16/05/2026
نادرا رجسٹریشن سینٹر، ہسپتال چورنگی، ملیر، کراچی کا افتتاح کر دیا گیا ہے۔
افتتاحی تقریب میں رکن قومی اسمبلی جناب سید آغا رفیع اللہ اور ڈائریکٹر جنرل نادرا ریجنل ہیڈ آفس کراچی جناب عامر علی خان نے شرکت کی۔
پرانے دفتر کے مقابلے میں تین ون ونڈو کاؤنٹرز کی تعداد بڑھا کر سات کر دی گئی ہے، جس کے نتیجے میں اب روزانہ تقریباً 300 شہریوں کو خدمات فراہم کرنا ممکن ہو سکے گا۔ اس سنٹر میں پاک آئی ڈی موبائل ایپ، جانشینی سرٹیفکیٹ، اور بزرگ شہریوں کے لیے الگ سے خصوصی کاؤنٹرز بنائے گئے ہیں۔
ان شہریوں کے لیے جن کی انگلیوں کے نشانات مدھم ہو چکے ہیں اور شناخت میں مشکل پیش آتی ہے، بائیو میٹرک تصدیق کی سہولت بھی موجود ہے۔ معذور افراد کے لیے وہیل چیئر اور بجلی کی بلا تعطل فراہمی کے لیے اسٹینڈ بائی جنریٹر بھی لگایا گیا ہے۔
جدید سہولیات سے آراستہ اس سنٹر سے ہسپتال چورنگی اور آس پاس کے علاقوں کے رہائشیوں سمیت تقریباً 5 سے 7 لاکھ افراد مستفید ہوں گے۔
نادرا کی جانب سے ملیر اور کورنگی اضلاع کو الگ الگ زونز میں تقسیم کر دیا گیا ہے۔ اس اقدام کے تحت اب ضلع ملیر کے شہریوں کو اپنے مسائل کے لیے کورنگی آفس جانے کی ضرورت نہیں ہوگی، جبکہ ملیر ڈسٹرکٹ کا زونل آفس بھی ہسپتال چورنگی والے اس سنٹر میں ہی فعال ہوگا۔ زیادہ رش کی صورت میں شہریوں کی سہولت کے لیے یہاں ایوننگ شفٹ بھی شروع کر دی جائے گی۔
Member National Assembly Mr. Syed Agha Rafiullah and Director General NADRA Regional Head Office Karachi Mr. Aamir Ali Khan attended the inauguration ceremon...
