19/09/2026
🌿 Sukoon Allah Ki Raza Mein Hai
Jis Zaat ne humein banaya hai, usi ne humein sukoon aur zindagi guzarne ke bhi usool bataye hain.
Agar hum un usoolon ke khilaaf chal kar yeh samjhein ke humein sukoon mil raha hai, to humein dobara sochna chahiye ke kya yeh haqeeqi sukoon hai ya sirf temporary relief?
Misal ke taur par, agar Japan ki koi machine kisi khaas oil ke liye design ki gayi ho aur hum us mein ghalat oil daal dein, aur machine kuch der chal bhi jaye, to iska matlab yeh nahi ke woh sahi tareeqe se chal rahi hai.
Aur agar hum oil bilkul na daalein to machine ruk jayegi. *Dekha movies nahin dekhien aur badnazri, sharab, sood yaan etc kaam nhin kiyay tou meri tou car chal hee nhin rahi*
tou wou aik aarzi relief hai. Asal mien wou aik bilkull fizool cheez hai
Lekin jab us mein sahi oil dala jayega *Taqwa ka oil* *Islah ka oil* *Tauba ka oil* phir kiya maza houga. phir ham insaan kehlanay kay qabil houngay
Allah ko pechanlou uski nishaniyon se phir uskay usoolon se na hato,
Bilkul isi tarah insaan ka dil bhi apne Khaliq ke banaye hue nizaam ke mutabiq hi asal sukoon paata hai.
Agar koi namaz nahi parh raha aur movie dekh kar keh raha hai ke “mujhe sukoon mil raha hai” — to humein yeh samajhna hoga ke shayad woh sukoon nahi, sirf temporary distraction ya relief hai.
Humein apne aap ko yeh kehna chahiye:
“Main ghalat jagah se sukoon nahi dhoondunga. Main Allah ki taraf rujoo karunga aur dekhoonga ke namaz, zikr, Qur’an, gunahon se bachne aur Allah ki raza ke mutabiq chalne mein mujhe woh sukoon kaise milta hai jo mere Rab ne mere liye rakha hai.”
jab sukoon na millay Allah se mango, mango kay Allah mien aarzi relief nhin lunga, mien apnay zakhmon pay kharish karkay ussay begaroonga nhin. balkay ilaaj karwa kay mujhay haqeeqi relief chahiyay
phir pata challay gee kay Baray baray Allahwalon ko kiya maza milta tha Allah ki yaad mien
bas hamara kaam hai mangna, gunnah bhi agar houtay rahien phir bhi tauba na chootay aur har raat aik muhasba hou aur Allah se mangna hou kay Allah mujhay app mazay wali hayat dien
Kabhi kabhi Allah ki taraf aane ke liye mujahada karna padta hai.
Movie chhorni hai, namaz ki pabandi karni hai, gunah se bachna hai, apni aadaton ko badalna hai — aur phir dekhna hai ke Allah kis tarah dil ko sukoon deta hai. par asal relief wohi hai jou sayi illaj kay baad millay
jab boring yaan etc hou bas rujooh karo Allah se kay mujhay haqeeqi sukoon dien, mien aarzi relief nhin lunga
Is ke liye rozana apne Sheikh se apni islah karwana bohat aham hai. Apne din ka muhasabah karein, apni kamiyaan samjhein aur jo ghalatiyan hain unki islah karwate rahen.
Jab humein pata chalega ke “sahi oil” kya hai, to phir hamari zindagi bhi InshaAllah sahi tareeqe se chalti rahegi.
🤲 Kisi Deeni Shobay Se Judna
Is ke saath humein kisi deeni shobay se bhi judne ki koshish karni chahiye.
Misal ke taur par:
* apni islah ke saath mustaqil taur par judna;
* kisi Deeni Academy se ilm hasil karna;
* Dars-e-Nizami / Deeni knowledge ke kisi nizaam se judna;
* ya Tableegh aur dawat ke kaam mein waqt lagana.
Maqsad yeh hai ke hamara waqt sirf duniya ke kaamon mein hi na guzarta rahe, balki Allah ke deen ke saath bhi hamara mustaqil ta’alluq ho.
Jis tarah hum duniya ke kisi kaam mein waqt aur mehnat lagate hain to us ka faida baqi zindagi ke kaamon mein bhi nazar aata hai, isi tarah deen ke kaam mein lagaya hua waqt bhi zindagi mein barkat ka zariya banta hai.
Kabhi ilm ke zariye, kabhi sohbat-e-saleheen ke zariye, kabhi Tableegh ke zariye aur kabhi islah ke zariye — Allah Ta’ala insaan ke liye woh cheezein asaan farma deta hai jo sirf apni koshish se mushkil lag rahi hoti hain.
Is liye hamara target sirf “sukoon paana” nahi hona chahiye;
hamara target Allah ki raza, apni islah aur deen se judna hona chahiye.
Phir sukoon bhi InshaAllah usi raaste mein milega. 🌿
