Right Way Digital Exchange

02/06/2024

صاحبزادہ سلطان صاحب کی عقیدہ ختم نبوت ، ناموس رسالت اور اسلامو فوبیا کے تدارک کیلئے خدمات، ایک تحقیقی جائزہ
حصہ چہارم

اسکے ساتھ ہی آستانہ عالیہ حضرت سلطان محمد عبد العزیز رح پہ قائم عظیم الشان جامع مسجد نوری جہاں ہر جمعہ پر درس نظامی ، دورہ حدیث و تخصص فی الفقہ کے طلباء سمیت ہزاروں لوگ نماز جمعہ ادا کرتے ہیں اور کئی خطبات میں اس موضوع پر دارلعلوم غوثیہ عزیزیہ انوار حق باھو سلطان رح کے مفتیان متین اور خود صاحبزادہ سلطان احمد علی صاحب نے مفصل انداز سے اس مسئلہ کی نوعیت نازکیت اور اہمیت کو اجاگر فرمایا ۔

خطبہ جمعہ پر صاحبزادہ سلطان احمد علی صاحب کا خطاب
https://www.facebook.com/share/p/WYjLaCFYMjt8SKWy

صاحبزادہ سلطان صاحب جو کہ خوبصورت اخلاق اور وجیہہ و بارونق شخصیت کے مالک ہیں علم دوست اور تخلیقی صلاحیتوں کے مالک ہیں آپ ہر شعبہ کیلئے کام کرنے کا جذبہ رکھتے ہیں جس سے دین اسلام اور ملک و قوم کی زیادہ سے زیادہ خدمت ہو سکے۔ اس سلسلے میں آپکی خدمات کو سوشل میڈیا پلیٹ فارمز پر شیئر کیا جاتا ہے۔ اور آپ نے اپنے ٹوئیٹر(X) اکاؤنٹ پر ختم نبوت و ناموس رسالت اور اسلامو فوبیا جیسے حساس موضوع پر ٹوئیٹس میں بارہا مرتبہ عالمی اداروں کو برملا مخاطب کرکے اس معاملہ پر توجہ دلائی ہے۔

31/05/2024

صاحبزادہ سلطان صاحب کی عقیدہ ختم نبوت ، ناموس رسالت اور اسلاموفوبیا کے تدارک کیلئے خدمات
حصہ سوم

ہر سال صاحبزادہ سلطان صاحب کی زیر صدارت اصلاحی جماعت و عالمی تنظیم العارفین کے زیر اہتمام میلاد مصطفے صلی اللہ علیہ وآلہ وسلم و حق باھو کانفرنس کے عنوان سے پاکستان کے تقریباً ہر شہر سمیت مختلف ممالک میں بھی فقید المثال پروگرامز کا انعقاد کیا جاتا ہے اور ہر پروگرام میں دانشوروں سیاسی و سماجی شخصیات سمیت ملک کے مختلف شعبہ ہائے زندگی سے تعلق رکھنے والے لوگ ہزاروں اور کل ملا کر سالانہ لاکھوں کی تعداد میں شرکت کرتے ہیں ۔
اتنے بڑے لیول پر ہونے والی کانفرنسز میں ببانگِ دہل ختم نبوت اور ناموس رسالت کے حساس موضوع پر صاحبزادہ سلطان احمد علی صاحب کے خطابات اب بھی تمام سوشل میڈیا پلیٹ فارمز پر موجود ہیں ۔

نیچے دیئے گئے چند لنکس میں ملاحظہ فرمائیں

ناموس رسالت پر ایک اور حملہ مسلمانوں کو کیا کرنا چاہیے؟
https://youtu.be/nYEeY9XgcrU?si=hUQ9YEH6SSa-WgJC

ناموس رسالت صلی اللہ علیہ وآلہ وسلم اور ہماری ذمہ داریاں https://youtu.be/XstGS7qQW18?si=FsBzwMmB-_6C5KhI

دنیا و آخرت میں حضور نبی اکرم صلی اللہ علیہ وآلہ وسلم کی رحمت و شفاعت عقیدہ ختم نبوت سے مشروط ہے ۔
https://www.facebook.com/share/v/iJbhnW2wv4ZWpQM1/?mibextid=xfxF2i

ختم نبوت ہمارے ایمان کا لازمی جزو ہے
https://youtu.be/71Z6Dh9QRt0?si=48Y2GswfuWQsYrxn

حضور اکرم صلی اللہ علیہ وآلہ وسلم کی ختم نبوت پر قرآنی دلیل
https://youtu.be/wrS1TDzMag4?si=0TQ72jNelfcHtw3U

آقا پاک صلی اللہ علیہ وآلہ وسلم کی ختم نبوت کی گواہی کائنات کی ہر چیز نے دی ہے
https://youtu.be/fpxTUqGskK0?si=QE_XCmk1M0z_mFC4

