Somali Bankers Association

16/04/2026

𝐖𝐨𝐫𝐤𝐬𝐡𝐨𝐩/𝐭𝐫𝐚𝐢𝐧𝐢𝐧𝐠- 𝐔𝐧𝐝𝐞𝐫𝐬𝐭𝐚𝐧𝐝𝐢𝐧𝐠 𝐂𝐨𝐫𝐩𝐨𝐫𝐚𝐭𝐞 𝐙𝐚𝐤𝐚𝐭 𝐢𝐧 𝐁𝐚𝐧𝐤𝐢𝐧𝐠: 𝐀𝐩𝐩𝐥𝐢𝐜𝐚𝐭𝐢𝐨𝐧𝐬, 𝐚𝐧𝐝 𝐃𝐢𝐬𝐭𝐫𝐢𝐛𝐮𝐭𝐢𝐨𝐧𝐬 𝐟𝐨𝐫 𝐒𝐨𝐜𝐢𝐨-𝐞𝐜𝐨𝐧𝐨𝐦𝐢𝐜 𝐈𝐦𝐩𝐚𝐜𝐭𝐬 (𝐅𝐚𝐡𝐚𝐦𝐤𝐚 𝐙𝐚𝐤𝐚𝐭-𝐤𝐚 𝐒𝐡𝐢𝐫𝐤𝐚𝐝𝐚𝐡𝐚 𝐞𝐞 𝐁𝐚𝐧𝐠𝐢𝐲𝐚𝐝𝐚: 𝐇𝐚𝐛𝐚𝐛𝐤𝐚 𝐐𝐞𝐲𝐛𝐢𝐧𝐭𝐚 𝐀𝐲 𝐮 𝐒𝐚𝐚𝐦𝐞𝐲𝐬𝐨 𝐃𝐡𝐚𝐪𝐚𝐚𝐥𝐚𝐡𝐚 𝐁𝐮𝐥𝐬𝐡𝐚𝐝𝐚.

Ururka Bangiyada Soomaaliyeed (SBA) ayaa soo agaasimay tababar muhiim ah oo cinwaankiisu yahay “Understanding Corporate Zakat in Banking: Applications, and Distributions for Socio-economic Impacts”.

Tababarkan waxaa bixiyey 𝐃𝐫. 𝐌𝐨𝐡𝐚𝐦𝐞𝐝 𝐀𝐡𝐦𝐞𝐝 𝐀𝐢𝐧𝐚𝐛 oo ah Head of Sharia Compliance and Product Development, isla markaana ah macallin la aqoonsan yahay oo ka tirsan hay’adaha AAOIFI.

Tababarkan waxaa kasoo qeyb galay dhammaan hawlwadeenada bangiyada xubnaha Ururka SBA.

𝐔𝐣𝐞𝐞𝐝𝐨𝐨𝐲𝐢𝐧𝐤𝐚 𝐓𝐚𝐛𝐚𝐛𝐚𝐫𝐤𝐚𝐧 𝐰𝐚𝐱𝐚𝐚 𝐤𝐚𝐦𝐢𝐝 𝐚𝐡

In la kordhiyo fahamka hawlwadeenada bangiyada ee ku saabsan xisaabinta Zakat-ka shirkadaha.

In la sharaxo hababka kala duwan ee loo adeegsado ururinta iyo qaybinta Zakat.

In la muujiyo sida Zakat-ku u noqon karo aalad lagu gaaro hormar dhaqaale iyo mid bulsho.

Ururka Bangiyad Soomaaliyeed waxa uu ku dadaali doonaa sidii loo sii wadi lahaa tababarada nuucaan ah si kor loogu qaado fahamka zakat-ka iyo sida uu kor ugu qaadi karo dhaqaalaha bulshada tabarta yar.

10/04/2026

Guddiga Sare (Board of Directors) ee Ururka Bangiyada Soomaaliyeed ayaa maanta yeeshay kulankoodii saddex biloodlaha ahaa, kaas oo si joogto ah loogu gorfeeyo waxqabadkii Ururka ee saddexdii bilood ee la soo dhaafay, isla markaana lagu ansixiyo qorshaha iyo himilooyinka muddada saddexda biloodka ee soo socota.

Intii uu kulanku socday, Guddiga Fulinta ee Ururka ayaa soo bandhigay qodobbo muhiim ah oo ay ka mid ahaayeen:

Xiriirradii iyo kulamadii lala yeeshay ururrada dhiggeena ah ee caalamka iyo hay’adaha wada shaqeynta nagala dhexeeyso.

Tababaradii iyo barnaamijyadii horumarinta aqoonta ee loo qabtay howl wadeennada bangiyada xubnaha ka ah Ururka.

Warbixin ku saabsan isbeddellada ku yimid dhaqaalaha caalamka, gaar ahaan saameynta colaadaha Bariga Dhexe ay ku yeesheen dhaqaalaha Soomaaliya.

