SAF Kosova LLC

26/01/2026

ATK njofton tatimpaguesit që janë në procedurë të rimbursimit, ose që planifikojnë të aplikojnë për rimbursim, se regjistrimi në SIMFK është i obligueshëm.

📌 Regjistrimi kryhet vetëm përmes platformës e-Kosova, në shërbimin e Thesarit.
❗ Pa regjistrim/aprovim në SIMFK, pagesa e rimbursimit nuk mund të realizohet.

🔗 Më shumë informata:
https://www.atk-ks.org/njoftim-per-tatimpaguesit-qe-kerkojne-rimbursim-regjistrimi-i-obligueshem-ne-simfk-permes-platformes-e-kosova/

05/12/2025

Rikujtim për të gjithë përdoruesit dhe bashkëpunëtorët tanë

Ju njoftojmë se në platformën Open Data https://www.atk-ks.org/open-data/ e cila gjendet në faqen zyrtare të ATK, janë të publikuara një numër i konsiderueshëm dataset-esh që përmbajnë të dhëna të rëndësishme dhe të dobishme.

Këto të dhëna, veçanërisht në përmbyllje të vitit, mund të jenë të vlefshme për përgatitjen e raporteve vjetore, analizave profesionale dhe vendimmarrje të bazuar në të dhëna.

Ju inkurajojmë t’i eksploroni dataset-et dhe të përfitoni nga informacionet e ofruara.

27/08/2025

🌐Administrata Tatimore e Kosovës ka të lansuar një platformë të veçantë në uebfaqen zyrtare, ku të gjithë tatimpaguesit mund të gjejnë përgjigje për pyetjet më të shpeshta rreth Transferimit të Çmimit.

👉 Në këtë faqe https://www.atk-ks.org/transferimi-i-cmimit/ do të gjeni sqarime rreth:

• Kuptimit të transferimit të çmimit
• Qëllimit të legjislacionit
• Kush është i obliguar të zbatojë dispozitat
• Identifikimit të palëve të lidhura, etj.

🔗 Vizitoni faqen tonë për më shumë: www.atk-ks.org

28/02/2025

Të ardhurat e realizuara nga kriptovalutat, janë të ardhura të tatueshme

Administrata Tatimore e Kosovës ua rikujton të gjithë personave fizikë jo afaristë, personave fizikë afaristë dhe personave juridikë, se janë të detyruar të deklarojnë dhe të paguajnë Tatimet, në mënyrë reale dhe në kohë, ashtu siç është përcaktuar me legjislacionin tatimor.

Aktivitetet e ATK-së, në vazhdimësi, do të përqendrohen pikërisht te personat, të cilët nuk i deklarojnë të ardhurat e realizuara dhe nuk paguajnë Tatimet.

Me fokus të veçantë, ATK do të përqendrohet në identifikimin dhe trajtimin e personave, të cilët realizojnë të ardhura nga kriptovalutat.

Detyrimet tatimore për të ardhurat e realizuara nga kriptovalutat, varen nga ajo se çfarë statusi ka personi i cili ka realizuar të ardhurat, si:

• Nëse statusi i personit që ka realizuar të ardhurat e tilla është Person fizik jo afarist apo Person fizik afarist, duhet të zbatojë dispozitat ligjore të përcaktuara me Ligjin Nr. 05/L-028 për Tatimin në të Ardhurat Personale;
• Nëse statusi i personit që ka realizuar të ardhurat e tilla është Person juridik, duhet të zbatojë dispozitat ligjore të përcaktuara me Ligjin Nr. 06/L-105 për Tatimin në të Ardhurat e Korporatave.

Deklarimi dhe pagesa e tatimit për të ardhurat e realizuara nga kriptovalutat, duhet të bëhet sipas normave dhe me formularët si në tabelën më poshtë:

Nëse personi krijon humbje, atëherë për humbjet e tilla mbanë evidenca të veçanta, të cilat duhet të jenë në dispozicion të ATK-së sa herë që kërkohen.

Për personat fizikë jo afarist, personat fizikë afarist dhe personat juridikë, të cilët nuk deklarojnë të ardhurat e realizuara dhe nuk paguajnë Tatimet, ATK do të ndërmarrë masat sipas legjislacionit tatimor.

Administrata Tatimore e Kosovës, u bënë thirrje të gjithë personave që të deklarojnë të ardhurat e krijuara apo të korrigjojnë sa më parë deklaratat e tyre dhe të përmbushin të gjitha detyrimet tatimore të parapara me legjislacionin tatimor.

Me kryerjen e detyrimeve tatimore, kontribuoni direkt në financimin e programeve qeveritare siç janë: ofrimi i shërbimeve publike, arsimim me standarde të larta, mirëqenie shëndetësore dhe sociale, mbrojtje ligjore dhe siguri, si dhe infrastrukturë të përgjithshme për një mirëqenie më të mirë ekonomike dhe shoqërore.

