04/11/2025
🇹🇭 ဘန်ကောက်ရှိ Ultra-Luxury ကွန်ဒိုဈေးကွက် ဆက်လက်ကြီးထွားနေ
ကမ္ဘာ့စီးပွားရေး ကျဆင်းနေသော်လည်း ဘန်ကောက်မြို့၏ အထူးဇိမ်ခံ (Ultra-luxury) ကွန်ဒိုဈေးကွက်ကတော့ ထိုင်းနိုင်ငံရဲ့ ချမ်းသာကြွယ်ဝသူများနှင့် နိုင်ငံခြားရင်းနှီးမြှုပ်နှံသူများထံမှ တည်ငြိမ်တဲ့ ဝယ်လိုအားကြောင့် ဆက်လက်ကြီးထွားနေကြောင်း အိမ်ခြံမြေအတိုင်ပင်ခံလုပ်ငန်း Colliers Thailand က ဆိုပါတယ်။
Colliers Thailand မှ သုတေသနနှင့် ဆက်သွယ်ရေး ဒါရိုက်တာ Phattarachai Taweewong ပြောကြားချက်အရ ထိပ်တန်းကွန်ဒိုများသည် ရင်းနှီးမြှုပ်နှံမှု ပိုင်ဆိုင်မှုတစ်ခုအဖြစ်သာမက ကိုယ်ပိုင်ဂုဏ်ပုဒ်၏ သင်္ကေတ အဖြစ်ပါ အသုံးဝင်ပြီး၊ ၎င်းတို့သည် စည်းစိမ်ဥစ္စာကို ထိန်းသိမ်းခြင်းနှင့် ရေရှည်အရင်းအနှီး တန်ဖိုးတက်ခြင်းတို့ကို ပေးစွမ်းသည်ဟု ဆိုပါတယ်။
"Ultra-luxury ယူနစ်တွေက Thong Lor-Phrom Phong-Ekkamai, Wireless-Lang Suan-Lumpini, Sathorn နဲ့ Chao Phraya မြစ်ဧရိယာလိုမျိုး အချက်အချာကျတဲ့ နေရာတွေမှာ အာရုံစိုက်ထားပါတယ်။ အဲဒီနေရာတွေမှာ ပြည်တွင်းနဲ့ နိုင်ငံတကာ ဝယ်သူနှစ်မျိုးလုံးရဲ့ ဝယ်လိုအားက အားကောင်းနေဆဲပါ" ဟု ၎င်းက ပြောပါတယ်။
“ကမ္ဘာလုံးဆိုင်ရာ အမှတ်တံဆိပ်များက အဆင့်အတန်း မြှင့်တင်ပေးခြင်း”
ပရောဂျက်အသစ်များကလည်း Aman နှင့် Porsche Design ကဲ့သို့သော ကမ္ဘာလုံးဆိုင်ရာ ဧည့်ဝတ်ပြုမှုနှင့် ဒီဇိုင်းအမည်များဖြင့် မိတ်ဖက်ပူပေါင်းမှုများကို ပိုမိုပြသလာကြပြီး ဘန်ကောက်၏ အထက်တန်းလွှာအဆင့်ကို ပြန်လည်သတ်မှတ်ပေးနေပါတယ်။
စတုရန်းမီတာ ၃၀၀ မှ ၁,၀၀၀ ကျော်အထိ ရှိတတ်သည့် အခန်းယူနစ်ကြီးများက နေထိုင်ရန် ဝယ်ယူသူများနှင့် မျိုးဆက်ပေါင်းစုံ နေထိုင်မှုများအတွက်ကို ရည်ရွယ်ပါတယ်။
ကမ္ဘာလုံးဆိုင်ရာ အခြေအနေများ မတည်မငြိမ်ဖြစ်နေသော်လည်း ယခုကဲ့သို့ စစ်မှန်သော ဝယ်သူများအပေါ် အာရုံစိုက်နေခဲ့မှုသည် (ဈေးကွက်) တည်ငြိမ်မှုကို ထိန်းသိမ်းရန် အထောက်အကူပြုခဲ့ကြောင်း Mr Phattarachai က ပြောပါတယ်။
Porsche Design Tower Bangkok သည် ပြီးခဲ့သည့်နှစ်က စတုရန်းမီတာလျှင် ဘတ်ငွေ ၁ သန်းဖြင့် စံချိန်တင်ခဲ့ပြီး၊ ၎င်း၏ ပန့်ဟောက်စ်များ (Penthouses) သည် တစ်ယူနစ်လျှင် ဘတ်ငွေ ၁.၄ ဘီလီယံကျော် ဈေးအထိရှိလာခဲ့ပြီး အာရှတွင် ဈေးအကြီးဆုံးများစာရင်းဝင် ဖြစ်လာနေပါတယ်။