Ururka Bangiyada Soomaaliyeed waxa uu sii wadi doonaa xoojinta wada shaqeynta, kobcinta xirfadaha howlwadeenada bangiyada, iyo la socodka xaaladaha dhaqaale ee gudaha iyo dibaddaba, si loo hubiyo nidaam bangiyeed oo xasilloon, hufan, una adeega bulshada Soomaaliyeed.

31/03/2026

Soomaaliya ayaa si rasmi ah ugu biirtay hannaanka lacag-bixinta ee PAPSS (𝐏𝐚𝐧-𝐀𝐟𝐫𝐢𝐜𝐚𝐧 𝐏𝐚𝐲𝐦𝐞𝐧𝐭 𝐚𝐧𝐝 𝐒𝐞𝐭𝐭𝐥𝐞𝐦𝐞𝐧𝐭 𝐒𝐲𝐬𝐭𝐞𝐦), oo ah nidaam mideeya oo fududeeya lacag-wareejinta iyo is-xisaabinta waddamada qaaradda Afrika.

Ururka Bangiyada Soomaaliyeed (SBA) waxa uu si diirran ugu hambalyeynayaa Central Bank of Somalia tallaabadan muhiimka ah ee kor u qaadaysa kaabayaasha maaliyadeed ee dalka, xoojinaysana isdhexgalka dhaqaale iyo ganacsi ee Soomaaliya la yeelaneyso dalalka kale ee Afrika.

𝐒𝐨𝐨𝐦𝐚𝐚𝐥𝐢𝐲𝐚 𝐨𝐨 𝐤𝐮 𝐁𝐢𝐢𝐫𝐭𝐚𝐲 𝐇𝐚𝐧𝐧𝐚𝐚𝐧𝐤𝐚 𝐋𝐚𝐜𝐚𝐠-𝐛𝐢𝐱𝐢𝐧𝐭𝐚 𝐀𝐟𝐫𝐢𝐜𝐚 (𝐏𝐀𝐏𝐒𝐒)

Bankiga Dhexe ee Soomaaliya (BDhS) wuxuu si rasmi ah ugu biiray hannaanka lacag-bixinta ee loo yaqaan PAPSS (Pan-African Payment and Settlement System), oo ah nidaam isku xira lacag-wareejinta ee waddamada qaaradda Afrika.

Tallaabadan muhiimka ah waxay qayb ka yahay dadaallada lagu dhisayo nidaamka maaliyadda dalka, si'uu u noqdo mid casri ah, oo dunida ku xiran, isla markaana fududeynaya:

— Adeegga lacag-bixinta dalka iyo dibeddaba.
— Isku xirnaanta nidaamyada maaliyadeed ee heer qaaradeed.
— Kor u qaadista ganacsiga iyo is-dhexgalka dhaqaale ee qaaradda Africa.
— Soojiidashada Maalgashiga ee Soomaaliya.

Soomaalidu waa dad caan ku ah hal-abuurka ganacsiga iyo maalgashiga, lehna taariikh dheer oo ku saabsan isku la macaamilka suuqyada dibedda. Ka midnoqoshada hannaanka PAPSS waxay sii xoojinaysaa dhaqdhaqaaqa ganacsiga ee aynu la leenahay qaaradda, iyadoo u sahleysa ganacsatada Soomaaliyeed in ay si sahlan oo degdeg ah, ula macaamilaan suuqyada Afrika, kana faa’iidaystaan fursadaha ganacsi ee sii kordhaya.

Bankiga Dhexe waxaa ka go'an horumarinta kaabayaasha maaliyadeed ee dalka, si loo helo hannaan maaliyadeed oo xasilloon, isla markaana waafaqsan nidaamka maaliyadeed ee caalamka.

19/03/2026

Eid Mubarak
كل عام وأنتم بخير

Ururka Bangiyada Soomaaliyeed waxa uu hambalyo diirran u dirayaa dhammaan ummadda Islaamka, gaar ahaan shaqaalaha bangiyada Soomaaliyeed iyo qoysaskooda munaasabadda barakeysan ee Ciidul Fidriga.

Ilaahay ha inaga aqbalo soonkii iyo camalkii suubanaa, hana inagu gaarsiiyo sanadkan sanadkiisa nabad, barwaaqo iyo horumar.

03/03/2026

Gunaanad Munaasabada Afur Wadareedka Ururka Bangiyada Soomaaliyeed (SBA) 🌙

Wasiirka Ganacsiga iyo Warshadaha ee Soomaaliya, Amb. Jamaal, ayaa kalmadda xiritaanka ka jeediyey munaasabadda Afur Wadareedka SBA, isagoo bogaadiyey xiriirka wanaagsan iyo wada-shaqeynta heerka sare ee ka dhaxeysa bangiyada dalka, taas oo tusaale u ah horumarka ganacsi ee Soomaaliya.