30/05/2024

السلام علیکم
جانشین سلطان الفقر حضرت
صاحبزادہ سلطان محمد علی صاحب کا کمال
اج ہر مسلمان بھائی کی زبان پر یہی الفاظ ہیں کہ کاش عالم اسلام متحد ہو جاتا ،کاش یہ امت مسلمہ ایک جھنڈے تلے جمع ہو جاتی، اور کاش عالم اسلام کے درمیان اتحاد اور اتفاق پیدا ہو جاتا تاکہ اغیار ہمارے اوپر ظلم نہ کرتے تو میرے بھائیو امت مسلمہ کا اتحاد اور تمام مسلمانوں کو ایک جھنڈے تلے جمع کرنا کوئی اتنا اسان نہیں تھا کہ جیسے ایک شادی کے لیے دعوت نامے بھیج دیے جاتے ہیں اور دوسرے دن لوگ اکٹھے ہو جاتے ہیں امت مسلمہ کو اکٹھا کرنے کے لیے اپنا تن من دھن اپنے تمام اسباب اپنے تمام وسائل بروئے کار لانے پڑتے ہیں اور بہت سی قربانیاں دینی پڑتی ہیں اور اگر اج دیکھا جائے تو امت مسلمہ کا اتفاق اور اتحاد پیدا کرنے کے لیے اور تمام مسلمانوں کو ایک جھنڈے تلے جمع کرنے کے لیے بغیر کسی رنگ و نسل کی تفریق کے بغیر مذہبی اور لسانی ہو قومی تفریق کے آج واحد ایک ہی پرسنیلٹی ایک ہی شخصیت ہے جو برسرپیکار نظر اتی ہے اور اس کا نام ہے
♥️صاحبزادہ سلطان محمد علی صاحب♥️
اپ نے اپنی کھیلوں کے ذریعے اپ نے اپنی جماعت کے ذریعے اپ نے اپنے ریسرچ بیس تھنک ٹینک مسلم انسٹیٹیوٹ کے ذریعے اپ نے العارفین پبلیکیشنز کے ذریعے اپ نے ماہنامہ مراةالعارفین کے ذریعے ایک ہی کوشش کی ہے کہ امت مسلمہ کے درمیان اتفاق اور اتحاد پیدا کیا جا سکے اور تمام مسلمانوں کو ایک ہی لڑی میں پرویا جا سکے تو ماشاءاللہ خاطرخواہ بہت سی کامیابیاں بھی نصیب ہو رہی ہیں اور امت مسلمہ کے اندر اتحاد اور اتفاق پیدا ہوتا نظر بھی ا رہا ہے انشاءاللہ وہ دن دور نہیں کہ یہ محنت یہ سٹرگل رنگ لائے گی اور ایک بار پھر اسلام فاتح ہوگا اور مسلمان فاتح ہوں گے۔

30/05/2024

صاحبزادہ سلطان صاحب کی عقیدہ ختم نبوت ، ناموس رسالت اور اسلاموفوبیا کے تدارک کیلئے خدمات
حصہ دوم

صاحبزادہ سلطان صاحب کی زیر سرپرستی شائع ہونے والا ماہنامہ مرآۃ العارفین انٹرنیشنل جوکہ پاکستان کا واحد جریدہ ہے جسکی ہر ماہ ایک لاکھ سے زائد ہارڈ کاپیز پرنٹ ہوتی ہیں اور پاکستان کا سب سے زیادہ پڑھا جانے والا میگزین ہے۔ جریدہ میں شامل کوئی ایک لفظ بھی ایسا نہیں ہے جو بغیر تحقیق کے شائع ہوا ہو ، بلکہ ہر ایک سطر کی تصدیق کیلئے ریفرینسز شامل کیئے گئے ہیں۔
اس میگزین میں خصوصی شمارہ بعنوان ختم نبوت نمبر سمیت بے شمار مضامین ختم نبوت و ناموس رسالت کے اہم مسئلہ پر مستند حوالوں کے ساتھ شائع ہو چکے ہیں۔ یہ سب تحقیقی کام صاحبزادہ سلطان صاحب کی زیر سرپرستی سر انجام پا رہے ہیں۔

چند لنکس آپکی آسانی کیلئے اٹیچ کیئے گئے ہیں

تحفظ ناموسِ رسالت ﷺ (قرآن وسنت اور اقوالِ ائمہ کی روشنی میں)
https://www.mirrat.com/category/57

گستاخانِ رسولﷺ کے عبرت ناک انجام
https://www.mirrat.com/article/57/993

اسلامی تعاون تنظیم OIC کا 48 واں اجلاس
https://www.mirrat.com/article/11/1177

نبوت کے جھوٹے دعویدار اور ان کا انجام
https://www.mirrat.com/article/78/1095

عقیدہ ختم نبوت کی فضیلت و اہمیت : احادیث مبارکہ کی روشنی میں
https://www.mirrat.com/article/78/1096

عقیدہ ختمِ نبوت اور فتنہ قادنیت
https://www.mirrat.com/article/78/1094

عقیدہ ختم نبوت : تعلیمات حضرت سلطان باھوؒ کی روشنی میں
https://www.mirrat.com/article/78/1093

