Jemi deshmitarë të zhvilimeve dramatike politike, ekonomike dhe kulturore në gjithë hapësirën shqiptare, të cilat zhvillime po pengojnë prosperitetin dhe konsolidimin e popullit tonë dhe janë në kundërshtim me vizionet demokratike të shoqërisë sonë. Pavarësisht prej të arriturave të shqiptarëve kudo që ata jetojnë, të cilat janë bërë me sakrifica tejet të mëdha edhe të diasporës shqiptare, elitat
aktuale politike shqiptare, me në krye të ashtuquajturit herojë të gjallë, jo vetëm që pengojnë kahet tona zhvilimore, por edhe komprometojnë imazhin e shqiptarëve në botë dhe vizionet e tyre për konsolidim kombëtar dhe demokratik. Në këtë kuadër vazhdimisht kur atdheu është në rrezik kërkohet ndihma e diasporës dhe ne asnjëherë nuk ngurrojmë që atë ta ofrojmë në çfarëdo formë dhe me çfarëdo përmbajtje që është e nevojshme. Ne nuk duhet të rrimë duarkryq edhe në këtë situatë kur po frenohen proceset e kur koha nuk e duron këtë. Nga brendësia e zemrave tona e ndiejmë se duhet të aktivizohemi të bindur se mund të kontribuojmë që proceset e zhvillimit tonë ekonomik, kulturor dhe të konsolidimit kombëtar të shkojnë kaheve të duhura dhe me shpejtësinë e duhur. Realiteti i hapësirës shqiptare imponon që shqiptarët në diasporë ta ideojnë dhe ta krjojnë një Organizatë të emërtuar FORCA E DIASPORES PER ATDHEUN", por që do të veprojë edhe brenda edhe jashtë atdheut. FORCA E DIASPORËS PËR ATDHEUN
(FDA)
Arsyet e themelimit te FDA;
1) Gjendja aktuale ekonomike, politike, sociale dhe kulturore e cila mbretëron në Kosovë dhe në territoret tjera shqiptare jashtë Shqipërisë Londineze nuk zhvillohet konform sakrificave tona dhe vizionit tonë.
2) Diaspora gjithmonë ka qenë në funksion të përparimit tonë shoqëror dhe kombëtar, kurse në situate krizash prej saj është kërkuar të kontribuoj edhe mbi mundësi të e saj. Mirëpo pasi krizat janë tejkaluar, ajo është injoruar në stilin përdore e gjuaje.
3) Forca, inteligjenca dhe kapaciteti i DIASPORES është e atillë, që mund të punojë e pavarur dhe të kontribuojë në të gjitha trojet Shqiptare,
4) Shqiptarët, si gjithë popujt e tjerë kanë të drejtë të jetojnë në demokraci të plotë e t’i gëzojnë tëdrejtat e tyre, konform të drejtës ndërkombëtare
5) Shqiptaret janë FAKTOR jetik në Ballkan dhe duhet te trajtohen si të tillë.
6) DIASPORA ka qenë, është dhe do të jetë FAKTOR në jetën, zhvillimin, dhe konsolidimin kombëtar si dhe në artikulimit e ideve humaniste dhe në zbatimin e parimeve demokratike
Qëllimet e FDA;
1) FDA në thelb ka interesin e mirëfillt kombëtar dhe përfshirjen drejtpërdrejt të diasporës në zhvillimet sociale,politike dhe kulturore në vend, duke u bazuar e punuar vetëm mbi vullnetin, vizionin dhe interesin e popullit tonë.
2) Te hartojë një platforme të qarte për zhvillimet politike, për konsolidimin dhe ardhmërinë e popullit tonë.
3) Do t’i kushtohet vëmendje hartimit të programit zhvillimor - ekonomik për Kosoven dhe trojet shqiptare nga ane e nje grupi ekspertesh të pavarur ekonomikë
4) Përfshirjen e drejteperdrejtë te diasporës në parlamentet e Kosovës, Shqiperisë, Maqedonisë, Serbisë, Mal te Zi dhe Greqisë.
5) Kontributi i diasporë të vijë ne shprehje nëmomentet e duhura, e jo vetëm në situate emergjente apo kur është në interes të politikave ditore
6) Puna e pavarur e forcave intelektuale, financia e sociale të diasporas, duke ruajtur autonimë e veprimit dhe mosndikimit nga partitë ekzistuese politike
7) DIaspora me potencialin dhe kreativitetin e saj duhet të jetë përçuese e ideve Evropiane për zhvillim dhe konsolidim ekonomik dhe jo te avullohet ne partite vendore aktuale qe estërkeqin demokracinë parlamentare
8) Faktori shqiptar në Ballkan dhe më gjerë të trajtohet brenda normave dhe vlerave që ka çdo popull autokton dhe si i tillë të ndërtojë raporte edhe me popujt tjetër mbi baza të barabarta dhe të respektimit reciprok
9) Selia qendrore e FDA do të jetë në Prishtine,prej ku do të mund të zhvillohet mundësia e përhapjes dhe ndikimit edhe në viset tjera shqiptare në Ballkan
10) Anetarë te FDA-se mund te jenë të gjithë ata persona kudo që jetojnë e punojnë dhe që e përkrahin plan-programin e FDA-se. Të gjithë bashkatdhetarët që e përkrahin idenë e themelimit të Organizatës FORCA E DIASPORËS PËR ATDHEUN , e që në të ardhjen do ta konsiderojnë artikuluesen më të denjë të interesave kombëtare e politike, mund të kontribuojnë me ide e sygjerime duke na shkruar në adresen:
[email protected] [email protected]
www.forcaediaspores.org
Tel. 044444898 dhe 049444898
Me bindje te plote se kjo iniciative do të mbështetet fuqishëm nga gjithë shqiptarët kudo qe jetojnë e punojnë, shpresojmë që në të ardhmen do të jetë pikërisht kjo forcë që do ti lëviz gjërat në drejtim të duhur dhe do të korrigjojë hendikepet e krijuara nga veprimi i tanishëm politik. Me respekt grupi inicues i FDA
Me ne krye Hamdi Muhameti
