25/08/2025
نداء مهم لأهالي كفرسوسة القدم والمناطق المشمولة بالمرسوم 66:
إذا كنت مالك أو ساكن سابق بحي كفرسوسة أو القدم، ومعك عقد بيع أو ورقة موثّقة عند كاتب العدل، أو حتى إثبات بسيط إنك كنت مقيم بالعقار...
اليوم صار فيك تقدم طلب لتثبيت ملكيتك أو تطلب سكن بديل عن طريق لجنة حلّ الخلافات بمشروع باسيليا سيتي.
الطلبات حالياً مفتوحة لكل الناس المتضررة، خصوصاً يلي ما قدّرت تقدّم سابقاً بسبب التهجير أو غياب الأوراق.
انتبه منيح:
آخر يوم لتقديم الطلبات هو: الأحد 15/9/2025
يعني الوقت محدود… لا تأجّل، ولا تستنى!
مين بيقدر يقدّم؟
يلي معه عقد بيع ولو مو مسجل بالطابو
أو ورقة من كاتب العدل (وكالة – عقد – إقرار)
أو إثبات إقامة مثل: فاتورة، ضبط، عقد إيجار، أو حتى بيان من المختار
التقديم بمحافظة دمشق – مديرية التنظيم مرسوم 66.
شارك المنشور مع الكل، لأنه في ناس لسا ما معها خبر… وكل يوم تأخير ممكن يضيّع حق!
#المرسوم66
#القدم
#دمشق
