بلدیاتی نمائندوں کا متحدہ آزاد پینل جمرود ضلع خیبر

28/12/2025

جمرود پریس کلب کے نو منتخب کابینہ کو مبارکباد پیش کرتے ھیں اور نیک تمناؤں کا اظہار کرتے ہیں اس امید کے ساتھ کہ اس سال بھی نو منتخب کابینہ پریس کلب و صحافیوں کی یکجہتی ، فلاح و بہبود اور علاقائی ترقی کے لئے کردار ادا کرتے رہینگے ۔

صدر متحدہ آزاد پینل جمرود شاہد خان آفریدی چیئرمین نیبرہوڈ ٹاؤن 2 جمرود ضلع خیبر

12/10/2025

آگ مت لگاو اسوقت دو بھائیوں کے درمیان صلح کروانے کے لیے اور مثبت سوشل میڈیا کمپئین کی ضرورت ہے

قرآن کہتا ہے:

“وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا…”
(سورۃ الحجرات: 9)
یعنی اگر دو مسلمان گروہ آپس میں لڑ پڑیں تو ان میں صلح کرا دو۔

آج جب ہم پاکستان اور افغانستان کے درمیان جھڑپوں کی خبریں سنتے ہیں، دل خون کے آنسو روتا ہے۔ دو مسلم ملک، دو برادر قومیں، جن کے رشتے ایمان، زبان، ثقافت اور خون سے جڑے ہوئے ہیں — آج ایک دوسرے کے مقابل کھڑے دکھائی دیتے ہیں۔

یہ صرف سرحدوں کی لڑائی نہیں، یہ امت کے دلوں کا زخم ہے۔
ہمیں یہ نہیں بھولنا چاہیے کہ توپ اور بندوق کے شور میں ہمیشہ دشمن فائدہ اٹھاتا ہے، جبکہ نقصان صرف مسلمان کا مسلمان سے ہوتا ہے۔

ہم پاکستان سے مخلص ہیں — اسی مخلصی کے جذبے سے یہ بات کہہ رہے ہیں کہ غلطیوں کو چھپانے سے نہیں، تسلیم کرنے اور درست کرنے سے طاقت بڑھتی ہے۔
قومیں وہی ترقی کرتی ہیں جو احتساب، عدل، اور اصلاح کا راستہ اپناتی ہیں۔

دشمن کے آلہ کار مت بنیں ہم سب سے پہلے مسلمان ہیں

12/10/2025

سعودی عرب کا ریاض ایئرپورٹ 1954 میں ایک سادہ میدان جیسا تھا، جہاں جہاز ریت پر اترتے تھے، اور مسافر پیدل جہاز تک جاتے تھے — نہ کوئی ٹرمینل، نہ سیکیورٹی گیٹ، نہ جدید سہولیات۔

*لیکن جب تیل نکلا تو...*

چند دہائیوں میں وہی صحرا *دنیا کے امیر ترین ممالک* کی فہرست میں آ گیا۔
جہاں کبھی ریت تھی، آج وہاں *جدید ترین ایئرپورٹس، فلک بوس عمارتیں، فائیو اسٹار ہوٹلز، اور عالمی سرمایہ کاری* ہے۔
ریاض اب صرف سعودی عرب کا دارالحکومت نہیں، بلکہ مشرقِ وسطیٰ کا *کاروباری، سفارتی اور ٹیکنالوجی ہب* بنتا جا رہا ہے۔

*فرق صرف ایک چیز نے پیدا کیا: وژن، قیادت، اور قدرتی وسائل کا درست استعمال۔*
سوال یہ نہیں کہ ہمارے پاس تیل نہیں —
سوال یہ ہے کہ ہمارے پاس وہ وژن کیوں نہیں؟

