10/12/2025
Donmueang International airport မှာ foreignerတစ်ယောက်ကို Show Money Baht 20,000ကို Cashနဲ့မပြနိုင်လို့ ပြန်လွှတ်လိုက်တယ်ဆိုတဲ့ဟာနဲ့ ပက်သက်ပြီး Thailand Immigration ကပြန်လည်ဖြေရှင်းထားတာလေးကို တင်ပေးလိုက်ပါတယ်။
အရင်အခေါက်တွေတုန်းက သူကShow moneyပြစရာမလိုဘဲ ထိုင်းနိုင်ငံထဲကို ဝင်ရောက်လည်ပတ်လို့ ရခဲ့ပြီး အခုမှ သူ့ကိုမဝင်ခိုင်းတာဟာ Random မဟုတ်ပါဘူးတဲ့။
ဒါဟာဥပဒေပါတဲ့။ အရင်အခေါက်တွေတုန်းက သူ့ကိုမစစ်လို့ ဝင်လို့ရခဲ့ပေမယ့် ဒီတစ်ခေါက်ကတော့ စစ်လို့ Show moneyမပြနိုင်လို့ဝင်လို့မရတာဟာ ထိုင်းနိုင်ငံရဲ့ဥပဒေမို့ပါတဲ့။
ထိုင်းနိုင်ငံထဲကို အလွယ်တကူ ဝင်ရောက်လည်ပတ်ဖို့ ဘာတွေပြင်ဆင်လာရမလဲဆိုတာကို Thailand Immigration ကအခုလို ပြန်လည်ဖြေရှင်းထားပါတယ်။
No1. လက်ရှိကိုင်ဆောင်ထားတဲ့ passport ဟာ သက်တမ်းကုန်မယ့်ရက်မတိုင်ခင် အနည်းဆုံးခြောက်လသက်တမ်းကျန်ရှိနေရပါမယ်။ ဒါဟာ International standard ပါ။
No 2. လာရောက်လည်ပတ်သူဟာ ရှင်းလင်း ပြတ်သားတဲ့အကြောင်းပြချက်ရှိနေရပါမယ်။
Tourismလား Short Term business လား ဒါမှမဟုတ် သူငယ်ချင်းဆီလာရောက်လည်ပတ်တာမျိုးလားဆိုတာပါ။
ဒီအကြောင်းပြချက်ဟာ ရှင်လင်းပြီး ရိုးသားဖို့ လိုအပ်ပါတယ်။
မရှင်းလင်မပြတ်သားတဲ့ ဖြေရှင်းချက်တွေ အဖြေတွေဟာ ထိုင်းနိုင်ငံထဲကို လာရောက်ပြီး တရားမဝင်တဲ့ အလုပ်တွေ လုပ်ကိုင်မယ့်လူလို့ သံသယဝင်သွားနိုင်စေပါတယ်။
No3. ဘယ်နေ့မှာ ထိုင်းနိုင်ငံကနေ ထွက်ခွါပါမယ်ဆိုတဲ့ သက်သေဟာခိုင်လုံနေရပါမယ်။
ဥပမာ။ ထိုင်းနိုင်ငံကို ရက်ခြောက်ဆယ် Visaနဲ့လာမယ်ဆို ထိုင်းနိုင်ငံကနေ ရက်ခြောက်ဆယ်အတွင်း ပြန်လည်ထွက်ခွါပါမယ်ဆိုတဲ့ Air Ticket return ticket ပါရပါမယ်။
No4. ထိုင်းနိုင်ငံကို လာရောက်လည်ပတ်တာဖြစ်ကြောင်းသက်သေပြတဲ့ ငွေကြေး 20,000baht ပါရှိရပါမယ်။
တစ်ဦးတစ်ယောက်တည်း လာရောက်လည်ပတ်တာဆိုရင်တော့ 20,000bahtဖြစ်ပြီး မိသားစုနဲ့ဆိုရင်တော့ 40,000bahtပါရှိရပါမယ်။
No5. ဘယ်မှာတည်းပါမယ်ဆိုတဲ့အကြောင်း ပြပေးရပါမယ်။
Hotel booking ဒါမှမဟုတ် သူငယ်ချင်းအိမ်တည်းမယ်ဆို သူငယ်ချင်း အိမ်လိပ်စာအတိအကျပြပေးပါမယ်။
No 6. TDAC Thailand Digital Arrival card ပါရှိရပါမယ်။
ထိုင်းနိုင်ငံကိုဝင်ရောက်လာသူတိုင်းဟာ TDACကိုဖြည့်ကို ဖြည့်ကို ဖြည့်လာရပါမယ်။
No7. ထိုင်းနိုင်ငံထဲမှာ Visa runထားတဲ့အကြိမ်အရေအတွက် သို့မဟုတ် မကြာခဏဝင်ထွက်ဖူးတဲ့ အကြိမ်အရေအတွက်ပေါ်မူတည်ပြီး ရှင်းလင်းပြတ်သားတဲ့ အကြောင်းပြချက်ရှိနေရပါမယ်။
ဒီလိုမကြာခဏ Visa runထားတာ အဝင်အထွက်များလွန်းတာနဲ့ ပက်သက်ပြီးတော့ Immigration ကမေးခွန်းတွေမေးနိုင်ပါတယ်။
ဒီလိုမေးခွန်းတွေမေးရခြင်းဟာ ထိုင်းနိုင်ငံထဲကို tourist visaကိုအသုံးချပြီး တရားမဝင်အလုပ်တွေ လာရောက်
လုပ်ကိုင်ခြင်း ကာကွယ်တဲ့အနေနဲ့ပါ။
အပေါ်ကပြောခဲ့တဲ့ အချက်တွေအတိုင်းသာ အကုန်သေချာပြင်ဆင်လာမယ်ဆိုရင် Thai Immigration ကိုလွယ်ကူချောမွေ့စွာဖြတ်ကျော်နိုင်မှာပါ။
ထိုင်းနိုင်ငံကလာရောက်လည်ပတ်တဲ့ လူတိုင်းကို နွေးထွေးစွာကြိုဆိုပါတယ်တဲ့။
crd - bangkokguideforyou
