Apex International Alliance

29/04/2026

Wireless လမ်းမရဲ့ ဈေးအကြီးဆုံးဖြစ်လာမယ့် Upper House

Wireless လမ်းမကြီးပေါ်၊ Volvo Car Showroom ဘေးမှာ ဆောက်လုပ်နေတဲ့ Upper House Residences ကတော့ အင်နဲ့အားနဲ့ ဆောက်နေကြတာကို တွေ့ရပါတယ်။

Freehold ရှားပါးတဲ့ ရပ်ကွက်နဲ့ လမ်းမမို့ ဈေးတောင် စံချိန်တင်ပြီး 1 sq.m. ကို ဘတ် ၁ သန်း အထက်မှာရှိလာမလားဆိုတာကတော့ စောင့်ကြည့်လေ့လာရမှာပါ။

28/04/2026

Dusit ရဲ့ ညအလှ

Office Building ရော၊ ဟိုတယ်ရော၊ Residential Building ရော ၃ လုံးစလုံးရဲ့ view ကတော့ နေ့ရော ညရောအလှတမျိုးစီ
အားနည်းချက်က တခုပဲ Freehold မဟုတ်တာလေးတခုပဲ

27/04/2026

ထိုင်းကွန်ဒို အငှားတွေ ဈေး‌တက်တော့မှာလား?

ဖြေရရင်တော့ အငှားမှာ ဈေးတက်ဖို့ အလားအလာ ရှိနေပါပြီ။ ဘာလို့လဲ?

ထိုင်းမှာ ကုန်ဈေး‌နှုန်းနဲ့ စက်ဆီဈေးတက်လာတာတွေရဲ့ နောက်ဆက်တွဲကြောင့်ရယ်၊ ထိုင်းတွေ ကိုယ်တိုင် အိမ်ရာဝယ်ယူဖို့ ဘဏ်ချေးငွေ Rejection Rate ကျမလာသေးရယ်၊ ထိုင်းအိမ်ထောင်စု ကြွေးမြီများ လျော့ မကျလာတာကြောင့်ရယ်ပါ။

ဥပမာ BTS Udom Suk နားက ၂ မိနစ်ပဲ လျှောက်ရတဲ့ Mid-rise condo တခုမှာဆို 27 sq.m. Studio က မနှစ်က ဘတ် ၁၀,၀၀၀ ပဲ ဝန်းကျင်ပဲ ရှိကြတာပါ။ အခုဆို အနည်းဆုံး ၁၂,၀၀၀ ကနေ ၁၅,၀၀၀ အထိ ဈေးတက်ဖို့ ထိုင်းအိမ်ရှင်တွေက အိမ်ငှားတွေကို အသိပေးလာကြပါပြီ။

Rama 9 က ကွန်ဒို တချို့ဆိုလည်း အရင်က 35 sq.m. 1 Bedroom Plus ဆို ၂၀,၀၀၀ -၂၃,၀၀၀ ဝန်းကျင်ကနေ အခု ၂၄,၀၀၀-၂၅,၀၀၀ အထိ ခေါ်လာတာကိုလည်းတွေ့ရပါတယ်။

BTS Ekkamai နားက Pet Friendly condo တခုဆိုလည်း 60 sq.m. 2 Bedroom ကို အရင် ဘတ် ၆၀,၀၀၀ ကနေ အခု ၆၅,၀၀၀ - ၆၈,၀၀၀ အထိ ခေါ်လာတာကို တွေ့ရပါတယ်။

ဘန်ကောက်မှာ ရှိတဲ့ မြန်မာ အိမ်ခန်းပိုင်ရှင်များလည်း ဈေးကောင်းရပါကြစေ!

အငှားရှာမိတ်ဆွေများလည်း ဈေးသင့်တဲ့ နေရာကောင်းအခန်းများလည်း ရနိုင်ကြပါစေ။

26/04/2026

မြန်မာငွေ သိန်း ၃ ထောင်လောက်ရှိရင် ထိုင်းကွန်ဒို ဝယ်လို့ ရလား?

