جدليان سبيبة

09/07/2026

09/07/2026

"توا ولى أهم شيء في بطاقة الدعوة أسماء الفنانين، أما الضيافة والماكلة اللي هي أساس العرس، ما عادش حد يحكي عليها. الكرم هو اللي يخلّي العرس يتذكر، موش كثرة الفنانين."

05/05/2025

الجازية الهلالية / الجزء الأول بقلم خالد عبدلاوي✍️
الجازية ، مرا حكيمة وذكية وشجاعة ومعروفة بجمالها الأخاذ وبشعرها الطويييل الي يتكركر في لرض وقت تحلو ، هي أشهر مرا عبر التاريخ ، حبها لقبيلتها وأهلها خلاها تقوم ببرشة تضحيات ، الجازية قصة روتها الاجيال منذ تاريخ الدولة الفاطمية ، اسمها الحقيقي هو نور بارڨ بنت سرحان وخوها الأمير حسن بن سرحان ، عاشت من صغرتها في صحراء الجزيرة وتحديدا في نجد ، وهي تقريبا من نفس سن بوزيد الهلالي وذياب بن غانم ، ذياب هذا أصلو موش هلالي جاباتو الصدفة لقبيلة بني هلال ( وهي حكاية سأحكي لكم منفردة ) ، ذياب أول شخص عشق الجازية لكنو ما ڨلهاش وما علمهاش وخلى مشاعرو في ڨلبو ، الجازية ملي هي صغيرة باين عليها الفطنة والذكاء وهي الي كان ليها الفضل في رجوع بوزيد الهلالي لقبيلة بني هلال بعد ما طردو باباه وهو مازال في الڨماطة مع أمو ( وهذي قصة طويلة سأرويها لكم لاحقا ) ومن وقتها والجازية عندها في مجلس باباها ثلث المشورة ، يسمعوا كلامها ويطبقوا أوامرها ، ويطيعوا دبارتها ، مرا دبيرة ، لكن كيما تعرفو الصحرة مناخها قاسي والماء فيها ظنين والمرعى أجدب والهلايلية يعيشوا على الغزوات وتربية الماشية : الغلم والبل والبقر والخيل والماعز ، عندهم برشة سراح وكانت الجازية هي المسؤولة على تنظيم أمور القبيلة بما فيها الرعي ، ذاع صيطها بين العربان والقبايل والرحل ، الناس لكل تحكي على جمالها وشَعرها وشِعْرها وحكمتها وفطنتها وكأنها لرض ما جابت كان الزازية ، كانت تستقبل الضيوف وتأمر بذبح الذبايح وتعطي تعليماتها للنساوين يطيبو ويفرحو بالضيف ، سي ذياب بن غانم كان هو واختو اسمها شيحة قبل ما يحط رحالو في الهلايلية كان كل مرة في قبيلة لكنو فيسع يرحل على خاطر يلڨى ناسها ما يوالموش طبيعتو ، لين وصل لقبيلة بني هلال وبعث أختو للزازية تعاونها وعجبو المقام غادي ، شي حبو للجازية وشي طبيعة الهلايلية عجباتو ، ثمة نهار جو جماعة ، ستة مناس ضياف على القبيلة ، تبعهم ذياب وهو معروف بالذكاء والدهاء وفهمو لكلام النحو وحل الالغاز ، وصلوا الضياف لخيمة الضيافة مفروشة من الممشى للدراڨة ، لاغتهم الزازية وڨالتلهم أدخلوا سبعة وخلوا اربعطاش ، ڨعدوا يخزروا لبعضهم ما فاهمين شي ، ڨلهم ذياب نحوا شلايككم وزوزوا ، في لول ماعجبهمش كيفاش هالشنتي الفڨير المجرتل يتبع فيهم ووقت ڨلهم هكاكة ، ڨالوا هالطفل هذا بيه الفايدة نستفادوا منو ويعاوننا على فهم رمزية الزازية وكلام النحو ، وهو سي ذياب لقى خرشفاية بدا يشلخ ويوكل ، راتو الخادمة مشت للزازية علمتها ،ڨالتلها ڨلو : هيف يا جمل هيف ، جاتو الخادمة وقتلو : هيف يا جمل هيف ، رد علاها : هيف يا جمل هيف والنفس خضرة والصيف ضيف ونعلبو الي مايكرمش الضيف ، رجعت الخادمة وحكت للجازية آش صار ، ڨالتلها طالب الضيافة هذا يا ويحي منو ، حلڨوا التراريس في المربع يستنوا في الغداء ، والزازية مع النساء يحضرو في ضيفة الناس ، جابت الڨصعة مركوزة وحطتها في وسطهم ، شوي ڨديد متاع بعير على كسكسي أسمر باين عليه ڨمحو شارب الماء وغاف ، خزرو لبعضهم ومدوا ايدهم كلوا ماكتبلهم ، نوما كملوا وذياب جبد الڨصعة وتكى الكسكسي لسمر وعرى على الكسكسي السيفي يلڨى سبعة لحمات متاع بركوس صرتهم كالعفريت ، وزاد دخل ايدو في ڨاع الڨصعة يلڨى سبعة كعبات تمر ، كلاهم وحط الڨلوب في جيبو وشرب شريبة ماء واتكى بحذاهم ، جات الزازية ڨالتلهم بالشفاء والهناء يا ضيوف الرحمان ، ڨالولها يشفيك ويهنيك ويرحم الله والديك ، ڨالتلهم بلاهي يا جماعة باش نسهلكم ، ڨالولها على ما نعلموا ، ڨالتلهم : جلابة التمر جو من الجريد وجابو حمل العليڨ ؟ ڨالولها يا زازية تو عڨاب صيف وينو التمر ووين أهلو ؟ ناض هو وڨلها التمر جا وكليناه ، سكتت شوي وزادت سهلتهم : بلاهي شنوة الي فطرتوه عندي ؟ ڨالولها ڨمح أسود بڨديد الل ، ناض هو وڨلها : كسكسي سيفي أبيض بعلوش السنة ، ڨتلو الزازية : أرمي النوا على روس لحوى ، يدخل يدو لجيبو ويجبد ڨلوب التمر ويضرب بيهم الضياف ، الزازية
ڨعدت تخمم بينها وبين روحها وتسهل ، منهو هذا ؟ وشنهي حكايتو ، واش جابوا ومنين جا؟
آه يا ويحي منو هذا ......
( يتبع )
خالد عبدلاوي✍️