ردِّقادنیّت پر امام اہلسنت کی کُتب و رسائل
https://www.mirrat.com/article/78/1092

29/05/2024

صاحبزادہ سلطان صاحب کی عقیدہ ختم نبوت، ناموس رسالت اور اسلامو فوبیا کے تدارک کیلئے خدمات کا تحقیقی جائزہ

حصہ اول

صاحبزادہ سلطان محمد علی صاحب کا قائم کردہ تحقیقی ادارہ مسلم انسٹیٹیوٹ کے زیر اہتمام اکتوبر 2020 میں We Love Muhammad (S.A.W.W) کے سلوگن کے ساتھ ناموس رسالت و محبت رسول صلی اللہ علیہ وآلہ وسلم کے عنوان پر منفرد انداز سے ضلع خوشاب میں انتہائی منظم ہارس ریلی کا انعقاد کیا گیا جسکی سربراہی خود صاحبزادہ سلطان صاحب نے فرمائی اور سینکڑوں کی تعداد میں ملک کے طول عرض سے تشریف لائے اصلاحی جماعت و عالمی تنظیم العارفین کے کارکنان اور گھڑ سواران سمیت تمام شعبہ ہائے زندگی سے تعلق رکھنے والے افراد نے محبت عقیدت اور احترام کے ساتھ بھرپور انداز میں شرکت کی۔ تمام افراد نے اپنے ہاتھوں میں خوش خط انداز میں لکھے اسم محمد صلی اللہ علیہ وآلہ وسلم کے پلے کارڈ اٹھا رکھے تھے ۔

ریلی کے دوران صاحبزادہ سلطان صاحب کا اظہار خیال اور ریلی کی رپورٹ نیچے دیئے گئے لنکس میں ملاحضہ فرمائیں۔

ناموس رسالت ریلی میں صاحبزادہ سلطان صاحب کا اظہار خیال
https://www.facebook.com/share/v/RMH2NTiDpVESRSCW/?mibextid=w8EBqM

ناموس رسالت ریلی کی تفصیل "دی ویوز نیٹ ورک" پر
https://www.theviewsnetwork.com/Urdu/Article/3506?fbclid

نیوز ایجنسی "ٹائمز آف کراچی" کی ناموس رسالت و محبت رسول صلی اللہ علیہ وآلہ وسلم ریلی کی رپورٹ
https://www.facebook.com/share/v/ubLEicqNmqRZVW7H/?mibextid=w8EBqM

28/05/2024

26/05/2024

سلطان العارفین حضرت سخی سُلطان باھُو رحمتہ اللّٰہ علیہ کے وارثین کی اصلاحی جہدوجہد

25/05/2024

صاحبزادہ سلطان محمد علی کی عالم اسلام اور پاکستان کیلیے کاوشیں قابل تحسین ہیں۔

شاید آپکو نہ معلوم ہو۔۔۔
۔۔
صاحبزادہ صاحب اسلامک تھنک ٹینک " مسلم انسٹیٹیوٹ کے بانی بھی ہیں جس انسٹیوٹ میں تمام مسلم ممالک کو درپیش مسائل پر ڈیبیٹس اور کانفرسز کا انعقاد کیا جاتا ہے ، خواہ وہ مسئلہ کشمیر پر ہو ، فلسطین پر ہو یا برما پر ، گستاخی رسول ﷺ کا معاملہ ہو یا اسلاموفوبیا کا ۔۔۔ فلسفہ و فکر کو فروغ دیا جاتا ہے خواہ وہ اقبال سے متعلق ہو یا رومی سے متعلق ۔۔
اسے دنیا کی سب سے بڑی اقبال کانفرنس کا اعزاز بھی حاصل ہے ۔۔ نیشنل و انٹرنیشنل رومی و سلطان باہو کانفرنس کا اعزاز بھی حاصل ہے ۔۔
۔
صاحبزادہ صاحب ایک عظیم دینی و روحانی جماعت " اصلاحی جماعت و عالمی تنظیم العارفین" کے سرپرست ہیں جس کے دفاتر پورے پاکستان میں قائم ہیں جہاں سے اصلاح و تحقیق کا عظیم کام سر انجام دیا جارہا ہے ۔۔ پاکستان بھر میں۔ میلاد مصطفی صلی اللہ علیہ وسلم کی سالانہ 50 کے قریب محافل کا انعقاد بھی کیا جاتا ہے ۔۔

