KAV&E Group SHPK

29/03/2021

𝐍𝐣𝐨𝐟𝐭𝐢𝐦 𝐩𝐞̈𝐫 𝐭𝐚𝐭𝐢𝐦𝐩𝐚𝐠𝐮𝐞𝐬 - 𝐙𝐠𝐣𝐚𝐭𝐞𝐭 𝐚𝐟𝐚𝐭𝐢 𝐩𝐞̈𝐫 𝐝𝐞𝐤𝐥𝐚𝐫𝐢𝐦𝐢𝐧 𝐝𝐡𝐞 𝐩𝐚𝐠𝐞𝐬𝐞̈𝐧 𝐞 𝐭𝐚𝐭𝐢𝐦𝐞𝐯𝐞, 𝐬𝐢 𝐝𝐡𝐞 𝐝𝐞𝐤𝐥𝐚𝐫𝐢𝐦𝐢𝐧 𝐞 𝐏𝐚𝐬𝐪𝐲𝐫𝐚𝐯𝐞 𝐅𝐢𝐧𝐚𝐧𝐜𝐢𝐚𝐫𝐞
Bazuar në Vendimin e Ministrit të Financave, Punës dhe Transfereve Nr. 15/2021 të datës 29.03.2021, Administrata Tatimore e Kosovës, ju njofton se zgjatet afati për deklarimin dhe pagesën e tatimeve, si dhe deklarimin e Pasqyrave Financiare, ashtu siç kërkohet me Legjislacionin Tatimor dhe Ligjin për Kontabilitet, Raportim Financiar dhe Auditim.

Afatet për dorëzimin e deklaratave, raporteve dhe pagesave të detyrimeve tatimore zgjatet, për këto lloje të tatimeve dhe këto periudha tatimore sipas tabelës së bashkangjitur.

Deklarimet dhe pagesat e bëra deri në afatin e zgjatur sipas tabelës në këtë njoftim, nuk i nënshtrohen ndëshkimeve të përcaktuara në legjislacionin tatimor në fuqi.

Për të gjitha llojet e tjera të tatimeve dhe kontributeve, afati për deklarim dhe pagesë mbetet ashtu siç është i përcaktuar me Legjislacionin tatimor në fuqi.

Administrata Tatimore, inkurajon të gjithë tatimpaguesit, të cilët nuk kanë vështirësi financiare, të vazhdojnë me përmbushjen e detyrimeve tatimore brenda afatit të rregullt ligjor.

𝑨𝑻𝑲 𝒎𝒃𝒂𝒏 𝒑𝒓𝒆𝒎𝒕𝒊𝒎𝒊𝒏 𝒑𝒆̈𝒓 𝒌𝒖𝒋𝒅𝒆𝒔𝒊𝒏 𝒆 𝒗𝒂𝒛𝒉𝒅𝒖𝒆𝒔𝒉𝒆̈𝒎 𝒏𝒅𝒂𝒋 𝒕𝒂𝒕𝒊𝒎𝒑𝒂𝒈𝒖𝒆𝒔𝒗𝒆!

Administrata Tatimore e Kosovës

06/03/2021

GRANT nga Ministria e Zhvillimit Rajonal
Granti do të ndahet në dy Lot, si vijon:
Loti 1 – Start-up;
Loti 1 – Ndërmarrjet mikro dhe të vogla (qarkullimi minimumi 500.00 € deri në 7,000.00 € të dëshmuara nga ATK 2020);
Loti 2 - Ndërmarrjet mikro dhe të vogla (qarkullimi minimumi 7,000.00 € deri në 15,000.00 € të dëshmuara nga ATK 2020)
Loti 3 - Ndërmarrjet mikro dhe të vogla (qarkullimi mbi15,000.00 - 500,000.00 € të dëshmuara nga ATK 2020).
Çdo grant i kërkuar sipas kësaj Thirrjeje për Propozime duhet të jetë brenda shumave vijuese minimale dhe maksimale:Loti 1 – Start-up Nga 1,000.00 € deri në 5,000.00 €;
Loti 1 – Ndërmarrjet mikro dhe të vogla Nga 2,000.00 € deri në 5,000.00 €;
Loti 2 – Ndërmarrjet mikro dhe të vogla Nga 5,000.00 € deri në 10,000.00 €;
Loti 3 – Ndërmarrjet mikro dhe të vogla Nga 10,000.00 € deri në 15,000.00 €;
Për të gjitha lotet, përqindja e bashkëfinancimit nga aplikantët duhet të jetë nga 10% deri në 40%.
Afati i fundit për aplikim është 15 Mars 2021, në ora 16:00.
Për përpilimin e dokumentacionti për aplikim në grant mund të na kontaktoni në.
044681913
044570271