ပင်မကွန်ဒိုကဏ္ဍမှာ အားနည်းနေသော်လည်း အထူးဇိမ်ခံ (Ultra-luxury) ကဏ္ဍမှာတော့ ထိုင်းနိုင်ငံနှင့် ပြည်ပမှ ငွေကြေးချမ်းသာသော ဝယ်သူများကို ဆက်လက်ဆွဲဆောင်နေပါသေးတယ်။
အဆိုပါလူပုဂ္ဂိုလ်အများစုက ဘန်ကောက်ကို စင်ကာပူ၊ ဟောင်ကောင်နှင့် ဒူဘိုင်းတို့နှင့် နှိုင်းယှဉ်လျှင် Safe Heaven အဖြစ် ရှုမြင်ကြပါတယ်။
“Developer အသစ်များ ပိုမိုပါဝင်ရောက်လာခြင်း”
Mr Phattarachai က ဘန်ကောက်၏ ဇိမ်ခံဈေးကွက်သည် ဒေသတွင်း ဗဟိုချက်အဖြစ်သို့ ပြောင်းလဲလာနေသည်ဟု ဆိုပါတယ်။ ဘတ်ငွေ သန်း ၅၀၀ မှ ၁ ဘီလီယံကြား ဈေးနှုန်းရှိသော ယူနစ်များသည် နေထိုင်ရန် ဝယ်ယူသူများနှင့် ရင်းနှီးမြှုပ်နှံမှု ဝယ်လိုအား နှစ်ခုလုံး၏ ပံ့ပိုးမှုဖြင့် ဆက်လက် ရောင်းချနေနိုင်ပါတယ်။
Sansiri, SC Asset Corporation, Noble Development Quality Houses, Proud Real Estate နှင့် Ananda Development အပါအဝင် စာရင်းဝင် ဆောက်လုပ်ရေးလုပ်ငန်းများ (Listed developers) သည် ဤကဏ္ဍတွင် ၎င်းတို့၏ ပါဝင်မှုကို တိုးမြှင့်နေပါတယ်။ ပရောဂျက်အသစ်များစွာကိုလည်း ၂၀၂၆ ခုနှစ်အတွက် စီစဉ်ထားကြပါတယ်။
၎င်းတို့အနက် Sansiri ၏ Sarasin လမ်းမပေါ်ရှိ စီမံကိန်း၊ Ananda ၏ Rama IV လမ်းမပေါ်ရှိ ဇိမ်ခံမျှော်စင်နှင့် Sukhumvit လမ်းမပေါ်ရှိ ၁၁ ယူနစ်ပါ ကွန်ဒိုတို့ ပါဝင်နေပါတယ်။
City Realty နှင့် ဟောင်ကောင်အခြေစိုက် Swire Properties တို့၏ ဖက်စပ်လုပ်ငန်းသည်လည်း ရေရှည်ယုံကြည်မှုကို ထင်ဟပ်စေပါတယ်။
ပုဂ္ဂလိကနှင့် မိသားစုပိုင် ကုမ္ပဏီများသည်လည်း ultra-luxury ဈေးကွက်သို့ ဝင်ရောက်လာကြပြီး ဒီဇိုင်းပိုင်း ကွဲပြားမှုကို ပိုမို မိတ်ဆက်ပေးနေပြန်ပါတယ်။
Developer အသစ်များတွင် Chirathivat မိသားစုပိုင် CG Capital၊ Chearavanont မိသားစုပိုင် 1.0 Development ၊နှင့် Nailert Group နှင့် ဆွဇ်ဇာလန် ကျောထောက်နောက်ခံ Helvetic Thai တို့ ပါဝင်နေကြပါတယ်။
"သူတို့ရဲ့ ကိုယ်ပိုင် (boutique) စီမံကိန်းတွေက ဗိသုကာဆိုင်ရာ လက္ခဏာရပ်၊ ကိုယ်ပိုင်လွတ်လပ်မှုနဲ့ လက်ရာမြောက်မှုကို အလေးထားပြီး၊ စာရင်းဝင် ဆောက်လုပ်ရေးလုပ်ငန်းတွေက လွှမ်းမိုးထားတဲ့ ကဏ္ဍကို ပိုမိုစုံလင်စေပါတယ်" ဟု Mr Phattarachai က ပြောပါတယ်။
“တည်ငြိမ်သော အရှိန်အဟုန်”
စတုရန်းမီတာလျှင် ဘတ်ငွေ ၃၀၀,၀၀၀ အထက် ဈေးနှုန်းရှိသော ယူနစ်များသည် လက်ကျန်အရေအတွက် နည်းပါးနေဆဲဖြစ်သော်လည်း ကြံ့ကြံ့ခံရောင်းနေရဆဲဖြစ်ပါတယ်။ ပြီးခဲ့သည့် ဆယ်စုနှစ်အတွင်း ရောင်းချခဲ့သော ဘတ်ငွေ ၂၀၅ ဘီလီယံ ခန့်တန်ဖိုးရှိသော ယူနစ် ၆,၆၀၀ သာ ဈေးကွက်ထဲ ဝင်ရောက်ခဲ့ပါတယ်။
