香港要保住龍頭地位，靠嘅唔單止係跑道，而係「效率」。高鐵客一落車，無縫對接無人駕駛的士，一票直通去機場快綫。呢個項目係香港首個常態化商業營運嘅自動駕駛項目。當新加坡同東京仲研究緊法例嘅時候，香港已經將無人車放入最繁忙嘅市中心。呢個先係香港保持國際競爭力嘅真正底牌。
�所以呢單deal，對百度嚟講唔係做生意，係做櫥窗裝飾。而香港賺嘅亦唔係嗰幾蚊車費——係『國際認證中心』呢個地位。呢樣先係香港嘅核心利益。

當下次有人話『得幾架車做咩戲吖』，你可以咁答佢：睇棋局，唔好淨係睇眼前嗰一步。你對呢場效率之戰，覺得香港贏面有幾大？留言分享你嘅睇法。�
Tiffany
香港的士交易所 HKTEx 主播
2025年7月24日

#香港的士牌價 #的士牌 #網約車 #的士 #一站式的士買賣租賃平台 #的士市場資訊 #新聞 #女主播

16/07/2026

的士牌市場資訊【2026年上半年的士牌價走勢分析】

大家好，我係Eva，近期的士牌可以形容為正在面對「劫後餘生」的關鍵時刻，的士牌價有明顯嘅回穩趨勢，我哋就趁住踏入第三季，同大家睇吓的士牌價喺2026年上半年嘅表現，我哋今集就會同大家睇一睇有關嘅數據，無論你係車主又或者係準買家，都希望你可以藉住呢條片，掌握到最新嘅市況，如果未訂閱我哋頻道嘅朋友，記得訂閱，多謝支持。

我哋可以先睇一睇今年2026年上半年嘅的士牌價走勢圖表，我哋就以市區的士牌價為例，由年頭216萬上升至6月尾255萬，上升咗39萬，升幅超過一成半以上，大約上升咗18.1%，至於新界的士牌價就輕微下跌，由年頭140萬下跌至6月尾138萬，下跌咗2萬，跌幅超過一成，跌咗大約1.4%。不過新界的士都在6月頭曾升上過2026年上半年度最高位146萬。同一時間我哋再睇一睇的士過戶數量嘅情況，喺截稿前運輸署俾我哋嘅的士過戶數量官方數據，數字最新顯示到2026年6月份，其實過戶數量係有明顯嘅上升，我哋就以市區的士為例，今年頭6個月嘅平均每月過戶數量大約有158宗。至於新界的士，今年上半年平均每月過戶數量大約有28宗。

上半年的士牌價有所回升，主要原因同網約車發牌數量有直接關係。根據政府提交的規管方案，網約車發牌制度在初期階段將設定1萬個車輛許可證的名額上限。與 Uber 要求發牌數量 3 萬相距甚遠，所以令市場對的士牌賣買再次充滿憧憬。從市區的士牌價在5月至6月中反映到出來。不過隨著市場逐漸消化了網約車發牌數量的消息後，投資者以觀望態度去應對長遠的市場增長，的士牌價在六月尾開始回落。加上港人長期北上消費已成為生活日常，疊加內地旅客來港窮遊的影響逐漸浮現。香港即使在4月至6月有大型國際盛事帶動到旅遊業，不過的士生意仍至未能全面受惠。再加上美國聯儲局於六月公佈議息結果，宣布維持利率不變，聯邦基金利率目標區間保持在3.5至3.75厘，影響整體投資策略。而港幣因與美元掛勾而令物價高企，大眾市民紛紛改到網上購物，香港的消費行業處境將會更加艱難，更何況的士生意主要受消費市場所影響。呢啲都係令的士牌價在近期造成「急升後跌」嘅現象。

至於的士營運方面，由於受美伊戰爭所影響，油價急升，導致的士營運成本有所增加，的士司機面對沉重的經營壓力。近日還有消息傳出美伊談判破裂，戰爭將會重臨，長遠只會令的士營運壓力有增無減。加上的士保費和維修費用仍然持續高企，影響整體入市氣氛，相信以上幾點都係阻礙的士牌價持續上升嘅主要因素。

咁嚟緊第3季到底的士牌有冇啲利好消息存在？當然有啦！進入暑假，由香港零售管理協會（HKRMA）主辦的年度夏日盛事 —— 第四屆「香港開心購物節」，相信會帶動到大量內地遊客來港消費。加上有7月至9月間將會有幾項大型體育盛事，包括世界女排聯賽、香港足球盛會2026，以上大型活動都有助提升的士生意。仲有多間的士公司都開始推出的士共享服務，當中包括「BigBoss Taxi」和「麗新車行」。把共享汽車技術融入傳統的士服務，推動行業數碼化轉型及回應職場生態需求。