26/01/2021

Mundësi për grante për NMVM-të, nga Ministria e Tregtisë dhe Industrisë/KIESA.
Ministria e Tregtisë dhe Industrisë përmes KIESA shpall thirrje të hapur për përkrahjen e ndërmarrjeve mikro, të vogla dhe të mesme për blerjen e makinerisë prodhuese/përpunuese.
MTI/KIESA do të mbështes në subvencionim me mjete financiare ndërmarrjet si në vijim;
- Ndërmarrjet mikro (1-9 punëtorë). Vlera maksimale e mbështetjes deri në 75% e vlerës së makinerisë ose në vlerë financiare deri në 15,000.00 Euro;
- Ndërmarrjet e vogla (10 - 49 punëtorë). Vlera maksimale e grantit është deri në 50% e vlerës së makinerisë ose në vlerë financiare deri në 30,000.00 Euro;
- Ndërmarrjet e mesme (50 -249 punëtorë).Vlera maksimale që mund të përfitojë ndërmarrja e mesme është deri në 50 % e vlerës së makinerisë ose në vlerë financiare deri në 50,000.00 Euro.
Afati i fundit për aplikim: 12.02.2021 në orën 16:00.

KAV & E Group SHPK mund t’ju ofroj informata më të hollësishme dhe ndihmë në përpilimin dhe kompletimin e të gjitha dokumenteve për aplikim si dhe mbështetje për implementimin e projekteve pas marrjes së granteve.

13/01/2021

Njoftim per lirim te lendes se pare.

05/10/2020

Grant nga MZHR

04/10/2020

30/09/2020

📣ATK, edhe me një shërbim të ri elektronik!

Administrata Tatimore e Kosovës, ju njofton se nga data 01 Tetor 2020 do të publikon versionin e ri të Sistemit Elektronik – EDI, përmes të cilit do të kërkohet plotësimi dhe freskimi i informatave të tatimpaguesit.

Shërbimi i ri elektronik për plotësimin dhe freskimin e informatave të tatimpaguesit është funksionalizuar në sistemin elektronik EDI, dhe është në dispozicion për tatimpaguesit, të cilët do të shfrytëzojnë sistemin EDI.

Përmes këtij shërbimi, tatimpaguesi është i obliguar për përditësimin e informatave të tij, me qëllim që Administrata Tatimore të ketë informatat e sakta për të komunikuar me tatimpaguesin.

📗Më konkretisht përmes shërbimit “Plotësimi dhe freskimi i informatave të tatimpaguesit”, përveç informatave të cilat merren nga regjistri i tatimpaguesve përmes Agjensionit për Regjistrimin e Bizneseve në Kosovë (ARBK), si dhe Institucione tjera, tatimpaguesi do të jetë i obliguar për të ofruar edhe informata shtesë, si:

📧E-mail i biznesit;
📞Telefoni i biznesit;
📒Mbajtësi i librave / Kontabilisti;
📞Telefoni i mbajtësit të librave / Kontabilistit;
📧Email adresa e mbajtësit të librave / Kontabilistit;
👓Llogaria bankare e biznesit, etj.

🟢Për plotësimin e saktë të informatave të tatimpaguesit, ATK ka përgatitur “Udhëzuesin për plotësimin e informatave në Profilin e tatimpaguesit”, të cilin do ta gjeni në dritaren përkatëse ku edhe bëhet plotësimi i të dhënave, andaj ju sugjerojmë që ta shfletoni udhëzuesin paraprakisht.

👉ATK mban premtimin për kujdesin e vazhdueshëm ndaj tatimpaguesve!

28/09/2020

Në funksion të rimëkëmbjes ekonomike, sot kemi ndarë mjete financiare në vlerë prej tetëdhjetë e shtatë milionë euro (87,000,000 €).

