28/10/2022
"ဝင်ငွေခွန်အကြောင်းသိကောင်းစရာ"
(က) လစာဝင်ငွေခွန်
၁။ နိုင်ငံပိုင်စီးပွားရေးလုပ်ငန်း၊ အလုပ်ရုံ၊ စက်ရုံ၊ အစိုးရဌာနဆိုင်ရာဝန်ထမ်းများအနက် တစ်နှစ် လစာဝင်ငွေ ကျပ် ၄၈ သိန်းကျော် ရရှိသည့် ဝန်ထမ်းများ၏လစာမှလစာဝင်ငွေခွန်ကို ဖြတ်တောက် ပေးသွင်းရပါမည်။
(တစ်ဦးချင်းပုဂ္ဂိုလ် Individual ခေါင်းစဉ်ကြီးအောက်ရှိ၊ အခွန်ကျသင့်ခြင်း Taxation ခေါင်း စဉ်ငယ် Salary တွင် ဝင်ရောက်ကြည့်ရှုနိုင်ပါသည်။)
( ဝန်ထမ်း၏ကျသင့်မည့် အခွန်ကို Tax Calculator link တွင် ဝင်ရောက် တွက်ချက် ခန့်မှန်းနိုင် ပါသည်။)
၂။ လစာငွေထုတ်ပေးရန်တာဝန်ရှိသူသည် ထိုလစာငွေထုတ်ပေးချိန်၌ ထုတ်ပေးသည့်ငွေမှ ကျသင့် အခွန်ကိုနုတ်ယူရမည်။ ထိုသို့နုတ်ယူရာတွင် သက်ဆိုင်သူ၏ နှစ်တစ်နှစ်အတွင်းလစာဝင်ငွေ စုစုပေါင်းမှ ကျသင့်သည့်အခွန်ကို (လစာဝင်ငွေခွန်နမူနာတွက်ချက်ပုံအတိုင်း) ခန့်မှန်းတွက်ချက်၍ အတတ်နိုင်ဆုံး အညီအမျှအရစ်များဖြင့် နုတ်ယူပြီးပေးသွင်းရမည်။ လစဉ်ပေးသွင်းရမည့် ပုံစံမှာ ပတခ(ဝင) - ၁၅ ဖြစ်ပါသည်။
၃။ လစာနှစ်ချုပ်စာရင်းပုံစံ ပတခ(ဝင) - ၁၆ ကိုဝင်ငွေနှစ်ကုန်ဆုံးပြီး သုံးလအတွင်း သက်ဆိုင်ရာစက်ရုံ၊ အလုပ်ရုံ၊ လုပ်ငန်းဌာနအကြီးအကဲက တင်သွင်းရမည်ဖြစ်ပါသည်။
( forms ပုံစံများကို form & publication link တွင် download ပြုလုပ်၍ ရယူနိုင်ပါသည်။)
(ခ) Withholding Tax ဖြတ်တောက်ပေးသွင်းခြင်း
အမိန့်ကြော်ငြာစာအမှတ် ၄၇/၂၀၁၈ပါ ညွှန်ကြားချက်အရ အစိုးရဌာနများအနေဖြင့် ပစ္စည်း ဝယ်ယူခြင်း၊ လုပ်ငန်းများဆောင်ရွက်စေခြင်း၊ ဝန်ဆောင်မှုများဆောင်ရွက်ခြင်း(လေလံ၊တင်ဒါ)များအတွက် တစ်နှစ်အတွင်း စုစုပေါင်း ကျပ်( ၁၀ )သိန်း အထက်ပေးချေရလျှင် ငွေပေးချေချိန်တွင် ကြိုတင်ဝင်ငွေခွန် ၂% ဖြတ်တောက်၍ပေးသွင်းရပါမည်။ သို့ရာတွင် ပြည်ပနေနိုင်ငံခြားသားသို့ ပေးချေခြင်းဖြစ်ပါက ၂.၅% ဖြတ်တောက်၍ ပေးသွင်း ရပါမည်။
( အမိန့်ကြော်ငြာစာ ၄၇/၂၀၁၈ ကို Policy & Laws link တွင် ဖော်ပြထားပါသည်။)
(ဂ) လေလံတင်ဒါများနှင့်စပ်လျဉ်း၍ အခွန်ကျသင့်မှုများ