唔知你對的士牌嘅前景又有啲咩睇法？歡迎留言，如果想了解更多最新嘅的士牌資訊，歡迎下載我哋嘅App「HKTEx 一站式的士買賣租賃平台」，密切留意我哋香港的士交易所，我哋下集見。

Eva
香港的士交易所 HKTEx 主播
2026年7月16日

#的士牌價 #的士牌價走勢 #2026 #白牌車合法化 #的士車隊制 #網約車 #油價 #的士車隊 #的士司機 #的士牌 #的士車主 #美國聯儲局 #美國議息 #網約車平台 #的士保險 #的士 #香港的士交易所 #一站式的士買賣租賃平台

08/07/2026

【曹操出行進軍香港 與八達通成立合資公司】︱AI的士快訊︱2026年7月8日

在香港揸了幾十年的士司機，可能做夢都沒想到，自己最大的對手不是Uber，而是我們褲袋裡的那張八達通。��的士司機每天辛苦開工十幾個小時，好不容易等到網約車合法化，以為市場終於要公平競爭了。結果，八達通轉身就跟內地的曹操出行合作，目標直指「無人駕駛Robotaxi」。�
這不是單純的商業聯婚，這是一個時代在向傳統行業告別。當兩大企業聯手，留給傳統司機適應的時間，真的不多了。��很多人看新聞，只注意到今年第四季首批持牌網約車正式面世。但你有沒有想過，為什麼八達通要在這個關鍵時刻，急著跟曹操出行合作？因為最合規、最不會有投訴的司機，就是「AI司機」。

當大家還在爭論牌照數量和里程收費的時候，企業巨頭早就看準了 Robotaxi 市場。很多人以為八達通只是想優化「Call 車」易平台。但如果你看得通曹操出行的「RoboX 戰略」，就會發現香港，是他們走向國際的「物理 AI 移動科技平台」樣板戲。

一邊是擁有全港最龐大的出行大數據，另一邊是有成熟的無人駕駛營運經驗。兩者的結合，是大重整佈局裡最關鍵的一塊拼圖。真正的贏家，從不爭奪眼前的份額，而是直接定義未來的規則。��面對無情的無人駕駛浪潮，你支持科技進步，還是同情傳統生計？留言分享你嘅睇法。

香港的士交易所 HKTEx 主播
2025年7月8日

#人工智能 #無人駕駛 #曹操出行 #八達通 #香港的士牌價 #的士牌 #網約車 #的士 #一站式的士買賣租賃平台 #的士市場資訊 #新聞 #女主播

03/07/2026

【Uber終止與Waymo無人駕駛的士合作】︱AI的士快訊︱2026年7月3日

兩年內跑了幾十萬次，今天正式歸零？��這是就是Uber 和Waymo在鳳凰城合作的真實數據。但你知不知道最荒謬的是什麼嗎？這個號稱「改變未來」的龐大計劃，實際投入的車輛數目，居然「只有十幾架」。

沒錯！係十幾架車咋，炒作了兩年。這就是為什麼外賣配送在去年 5 月就停了，載客服務也在上個月徹底結束。��現時這十幾架車被 Waymo 收回去送 DoorDash 外賣了。而 Uber 股價，這一年跌了 18%。資本市場的包裝精美，但撕開數據，往往只是一場SHOW。

Waymo 轉向 DoorDash 和 Via，是在做「高頻率低毛利」的物流鋪墊(Dunnage)，用來養活自己的無人車隊；而 Uber 尋求新的無人車夥伴，是為了擺脫對 Alphabet 的技術依賴。

誰能掌握車隊管理，誰才是未來的出行霸主。這場分手，宣告了無人駕駛從「技術研發期」正式邁向「商業絞殺期」。��想看更多被包裝的商業操作，請關注我哋香港的士交易所。

Tiffany
香港的士交易所 HKTEx 主播
2026年7月3日

#香港的士牌價 #的士牌 #網約車 #的士 #一站式的士買賣租賃平台 #的士市場資訊 #新聞 #女主播

27/06/2026

的士新聞資訊【立法會關注的士司機老化 多管齊下吸引年輕人入行】2026年6月27日

大家好，歡迎收睇「的士新聞資訊」，我係Hayley，今年5月在牛頭角發生涉及高齡的士司機的致命交通意外，的士落斜時懷疑失控剷上行人路，釀成2死2傷慘劇，事件再次引發坊間對高齡司機駕駛安全的關注。政府數年前已建議收緊高齡商用車司機的體格證明要求，但到目前仍未落實。運輸及物流局表示，正爭取下個月向立法會交通事務委員會報告最新進展，目標明年年中落實。

