FINCA është Institucion Mikrofinanciar me selinë kryesore në Washington DC – SHBA
Verpron në 22 shtete të botës, në 5 kontinente të ndryshme
Ofron shërbime mbi 1 milion klientëve në mbarë botën
Për FINCA Kosovë
Programi mikro-financiar në Kosovë i FINCA-së ka filluar me financimin dhe ndihmën e USAID. Shkëlqesia e saj mbretëresha Rania Al-Abdullah e perandorisë Hashemite në Jordani zyrtarisht e inauguroi programin mikro-financiar të FINCA-së në Kosovë, në shkurt të vitit 2000, duke i dhënë kreditë e para grupore të programit në Malishevë. Pas 14 vitesh veprimtarie në Kosovë, FINCA Kosovë sot ofron pesë produkte të kredive; Biznesi, Bujqësore, Renovimi dhe Personale. FINCA Kosovë fillimisht i vendosi zyrat kryesore në Prizren, qyteti i dytë me madhësi në Kosovë, mbasi në nëntor 2008, barti selinë në kryeqytetin e Kosovës Prishtinë dhe gradualisht i zgjeroi veprimtaritë e saj gjatë 14 viteve të kaluara, në regjione të tjera, përfshirë edhe rajonet e populluara me etni të tjera. Sot, FINCA Kosovë vepron në të gjitha provincat e Kosovës, pos në rajonin e Mitrovicës Veriore. Stafi i FINCA Kosovë-së përbëhet mbi 170 profesionistë të përkushtuar dhe me përvojë, të përkushtuar të ndërtojnë një program të qëndrueshm mikro-financiar duke ofruar zgjidhje afatgjate për nevojat e klientëve. Gjatë fazës së saj fillestare, FINCA Kosovë ka marrë donacione nga USAID, UNMIK-u, OSBE-ja dhe sot ka krijuar partneritet donacionesh me SDC-ne (Agjencionin Zvicëran për Zhvillim dhe Bashkëpunim) dhe DANIDA (Agjencioni Nderkombëtar Danez për Zhvillim). Gjithashtu, FINCA-Kosovë për momentin ka marrëveshje financimi me Finance in Motion (EFSE), EBRD, Triple Jump, Blue Orchid Chart, Symbioties, Incofin dhe Responsibility. FINCA Kosovë është e regjistruar si institucion mikro-financiar në Bankën Qendrore e Republikës së Kosovës (BQK) dhe është njëra ndër themelueset dhe pjesmarrëse aktive e Asociacionit të Institucioneve Mikro-Financiare të Kosovës (AMIK) dhe CRK-së (Regjistri i Kredive të Kosovës)