Pagesa e tatimit, siguron qëndrueshmëri të ekonomisë në vend!

Administrata Tatimore e Kosovës

27/08/2024

13/02/2024

ATK publikon formën për lajmërimin e punëtorit

Administrata Tatimore e Kosovës ju njofton se sot me datë 13 shkurt 2024 publikoj Versionin e ri të Sistemit Elektronik EDI, përmes të cilit do të kërkohet që çdo punëdhënës të informojë ATK-në për lidhjen e një kontrate të punës një ditë para fillimit të punës së punëtorit.

Shërbimi i ri elektronik për lajmërimin e punëtorit është funksionalizuar në Sistemin Elektronik EDI duke u bazuar në Ligjin Nr. 08/L-257 për Administrimin e Procedurave Tatimore, gjegjësisht nenin 43, paragrafin 5.

Përmes këtij shërbimi, çdo punëdhënës është i obliguar për ofrimin e informatave për të punësuarin e ri, sipas formës së përcaktuar nga ATK-ja, e cila gjendet te menyja “Shërbimet – Regjistro punëtorin e ri”.

Më konkretisht përmes shërbimit “Formular për regjistrimin e punëtorit”, përveç informatave që merren përmes Agjencisë për Regjistrimin Civil (ARC) dhe informatave përmes listëpagesës mujore, punëdhënësi do të jetë i obliguar që të ofroj edhe informatat shtesë, si:

• Data e fillimit të punës;
• Data e ndërprerjes së punësimit;
• Orari i punës, i plotë apo i pjesshëm;
• Niveli i shkollimit të punëtorit;
• Profesioni i punëtorit;
• Pozita e punës së punëtorit, etj.

Për plotësimin e saktë të informatave për të punësuarin, ATK-ja ka përgatitur “Udhëzuesin për plotësimin e formularit për regjistrimin e punëtorëve”, të cilin do ta gjeni në dritaren përkatëse në të cilën bëhet plotësimi i formularit, andaj ju sugjerojmë që paraprakisht ta shfletoni udhëzuesin.

ATK mban premtimin për kujdesin e vazhdueshëm ndaj tatimpaguesve!

Administrata Tatimore e Kosovës

07/09/2023

Certifikata e Rezidencës (CR)

🌍Certifikatat e rezidencës tatimore po bëhen gjithnjë e më të njohura midis individëve dhe bizneseve, duke marr parasysh trendin aktual te lëvizjes se punëtoreve, shërbimeve dhe globalizimit ne aspektin biznesor.

📃Certifikata e Rezidencës (CR) është dokument i lëshuar nga autoriteti tatimor për të dëshmuar rezidencën tatimore në atë vend, pra është dokument që konfirmon rezidencën për qëllime tatimore.

©️Dokumenti lëshohet nga Divizioni për Bashkëpunim Ndërkombëtar, Zyra Qendrore, Administrata Tatimore e Kosovës, Prishtinë.

♻️Zakonisht, CR kërkohet nga personat apo bizneset për përfituar nga Marrëveshjet për Eliminim të Tatimit të Dyfishtë (METD) pra, CR vërteton se ai është rezident në një vend, ne rastin tonë në Kosovë dhe i nënshtrohet tatimit në atë vend. Kjo mund t'i ndihmojë ata të përfitojnë nga çdo lehtësim ose përjashtim që mund të jetë i disponueshëm në atë vend.

✂️CR lëshohet edhe për shtetet me të cilat nuk kem një marrëveshje të tillë.

🖇️Aktualisht të zbatueshme janë 20 Marrëveshje për Eliminim të Tatimit të Dyfishtë: https://www.atk-ks.org/marreveshjet/marreveshjet-nderkombetare/

🌐Kërkesa për aplikim për CR gjendet në web faqe të ATK:
https://www.atk-ks.org/marreveshjet/marreveshjet-per-eliminimin-e-tatimit-te-dyfishte/certifikata-e-rezidences-tatimore/ , ku pasi të plotësohet çdo informatë e kërkuar dhe kompletohet me dokumentet e nevojshme (listuar në formularin e kërkesës) dorëzohet në arkivën e Zyrës Qëndrore të ATK në Prishtinë apo mund te dërgohet edhe përmes 📧[email protected]

📯Gjate vitit 2022 janë lëshuar 341 CR ndërsa deri me 30 gusht 2023 janë lëshuar 368 te tilla.

📨Deri në fund të këtij viti shpresojmë që do të digjitalizohet procesi i aplikimit dhe lëshimit të CR, aplikacion ky i përkrahur nga GIZ.