ကိုဗစ်ကပ်ရောဂါအပြီး ရောင်းအားကျဆင်းမှုနောက်ပိုင်းတွင် ဤအထူးဇိမ်ခံ (Ultra-luxury) ကဏ္ဍသည် ယူနစ် ၁,၀၀၀ နီးပါးဖြင့် ၂၀၂၄ တွင် ပြန်လည်ဦးမော့လာခဲ့ပါတယ်။ Colliers ကတော့ အရှိန်အဟုန် ဆက်လက်ရှိနေမည်ဟု ခန့်မှန်းထားပြီး၊ ၂၀၂၅-၂၆ တွင် အဓိကအားဖြင့် ဆောက်လုပ်ရေးလုပ်ငန်းကြီးများထံမှ ယူနစ် ၁,၀၀၀ ကျော် မျှော်မှန်းထားပါတယ်။
စီမံကိန်း သုံးခုသည် ၂၀၂၅ နှောင်းပိုင်းတွင် ခေါင်းစီး သတင်းဖြစ်လာမည် - SC နှင့် Tokyo Tatemono တို့၏ Still Sukhumvit၊ CG Capital ၏ InterContinental Residences Bangkok Asoke နှင့် City Dynamic ၏ Upper House နှင့် The Wireless Residences တို့ဖြစ်ပါတယ်။
“အချက်အချာကျသော နေရာများ လွှမ်းမိုးထားခြင်း”
Ultra-luxury ပရောဂျက်၏ ၈၀% ကျော်သည် Sukhumvit, Thong Lor, Chidlom နှင့် Sathorn အပါအဝင် ဗဟိုခရိုင်များတွင် တည်ရှိပြီး၊ ၎င်းနေရာများသည် အများသုံးသယ်ယူပို့ဆောင်ရေး၊ စားသောက်ဆိုင်များ၊ လက်လီရောင်းချမှုနှင့် ကျန်းမာရေးစောင့်ရှောက်မှုတို့နှင့် နီးကပ်မှုက ခိုင်မာသောဈေးနှုန်းများကို ထိန်းထားပေးနေပါတယ်။
Banyan Tree Riverside နှင့် The Residences at Mandarin Oriental Bangkok ကဲ့သို့သော မြစ်ကမ်းနားစီမံကိန်းများသည် ကိုယ်ပိုင်လွတ်လပ်မှုနှင့် ရှုခင်းတန်ဖိုးကို ရှာဖွေသူများအတွက်ရည်ရွယ်ပါတယ်။
Ekkamai နှင့် Phrom Phong ကဲ့သို့သော ဈေးကွက်သစ် ဧရိယာများသည် ပိုမိုတတ်နိုင်သော ဝင်ခွင့်ဈေးနှုန်းများကို ပေးထားလာပါတယ်။
သို့သော် Wireless-Chidlom-Ploenchit စင်္ကြံသည် 98 Wireless နှင့် Sindhorn Residence ကဲ့သို့သော စီမံကိန်းများဖြင့် ဘန်ကောက်၏ "ရွှေမိုင်တိုင်" အဖြစ် ဆက်လက်တည်ရှိနေပါတယ်။
မြေဈေးနှုန်းများသည် တစ်စတုရန်း ဝါ Wah လျှင် ဘတ်ငွေ ၄ သန်းကို ကျော်လွန်သွားခဲ့ပြီး၊ ရှားပါးမှုနှင့် တည်ငြိမ်သော ရင်းနှီးမြှုပ်နှံသူ ဝယ်လိုအားကို အလေးပေးဖော်ပြနေပါတယ်။
ရည်ညွှန်း
ဘန်ကောက်ပို့စ်
Despite the global economic slowdown, Bangkok's ultra-luxury condo market continues to grow, fuelled by sustained demand from Thailand's wealthy elite and foreign investors, according to property consultancy Colliers Thailand.