صاحبزادہ صاحب پاکستان میں شائع ہونے والے سب سے بڑے اسلامی جریدے " ماہنامہ مراۃ العارفین " کے بھی سرپرست ہیں جس میں ہر ماہ حالاتِ حاضرہ اور اسلامی تعلیمات پر مختلف مضامین شائع کر کے عوام الناس تک پہنچائے جاتے ہیں
۔
دینی تعیلم کے فروغ کے لیے صاحبزادہ صاحب " مدرسہ غوثیہ عزیزیہ انوار حق باہو سلطان " کے بھی سرپرست ہیں جہاں مستقل طور حفظ قرآن، دورہ حدیث ، درس نظامی اور دیگر دینی علوم پر تعلیم دی جاتی ہے جس کی مین برانچ دربار سلطان باہو اور دیگر برانچز مختلف اضلاع میں ہیں
۔
دنیاوی و جدید تعلیم کے صاحبزادہ صاحب " ایس بی گرائمر سکول " کی سرپرستی فرما رہے ہیں جہاں بچوں کو اے لیول ، او لیول جیسی جدید تعلیم سے آراستہ کیا جاتا ہے اسکی بھی مین برانچ دربار پر اور دیگر برانچز کئی شہروں میں موجود ہیں
۔
اسکے علاؤہ سیلاب ہو ، کرونا ہو یا تھر میں پانی کے مسائل ٹیم سطان بڑھ چڑھ کر اپنی خدمات کو سرانجام دے رہا ہوتا ہے ۔۔۔

24/05/2024

حضرت سلطان محمد علی صاحب مدظلہ الاقدس اصلاحی جماعت و عالمی تنظیم العارفین کے سرپرست اعلیٰ ہیں اصلاحی جماعت اولیاء کاملین کی تعلمیات کو قرآن و حدیث کی روشنی میں عوام الناس تک پہنچاتی ہے حضرت سلطان محمد علی صاحب نے تصوف کی دنیا میں انقلاب برپا کردیا آپ نے تصوف کو بدلتی ہوئ دنیا کے جدید تقاضوں سے ہم آہنگ کیا ہے اس سے پہلے ولائیت اور فقیری درویشی کو ذہنی وجسمانی پسماندگی سے جوڑا جاتا تھا کہ جو شخص ولی ہو اس کے لئے لازم ہے کہ وہ پھٹے پرانے کپڑے پہنے ، پاؤں میں جوتا نہ ہو نہانے دھونے کا خیال نہ رکھے اس کے بال گرد آلود ہوں وہ چٹائ بچھا کر زمین پر بیٹھا ہوا تارک الدنیا سادھو ہو ایسے مجذوب ٹائپ شخص کو دوسرے لوگ پہنچا ہوا "ولی" سمجھتے تھے حضرت سلطان محمد علی صاحب نے ان سارے فرسودہ خیالات کی نفی فرمائئ آپ نے مؤمن کو اس کا مقام یاد دلایا آپ نے قران پاک کی اس آیت مبارکہ کی روشنی میں "عزت اللہ اور اللہ کے رسول اور مومنین کے لئے ہے " یہ تعلیم دی کہ مؤمن معاشرے سے کٹ کر اسلام کی تبلیغ اور نمائیندگی نہیں کر سکتا ہے امت مسلمہ کو جدید علوم حاصل کرنے چاہئے جدید تقاضوں کے مطابق چلنا چاہئے انھیں اپنی استطاعت کے مطابق اچھا لباس پہننا چاہئے معاشرے میں باوقار طور طریقے اختیار کرنے چاہئے اب ایک ولی یعنی کہ اللہ کے دوست کو پہاڑوں اور جنگلوں میں چلہ کشی کرنے کی ضرورت نہیں ہے اب اللہ کے محبوب بندے کالجوں ، یونیورسٹیوں ، دفاتر اور دیگر مقامات پر کاروبار حیات کرتے ہوئے اللہ سے لو لگائے رکھیں مومنین کو جدید سائنسی سہولیات سے فائدہ اٹھانا چاہئے ٹیکنالوجی کو اپنانا چاہئے آپ نے علامہ اقبال کے فلسفہ خودی کو عملی صورت دی امت کو طاقت حاصل کرنی چاہئے امت فرسودگی اور پسماندگی کا شکار نہ ہوتی تو آج غزہ کا سانحہ پیش نہ آتا پاکستان میں بسنے والوں کی یہ خوش قسمتی ہے کہ انھیں ایک ایسا مسلم لیڈر میسر ہے جو صلاح الدین ایوبی والی سوچ رکھتا ہے جو اسلام کو پوری دنیا پہ غالب دیکھنا چاہتا ہے جو مسلمانوں کی غلامی پہ رنجیدہ ہے جس نے اسلام جو کہ مساجد اور مدارس تک محدود ہوچکا تھا کو نکال کر زندگی کے ہر شعبے میں پھیلایا آپ اسلام کی تبلیغ کو کھیل کے میدان تک لے گئے اسلام کو نظریاتی اور حقیقی وسعت عطا کی اسلام کوئ خشک مزہب نہیں ہے اسلام میں ملائیت کی کوئ گنجائش نہیں ہے اسلام میں ادب ، ثقافت ، فنون لطیفہ ، سائنس، طب ، فلسفہ ،کھیل ، تفریح سب شامل ہے اسلام صرف عبادات کا مجموعہ نہیں ہے بلکہ ایک مکمل دین ہے اسلام ایک مخصوص لباس پہن لینے یا صرف عبادات کرنے کا نام نہیں ہے ضرورت اس امر کی ہے حضرت سلطان محمد علی صاحب کے اس اسلامی مشن کو سمجھا جائے آپ کو قریب سے دیکھا جائے سنی سنائ باتوں پہ یقین نہ کیا جائے یاد رکھیں ٹیکنالوجی کے اس دور میں موبائل کا یہ کی پیڈ ہر کسی کے پاس موجود ہے اس پر کوئ کچھ بھی ٹائپ کر کے پوسٹ کر سکتا ہے آپ تک پہنچنے والی ہر بات حقیقی نہیں ہوتی حضرت سلطان محمد علی صاحب نے اپنے بھائیوں حضرت سلطان احمد علی صاحب اور حضرت سلطان بہادر عزیز صاحب سمیت اپنی زندگیاں اسلام کے لئے وقف کر رکھی ہیں آپ پروپگنڈے کا اندازہ اس بات سے لگائیں کہ بہت سارے لوگوں کو اس بات کا علم تک نہیں ہے کہ دربار شریف حضور سلطان العارفین حضرت سخی سلطان باھو صاحب رح کے مالی و انتظامی امور ایک سرکاری کمیٹی چلا رہی ہے دربار پاک کے سارے نزرانے یہ کمیٹی وصول اور خرچ کرتی ہے اور حقیقت سے ناواقف شخص پوسٹ کردیتا ہے کہ گدی نشین دربار کی آمدن کھاتے ہیں اور پڑھنے والے بھی اس بات پہ یقین کر لیتے ہیں اسلام میں سنی سنائ بات پر یقین کرنے سے منع کیا گیا ہے بدقسمتی سے اسلام کو دقیانوسی سے جوڑ دیا گیا ہے اب تو اسلام میں کوئی صحت مند سرگرمی کرے تو اس پہ بھی تنقید کی جاتی ہے دنیا کا کوئ مفتی آپ کو یہ نہیں کہ سکتا کہ اسلام میں کھیل منع ہے چاہئے وہ نیزہ بازی ہو کرکٹ ہو یا موٹر سپورٹس ہو اصل میں اسلام کو ایک لمبے عرصے تک ایسے محدود انداز میں پیش کیا گیا ہے کہ اب اس کی ساری جہتیں سامنے ائیں تو کئ شدت پسند لوگ اس سے انکار کر دیتے ہیں جیسے ناخالص دودھ پینے والے کو خالص دودھ کا ذائقہ ٹھیک نہیں لگتا