運輸及物流局副局長廖振新表示，早前檢討《道路交通（駕駛執照）規例》，建議提高的士司機體格證明要求，當局爭取下月向立法會報告進度。選委界樓家強於立法會口頭質詢，關注提升高齡職業司機駕駛安全的措施。廖振新回應說，早前已檢討相關規例，建議提高司機體格證明要求，包括把的士司機提交體格證明的年齡門檻由70歲降至65歲，把駕駛執照有效期縮短至一年，並制訂醫療指引供醫生為司機體檢時參考，以及提高體格要求如聽力等。廖振新指當局去年第四季完成「體格評估試驗計劃」，了解醫生和商用車司機意見，獲正面回應，可見擬議醫療指引和體格檢驗證明書可行且實用，將繼續優化，正敲定立法細節並繼續立法草擬和籌備工作，爭取7月向交通事務委員會報告進度。選委界議員李浩然關注體檢開支增加司機負擔，且不同服務收費參差。廖振新說會宣傳鼓勵更多醫生向年長司機提供體檢服務，借助市場力量令收費更具競爭力，並會和醫衛局合作設立醫生名單，方便司機選擇；又說合資格長者包括年長商用車司機，可選擇用醫療券支付私營基層醫療服務包括體檢費用。議員樓家強亦關注當局會否借鑑不同地區經驗，廖振新揚言會繼續研究如何利用創新科技和人工智能技術評估年長的士司機駕駛表現，留意到內地自助體檢機設施可為駕駛執照申請人提供基本檢查，韓國亦針對年長司機推出自願模擬駕駛測試計劃，會密切關注有關技術發展和成效，探討引入可能。

有議員表示問題的本身是行業「青黃不接」。選委會界別陳宗彝表示的士業界面對司機老化，老齡司機因長工時引致體力透支，令道路安全存在嚴重隱患，但年青人又不願意入行。運輸局副局長回應，65歲高齡司機根據局內的資料，在2015年大概佔17%，但到今年已經倍增至佔34%。當局都在不同行業商用車司機鼓勵引入更多方法吸引年輕人入行，包括培訓課程、簡化的士考試，用不同方法吸引年輕人。亦有議員關注體檢會否有客觀標準。選委界陳祖光提出，政府會否指定體檢中心，平衡醫生主觀判斷。不過廖振新指，若指定一兩間機構提供服務，工作量會很大，延長輪候時間，重申現時延續醫生名單的做法。會上亦有議員關注涉及公路工程車輛的交通意外，關注當局會否檢討工程車擺放雪糕筒的提示效果，政府表示會深入研究。

唔知你對以上嘅內容又有啲咩睇法？歡迎留言，如果想了解更多最新嘅的士牌資訊，歡迎下載我哋嘅App 「HKTEx一站式的士買賣租賃平台」，密切留意我哋香港的士交易所，我哋下集見。

Hayley
香港的士交易所 HKTEx 主播
2025年6月27日

#高齡的士司機 #傳統的士行業 #交通意外 #運輸及物流局 #廖振新 #體格評估試驗計劃 #交通事務委員會 #選委界 #李浩然 #樓家強 #創新科技 #人工智能 #青黃不接 #陳宗彝 #醫生 #培訓課程 #簡化的士考試 #的士 #一站式的士買賣租賃平台 #港聞 #新聞 #女主播

19/06/2026

的士牌市場資訊【的士牌災難風暴 劫後餘生】2026年6月19日

大家好，歡迎收睇「的士牌市場資訊」，我係Kristin，我哋香港的士交易所都會定期同大家分享有關的士牌買賣嘅最新市場資訊，未訂閱我哋頻道嘅朋友，記得訂閱，多謝支持。