Këto mjete do të dedikohen për financimin e sektorëve të rëndësishëm ku përfshihen ndërmarrësia, bujqësia, kultura, rinia dhe sporti, skemat sociale, barazia gjinore, zhvillimi i balancuar rajonal, ndërmarrjet publike dhe komunitetet.

Në javët në vijim do të ndahen mjete tjera nga programi për rimëkëmbje ekonomike për të fuqizuar stabilitetin socio-ekonomik në vendin tonë.

28/09/2020

Dyfishohen subvencionet për vitin 2020



Prishtinë, 28 shtator 2020 - Ministria e Bujqësisë, Pylltarisë dhe Zhvillimit Rural ka marrë dritë jeshile nga Qeveria e Republikës së Kosovës që të dyfishojë subvencionet, krahasuar me normat e vitit 2019, për të gjitha kulturat e përfshira në Programin për Pagesa Direkte për vitin 2020.

“Sivjet, do të paguajmë dyfish subvencionet për të gjitha kulturat e përfshira në Programin për Pagesa Direkte për vitin 2020: për grurin, misrin, elbin, cilësinë e qumështit, krerët e lopëve dhe buallicave qumështore, delet, dhitë, dosat, pulat, vreshtat, verën, bletët, mjedrën, peshkun, BMA-të dhe të gjitha kulturat dhe masat tjera të përfshira në PPD2020”, bëri me dije ministri i MBPZhR-së, Besian Mustafa në mbledhjen e Qeverisë së Republikës së Kosovës të mbajtur sot (28 shtator 2020).

Tutje, ministri Mustafa tha se, ky hap është ndërmarrë si masë për t’i dalë ballë sfidave me të cilat po ballafaqohet sektori bujqësor gjatë pandemisë COVID-19.



“Prandaj, që nga dita e parë e Qeverisë Hoti, si pjesë integrale e Programit qeverisës, në kuadër të Programit të Rimëkëmbjes Ekonomike, kemi paraparë dyfishimin e subvencioneve vetëm për vitin 2020”, tha tutje ministri Mustafa, duke shtuar se dyfishimi i subvencioneve, do të rritë substancialisht fondet që bujqit do të kenë në xhirollogaritë e tyre për të investuar edhe më shumë në bujqësi.

Me këtë dyfishim, në industrinë e qumështit, cilësia do të paguhet me: 12 cent për litër të klasës ekstra, 8 cent për klasën e parë dhe 4 cent për klasën e dytë.



Me nga 140 euro do të paguhet për krerë të lopëve dhe buallicave qumështore, 30 euro për dele dhe dhi. Dyfish do paguhet edhe subvencioni për pulat vojse, 1 euro për thëllëza, 40 euro për dosa në riprodhim, 100 euro për therjet e gjedhit në thertore të licencuara dhe 40 cent për kilogram të peshkut. Bletaria dhe mjedra sivjet do të subvencionohen me 30 euro çdo koshere dhe me 16 cent çdo kilogram i mjedrës.

Për t’u siguruar që këto fonde do të shkojnë në vendin e duhur, pra për të ndihmuar bujqit, ministri Mustafa paralajmëroi rritjen e kontrollit dhe monitorimit të vazhdueshëm para se të realizohen pagesat.

24/09/2020

GRATË NË BIZNES
Thirrje publike për subvencionim të ndërmarrjeve në pronësi të grave
MTI/KIESA do të mbështes në subvencionim me mjete financiare ndërmarrjet sipas kategorive si në vijim:
-Për ndërmarrjet mikro (të punësuar 1 deri 9 punëtor), vlera maksimale që mund të përfitoj një ndërmarrje mikro është 10,000.00 EURO.
-Për ndërmarrjet e vogla (të punësuar 10 deri 49 punëtor), vlera maksimale që mund të përfitoj një ndërmarrje e vogël është 20,000.00 EURO.
-Për ndërmarrjet e mesme (të punësuar 50 deri 249 punëtor) vlera maksimale që mund të përfitoj një ndërmarrje e mesme është 30,000.00 EURO.

KAV&E Group ofron asistencë profesionale në procesin e kompletimit të dokumentacionit dhe procedurave aplikuese.
Na kontaktoni në numrin +383 44 681 913, në viber +383 44 570 571 ose në email adresën [email protected]