အမြန်ဖြေပေးရရင်တော့ ရပါတယ်။ တိုက်သက်တမ်း ၁၀ နှစ် နှစ် ၂၀ အထက် တိုက်အဟောင်းတွေဆို မြန်မာငွေ သိန်း ၆၀၀၊ ၇၀၀ လောက်နဲ့တောင် Studio Size‌ တွေရပါတယ်။

သို့သော် ခဏလေး

မိတ်ဆွေတို့က ဘာလုပ်ချင်တာလဲ? ဘာအတွက် ဝယ်ချင်လားလဲ? ဝယ်ရောင်းလား? နေဖို့လား? ငှားစားဖို့လား?

ဒါတွေ အရင်မေးပါအုန်း။

ကလေးတွေ ကျောင်းတက်ဖို့ ရှိလို့ သူတို့လေးတွေအတွက် အဆင်ပြေအောင်ဆို ဝယ်ပါ။
ဆေးရုံ ဆေးစစ် ဘာညာအတွက် လာရင် နေဖို့ဆို ဝယ်ပါ။
ကိုယ်တိုင် မိသားစုနဲ့ နေမယ်ဆို ဝယ်ပါ။
တခန်းက ကိုယ်နေမယ်၊ တခန်းက ငှားထားပြီး ထိုင်းမှာဝင်ငွေလေးရအောင် အတွက်ဆို ဝယ်ပါ။

ဒါဆို ဝယ်ရောင်းကရော?
ဝယ်ရောင်းက ပရောဂျက် Presale ကာလမှာ တကယ့်ကို ဦးဦးဖျားဖျား ရခဲ့ရင် တော့ ဝယ်ကိုင်ထားပြီး ပရောဂျက် မပြီးခင် ၆လ - ၁နှစ်အလိုလောက် ဈေးကွက် အခြေအနေကြည့်ပြီး ပြန်ထုတ်နိုင်ရင်ကောင်းပါတယ်။

ဒါကလည်း ကိုယ်ယူထားတဲ့အခန်းရဲ့ အရပ်မျက်နှာအလှည့်၊ အထပ်မြင့်၊ အခန်းဆိုဒ်၊ ရပ်ကွက် စတာတွေ ပေါ်မူတည်ပါသေးတယ်။

မဟုတ်ရင်တော့ ‌ကိုယ်မျှော်မှန်းထားသလိုဖြစ်ဖို့ ရာခိုင်နှုန်း နည်းပါလိမ့်မယ်။

သည်နေရာမှာ မေးစရာရှိလာပြီ။ ‌ဘယ်လောက်ပမာဏသုံးမှ ဝယ်ရောင်း လုပ်လို့ရမှာလဲ?
သည်မေးခွန်းကို မမေးခင် ကိုယ်စိတ်ဝင်စားတဲ့ ပရောဂျက် ဘယ်လိုနေရာမှာ ရှိတာလဲ?
လမ်းမကြီးနဲ့ နီးတာလား?
BTS, MRT, Bus, Boat, Bike တွေနဲ့ နီးလား?
Lotus, Tops, Wet Market တွေရော ရှိလား?
Pet Friendly ဖြစ်လား?

အရေးအကြီးဆုံးက အခန်းဆိုက်ဒ်။
3 Bedroom လား? 2 Bedroom လား? 1 Bedroom လား? Studio လား? စတာတွေ ပေါ် အများကြီး မူတည်ပါတယ်။

ဒါတောင် ဘယ်အထပ်၊ ဘယ်မျက်နှာလှည့်၊ ဘယ် View ရလား? ရေကူးကန်တို့ ပန်းခြံတို့ရှေ့လား? ဘာညာကလည်း စ‌ကားပြောပါသေးတယ်။

ဝယ်ပြီး မြတ်မှာလား?
ကိုယ်ဝယ်ထားတဲ့ အခန်းဆိုက်ဒ်လည်း အိုကေတယ်၊ အပေါ်ကအချက်တွေကို သေချာချိန်ထိုးပြီး ဝယ်ခဲ့တယ်ဆိုရင် ပရောဂျက်မပြီး ပြန်ရောင်းမယ်ဆိုရင် အခြေအနေကောင်းနိုင်ပါတယ်။ သို့သော် Mass Market Segment ပရောဂျက်နဲ့ Luxury Segment ကလည်း စကားပြောပါသေးတယ်။