24/05/2024

بد قسمتی سے بہت سارے احباب “ کاپی پیسٹ “ کی عادت کا شکاُر ہیں ۔ چاہے کسی کی تعریف ہو یا تنقید بلا تحقیق کاپی پیسٹ شروع کر دیتے ہیں۔ اسکی بہت زندہ مثال صاحبزادہ سلطان محمد علی صاحب سے متعلق ایک پوسٹ جو بلا تحقیق سوشل میڈیا پر شیئر ہو رہی تھی۔ اختلاف اور مثبت تنقید ایک خوبصورت عمل ہے جو علم کے اضافے کا باعث ہے ۔ مذہبی ، مسلکی اختلاف کوئی نئی چیز تو ہے نہیں ، لیکن محض دیکھا دیکھی کسی کی ذات کے بارے میں جو دل میں آئے کہہ دینا غیر اخلاقی بات ہے ۔
سلطان محمد علی صاحب ایک خوبصورت و خوب سیرت انسان ہیں ۔ آپ ایک نہایت اعلیٰ درجے کے منتظم ، جسکی جھلک ہمیشہ آپ کے تربیت یافتہ لوگوں میں نظر آئی۔ آپ کی زیر سرپرستی کوئی بھی تقریب ، چاہے نیزہ بازی کا مقابلہ ہو ، چاہے جیپ ریلی ہو ، یا پھر دعوت و تبلیغ کی تقریب ہو ، اس میں حسنِ انتظام کی نظیر کہیں اور نظر نہیں آئے گی آپ نے ہمیشہ پاکستان کی عزت کو ملحوظ رکھا اور عالمی سطح پر پاکستان کی شان بڑھائی آپ انتہائی محب وطن شہری ہیں ہمیشہ اپنی ذات کو پیچھے کر کے پاکستان کا نام لیا پاکستان کے پرچم کی سر بلندی کی بات کی۔ جب سے آپ نے پاکستان نیزہ بازی فیڈریشن کے صدر کی حیثیت سے عُہدہ سنبھالا اس ادارے نے پاکستان کے پرچم کو عالمی سطح پر بلند کیا۔ جیپ ریلی، نیزہ بازی میں بہت سی نئی جہتیں روشناس کروائیں ہر سطح پر میرٹ کو سامنے رکھ کر قابل نوجوانوں کی حوصلہ افزائی کی چاہے کھیل کا میدان ہو تعلیم کا میدان ہو علمی وفکری نشستیں ہو مدارس ہو یا پھر سکول ہوں آپ نے ہر شعبہ میں جدت کو ملحوظ خاطر رکھتے ہوئے عظیم کاوشیں کیں آج کے اس پر فتن دور میں آپ کی تحریک اور آپ کے ساتھ پڑھے لکھے نوجوانوں کی لاکھوں میں تعداد دیکھنے کو ملے گی اسکی وجہ آپ کی عاجزی اخلاق نظم وضبط اور جدید زمانے کے مطابق دین کی تعلیم کے ساتھ ساتھ دور حاضر میں اسلام دشمن عناصر سے مقابلے کے لئے جدید دنیاوی تعلیم کے حصول کو اہمیت ہے۔ آپ نہایت اعلیٰ اقدار کے حامل ہیں۔ انتہائی مہمان نواز اور شفیق انسان ہیں۔ انتہائی ملنسار ، اور خوش اخلاقی آپ کا خاصہ ہے۔ آپ نے روائتی پیری مریدی کو ترک کرتے ہوئے اپنے اسلاف کی تعلیمات کو عملی طور پر فروغ دیا توحید کے پرچار اور عشق مصطفےٰ صلی علیہ وآلہ وسلم کے لئے ملک بھر میں انتہائی منظم اور عظیم اجتماعات کا انعقاد کروا کر خود انکی صدارت فرماتے ہیں ان اجتماعات میں آپکو نظم و ضبط کی نظیر کہیں اور نظر نہیں آئے گی۔ آپ نے کبھی اپنی ذات کے لئے "میں" کا لفظ استعمال نہیں کیا ہمیشہ اپنے لئے عاجز کا لفظ استعمال فرماتے جب کسی سے ملتے ہیں تو اس قدر عاجزی پیار اپنائیت گویا ملنے والے یہی سمجھتا ہے کہ آپ صرف مجھ سے ہی محبت کرتے ہیں اور پھر پہلی ملاقات کے بعد آپ سے دوبارہ ملنے کے لئے بیتاب رہتا ہے۔ نظم و ضبط عاجزی انکساری اس قدر کے اپنے عقیدت مندوں اور تحریکی ساتھیوں اور اپنی اولاد میں کوئی فرق نہیں اپنے سے بڑوں اور اپنے سے چھوٹوں کو ہمیشہ آپ کر کے پکارتے ہیں۔ پاکستان کے لئے دین اسلام کی سر بلندی کے لئے چاہے وہ کوئی بھی میدان ہو اگر ہر شعبہ پر بات کی جائے تو کئی کتب لکھنی پڑھ جائیں۔ آپ پاکستان کا فخر ہیں اسلام کا فخر ہیں انشاء اللہ آپ کی قیادت میں جاری تمام شعبہ جات دن بدن عروج کی طرف ہیں اور یہ وہ عروج ہے جسے زوال نہیں۔

*خدا کرے میری ارض پاک پر اترے*
*وہ فصل گل جسے اندیشہ زوال نہ ہو*

اور یہی وہ فصلِ گل ہے جسے ہمیشہ عروج ملے گا جس کے بعد زوال نہ ہو گا۔

*یہاں جو پھول کھلے وہ کھلا رہے صدیوں*
*یہاں خزاں کو گزرنے کی بھی مجال نہ ہو*

سلطان محمد علی صاحب نے مختلف شعبہ جات کے جو پھول کھلا ئے ہیں و صدیوں کھلے رہیں گے اور آئندہ نسلیں ان پھلوں کی مہک سے مستفید ہوں گی۔
اور یہاں خزاں نہیں آئے گی یہ تازگی اور خوشبو تا قیامت رہے گی۔

23/05/2024

مشکوٰۃ المصابیح
کتاب: لباس کا بیان
حدیث نمبر: 4352
ترجمہ:
ابو الاحوص اپنے والد سے روایت کرتے ہیں، انہوں نے کہا: میں رسول اللہ ﷺ کی خدمت میں حاضر ہوا میں نے غیر معیاری کپڑے پہنے ہوئے تھے، آپ ﷺ نے مجھ سے پوچھا:’’ کیا تمہارے پاس مال ہے؟‘‘ میں نے عرض کیا: جی ہاں! آپ ﷺ نے فرمایا:’’ مال کی کون سی نوع تمہارے پاس ہے؟‘‘ میں نے عرض کیا: اونٹ، گائے، بکری، گھوڑے اور غلام ہر قسم کا مال اللہ تعالیٰ نے مجھے عطا کر رکھا ہے۔ آپ ﷺ نے فرمایا:’’ جب اللہ نے تمہیں مال دے رکھا ہے تو پھر اللہ کی نعمت اور اس کی عزت و کرامت کا اثر تم پر ظاہر ہونا چاہیے۔‘‘ اسے احمد اور نسائی نے روایت کیا ہے اور شرح السنہ میں مصابیح کے الفاظ ہیں۔ صحیح، رواہ احمد و النسائی و فی شرح السنہ۔