立法會就規管網約車的附屬法例展開審議，負責相關工作的委員會現正廣泛徵集公眾意見，至今已接獲約430份來自團體及市民的書面意見。隨着Uber早前呼籲用戶踴躍向議員表達立場，不少意見集中批評政府建議把網約車車牌上限定於1萬個是過於保守，更有市民在意見書中爆粗抨擊的士服務及政府被指護航的士牌價，而相關內容亦因立法會文件公開制度而原文上載。根據委員會公開的文件顯示，在現時收到的意見書中，約6成明確反對把網約車牌限額訂於1萬個，認為難以滿足現實出行需求，亦與國際大城市及內地一線城市的發展步伐不相稱。有部份市民在意見書中，反覆指摘當局為了「保住的士牌價」，反映部分市民對政府在平衡公共服務質素與的士牌照資產價值之間取態的強烈不信任。Uber在最近發布一項意見調查，當中訪問4569名司機，約76%司機預計若按現行建議的牌照配額上限，自己將即時面臨經濟困難；23%司機則需要提早退休或暫時失業。Uber建議設計一套每季定期進行以數據為本的檢討機制，並優先考慮紀錄良好的活躍司機以分配牌照。

另一邊廂，的士業界普遍認為一萬個網約車牌照數量過多，也有的士車主擔心隨着市場湧現最多一萬個合法載客取酬的網約車輛牌照，的士牌價勢必受壓，期望政府從控制發牌數目、確保公平營運等方面，保護的士營運生態，包括規限網約車平台不得利用「燒錢」等方法搶佔市場，避免整個點對點交通生態劇變。交通諮詢委員會主席黃仕進接受傳媒訪問時指出，的士作為香港重要公共交通工具，實際上與網約車屬共存互補關係，的士可路邊接客，亦能接入平台接單，靈活性高；網約車則以彈性工時為特點，高峰時段可以補充的士不足問題，平時的士維持基本服務，形成良性互補。

咁我哋就同大家睇一睇過往30日的士牌價嘅走勢表現。市區的士牌價由5月中254萬，去到6月中262萬，上升咗8萬，大約上升咗係3.2%，至於新界的士牌價就由5月中145萬，到6月中143萬，輕微跌咗2萬，大約係1.3%。其實喺呢個圖表我哋可以睇到，過往30日市區的士牌價起250至260萬之間徘徊升幅，主要受到網約車發牌數量嘅消息所帶動，的士牌買賣交投活躍，帶動牌價亦有所上升。至於直至2026年6月18號最新嘅的士牌價參考價係，市區的士牌價259萬，新界的士牌價140萬。

不過本台認為起未來短期內隨住網約車爭議冷卻後，相信交投量會逐步慢慢回落。由於銀行按揭貸款息口持續不變，投資者對息口嘅情況感到壓力，市場上對的士投資氣氛只係過度樂觀。加上年初時好多人都認為隨着Kevin Warsh上任聯儲局主席後，必然會減息。但是美伊戰爭令霍爾木茲海峽遭受封鎖，波斯灣石油供應鏈問題，導致石油價格暴漲，推動百物騰貴，美國最新的通脹率高達4.2%，市場開始擔心美國聯儲局不但不會減息，更可能會加息。以致香港股市呢幾個月嘅表現都有非常大波幅，所以某程度上都會影響咗投資的士牌嘅情況，的士牌價短期內未必重回急升軌道。大家密切留意本星期聯儲局議息會議結果，睇吓有乜最新走勢變化。最後，當然要繼續留意香港的士生意嘅回復情況，我哋會同大家繼續睇住個市況，一有最新消息，會同大家講解分析。

唔知你對以上嘅內容又有啲咩睇法？歡迎留言，如果想了解更多最新嘅的士牌資訊，歡迎下載我哋嘅App 「HKTEx一站式的士買賣租賃平台」，密切留意我哋香港的士交易所，我哋下集見。

Kristin
香港的士交易所 HKTEx 主播
2026年6月19日

#的士牌價 #網約車 #的士租金回報 #的士生意 #的士司機 #的士租金 #的士牌買賣 #的士牌投資 #美國息口走勢 #美伊戰爭 #加息週期 #投資的士牌 #人工智能 #女主播 #的士 #香港的士交易所

Address

香港葵涌 梨木道79號 亞洲貿易中心 19樓1912室
Hong Kong

Opening Hours

Monday 09:00 - 18:00
Tuesday 10:00 - 18:00
Wednesday 10:00 - 18:00
Thursday 10:00 - 18:00
Friday 10:00 - 18:00

Website

Alerts

Be the first to know and let us send you an email when 香港的士交易所 HKTEx posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 香港的士交易所 HKTEx:

Shortcuts

Share

Category