22/03/2025

وفق القانون الليبي، يُعد التهريب بجميع أشكاله (سواء كان بضائع، أموال، أشخاص، أو غير ذلك) جريمة يُعاقب عليها القانون، سواء ارتكبها مواطن ليبي أو أجنبي.

وتختلف العقوبات وفقاً لنوع التهريب ومدى تأثيره على الأمن القومي والاقتصاد الوطني، وتشمل الغرامات المالية والسجن، بالإضافة إلى مصادرة البضائع أو الوسائل المستخدمة في الجريمة.

فسيادة القانون هي الأساس لضمان الأمن والاستقرار، ولا أحد فوق القانون، سواء كان مواطناً أو أجنبياً.

الحفاظ على أمن الوطن وحماية مقدراته مسؤولية جماعية تتطلب التزاماً صارماً بتطبيق القوانين بعدالة ودون استثناء، لضمان حماية الحقوق وتعزيز سيادة الدولة.



#ليبيا

31/07/2024

الغيلانيّــــــــة 🇹🇳
✓ لانه لم يبق إلا التاريخ الكاذب أو التاريخ المتلاعب به، أو التاريخ المحجوب فاننا لم نسمع عن مثل هؤلاء النسوة هي لبؤة تونسيّة من الوسط الغربي هي بطلة من عرش ماجر"

✓ المناضلة " الغيلانية " إسمها دزيريّة بنت فرحات بن التليلي التوتي هي امراة تونسية من عرش اولاد غيلان بالڨصريـن و لكنها هاجرت الى التراب الجزائري و هناك التحقت بصفوف الثوار الجزائرين و التونسين حيث تعرفت على زوجها التونسي ثم استقرت معه فترة في مدينة قفصة ثم تحولت الى القصرين و مات زوجها وترك لها إبن "أحمد الشاحب" حيث سجن "أحمد الشاحب " لتجنيده في صفوف الجيش الفرنسي تحت المستعمر ( تجنيد قسري) في القيروان فجاءته سيرا على أقدامها من القصرين لتحضر جلسة ابنها في مدينة القيروان وتتدخل أمام الڨايد و القاضي بكل شجاعة لتقول كلماتها :

يا ڨايد يڨيّد ڨـيدك
ماهو كي وليدي كي وليـدك
وليدك فايت بالحضـوة
وليدي فايت بالرّجلـة
وليدك فايت بالجبّـة
وليدي فايت بالشبّـة
يدور " سلاطة " و " الڨلعـة "
و يكمل عڨاب نومو غادي
أحمد الشاحب يا ولدي
__________________
تسعة شهور هو في كرشي
عامين كاملين عالبزولـي
يا لندرى ولدي وحـدي
و الا مشاركني الرّومي
من غيرك يحفرلي لحــدي
، احمد الشاحب يا ولـدي
يا بولحناش(1) ويني حناشـك
ويني كشاكيشك و غشاشـك
و الا فرنسا طفتلك جاشـك
و ڨعد جاشي نيرانو تڨدي
احمد الشاحب يا ولــدي
___________________
يا ماجر الله يفنيـكم
اعطوا نهار عذراريـكم
خلي الراشي يدّڨـــدڨ
ناي مرا نرمي حـجرة
و نكسر ڨرن المتعـدًي
احمد الشاحب يا ولـدي
يا ماجر(2) واش لتستنّـوا
نوضوا للعركة و تعنّـوا
خلي المدردر يتحيّـر
و كل غدير يشرب دمــّو
و زغرطي يا طفلة حـدّي
احمد الشّاحب يا ولــــــدي

الله يرحمها

1 _ بولحناش : جبل في الڨصرين
2_ ماجر : عرش أولاد ماجر في الڨصرين

18/07/2024

تعلم الهيئة المديرة لجمعية خيمة علي بن غذاهم انها قد اتممت برنامج المهرجان الصيفي الذي ستدار فعالياته :
بالمنتزه السياحي mega_féte بجدليان ۔۔