گھوڑوں کے متعلق آیات ربانی:
قسم ان کی جو دوڑتے ہیں سینے سے آواز نکلتی ہوئی۔ پھر سم مار کر پتھروں سے آگ نکالتے ہیں۔ پھر صبح ہوتے تاراج کرتے ہیں اور غبار اڑاتے ہیں۔ پھر لشکر میں جاتے ہیں۔ (سورۃ العادیات)
سورہ ص کا مطالعہ کریں۔ حضرت سلیمان علیہ السلام نے کہا کہ مجھے گھوڑوں کی محبت پسند آئی الله کی یاد کیلئے۔ الله نے سلیمان ع کے گھوڑوں جو پیار سے پنڈلی اور گردن پر ہاتھ ہاتھ پھیرنے کے بارے بیان کیا۔

ابو ہریرہ رضی اللہ عنہ سے روایت ہے کہ رسول اللہ ﷺ نے فرمایا: ”جو اللہ پر ایمان رکھتے ہوئے اور اس کے وعدے کو سچا مانتے ہوئے اللہ کے راستے میں گھوڑا پالتا ہے، اس کا کھانا،اس کا پینا، اس کی لید اور پیشاب قیامت کے دن اس کے پلڑے میں ہوں گے“ (بخاری)

گھوڑے کی پیشانی میں قیامت تک کیلئے برکت رکھ دی گئی ہے (حدیث)

