03/11/2026
فیڈرل بورڈ آف ریونیو کے نئے ڈرافٹ نوٹیفیکیشن S.R.O. 1691(I)/2026 کے مطابق، اگر کوئی فرد مقررہ تاریخ کے بعد اپنا انکم ٹیکس ریٹرن جمع کروائے اور IRIS کے ذریعے فارم ATL-U پر انڈر ٹیکنگ جمع کر دے، تو اس کا نام بغیر کوئی سرچارج ادا کیے ایکٹو ٹیکس پیئر لسٹ (ATL) میں شامل کر دیا جائے گا؛ البتہ، اگر FBR کی جانچ پڑتال کے دوران یہ ثابت ہو جائے کہ اس نے اس مدت کے دوران کوئی پراپرٹی یا جائیداد خریدی ہے، تو قانون کے مطابق صفائی کا موقع دینے کے بعد یہ سہولت واپس لے لی جائے گی، یعنی دوبارہ نان فائلر کر دیا جائے گا۔ مختصر یہ کہ جو شخص آئیندہ 6 ماہ تک کوئی خرید و فروخت نہیں کرنا چاہتا وہ FBR کو مطمئن کر کے بغیر جرمانے فائلر ہو سکتا ہے، تاہم اس بابت متعلقہ RTO کے کمشنر صاحب کو مطمئن کرنا ہوگا۔
