ໂຄງການ ຄສກສ ຈະຊ່ວຍສະໜັບສະໜູນການຈັດຕັ້ງປະຕິບັດຍຸດທະສາດການພັດທະນາກະສິກຳ (ADS) ຂອງ ລັດຖະບານ ພາຍໃຕ້ການຊີ້ນຳຂອງກະຊວງກະສິກຳ ແລະ ປ່າໄມ້, ກົມສົ່ງເສີມກະສິກໍາ ແລະ ສະຫະກອນ (DAEC).
ໂຄງການດັ່ງກ່າວໄດ້ຖືກອອກແບບ ເພື່ອປັບປຸງ ແລະ ສ້າງຄວາມເຂັ້ມແຂງໃຫ້ແກ່ຊາວກະສິກອນ ໃນການ
ຍົກສະມັດຕະພາບຜົນຜະລິດ, ສ້າງສະພາບແວດ
ລ້ອມທີ່ເອື້ອອຳນວຍສຳລັບທຸລະກິດກະສິກຳ ທີ່ເປັນມິດຕໍ່ສິ່ງແວດລ້ອມ. ນອກຈາກນັ້ນ, ໂຄງການຍັງໃຫ້ການສະຫນັບສະໜູນໃນການ ພັດທະນ
າກຸ່ມຜູ້ຜະ
ລິດ ແລະ ທຸລະກິດກະສິກຳ, ການເຂົ້າເຖິງ ຂໍ້ມູນຂ່າວສານ, ການຝຶກອົບຮົມ, ການຊ່ວຍເຫລືອທາງ
ດ້ານການເງິນ ເພື່ອຍົກລະດັບພື້ນຖານໂຄງລ່າງທຸລະກິດກະສິກຳ ເຮັດໃຫ້ແກ່ຊາວກະສິກອນ, ກຸ່ມຜູ້ຜະລິດ ແລະ ຜູ້ປະກອບການທາງດ້ານທຸລະກິດກະສິກຳ ມີລາຍຮັບທີ່ຍືນຍົງ.
ເປົ້າໝາຍ:
ສ້າງຄວາມເຂັ້ມແຂງທາງດ້ານເຕັກນິກ ແລະ ຄວາມອາດສາມາດໃຫ້ແກ່ພະນັກງານ ແລະ ຊາວກະສິ ກອນ ດ້ານນະວັດຕະກຳກະສິກຳທີ່ເປັນມິດຕໍ່ສິ່ງ ແວດລ້ອມ (CSA), ສ້າງສະພາບແວດລ້ອມທີ່ເອື້ອອຳນວຍສຳລັບການຜະລິດກະສິກຳ ທີ່ເປັນມິດກັບສິ່ງແວດລ້ອມ ເພື່ອສົ່ງເສີມຄວາມຍືນຍົງດ້ານສິ່ງ ແວດລ້ອມ ແລະ ເພີ່ມກຳໄລໃຫ້ແກ່ຊາວກະສິກອນ ແລະ ທຸລະກິດກະສິກຳ.