နောက်တခု သတိပြုရမှာက Facilities တွေ ‌Common Area တွေ လှလို့ စုံလို့ ခေတ်မီတယ်ဆိုပြီး ကြွေမသွားပါနဲ့။ ဒါတွေက တကယ်နေရင် သုံးဖြစ်အုန်းမှပါ။

အခန်ကောင်းလေးများပိုင်ဆိုင်‌နိုင်ကြပါစေ။

25/04/2026

ဘန်ကောက်ကွန်ဒို အငှား သတိပြုစရာများ

ဘန်ကောက်မှာ ကွန်ဒိုငှားပြီးနေတော့မယ်ဆိုရင် ပုံမှန် ငှားတဲ့ လုပ်ငန်းစဉ်တွေက သိပြီးသားဆိုတော့ ကျန်တဲ့အရာတွေပဲ မျှဝေပေးသွားပါ့မယ်။

Building
ကိုယ့်တိုက်က တိုက် ဘယ်နှစ်လုံးပါလဲ? အခန်းက ရာဂဏန်းလား? ထောင်ဂဏန်းလား? ထောင်ဂဏန်းဆို ၁,၀၀၀ အောက်လား? ၁,၀၀၀ ဝန်းကျင်လား? ၁,၀၀၀ အထက်လား? စတာတွေကို ကြိုပြီး Google ခေါက်ပါ။

ဓာတ်လှေကား
တိုက်သိပြီ၊ အခန်း သိပြီဆိုရင် ဓာတ်လှေကား ဘယ်နှစ်စင်းပါလဲ? Common Lift လား? Private Lift လား? ဆိုတာ သိရပါမယ်။ အဲတာမှ Rush Hours တွေမှာ ဘယ်လောက်စောင့်ရမလဲဆိုတာ သိရနိုင်မှာမို့ပါ။

တိုက်သက်တမ်း
ကိုယ့်တိုက်က အခုမှ ဆောက်ပြီးတာလား? ကြာပြီလား? ဘယ်လောက်ကြာပြီလဲ? လာလို့လဲ?
တိုက်သက်တမ်းပေါ်မူတည်ပြီး ရေနဲ့ ရေပိုက်ပြဿနာ၊ အင်းဆက်ပိုးမွှားပြဿနာ၊ ပြတင်းပေါက် လိုင်နာတွေ ညောင်းပြီး အပူမလုံတာ၊ အသံမလုံတာ ရှိနိုင်ပါတယ်။

Food Delivery Area
CCTV ပါလား အရင်ကြည့်ပါ။ ပါရင် ပြဿနာမရှိပေမယ့် တိုက်အများစုက မပါကြပါဖူး။ ဒီတော့ အထုပ်မှားယူတာ၊ ပျောက်တာ ဖြစ်နိုင်ပါတယ်။ Temperature Control Storage Unit ပါရင်တော့ အစားအသောက်တွေကို အပူဆို အပူ၊ အအေးဆို အအေး ခွဲသိမ်းပေးထားလို့ရလို့ ပိုကောင်းပါတယ်။

Mix-Use?
ကိုယ့်တိုက်က ရုံးခန်းတွေနဲ့ တွဲပါလား? Residential Only လား? အောက်မှာ 7-11 or Lawson တို့လို Convenience Store ပါရင် အစားအသောက်အတွက် မပူရပါဖူး။ Store မပါရင်တောင် Vending Machine ပါရင်လည်း မဆိုးပါဖူး။ Double A Fast print machine ပါရင်တော့ print ထုတ်မယ်ဘာညာဆို အသုံးဝင်တာပေါ့။

