02/06/2026
🎯 Rûens Kollege se skietdag tref die kol 🎯
Boere, jagters, plaaslike besighede en ondersteuners van regoor die Overberg en Kaap het die afgelope naweek bymekaargekom vir die Ruens Kollege Voëljag- en Skietdag – 'n dag vol kameraadskap, gesonde kompetisie en gemeenskapsgees.
Met skote op kort- en langafstand-teikens het deelnemers hul vaardighede getoets ter ondersteuning van 'n baie goeie saak. Een van die hoogtepunte was die indrukwekkende 1 km-gong – 'n teiken van 1 m x 1 m wat op 1 000 m afstand hang. Vir die meer ervare skuts was daar selfs 'n kleiner teiken van net 500 mm x 500 mm op dieselfde afstand, wat vir 'n ware toets van konsentrasie en presisie gesorg het.
Ons is ongelooflik trots om deel te wees van 'n dag soos hierdie, waar gemeenskap, samewerking en ondersteuning hand aan hand gaan. Dit is nóg 'n voorbeeld van hoe ons gemeenskap saamstaan om in ons kinders se toekoms te belê.
📸 Hier is 'n paar hoogtepunte van 'n besondere dag – geniet die foto-dump!
