Die stigter, Pollol Nel, is 'n voormalige boer van die Magudu distrik. Hy was iemand wat maklik aanklank vind by mense en het deur jarelange vertouensverhoudings op te bou, die onderneming laat groei tot waar dit vandag is. Sy dogter, Paula Janse van Rensburg en kleinseun, Ryno Janse van Rensburg, is die twee Sleutel persone wat die besigheid tot nuwe hoogtes wil lei. Tans bestaan die topstrukstuu
r uit 6 finansiële adviseurs en 'n bekwame ondersteuningspan. Die onvervangbare ondervinding wat ons opgedoen het oor 'n aantal dekades het van die onderneming se etos van voortreflike diens, betroubaarheid,
integriteit en gemoedsrus stewig vasgelê. Alhoewel Pollol Nel Makelaars persoonlike sowel as kommersiële versekering ten doel het, spesialiseer ons veral op die gebied van landbouversekering. Ons kan met sekerheid daarop roem dat ons, na jarelange ondervinding te midde van 'n boerdery gemeenskap, die kompleksiteit van agri-sake deeglik onder die knie het. Ons het ook insig en begrip vir ons kommersiële kliente op die platteland en in die stad. Die kliënt word dus te alle tye met eerstehandse advies bedien en van 'n versekeringsproduk voorsien wat nommerpas vir sy spesifieke behoeftes is. Gemoedsrus word toegevoeg deur kundige en betroubare onderskrywers en versekeraars. So 'n persoonlike verstandhouding verseker dat 'n kliënt nooit gesigloos word nie. Ons bou volhardend voort op die goeie verhoudings en voorbeeld wat Pollol nog altyd gestel het. Dit is ‘n voorreg om as tweede en derde generasie op te volg en voort te bou op die fondasie wat Pollol neergelê het. Kliënte is welkom om enige tyd by ons kantoor in te stap en kan daarop reken dat hul as vriende sal uitstap.
