06/25/2026
នេះគឺជាដំណឹងដែលធ្វើឱ្យអ្នកគាំទ្រជាច្រើនអាណិតអាសូរយ៉ាងខ្លាំង បន្ទាប់ពីទទួលបានដំណឹងថា អូនប៊ី ដែលជាកូនប្រុសពៅសំណព្វចិត្តរបស់លោកស្រី ទ្រី ដាណា ឈឺ រហូតផ្អាកទៅសាលាមួយរយៈ។
យោងតាមសំណេរនៅលើបណ្តាញសង្គមថ្មីៗនេះ បានបញ្ជាក់សារយ៉ាងខ្លីតែបង្កប់នូវក្តីអាណិតថា៖ «អូនឈឺហើយអ៊ុំពូមីងលោកតាលោកយាយ អូនខានបានទៅរៀន១រយះសិន»។ ដំណឹងមួយនេះបានធ្វើឱ្យមហាជន ជាពិសេសអ្នកគាំទ្រដែលតែងតែតាមដានភាពក្រមិចក្រមើម និងភាពឆ្លាតវៃរបស់អូនប៊ី បានចូលរួមបញ្ចេញមតិជូនពរយ៉ាងច្រើនសន្ធឹកសន្ធាប់។ មហាជនភាគច្រើនបានសម្តែងក្តីនឹករលឹក និងបួងសួងសូមឱ្យអូនប៊ី ឆាប់ជាសះស្បើយពីជំងឺ មានសុខភាពរឹងមាំឡើងវិញ និងអាចត្រឡប់ទៅសាលារៀនបានក្នុងពេលដ៏ខ្លីខាងមុខនេះ។
