26/03/2012
Wanneer ‘n mens met versekering werk, as die kliënt, is dit dikwels ‘n frustrasie om met iemand te werk wat nie Afrikaans kan of wil praat nie, en meer gewoonlik ‘n volksvreemdeling. Ons verlang net so gereeld daarna om met ‘n volksgenoot, in ons eie taal te praat en gesels. Dit is waarom Kasfin gestig is.
Kasfin is ’n gemagtigde finansiële diensteverskaffer, geregistreer by die Finansiële Diensteraad onder nommer FSP 43599, met maatskappyregistrasienommer 1996/013677/07.
Baie van u sekerlik bewus daarvan dat Oranjekas al sedert 2008 ’n betroubare verskaffer van spaar- en kredietfasiliteite is. Oranjekas is ook tans in proses om by die Suid-Afrikaanse Reserwebank te registreer as ’n handelsbank, wat sal beteken dat hulle beter bykomende dienste kan lewer en onbeperk groei. Kasfin is gestig met die oog op dienslewering vanuit die Oranjekas-stal en is ‘n volle filiaal van Oranjekas. Daarom nooi ons u om met ons in verbinding te tree vir u korttermyn versekering.
Die oogmerk van die onderneming is om ’n korttermyn versekeringsmakelaarsdiens aan kliënte op ’n professionele grondslag te lewer. Kasfin het alreeds kontrakte met verskeie bestaande korttermyn versekeringsmaatskappye gesluit, waaronder Auto & General, Hollard, MiWay, Santam en Regent, om as makelaar op te tree. Die onderneming sal in die behoefte voorsien van die lede van Oranje Spaar- en Kredietkoöperasie, wat ’n behoefte het aan ‘n een-stop-diens vir hulle beleggings, lenings en versekering.
Wanneer u ’n kliënt van Kasfin is, sal u die vreugde en gemoedsrus ervaar wat gepaard gaan met die wete dat u slegs in Afrikaans deur volksgenote bedien gaan word. Verder word u ook deel van ’n daadwerklike poging om ons volksekonomie te bou en te vestig in ’n land waar ons nie meer altyd die gemoedsrus het oor ons finansiële sake nie, omdat dit al hoe meer in volksvreemde hande is. Oranjekas en Kasfin bied aan ons mense die geleentheid om saam te bou aan ons ekonomiese selfstandigheid.
Die personeel van Kasfin, Jackie Hoffman, Rudolf Buitendach en Riaan van Staden, staan gereed om u van diens te wees. U kan ons gerus skakel. Die telefoonnommer is 012 333 0304. Ons kantore is geleë op die hoek van Collins- en Laseandrastrate in Môregloed, Pretoria. U is welkom om ons te besoek om u behoeftes te bespreek, sodat ons vir u betroubare en bekostigbare korttermyn versekering kan bemiddel. U is ook welkom om die aangehegde Makelaarsmagtingsvorm sowel as die Kwotasievorm in te vul – dit is beide in Word-formaat sodat u dit op u rekenaar kan invul en terug te stuur.
Ons sien daarna uit om met u te gesels.
Vriendelike groete,
Die Kasfin-span
Collinslaan 1241 Môregloed 0186 Posbus 32585 Waverley 0135
012 333 0304 086 246 5696
E-pos: [email protected]