ကားပါကင်
Conventional or Automatic Parking? ‌ကားထဲပစ္စည်းမေ့ကျန်ရင် Auto parking က အတော်လေး စောင့်ယူရမှာမို့ပါ။ ကိုယ့်တိုက်က ရုံးခန်းတွေ တွဲပါရင် ကားပါကင်က အဝေးဝေး သို့ ကားပါကင် အထပ်မြင့်မှာ ရပ်ရပါလိမ့်မယ်။

Shuttle Bus ပါလား?
Shuttle Bus ရရင်တော့ BTS, MRT ကို ပြေးပေးလို့ အချိန်ကုန်သက်သာစေမှာပါ။

Bonus Tip
ကိုယ်က အချိန်ရရင် စနေ၊ တင်္နဂနွှေရက်တွေမှာ အခန်းသွားကြည့်စေချင်ပါတယ်။ အဲတာမှ Common Area မှာ လူသုံးများလား? ဘယ်နိုင်ငံသားတွေများလဲဆိုပြီး ကိုယ့်အိမ်နီးချင်းကို အကြမ်းဖျင်းရွေးချယ်လို့ ရပါလိမ့်မယ်။

အခန်းကောင်းလေးတွေ ပိုင်ဆိုင်နိုင်ပါစေ။

23/04/2026

ရောင်းသာရောင်းလိုက်တာ Sales Gallery ရှာမတွေ့လို့ဆိုပြီး အပြောခံခဲ့ရဖူးတဲ့ပရောဂျက်

အဲတုန်းထဲက ရှိကို မရှိခဲ့တာ။

Developer ကိုယ်တိုင်က Central Embassy နားက Nai Lert ပန်းခြံမှာ Private Event လုပ်ပြီး Muniq ပရောဂျက်တွေမှာ အရင်ဝယ်ခဲ့ Client တွေရယ်၊ Invitation only ရယ်ကို ဦးစား‌ပေး ဖိတ်ပြီး ရောင်းခဲ့တာ။

ကိုယ်တွေ Page က ကြောငြာတာတောင် မိတ်ရင်းတွေလောက်သာ တက်လိုက်ရပြီး ရောင်းပေးလိုက်ရတာတောင် 3 Bedroom နဲ့ 2 Bedroom အနည်းငယ်ပဲ ဝယ်လို့ရလိုက်ကြတဲ့ ပရောဂျက်။

ကိုယ့်Page မှာ ပို့စ်တင်ပြီး ၂ ပတ်လောက်အကြာမှာ Construction Site အထိသွားပြီး Sale Gallery မရှိလို့ဆိုပြီး တကူးတက သွားရှာကြတာ မတွေ့လို့ အပြောခံခဲ့တဲ့ အမှတ်တရ။ သေချာတော့ရှင်းပြလိုက်ပါတယ် Private Event ကို Invitation Only နဲ့ VVIP Presale ရောင်းပြီးသွားတာပါလို့။

အဲတုန်းက ဝယ်တဲ့ မိတ်ဆွေတွေကြတော့ Developer ကိုယ်တိုင်က ၄၈ လ အရစ်ကျနဲ့ ရောင်းပေးလိုက်လို့ အခုအချိန်မှာ Capital Appreciation ရော ROI ပါ ပူစရာမလိုတော့လို့ ကိုယ်ပါ ဝမ်းသာပီတီဖြစ်ရတယ်။

21/04/2026

အရှေ့အလယ်ပိုင်းပဋိပက္ခနှင့် ထိုင်းအိမ်ခြံမြေဈေးကွက်

လက်ရှိအရှေ့အလယ်ပိုင်းမှာ ဖြစ်ပွားနေတဲ့ ပဋိပက္ခများကြောင့် ထိခိုက်မှုရှိနေတဲ့ နိုင်ငံတွေရဲ့ နိုင်ငံခြားသားများနှင့် ဝယ်ယူသူအချို့တွေက နေရာသစ်များသို့ ရွှေ့ပြောင်းရန် ကြိုးပမ်းလာကြရာမှာ ဖူးခက်က ဘေးကင်းပြီး သာယာသော ကမ်းခြေဒေသတစ်ခုအဖြစ် ရေပန်းစားလာနေပါတယ်။ အိမ်ခြံမြေကုမ္ပဏီတခုဖြစ်တဲ့ Colliers Thailand မှ သု‌တေသနနဲ့ ဆက်သွယ်ရေးဒါရိုက်တာ Phattarachai Taweewong ကတော့ အခုလို ဆိုပါတယ်။

