23/07/2016
Kosovarët mund të udhëtojnë me “targa provuese” në Shqipëri
22 Korrik 2016 - 19:03
Ministria e Punëve të Brendshme ka njoftuar qytetarët e Republikës së Kosovës se nga data 22.07.2016 deri më datën 30.09.2016 është aprovuar kërkesa e MPB-së për njohjen dhe pranimin e targave provuese të Republikës së Kosovës, në territorin e Republikës së Shqipërisë.
MPB, sqaron se veturat që qarkullojnë me targa provuese gjatë kësaj periudhe kohore duhet të jenë të pajisura edhe me sigurimet përkatëse të veturave, transmeton Koha.net.
“Pajisja e qytetarëve me targa provuese, si zgjidhje e ndërmjetme, do të vazhdoj deri në përfundimin e procedurave të prokurimit dhe përzgjedhjen e kompanisë për prodhimin e targave. Andaj, shpresojmë në mirëkuptimin qytetar, deri në përfundimin e këtij procesi”, thuhet nga MPB.
