09/11/2026
Relationship တွေ အဆုံးသတ်ခံရပြီးနောက် ကိုယ့်ဆီမှာ ဆက်လက်ဖြစ်ပေါ်နေတဲ့ခံစားချက်တွေက ဝမ်းနည်းခြင်းတစ်ခုတည်း မဟုတ်ပါဘူး။
ကိုယ်ချစ်ခဲ့တဲ့သူတစ်ယောက်ကို ဆုံးရှုံးလိုက်ရတာအပြင် သူနဲ့အတူတူ ကိုယ်မျှော်လင့်ထားတဲ့ အနာဂတ်၊ ယုံကြည်ထားတဲ့အရာတွေ၊ စိတ်ကူးတည်ဆောက်ထားတဲ့ ဘဝတစ်ခုကိုပါ ဆုံးရှုံးလိုက်ရသလို ခံစားရနိုင်ပါတယ်။
အထူးသဖြင့်
၁။ ကိုယ်ချစ်ခဲ့တဲ့သူနဲ့ အတူရှိခဲ့ဖူးတဲ့အချိန်တွေ၊ အမှတ်တရတွေကို ပြန်တွေးမိပြီး ဝမ်းနည်းလာတတ်တယ်။(ဝမ်းနည်းတဲ့ခံစားချက်)
၂။ လူတစ်ယောက်ကိုသာ ဆုံးရှုံးလိုက်ရတာမဟုတ်ဘဲ သူနဲ့အတူတူ ကိုယ်မျှော်လင့်ထားတဲ့ အနာဂတ်နဲ့ အိပ်မက်တွေပါ ပျောက်ဆုံးသွားသလို ခံစားရတတ်တယ်။(ဆုံးရှုံးမှုဆိုတဲ့ခံစားချက်)
၃။ တစ်ဖက်လူက ကိုယ့်ကို ဆက်မရွေးချယ်တော့တဲ့အခါ ကိုယ့်ကိုယ်ကို မလုံလောက်သလို၊ မတန်ဖိုးရှိသလို ခံစားလာရတတ်တယ်။(ပယ်ချခံရတဲ့ခံစားချက်)
၄။ ကိုယ်ပေးဆပ်ခဲ့တာတွေ၊ ကြိုးစားခဲ့တာတွေကို ပြန်တွေးပြီး တစ်ဖက်လူအပေါ် စိတ်ဆိုးတာ၊ မကျေနပ်တာတွေ ဖြစ်လာတတ်တယ်။(စိတ်ဆိုးတဲ့ခံစားချက်)
၅။ ကိုယ်က ဒီလောက်ချစ်ခဲ့တာ၊ ဒီလောက်ကြိုးစားခဲ့တာကို ဘာကြောင့် ဒီလိုအဆုံးသတ်ခံရတာလဲဆိုတဲ့ မတရားခံရသလို ခံစားချက်တွေ ဖြစ်လာတတ်တယ်။(ခံပြင်းတဲ့ခံစားချက်)
၆။ အရင်က ပြောခဲ့တဲ့စကားတွေ၊ လုပ်ခဲ့တဲ့အပြုအမူတွေကို ပြန်တွေးပြီး ကိုယ့်ကိုယ်ကို အပြစ်တင်လာတတ်တယ်။(နောင်တရတဲ့ခံစားချက်)
၇။ တစ်နေ့နေ့ ပြန်လာမလား၊ ပြန်ဆက်သွယ်လာမလား၊ အရာအားလုံး ပြန်ကောင်းလာနိုင်မလားဆိုတဲ့ မျှော်လင့်ချက်တွေ ရှိနေတတ်တယ်။(မျှော်လင့်နေတဲ့ခံစားချက်)
၈။ နောက်ထပ် ဘယ်သူ့ကိုမှ မချစ်နိုင်တော့မှာ၊ ထပ်ပြီး နာကျင်ရမှာ၊ တစ်ယောက်တည်းဖြစ်သွားမှာကို ကြောက်လာတတ်တယ်။(စိုးရိမ်ကြောက်ရွံ့တဲ့စိတ်ခံစားချက်)
၉။ နေ့စဉ်ပြောဆိုနေကျသူ၊ အချိန်ပေးနေကျသူ၊ ကိုယ့်ခံစားချက်တွေ မျှဝေနေကျသူ မရှိတော့တဲ့အခါ အထီးကျန်မှုကို ခံစားလာရတတ်တယ်။(အထီးကျန်တဲ့ခံစားချက်)
၁၀။ ဘာကြောင့် အဆုံးသတ်သွားတာလဲ၊ ကိုယ်ဘာမှားခဲ့တာလဲ၊ ဒီလိုအဆုံးသတ်ဖို့ လိုအပ်ခဲ့ရဲ့လားဆိုတဲ့ မေးခွန်းတွေကို ထပ်ခါထပ်ခါ တွေးနေတတ်တယ်။(စိတ်ရှုပ်ထွေးနေတဲ့ခံစားချက်)
ပြောချင်တာက.......