အသင့်နေထိုင်နိုင်သော ကွန်ဒိုများနှင့် ဇိမ်ခံအိမ်များအတွက် ဝယ်လိုအားအသစ်များ ရှိနေသော်လည်း ဖူးခက်ရှိ အိမ်ခြံမြေ အများစုမှာ တည်ဆောက်ဆဲ အဆင့်တွင်သာ ရှိနေပါသေးတယ်။

ဝယ်ယူသူအချို့က ဘတ် ၃၀ သန်း ဝန်းကျင်ရှိသော ဗီလာ အိမ်ရာများကို စဉ်းစားနေကြပါတယ်။

အလွန်ချမ်းသာတဲ့ (Ultra-wealthy) အရှေ့အလယ်ပိုင်း ဝယ်ယူသူများကတော့ ထိုင်းနိုင်ငံကို အဓိကပစ်မှတ်မထားသေးပါဖူး။

သူတို့က လန်ဒန်၊ နယူးယောက်၊ စင်ကာပူနှင့် ဟောင်ကောင်ကဲ့သို့သော ဈေးကွက်များကိုသာ ပိုမိုနှစ်သက်ကြဆဲဖြစ်နေသေးတာပါ။

ထိုင်းနိုင်ငံတွင် သူတို့မျှော်မှန်းချက်နှင့် ကိုက်ညီသော အဆင့်မြင့် ဇိမ်ခံလူနေအိမ်ရာ (High-end residential products) များ လိုအပ်နေပါသေးတယ်။

အလယ်အလတ်နှင့် အထက်တန်းစားဝယ်လိုအားများ မြင့်တက်လာခြင်း

တူရကီ၊ အစ္စရေး၊ ဂျာမနီနှင့် သြစတြေးလျနိုင်ငံတို့မှ ဝယ်ယူသူများက ဘေးကင်းသော ခိုလှုံရာအိမ်ရာ (Safe-haven homes) များကို ရှာဖွေနေကြပါတယ်။

ပုံမှန်အသုံးပြုတဲ့ ဘတ်ဂျက်က ဘတ် ၁၀ သန်း ဝန်းကျင်ဖြစ်ပြီး အထူးသဖြင့် ရာယယောင်း (Rayong) ကဲ့သို့သော ဒေသများ‌ဖြစ်နေပါတယ်။

အဆိုပါ ဝယ်ယူသူများသည် ရင်းနှီးမြှုပ်နှံသူများထက် ကိုယ်တိုင်နေထိုင်မည့်သူ (End-users) များ ပိုမိုများပြားနေပါတယ်။

ထိုင်းနိုင်ငံ၏ အခန်းကဏ္ဍကတော့ ကာလတို ဘေးကင်းရာနေရာအဖြစ်သာရှိပြီး ကမ္ဘာ့အချမ်းသာဆုံးပုဂ္ဂိုလ်များ (UHNWIs) အတွက် အဓိကနေရာ မဟုတ်သေးပါဖူး လို့ဆိုပါတယ်။

ဒူဘိုင်း ဈေးကွက်အခြေအနေ

မတ်လတွင် အိမ်ခြံမြေဈေးနှုန်းများ ၃၀% ခန့် ကျဆင်းသွားခဲ့ပြီးနောက် ပြန်လည်ဦးမော့လာခဲ့ပါတယ်။

အချို့သော ရင်းနှီးမြှုပ်နှံသူများသည် လုံခြုံရေးအရ စိုးရိမ်မှုများကြောင့် လုပ်ငန်းများကို ရုပ်သိမ်းနေကြပါတယ်။

တချို့မှာကတော့ ၁၅% မှ ၃၀% အထိ လျှော့ဈေးဖြင့် ရောင်းချသော အိမ်ခြံမြေများကို ဝယ်ယူနေကြပါတယ်။