23/05/2024

صاحبزادہ سلطان محمد علی صاحب کے خلاف جھوٹا پروپیگنڈہ کرنے والوں کے پاس آپ کو کوئی اعتراض نہیں ملے گا۔
وہ کہتے ہیں گھوڑے پالتے ہیں۔
کیا گھوڑا پالنا شرعا ناجائز ہے؟
وہ کہتے ہیں موٹر سپورٹس کرتے ہیں
کیا اسلام کسی بھی مثبت کھیل سے منع کرتا ہے؟
وہ کہتے ہیں امیرانہ لائف سٹائل ہے
کیا اسلام اچھا پہننے اور اچھا استعمال کرنے سے منع کرتا ہے؟
وہ کہتے ہیں سوشل میڈیا کا استعمال کرتے ہیں
کیا سوشل میڈیا کو اسلام کا پیغام پہنچانے کیلئے استعمال کرنا ناجائز ہے؟
غرض جتنے بھی اعتراضات اٹھائے گئے ہیں سب کا شرعا جواب موجود ہے۔
آپ صاحبزادہ سلطان صاحب کے کسی بھی فالور سے ملیں اور اس سے صاحبزادہ صاحب کے بارے پوچھیں
وہ آپ کو ان کی کشف و کرامات کی کوئی ایک بات کا ذکر نہیں کرے گا،
وہ آپ کو صاحبزادہ صاحب کے روایتی پیری مریدی کے قصے نہیں بتائے گا،
وہ آپ کو سالوں سے چلے آتے جمود و تعطل کا شکار خانقاہی نظام جیسا کچھ نہیں کہے گا
بلکہ
وہ آپ کو بتائے گا کہ کس طرح صاحبزادہ سلطان صاحب نے اصلاحی جماعت و عالمی تنظیم العارفین کے پلیٹ فارم سے قرآن و حدیث کی روشنی میں اولیائے کاملین کی تعلیمات سکھائی اور ایسے انداز سے سکھائی کہ ان کے وجودوں اور کردار میں رائج کر دیں
وہ آپ کو بتائے گا کہ کس طرح صاحبزادہ سلطان صاحب نے درس و تدریس کے روایتی طریقہ کار کو دور جدید کے تقاضوں کے عین مطابق جدت سے ہمکنار کیا اور دارالعلوم غوثیہ عزیزیہ انوار حق باھو سلطان کے مدارس سے تعلیم پانے والے نوجوانان ملک و ملت کو درپیش چیلنجز سے نا صرف آگاہ ہیں بلکہ اس پر واضح موقف رکھتے ہیں اور ان مسائل کے حل کیلئے عملی کردار ادا کررہے ہیں
وہ آپ کو بتائے گا کہ صاحبزادہ سلطان صاحب کے دئے ہوئے درس حیات نے انہیں فرقہ واریتی تعصب اور گروہ بندی سے نکال کر ملت واحدہ ہونے کا منشور عطا کیا۔
وہ آپ کو بتائے گا کہ صاحبزادہ سلطان صاحب نے ایک بین الاقوامی مسلم تھنک ٹینک کی بنیاد رکھی اور امت مسلمہ کو درپیش چیلنجز جن میں
کشمیر
فلسطین
برما اور دیگر مسلم ممالک پر کئے جانے والے مظالم
جن میں
آزادی اظہار رائے کی آڑ میں ناموس رسالت پر ہونے والے حملوں کے تدارک
اور اسلام و مسلمانوں کو درپیش چیلنجز کیلئے ایک موثر آواز اٹھائی اور اس پلیٹ فارم پر دنیا بھر کی یونیورسٹیوں اور دیگر مدبرین و مفکرین کے ساتھ ان مسائل کو ناصرف اجاگر کیا بلکہ غیر مسلموں پر یہ باور کروایا کہ مسلمان امن پسند ہیں اور ان کے مسائل پر دنیا کے اداروں کو توجہ دینی چاہیئے
وہ آپ کو بتائے گا کہ صاحبزادہ سلطان صاحب نے روایتی پیروں کی طرح اپنے اسلاف کی کرامات کو مشہور کرنے کی بجائے سلطان العارفین حضرت سلطان باھو رح، سیدنا شیخ عبدالقادر جیلانی رح اور دیگر اولیائے کاملین کی کتب کے اردو و انگریزی تراجم کروائے اور ان کو عوام الناس تک پہنچانے کا انتظام کیا
