09/04/2024
Miratohet në parim Projektligji për Gjykatën Administrative
Gjykata e re Administrative që do të funksionojë në dy shkallë brenda Gjykatës, do të ketë rreth 25 gjyqtarë në shkallë të parë dhe 9 gjyqtarë në shkallë të dytë. Kjo do të mundësojë edhe trajtimin e të gjitha konflikteve administrative një vend, duke mundësuar kështu specializim dhe evitim të konfliktit të kompetencave në mes të gjykatave të ndryshme.
Kështu, Gjykata Administrative do të jetë kompetente për të vendosur lidhur me:
1.1. të gjitha konfliktet administrative, përveç atyre në juridiksion të Gjykatës Supreme;
1.2. të gjitha kontestet nga marrëdhënia e punës, në mes të personit fizik dhe institucionit të sektorit publik, ose në mes të institucioneve të sektorit publik; dhe
1.3. çfarëdo kontesti tjetër të përcaktuar shprehimisht me ligj të veçantë.
Në kuadër të shkallës së parë të Gjykatës Administrative, do të funksionojnë departamentet e veçanta, si:
Departamenti Fiskal;
Departamenti për Konteste të Punës;
Departamenti për Skemat Sociale si dhe
Departamenti i Përgjithshëm.
Nëpërmjet kësaj strukture, për herë të parë pra do të themelohet edhe Departament i veçantë për trajtimin e kontesteve të punës nga sektori publik.