တံဆိပ်ခေါင်းခွန်
အစိုးရဌာနဆိုင်ရာအဖွဲ့အစည်းနှင့် လေလံတင်ဒါအောင်မြင်သည့် လုပ်ငန်းရှင်တို့သဘောတူစာချုပ် ချုပ်ဆိုရာတွင် စာချုပ်ပါတန်ဖိုး၏ ၁% ( အများဆုံးကျပ် ၁၅၀၀၀၀/- အထိ ) တံဆိပ်ခေါင်းခွန်ကို လေလံတင်ဒါအောင်မြင်သည့် လုပ်ငန်းရှင်ကထမ်းဆောင်ရပါမည်။
ကုန်သွယ်လုပ်ငန်းခွန်
စာချုပ်တန်ဖိုးအရ ကျသင့်ကုန်သွယ်လုပ်ငန်းခွန်ကို လေလံတင်ဒါအောင်မြင်သည့် လုပ်ငန်းရှင် အမည်ဖြင့်ပေးဆောင်ရမည်။ လုပ်ငန်းအပ်နှံသူအစိုးရဌာနအဖွဲ့အစည်းအမည်နှင့် လုပ်ငန်းအကြောင်းအရာ တို့ကိုအဆိုပါငွေသွင်းချလန်တွင်ဖော်ပြရပါမည်။
ဝင်ငွေခွန်
သဘောတူစာချုပ်အရ လုပ်ငန်းအပ်နှံသူ ဌာနဆိုင်ရာအစိုးရအဖွဲ့အစည်းက ငွေပေးချေချိန်တွင် Withholding Tax ၂% ကို လေလံတင်ဒါအောင်မြင်သည့် လုပ်ငန်းရှင်အမည်ဖြင့် ဖြတ်တောက် ပေးသွင်းရပါမည်။ ပြည်ပနေနိုင်ငံခြားသားဖြစ်ပါက ၂. ၅% ဖြတ်တောက်၍ ပေးဆောင်ရပါမည်။
ဝင်ငွေခွန် တွက်ချက်ပုံ (နမူနာ)
အစိုးရလုပ်ငန်းဌာနက လေလံတင်ဒါအောင်မြင်သည့်လုပ်ငန်းရှင်သို့ ပေးချေငွေ = ၅,၀၀၀,၀၀၀ ကျပ်
ကုန်သွယ်လုပ်ငန်းခွန် ၅% ( ၅၀၀၀၀၀၀ × ၅ /၁၀၅ ) = ၂၃၈,၀၉၅ ကျပ်
Withholding Tax ( ၂ %)( ၅၀၀၀၀၀၀ -၂၃၈၀၉၅)x ၂% = ၉၅,၂၃၈ ကျပ်
Withholding Tax ( ၂.၅ %)( ၅၀၀၀၀၀၀-၂၃၈၀၉၅) x ၂.၅% = ၁၁၉,၀၄၈ ကျပ်
(ပြည်ပနေနိုင်ငံခြားသား)
Credit: https://www.ird.gov.mm
အခွန်ထမ်းကြီးများဆိုင်ရာ အခွန်ရုံး
အမှတ်(၅၆၇/၅၇၇)ကုန်သည်လမ်းနှင့်မဟာဗန္ဓုလပန်းခြံလမ်းထောင့်၊
ကျောက်တံတားမြို့နယ်၊ ရန်ကုန်တိုင်းဒေသကြီး
ဖုန်း - ၀၁-၃၈၄၈၁၂၊ ၀၁-၃၈၄၇၉၇၊ ၀၁-၃၇၉၀၂၀
အလယ်အလတ် အခွန်ထမ်းများဆိုင်ရာ အခွန်ရုံး (၁)
အမှတ်( ၅၉ / ၆၁ )၊ ပန်းဆိုးတန်းလမ်း၊ကျောက်တံတားမြို့နယ်၊
ရန်ကုန်တိုင်းဒေသကြီး
ဖုန်း - ၀၁-၂၅၂၄၂၇၊ ၀၁-၃၇၁၇၇၄၊ ၀၁-၃၇၈၃၅၇၊ ၀၁-၂၅၂၅၄၂
အလယ်အလတ် အခွန်ထမ်းများဆိုင်ရာ အခွန်ရုံး (၂)
အမှတ် (၄၉)၊ မြေတိုင်း (၈၅/ကံဘဲ့)၊ စိမ်းလဲ့မေလမ်းသွယ်၊ ကမ္ဘာအေးဘုရားလမ်း၊
ရန်ကင်းမြို့နယ်၊ ရန်ကုန်တိုင်းဒေသကြီး
ဖုန်း - ၀၁-၆၅၇၅၃၆၊ ၀၁-၆၅၇၅၃၇၊ ၀၁-၆၅၇၅၈၉၊ ၀၁-၆၅၇၅၉၁
