18/09/2026
ဘဝမှာလေ…
လူတိုင်းနီးပါး တစ်ချိန်ချိန်မှာ
“ငါ ပိတ်မိနေသလိုပဲ…” ဆိုတဲ့ ခံစားချက်မျိုး ကြုံဖူးကြမယ်ထင်ပါတယ်။
ဘယ်လိုမျိုးလဲဆိုတော့…
ကိုယ်လက်ရှိဖြစ်နေတဲ့ပုံစံကိုလည်း မဖြစ်ချင်တော့ဘူး။
ကိုယ်ဖြစ်ချင်တဲ့ပုံစံကိုလည်း မရောက်သေးဘူး။
အဲ့ဒီနှစ်ခုကြားထဲမှာ ဘယ်လိုရွေ့ရမလဲ မသိတော့တဲ့အချိန်မှာ စိတ်က ရပ်နေသလို ဖြစ်လာတဲ့ခံစားချက်မျိုးပါ။
ဥပမာ—
“ငါက စိတ်တည်ငြိမ်တဲ့သူ ဖြစ်ချင်တယ်။
ကိုယ့်ကိုယ်ကို ယုံကြည်ချင်တယ်။
ကိုယ့်အလုပ်မှာ အောင်မြင်ချင်တယ်။
ဆက်ဆံရေးမှာလည်း မမှီခိုဘဲ ကိုယ့်ဘဝကို ကိုယ်တည်ဆောက်ချင်တယ်။”
ဘာဖြစ်ချင်လဲဆိုတာကို သိတယ်။
ဒါပေမယ့်—
“အခုထိ မတည်ငြိမ်သေးဘူး”
“အခုထိ မယုံကြည်နိုင်သေးဘူး”
“အခုထိ မလုပ်နိုင်သေးဘူး”
“ဒီလိုဖြစ်နေတဲ့ငါက အဲ့ဒီလူဖြစ်လာနိုင်ပါ့မလား”
ဆိုပြီး လက်ရှိကိုယ်ကို လက်မခံနိုင်၊ ဖြစ်ချင်တဲ့ကိုယ်ဆီလည်း မရောက်နိုင် ဖြစ်လာတယ်။
အဲ့ဒါက stuck feeling ဖြစ်နိုင်တယ်။
တကယ်တော့ “ပိတ်မိနေတယ်” ဆိုတာ လမ်းမရှိတာ မဟုတ်ဘူး
တစ်ခါတလေ လမ်းရှိပေမယ့် လက်ရှိအခြေအနေကို မခံနိုင်တာ ဖြစ်တယ်။
ဥပမာ—
ဖြစ်ချင်တာ → “Career တစ်ခုမှာ အောင်မြင်ချင်တယ်”
လက်ရှိ → “ဘယ်ကနေစရမလဲ မသိသေးဘူး”
→ “ဒါကြောင့် ဘာမှမလုပ်ဖြစ်ဘူး”
ဖြစ်ချင်တာ → “Emotionally independent ဖြစ်ချင်တယ်”
လက်ရှိ → “သူ့ဆီက reassurance လိုနေတုန်းပဲ”
→ “ဒီလိုဖြစ်နေတဲ့ငါကို မုန်းလာတယ်”
ဖြစ်ချင်တာ → “Move on လုပ်ပြီး ရှေ့ဆက်ချင်တယ်”
လက်ရှိ → “တစ်ခါတလေ သူ့ကို လွမ်းနေတုန်းပဲ”
→ “ငါ ဘာလို့ မရှေ့ဆက်နိုင်သေးတာလဲ” ဆိုပြီး ကိုယ့်ကိုယ်ကို ထပ်ဖိအားပေးတယ်။
ဒီနေရာမှာ “ငါဖြစ်ချင်တဲ့လူ” ကို ရောက်အောင်သွားဖို့ ကြိုးစားနေတယ်ထင်ပေမယ့်၊ တကယ်တမ်းမှာ “အခုဖြစ်နေတဲ့ငါ” နဲ့ တိုက်ခိုက်နေရတာ ဖြစ်နိုင်တယ်။
ဒါကြောင့်
“ငါ ဘာလို့ ဒီလောက်ပိတ်မိနေတာလဲ?” လို့ ကိုယ့်ကိုယ်ကို မေးမယ့်အစား—
“အရင်က ကိုယ်ထဲက ဘာတွေကို မသယ်ဆောင်ချင်တော့တာလဲ?”
“ကိုယ်ဖြစ်ချင်တဲ့ version က ဘယ်လိုလူလဲ?”
“အဲ့ဒီလူရဲ့ ဘယ်အရည်အသွေးတစ်ခုကို ဒီနေ့ကစပြီး လေ့ကျင့်နိုင်လဲ?”လို့ မေးကြည့်ပါ။
ဥပမာ
“ငါ confident ဖြစ်ချင်တယ်” → ဒီနေ့ ကိုယ့်ဆုံးဖြတ်ချက်တစ်ခုကို ကိုယ်တိုင်ချမယ်။
“ငါ career တိုးတက်ချင်တယ်” → ဒီနေ့ 30 မိနစ် skill တစ်ခုလေ့လာမယ်။
“ငါ emotionally stable ဖြစ်ချင်တယ်” → စိတ်လှုပ်ရှားလာတဲ့အချိန် action မလုပ်ခင် 10 မိနစ် pause လုပ်မယ်။
ဖြစ်ချင်တဲ့ပုံကို တစ်ခါတည်း ရောက်ဖို့ မလိုဘူး။
အဲ့ဒီပုံစံနဲ့ ကိုက်ညီတဲ့ အပြုအမူလေးတွေကို ဒီနေ့ကစပြီး လုပ်လာတာနဲ့ ကိုယ်က အဲ့ဒီလူဖြစ်လာတာပါ။
အရေးကြီးဆုံးက—
“ငါ မဖြစ်လာသေးဘူး” နဲ့ “ငါ မဖြစ်နိုင်ဘူး” ဆိုတာ မတူဘူး။
မဖြစ်လာသေးတာဟာ လမ်းပျောက်နေတာ မဟုတ်ဘူး။
တစ်ခါတလေ ကိုယ်သွားချင်တဲ့နေရာကို သိပြီးသားဖြစ်ပေမယ့် အဲ့ဒီနေရာရောက်ဖို့ လိုအပ်တဲ့ နောက်တစ်လှမ်းကို မမြင်သေးတာ ပဲ ဖြစ်တတ်တယ်။
လက်ရှိ ကိုယ်က career / life / relationship ထဲမှာ ပိတ်မိနေသလို / လမ်းပျောက်နေသလို ခံစားချက်မျိုးဖြစ်နေပါသလား??
ဒီထက်ပိုပြီးတော့ ကိုယ့်ရဲ့ next step ကို ဘယ်လိုရွေ့ရမလဲဆိုတာကိုသိချင်တယ်ဆိုရင် counselling session ထဲမှာ one on one ရင်ဖွင့်၊ ဆွေးနွေး၊ အဖြေရှာနိုင်ပါတယ်ရှင့်.....🍀🍀