ဒူဘိုင်းမှ ငွေလုံးငွေရင်း စီးထွက်မှုအခြေအနေမှာ မရေမရာဖြစ်နေဆဲ

ဒူဘိုင်းမှ ရွေ့ပြောင်းလာတဲ့ ငွေကြေးအားလုံး ထိုင်းနိုင်ငံကို ဝင်ရောက်ရှိလာမှာမဟုတ်ပါဖူး။

ရင်းနှီးမြှုပ်နှံသူ အများစုက ငွေသားအဖြစ်သာ ကိုင်ထားခြင်း သို့မဟုတ် အခြားပိုင်ဆိုင်မှုများသို့ ပြောင်းလဲခြင်းတို့သာ ပြုလုပ်ထားနိုင်ပါတယ်။

ခြုံငုံသုံးသပ်ချက်

ထိုင်းနိုင်ငံအနေဖြင့် နေရာရွှေ့ပြောင်းလာသော နိုင်ငံခြားသားများထံမှ ငွေဝင်စီးမှု အနည်းငယ်ရှိနိုင်ပါတယ်။

သို့သော် လျော့နည်းသွားသော တရုတ်နှင့် ထိုင်းဝယ်ယူသူများ၏ ဝယ်လိုအားကို အစားထိုးရန် မလွယ်ကူပါ။

ရေရှည်အကျိုးသက်ရောက်မှုမှာ မရေရာသေးဘဲ လက်ရှိဖြစ်ရပ်အချို့အပေါ်တွင်သာ အခြေခံထားဆဲ ဖြစ်နေတာကြောင့်ပါ။

Reference:
Bangkok Post

The conflict in the Middle East has begun to prompt expatriates working in the region, as well as buyers from affected countries, to seek ready-to-move residential units in beach destinations, particularly Phuket.

20/04/2026

၂၀၂၅ ခုနှစ်အတွင်း ထိုင်းနိုင်ငံရှိ ကွန်ဒိုဝယ်ယူတဲ့ ထိပ်တန်း ၅ နိုင်ငံ (REIC အချက်အလက်အရ)

၂၀၂၅ ခုနှစ်မှာ ဝယ်ယူပြီး ပိုင်ဆိုင်မှု အမည်ပြောင်းတဲ့ နိုင်ငံ ၅ နိုင်ငံမှာလည်း မြန်မာကတော့ ထိန်းတန်းစာရင်းထဲပါနေဆဲဆိုတာ တွေ့ရပါတယ်။

