23/07/2023
الساقيه ..
كلمات / عمر الطيب الدوش
ألحان / ناجي القدسي
غناء / حمد الريح ..
الساقيه لسه مدوره
صوت القواديس والمياه طلعت مشت متحدره
مد البصر لف الظلام
حول الجداول أسوره
مدي الخيال غنت مدن
رقصت مدن
عاشت ليالي مخدره
والساقيه طاحونة الأنين طول الليالي هي مدوره ..
والساقيه لسه مدوره
احمد وراء التيران يخب
اسيان يفكر منغلب
ما بين بكي الساقيه الهناك
ما بين طفوله بتنتحب
اسيان يفكر منغلب
في الماشين المدارس
في المصاريف في الكتب
في اللي ضاق بيهو المكان
هسه سافر وأغترب
بمدن بعيده تنوم وتصحي
علي مخدات الطرب
والساقيه طاحونة الأنين
طول الليالي بتنتحب ..
احمد حكي ..
وسد الراس الضراع
الشوق نواحي النيل تكأ
وصاني أبوي
الموج بيهدم كل رخوه
علي الجروف شد الضراع
والنيل بقاوم من زمن
كل الظروف شد الضراع
ذي المراكبي مع الشراع
لازم تعرف الظلم جااااي
من وين عليك ؟؟؟
افتح عينيك
والنصر للفأس والرجال
ولسواقي مدوره .....
✌️✌️✌️