Sidoo kale, wuxuu hoosta ka xariiqay in Wasaaraddu wado casriyeyn lagu sameynayo xogaha muhiimka u ah maalgashiga, si hal meel looga wada helo, isla markaana ay mar walba diyaar u tahay fududeynta adeegyada ay ganacsatadu uga baahan yihiin Wasaaradda.

01/03/2026

Guddoomiyaha Bangiga Dhexe ee Soomaaliya, Mudane Cabdiraxmaan Maxamed Cabdullaahi ayaa ku ammaanay bangiyada dalka horumarka la taaban karo ee ay ku soo kordhiyeen nidaamka maaliyadeed.

Wuxuu bulshada iyo martida kulanka la wadaagay in maanta bangiyada dalka ay si fudud isku diri karaan lacagaha gudaha, iyada oo aan loo baahnayn in lacag caddaan ah la qaado ama la wareejiyo – tallaabo muujinaysa casriyeyn, kalsooni iyo xasillooni maaliyadeed.

27/02/2026

Guddoomiyaha Golaha Sare ee Ururka Bangiyada Soomaaliyeed (SBA), Ahmed Shirwac, ayaa si rasmi ah u furay munaasabadda, isaga oo ku baaqay in la xoojiyo wada-shaqeynta Bangiyada kuna dhiirigeliyey bangiyada inay joogteeyaan casriyeynta adeegyada bangiyada.

27/02/2026

Kalmadda Guddoomiye ku-xigeenka Guddiga Maaliyadda ee Barlamaanka Soomaaliya, Xildhibaan Mohamed Harun ayaa ku amaanay Bangiyada horumarka ay dalka ku soo kordhiyeen.

Waxa uu hay'adaha dowlada ku booriyay in si dhaw loogala shaqeeyo bangiyada sidii loo hormarin kahaa.

26/02/2026

Ururka Bangiyada Soomaaliyeed (SBA) ayaa si guul leh u qabtay Afur Wadareedkii 5aad.

Waxaa kasoo qeybgalay marti sharaf kala duwan oo ay ka mid ahaayeen Wasiirka Ganacsiga iyo Warshadaha ee DFS, Amb. Jamal, Guddoomiyaha Bangiga Dhexe, Md. Abdirahman, Guddoomiye ku xigeenka Guddiga Dhaqaalaha Baarlamaanka, Xildhibaan Harun, bangiyada, hay’adaha maaliyadda, iyo wakiillo kale oo muhiim ah.

Afur wadareedkan ayaa diiradda lagu saaray xoojinta isdhexgalka hay’adaha maaliyadda, macaamiisha bangiyada, hay’adaha dowladda, iyo kor u qaadista isku xirnaanta iyo wada shaqeynta bangiyada Soomaaliyeed.

26/02/2026

Guddoomiyaha Golaha Fulinta (CEO) ee SBA, Dr. Ahmed khadar Jama, ayaa ku soo dhaweeyey martida kulanka Afur Wadareedka Sanadlaha ah ee Ururka Bangiyada Soomaaliyeed.

Intaas kadib, Dr. Ahmed khadar wuxuu martida la wadaagay ujeedada iyo ahmiyadda kulankan, isaga oo xusay in kulanka uu yahay mid kamid ah dhowrka madal ee uu leeyahay ururka bangiyada.

Ugu dambeyntii, Dr. Ahmed Khadar wuxuu bidhaamiyey waxqabadka bangiyada xubnaha ka ah ururka gaar ahaan kaalinta ay ka qaateen dib u dhiska dalka iyo taageeridda dadaallada hormarineed ee ka socda dalka.

18/02/2026

Waxaa maalintii Talaadada ee 17-dii bisha Feb 2026 si rasmi ah xariga looga jaray kuna soo biiray Ururka Bangiyada Soomaaliyeed ( SBA) bangiga cusub ee “ Bulsho Develoment Bank”.

Golaha Sare ee Ururka SBA wuxuu bangiga Bulsho Development Bank u rajeynayaa guul iyo in uu kaalin muhim ah ka qaato hormarinta dhaqan-dhaqaalaha Soomaaliya.

Bulsho Development Bank

17/02/2026

𝐒𝐨𝐨𝐧𝐪𝐚𝐚𝐝 𝐖𝐚𝐧𝐚𝐚𝐠𝐬𝐚𝐧🌙

Ururka Bangiyada Soomaaliyeed waxa uu ugu hambalyeynayaa dhammaan ummadda Muslimiinta, gaar ahaan Bulshada Soomaaliyeed, bilashada Bisha Barakeysan ee Soonqaad.

Si gaar ah waxaan hambalyo iyo bogaadin u diraynaa dhammaan howl-wadeennada Bangiyada oo si hagar la’aan ah ugu adeegaya bulshada.

Ilaahay ha inaga dhigo kuwii ka faa’iideysta kheyrka bisha Soonqaad, hana naga aqbalo soonka, salaadda iyo camalka suuban.