وہ آپ کو بتائے گا کہ صاحبزادہ سلطان صاحب نے اولیائے کامیلن کی تعلیمات پر مبنی قرآن مجید، حدیث مبارکہ اور سنت مبارکہ کی تعلیمات پر مبنی ماہانہ مجلہ پاکستان سمیت دنیا کے کونے کونے تک پہنچانے کا انتظام فرمایا جس میں
قرآن نمبر
سیرت نمبر
ختم النبوت نمبر
ذوالنورین نمبر
امام جعفر صادق نمبر
امام ابو حنیفہ نمبر
تعلیمات غوثیہ نمبر
اور آئمہ و مجتہدین نمبرز پوری ریسرچ سے شائع کروائے
وہ آپ کو بتائے گا کہ صاحبزادہ سلطان صاحب نے روایتی گدی نشینی کی بجائے اقبال کے شعر
نکل کر خانقاہوں سے ادا کر رسم شبیری
کو کس طرح پورا کیا اور دنیا بھر میں سفر کر کے وہاں اس پیغام کو پہنچایا
وہ آپ کو بتائے گا کہ صاحبزادہ سلطان صاحب نے خانقاہ کے ساتھ چندے کے بکسوں کی بجائے
ڈیری فارم اور ایگریکلچر فارم بنائے، کھیتی باڑی جیسے مقدس پیشے کو اپنایا
وہ آپ کو بتائے گا کہ صاحبزادہ سلطان صاحب نے انبیاء و اولیاء کے طریق پر چلتے ہوئے گھوڑوں کو پالنے کا بہترین بندوبست کیا اور گھڑ سواری و نیزہ بازی جیسے قدیم اسلامی روایتی کھیل کو آج کے دور میں بھی قائم رکھا ہوا ہے
وہ آپ کو بتائے گا کہاس قدیم اسلامی روایتی کھیل کے ساتھ ساتھ جدید کھیل موٹر سپورٹس میں بذات خود صاحبزادہ سلطان صاحب نے نا صرف حصہ لیا بلکہ اس میں بھی اپنی صلاحیتوں کا لوہا منوایا
وہ آپ کو بتائے گا کہ صاحبزادہ سلطان صاحب روایتی درویشی کی بجائے دور جدید کے تقاضوں سے آہنگ نظام کو رائج کرنے کیلئے کوشاں ہیں جو دور جدید کے تقاضوں کو اسلامی طرز حیات کے مطابق پورا کرے
وہ آپ کو بتائے گا کہ صاحبزادہ سلطان صاحب نے پہلے ہی دن ان کو اللہ کے ذاتی اسم کا ذکر عطا کر کے نکتہ توحید کا ادراک عطا کیا
وہ آپ کو بتائے گا کہ صاحبزادہ سلطان صاحب نے پہلے ہی دن ان کو عشق مصطفٰی صلی اللہ علیہ والہ وسلم کی تلقین عطا کر کے سیرت طیبہ پر زندگی گزارنے کا درس دیا
وہ آپ کو بتائے گا کہ اسے محبت اہل بیت، طریق اصحابہ کرام، تاریخ اسلام، اسلاف کی محبت و نسبت روحانی اور اولیائے اللہ کا درس محبت امن و بھائی چارہ عطا کیا گیا ہے جس کی بدولت وہ ہر شخص کو الخلق العیال اللہ جانتا ہے
الغرض
یہ چند ایک چیزیں جو عام آدمی سوچتا ہے اس بارے لکھنے کی جسارت کی ہے۔ صاحبزادہ سلطان صاحب نے ہر شعبہ حیات کو اپنے افکار اور کردار سے اپنا گرویدہ بنایا ہے۔ آپ کو ایک بار صاحبزادہ سلطان صاحب کے بارے میں تعصب کی عینک اتار کر جاننے کی ضرورت ہے اور ایک بار ان سے ملنے کی ضرورت ہے۔
ایسی شخصیت اس قوم و ملت کیلئے یقینا اللہ کا کرم ہے۔ جس کے پاس واضح راہ کی رہنمائی موجود ہے۔