၁။ တရုတ် 🇨🇳

ယူနစ်အရေအတွက်: ၄,၉၄၀ သန်း

စုစုပေါင်းတန်ဖိုး: ၁၈,၅၈၅ သန်း

ပျမ်းမျှစျေးနှုန်း: ၃.၈ သန်း

ပျမ်းမျှအရွယ်အစား: ၃၅.၆ စတုရန်းမီတာ

၂။ မြန်မာ 🇲🇲

ယူနစ်အရေအတွက်: ၁,၉၆၈ ခန်း

စုစုပေါင်းတန်ဖိုး: ၆,၁၅၉ သန်း

ပျမ်းမျှစျေးနှုန်း: ၃.၁ သန်း

ပျမ်းမျှအရွယ်အစား: ၃၂.၉ စတုရန်းမီတာ

၃။ ရုရှား 🇷🇺

ယူနစ်အရေအတွက်: ၁,၁၇၂ ခန်း

စုစုပေါင်းတန်ဖိုး: ၄,၇၇၃ သန်း

ပျမ်းမျှစျေးနှုန်း: ၄.၁ သန်း

ပျမ်းမျှအရွယ်အစား: ၄၂.၁ စတုရန်းမီတာ

၄။ ထိုင်ဝမ် 🇹🇼

ယူနစ်အရေအတွက်: ၁,၀၃၆ ခန်း

စုစုပေါင်းတန်ဖိုး: ၄,၆၉၉ သန်း

ပျမ်းမျှစျေးနှုန်း: ၄.၅ သန်း

ပျမ်းမျှအရွယ်အစား: ၃၅.၇ စတုရန်းမီတာ

၅။ အမေရိကန် 🇺🇸

ယူနစ်အရေအတွက်: ၅၃၇ ခန်း

စုစုပေါင်းတန်ဖိုး: ၂,၈၁၀ သန်း

ပျမ်းမျှစျေးနှုန်း: ၅.၂ သန်း

ပျမ်းမျှအရွယ်အစား: ၅၃.၈ စတုရန်းမီတာ

📍 စုစုပေါင်းအနေဖြင့် တရုတ်နိုင်ငံသား‌က ထိုင်းနိုင်ငံမှာ ကွန်ဒိုဝယ်ယူမှုအများဆုံး နိုင်ငံခြားသားဈေးကွက်အဖြစ် ဆက်လက်ရှိနေဆဲဖြစ်ပြီး၊ ယခင်နှစ်တွေနဲ့ နှိုင်းယှဉ်ပါက အရေအတွက်နှင့် တန်ဖိုးအနည်းငယ် လျော့နည်းလာခဲ့ကို တွေ့ရပါတယ်။

Reference:
REIC
UrbanJourney
MALiLEE

04/04/2026

၂၀၂၆ ဘန်ကောက် ရေသဘင် ပွဲတော်များ

ယခုလာမယ့် ဧပရယ်လမှာတော့ ထိုင်းနိုင်ငံရဲ့ နေရာအနှံ့မှာ ရေကစားပွဲတော်တွေကို ကျင်းပပြုလုပ်သွားဖို့ရှိနေပြီး၊ ဘန်ကောက်မှာတင် ၁၉ နေရာမှာ ရေကစားပွဲများကို အသီးသီးကျင်းပဆင်နွှဲဖို့ အသင့်ဖြစ်နေကြပါပြီ။

သည်နှစ်မှာတော့ ဧပရယ်လ ၁၁ - ၁၅ ရက်နေ့အထိ ကျင်းပမယ့် Bangkok Water Festival မှာ အချို့နေရာတွေမှာဆိုရင် ဧပရယ် ၄ ရက်နေ့ထဲက စတင်ကျင်းပတော့မှာပါ။

မိတ်ဆွေတို့ရော ထိုင်းရဲ့ ရေသဘင်ပွဲတော်မှာ နွှဲပျော်ဖို့ အဆင်သင့်ဖြစ်နေပြီလား?

20/12/2025

Wireless လမ်းမပေါ်က အနုပညာနှင့် ပန်းပွဲတော်

ကျူလစ်ပန်းအစစ်တွေကို နယ်သာလန်အထိ သွားကြည့်စရာမလိုပဲ ဘန်ကောက်မြို့လည်ခေါင်မှာ ကြည့်ရှုခံစားနိုင်ပါပြီ။

The Embassy Wireless Project ရှေ့တည့်တည့်မှာ ရှိတဲ့ Nai Lert Park ပန်းခြံမှာ ပြုလုပ်လျက်ရှိတဲ့ ပန်း၊ လက်မှုနှင့် အနုပညာ ပြပွဲပါ။

မနက် ၁၀ နာရီကနေ ည ၁၀ နာရီအထိကို မနက်ဖြန် ၂၁ ရက်နေ့အထိ ပြုလုပ်နေပါတယ်။

ဘန်ကောက်မြို့လည်ခေါင်မှာ ကျူလစ်ပန်း အစစ်တွေကို ခန်းမအပြည့် ‌ကြည့်ခံစားနိုင်သလို၊ ထိုင်းပိုးထည်နဲ့ ပါတိတ် ဒီဇိုင်းလက်ရာများ၊ လက်မှုပညာ ပစ္စည်းများနဲ့ ပန်းမာန်ပေါင်းစုံရဲ့ အလှအပများစွာကို အချိန်ပေးခံစားလေ့လာနိုင်ပါတယ်။

အချိန်ရရင် သွားရောက်ကြည့်ရှု လေ့လာနိုင်ဖို့ လက်တို့လိုက်ရပါတယ်။