14/08/2024
پچھلے کچھ دنوں سے جب بھی فیسبک ایپ کو کھولا, سامنے ایک ہی چیز کی تعریف کے متعلق لاتعداد پوسٹس نظر سے گزرتی رہیں. پاکستانی سیریز " برزخ" .. کسی نے یہ تک لکھا ہوا کہ برزخ کا پہلا سین دیکھ کہ یہ گمان ہوا کہ آپ کوئی ویسٹرن یعنی ہالی ووڈ کی سیریز دیکھ رہے ہیں اور یہ پاکستانی ڈائریکٹرز, کاسٹ اور ڈرامہ انڈسٹری کے لئے بہت بڑا اعزاز ہے اور یہ کہ جناب برزخ سیریز یا ڈرامہ یہ ہر کسی کے لئے نہیں ہے. یہ کچھ خاص لوگوں کے لئے ہے جو اس طرح کے ڈراموں کو ہضم کر سکتے ہیں, دیکھ سکتے ہیں یا سمجھ سکتے ہیں.
اب میں آپکو بتاتی ہوں کہ واقعی "برزخ" سب کے لئے نہیں ہے. یہ ڈرامہ انڈیا کے چینل "ذی زندگی " سے ریلیز کیا جا رہا ہے. تمام پاکستانی کاسٹ ہے جس میں فواد خان اور صنم سعید جیسے سیلیبریٹی فنکار شامل ہیں. سن کے حیرت تو ہوئی ہو گی کہ انڈیا پاکستانی اداکاروں کے ڈرامے کب سے ریلیز کرنے لگا ؟؟؟ اب عوام جس میں ایک بڑی تعداد لبرلز کی ہے اور انکی ہے جو ایل جی بی ٹی کو عرصہ دراز سے نا صرف پروموٹ کرتے چلے آ رہے ہیں بلکہ گاہے بگاہے اس کو لیگل کروانے کے لئے بھی ایڑی چوٹی کا زور لگاتے رہتے ہیں وہ اس کو بڑے دھڑلے سے آرٹ کا نام دیتے نظر آئیں گے اور ساتھ ہی یہ تسلی بھی کہ بھئی پاکستان میں تو نہیں ریلیز ہو رہا ناں؟؟ وغیرہ وغیرہ. .
تو احباب بات یہ ہے کہ یہ ڈرامہ تھوڑا سا دیکھنے کے بعد ہی طبیعت مکدر ہو گئی, صاف لفظوں میں کہوں کہ کراہت سی محسوس ہو رہی ہے ان سب سے جو اس میں اپنی اداکاری کے جوہر دکھا رہے ہیں, ان سب سے جو اسکو دیکھ کے داد و تحسین کے ڈونگرے برسا رہے ہیں اور ان سب سے جو اس کے بنانے اور تشہیر میں کسی بھی طرح سے پیش پیش ہیں.
معاشرے میں بے حیائی, قوم لوط کے قبیخ فعل یعنی ہم جنس پرستی کو بڑھاوا دینے کی بھر پور کوشش کی جا رہی ہے. چھوٹے کم عمر بچے ایک جوان آدمی کو نہاتا دیکھتے ہوئے دکھائے جائیں, مرد اپنے جیسے دوسرے مرد کو چومنا چاہے اس کی طرف متوجہ ہو اور چھوٹے بچے ماں باپ کی ذاتی زندگی کو دیکھنے کا تجربہ کر رہے ہوں تو اس سب سے ایک عاقل و بالغ فرد کیا نتیجہ اخذ کرے گا ؟؟؟؟ یہی ناں کہ یہ سب ایک خاص پروپیگنڈہ کے ساتھ کیا جا رہا ہے ؟؟
برائی یا گناہ کو گناہ کہنا اگرچہ کہ دل میں ہی, یہ ایمان کا کمزور ترین درجہ ہے. اور ہم, میں یا آپ سب جو عقل رکھتے ہیں, فہم رکھتے ہیں شعور رکھتے ہیں, وہ زیادہ کچھ نہیں تو اپنے چند الفاظ کو اپنی ٹائم لائن پہ لگا کہ اس نازیبا حرکت کی, اس فحاشی کو پھیلانے کی سازش کی اور ایل جی بی ٹی کیو کی مذمت تو کر ہی سکتے ہیں ناں ؟؟؟ لہذا میں کر رہی ہوں. دو لوگ بھی اس پوسٹ کو پڑھ کے ان ملعونوں پہ لعنت بھیج دیں گے ناں تو مجھے لگے گا کہ میں نے مذمت کا حق ادا کر دیا.
جس فعل کی اللہ پاک نے اتنی سخت سزا دی کہ قوم کی قوم کو تباہ کردیا, جس کے لئے دین میں, شریعت میں کوئی جگہ ہی نہیں ہے اس فعل کے ہر ماننے والے, ہر لکھنے والے (رائٹرز) , اس پہ ڈرامے فلمیں بنانے والے اور اس کی تشہیر کرنے یا اس کو درست قرار دینےوالوں کی اور " برزخ" جیسےحیا سوز ڈراموں یا سیریز کی میں, آمنہ عبدالرحیم شدید مذمت کرتی ہوں.
واقعی "برزخ " ہمارے لئے نہیں ہے کیونکہ ہم اللہ پاک کی رحمتوں اور اللہ پاک کی بخشش کے اور سیدھے راستے کے طلبگار ہیں. "برزخ" انہی کے لئے ہے جو اس کے اصل حقدار ہیں.
اللہ پاک ہم سب کو دجالی فتنوں, بے حیائی اور بے راہ روی سے محفوظ فرمائے. آمین ثم آمین.
