22/09/2022
انت عارف ان
السن من 22 - 30 مش سن لطيف أبداً ..
حياتك العمليه بدئت للتو ، الـex بيتجوز
الناس الكبار بتعملنا علي اننا خلاص المفروض يبقي عندنا خبرات حياتيه بحته ، طلاب الجامعه الي كنا وسطهم من كام يوم بيسألونا نعمل ايه ،
بتستمتع بالاتنين اخبار الاقتصاد و الانيماشن
متقدرش تاكل اي حاجه انت عيزها منغير ما تتخن و تلاحظ ده
كل طنط بتقبلها في حياتك بتسألك " هنفرح بيكي امتي يا حببتي" و كل اونكل بيسألك " ايه اخبار البزنس و الحياه المهنيه "
بينما انت في الحقيقه كل الي بتعمله انك بتركب الwave و بتgo with the flaw كده و علي الله التساهيل
واثق في ربنا جدا ولكن خبراتك الحياتيه قليله و في نفس الوقت مش معدومه بحيث العالم يعزر برائتك
بتكتشف و تدرك و ترضي بفكره ان كل الي اتعلمته في المدرسه و الجامعه كان مضيعه كبيره جداً للوقت و المجهود
انت عرفت
عرفت ان الحب مش اعمي ولا حاجه وانك بعد كده لما هتقرر تبقي مع شخص هتبقي معاه للابد ، فا لازم تفتح
عرفت ان الصداقه ليها شروطها و ان اساسها الحب و القبول اولاً ثم لا شيئ
عرفت ان مفيش حاجه مضمونه و الثقه المفرطه هتجيبك انت و مشاعرك الارض
عرفت ان غرورك نابع من صغر سنك و جه الوقت نسيبه بره
انت دلوقتي عارف انها ابداً مش زي مانت كنت متخيلها .... الحياة مش فوشيا خالص .
