09/03/2026
اگر آپ انویسٹمنٹ کی غرض سے کوئی بھی پراپرٹی خریدتے ہیں چاہے وہ ready to move ہو یا آف لائن۔ اس کا ROI کسی بھی صورت فاریکس ٹریڈنگ، گولڈ ، کرپٹو یا سٹاک مارکیٹس سے میچ نہیں کر سکتا۔ چاہے یہ پراپرٹی پاکستان میں کسی پریمیم جگہ پر ہو، دبئی میں ہو یورپ میں ہو یا کسی بھی علاقے میں۔ پراپرٹیز جتنا ROI پانچ سال میں دیں گی یہاں آپ ممکنہ طور پر چند ماہ میں بنا لیں۔ بلکہ میرے نزدیک ان دونوں کا comparison کرنا ہی غلط ہے کیونکہ liquid assets کے اتنے فوائد ہیں جن کا مقابلہ real estate نہیں کر سکتی۔ لہذا کوئی مقابلہ نہیں بنتا
اوپر لکھی گئی بات اس قدر درست ہے کہ میں ذاتی طور پر سو میں سے سو بار investment کے لئے پراپرٹی کے بجائے سٹاک مارکیٹس یا گولڈ کو prefer کروں گا۔ لیکن اس کے لئے آپ کو ان مارکیٹس کا اتنا ہی ماہر اور تجربہ کارہونا چاہئیے جتنا ان کے ROI میں فرق ہے۔ اصل چیز یہی سیکھنی ہے کہ آپ کو کب، کیا اور کتنا خریدناہے۔ یہ سب سیکھنا نہ تو اتنا مشکل ہے کہ آپ ڈر کر شروعات ہی نہ کریں اور نہ ہی اتنا آسان کہ آپ فورا سے بروکر اکاونٹ کھول لیں اور بائے سیل کے بٹن دبا دبا کر اپنے خوابوں اور اکاونٹ کا ستیاناس کر لیں۔ کچھ نا کچھ effort اور کافی سارا وقت تو بہرحال دینا ہی پڑتا ہے۔ اور ظاہر ہے یہ اصول دنیا کا کوئی بھی کام سیلھنے کے لئے لاگو ہوتا ہے۔ Warren Buffett کے مطابق یہ ایسا ہی ہے جیسے ایک جمع ایک دو۔ یعنی آسان, سادہ مگر logical اور conceptual.
خیر حالیہ صورتحال میں جو لوگ سٹاک مارکیٹس کی گراوٹ سے بدظن ہو رہے ہیں وہ اس بات سے بے خبر ہیں کہ انویسٹر ایسے مواقع کی تلاش میں رہتے ہیں کہ کب بڑے کریش آئیں اور وہ نئی پوزیشنز لے سکیں۔ عام آدمی کو یہ کہ کر ڈرایا جاتا ہے اور مارکیٹس سے دور کر دیا جاتا ہے کہ سرمایہ کاروں کے اربوں روپے ڈوب گئے تاکہ سن کر ہی عام آدمی کا بلڈ پریشر لو ہو جائے۔ حالانکہ عجیب سرمایہ کار ہیں کہ ہر چند ماہ بعد اربوں ڈبو کر پھر آ جاتے ہیں جوان ہو کر۔
آپ بس یہ سمجھ لیں کہ اگر آپ پراپرٹی کا کام کرتے ہیں تو جیسے آپ کا خریدا ہوا پلاٹ کبھی دو چار مہینے یا سال کے لئے قیمت خرید سے نیچے بھی آ جائے تو آپ کے “اربوں” ڈوب نہیں جاتے۔ آخر کار پرافٹ ہی ہوتا ہے۔
اس لئے ایسے جملوں سے خوفزدہ ہر گز نہ ہوں۔ سٹاک مارکیٹس دنیا کی بہترین اور بڑی منڈیاں ہیں۔ ان سے فائدہ اٹھانا سیکھیں۔
لگے ہاتھوں ایک بات اور۔ quotex اور اور اس جیسی دوسری binary apps کو ٹریڈنگ اور اسے مارکیٹ کہنے والوں سے ہمیشہ دور رہیں۔ ورنہ آپ بھی جوئے کو ٹریڈنگ سمجھ کر نقصان اٹھائیں گے اور گالیاں فائنانشل مارکیٹس کو دیں گے۔
Copied