12/10/2025

بلدیاتی نمائندوں کے متحدہ آزاد پینل جمرود نے بانی پی ٹی آئی عمران خان کے وزارت اعلیٰ خیبرپختونخواہ کے منصب کے لئے سہیل آفریدی کی نامزدگی کا خیر مقدم کرتے ہوئے کہا ہے کہ عمران خان کا ویژن ہے ورکرز کو عزت دینا اختیارات کی نچلی سطح تک منتقلی اور گراس روٹ سے جمہوریت کی مضبوطی۔
سہیل آفریدی مخلص شخصیت کے مالک ہیں اور مسائل سے بخوبی آگاہ ہیں۔
ضلع خیبر ایک ایسا ضلع ہے جو انضمام سے پہلے بھی خیبر پختونخواہ کے ساتھ گل مل تھا اور یہاں کے عوام خیبرپختونخواہ سے الگ نہیں تھے۔
سہیل آفریدی خیبر اور تمام قبائلیوں کا فخر ہے اور ہم تمام قبائلی عوام بانی پی ٹی آئی عمران خان کا احسان مند ہیں جنہوں نے قبائلیوں سے حقیقی محبت کا ثبوت دیتے ہوئے وزارت اعلیٰ کے لئے سہیل آفریدی کا انتخاب کیا۔
بلدیاتی نمائندوں کے متحدہ آزاد پینل کے صدر شاہد خان آفریدی چیئرمین ٹاؤن 2 جمرود ممبران چیئرمین ٹاؤن 8 حاجی شاہد زمان ، چیئرمین وی سی 13 حاجی میاں جان ، چیئرمین وی سی 3 حسین زادہ ، چیئرمین ملک سراج وی سی 16 ، چیئرمین حاجی حبیب الرحمن وی سی 10 ، کسان کونسلرز، سراج خان وی سی 18 جمال خان وی 13.
بلدیاتی نمائندوں نے امید ظاہر کی ہے کہ نامزد وزیراعلی سہیل آفریدی عمران خان کے ویژن کو آگے بڑھاتے ہوئے اختیارات کی نچلی سطح تک منتقلی میں اور بلدیات کو ترقیاتی فنڈز مہیا کرنے میں کلیدی کردار ادا کرینگے۔

12/10/2025

14/02/2025

جمرودکےمیل وفیمل سکولوں سےغیرمقامی اساتزہ بروقت اپنےتبادلےاپنےعلاقوں میں کرائیں جمرود میں غیر مقامی ٹیچرزنامنظور۔ متحدہ آزاد پینل

12/02/2025

جمرود تحصیل چیئرمین کو ایک ہفتے کی ڈیڈ لائن اپنا قبلہ درست کرے ،تحصیل کونسل فعال کرے، کونسل کی کمیٹیاں اور کونسل کا مستقل کنوینر مقرر کرے ورنہ بھر پور مزاحمت کرینگے، متحدہ آزاد پینل اور پاکستان تحریک انصاف جمرود کے بلدیاتی نمائندوں کا ایکا
جبکہ جمعیت علمائے اسلام کے چیئرمینان نے مشورے کا ٹائم مانگا۔
جمرود تحصیل کونسل کے اپوزیشن بلدیاتی نمائندوں کا مشترکہ اجلاس ٹاؤن 8 جمرود میں منعقد ہوا جسمیں متحدہ آزاد پینل ، پاکستان تحریک انصاف اور جمعیت علمائے اسلام کے چیئرمینان و تحصیل ممبران نے شرکت کی۔
اجلاس میں ممبران نے جمرود تحصیل چیئرمین کی کارکردگی اور کونسل کی غیر فعالیت پر شدید تنقید کی،ممران نے کہا کہ گزشتہ تین سال میں کونسل کے صرف تین اجلاس ہوئے ہیں جنکے منٹس ٹی ایم او جمرود جو کونسل کا سیکرٹری ہے نے اپنے دفتر میں رکھے ہیں،اور ابھی تک متعلقہ حکام کو نہیں بھیجے ہیں۔
گزشتہ تین سال میں کونسل کی بنیادی 4 زمہ دار کمیٹیاں نہیں بنی ہیں، کونسل کا پریزائڈنگ افسر نہیں ہے۔
ممبران کا کہنا ہے کہ قائم مقام تحصیل چیئرمین منتخب ہونے کے 6 مہینے ہوگئے ہیں لیکن ان 6 مہینوں میں
بلدیات کے ماتحت سرکاری محکموں کے ساتھ قائم مقام تحصیل چیئرمین کا کوئی رابطہ نہ کوئی میٹنگ ہوا ہے قائم مقام تحصیل چیئرمین صرف اپنے دفتر تک محدود ہیں۔
اجلاس میں پی ٹی آئی اور آزاد پینل کے چیئرمین کا اتحاد ہوا جسمیں تحصیل قائم مقام چیئرمین کو ایک ہفتے کا وقت دیا جس کے بعد بھرپور مزاحمت کی جائے گی۔
اس موقع پر جمعیت علمائے اسلام کے بلدیاتی نمائندوں و تحصیل ممبران نے ٹائم مانگا کہ اپنے جماعت کے ساتھ صلاح مشورے کے بعد اتحاد کا حصہ بنے گے۔