Relationship တစ်ခု အဆုံးသတ်သွားတဲ့အခါ လူတစ်ယောက်ဟာ သူ့ရဲ့ Ex ကို မေ့ဖို့ပဲ ကြိုးစားနေတာသက်သက် မဟုတ်ပါဘူး။
သူဆုံးရှုံးသွားတယ်လို့ ခံစားနေရတဲ့ နွေးထွေးမှု၊ လုံခြုံမှု၊ တန်ဖိုးထားခံရမှု၊ ချစ်ခြင်းမေတ္တာနဲ့ အနာဂတ်မျှော်လင့်ချက်တွေကိုပါ ပြန်လည်ရင်ဆိုင်နေရတာ ဖြစ်ပါတယ်။
ဒါကြောင့် Healing ဆိုတာ လူတစ်ယောက်ကို မေ့ပစ်ဖို့ထက် ကိုယ်ဆုံးရှုံးသွားတယ်လို့ ခံစားနေရတဲ့အရာတွေကို နားလည်ပြီး ကိုယ့်ဘဝကို ပြန်လည်တည်ဆောက်တတ်လာဖို့ ဖြစ်ပါတယ်။
တကယ်လို့ ကိုယ်ဆုံးရှုံးသွားခဲ့တဲ့အရာတွေကို နားလည်ဖို့ မကြိုးစားဖြစ်ခဲ့လျှင် ဒီခံစားချက်တွေကြားမှာပဲ ကိုယ်က ဆက်ပြီး ပိတ်မိနေအုန်းပါမယ်
ပီးတော့
ခံစားချက်တွေဆိုတာဟာ ဝင်မလာအောင် လုပ်ယူလို့မရသလို၊ ထိန်းချုပ်လို့မရသလို၊ လျစ်လျူရှူလို့လဲ မရပါဘူး....။
ခံစားချက်တွေကို နားလည်ဖို့ ကြိုးစားမှသာလျှင်၊ ကိုင်တွယ်ရတာ ကိုယ့်အတွက် လွယ်ကူပါမယ်
ဒီနေရာမှာ အများစုတော့လူတွေက ကိုယ်ခံစားရသမျှကို ကိုယ်ကိုတိုင် သိပေမယ့် ဒီခံစားချက်တွေကို ဘယ်လိုနားလည်ပေးရမလဲဆိုတဲ့နေရာမှာ အခက်ခဲဖြစ်ကြတယ်။
လက်ရှိ ကိုယ်ကရော ခံစားချက်များပြီး ကိုယ့်ကိုကိုယ် နားလည်ရခက်နေတဲ့အခြေအနေမျိုးလား?
ကိုယ်ခံစားသမျှအရာတွေကို ဝေဖန်မှုမပါဘဲနဲ့ လုံခြုံစွာ ရင်ဖွင့်ချင်တယ်၊ နားလည်ပေးစေချင်တယ်၊ ကိုင်တွယ်တတ်စေချင်တယ်၊ ဒီခံစားချက်တွေကြားမှာ ပိတ်မိမခံချင်တော့ဘူး ရုန်းထွက်နိုသ်ချင်တယ်ဆိုရင် Asterthi ရဲ့ Counselling Session မှာ fees အလိုက် join နိုင်ပါတယ်ရှင့်......🍀🍀
