Caniogan Credit & Development Cooperative

06/12/2025

Natapos na ang huling batch ng “Teacher's Desk and School Chairs’ Donation Program” ngayong December 5, 2025. Sa pagkakataong ito, ang ating mga beneficiaries ay ang Vedasto R. Santiago High School na matatagpuan sa San Miguel, Bulacan at ang Lolomboy Elementary School sa Bocaue, Bulacan. Ang nasabing mga paaralan ay nakatanggap ng tig-50 armchair, isang table at office chair.

Katuwang ang DepEd Bulacan, atin pong ipagpapatuloy ang gawaing ito upang magbigay ng inspirasyon sa mga kabataang mag-aaral sa pag-abot ng kanilang mga pangarap.

04/12/2025

Disyembre 4, 2025 – Ginanap ang batch 2 ng turnover ceremony ng ating “Teacher's Desk and School Chairs' Donation Program” sa dalawang school beneficiaries: ang Dampol 1st National High School, Plaridel, Bulacan at Marciano Del Rosario Memorial Elementary School Pulilan, Bulacan.

Ibinahagi natin ang kabuuang bilang na 100 armchairs, 2 tables, at office chairs para sa dalawang paaralan. Ito ay munting tulong ng ating kooperatiba upang magkaroon ng mas maayos na kagamitan sa nasabing paaralan at maghatid ng kasiyahan at kaginhawahan para sa mga batang mag-aaral.

03/12/2025

December 3, 2025 - Sa pamamagitan ng ating malasakit at sama-samang pagsisikap mula sa ating kooperatiba, katuwang ang DepEd Bulacan ay matagumpay na naisakatuparan ang unang batch ng “Teacher's Desk and School Chairs’ Donation Program”.

Ngayong araw ay nakapagbigay tayo ng kabuuang isandaang (100) silya, dalawang (2) desks at dalawa (2) ring office chairs para sa dalawang paaralan: San Marcos Elementary School na matatagpuan sa Calumpit, Bulacan at Iba National High School naman sa Hagonoy, Bulacan.

12/11/2025

Nobyembre 8, 2025

Muling naghandog ang ating kooperatiba ng isang Medical Mission upang makapagpaabot ng kagalingan, pag-asa, at serbisyong pangkalusugan para sa komunidad.

Damang-dama ang saya at pasasalamat ng mga nakatanggap hindi lamang ng mga kasapi, kundi pati na rin sa lahat ng nakipagkaisa sa ating misyon. Kabilang po sa mga serbisyo na ating naipaabot ay consultation, eye check-up, pagbibigay ng gamot, bunot ng ngipin at libreng haircut.

Taos-pusong pasasalamat po sa lahat ng doctors, volunteers sa inyo pong lahat na sumuporta sa ating programa. Dahil sa inyong malasakit at bayanihan, naging matagumpay at marami ang nabigyan ng libreng serbisyo.

Maraming salamat po sa inyong lahat!

09/11/2025

30/10/2025

"October has been a month of milestones".
We are honored to receive three additional awards this month. Grateful, proud and motivated to keep reaching higher.

25/10/2025

We are beyond grateful to receive the KOOP-BEST sa TRES award "Pagkilala sa Natatanging Kooperatiba sa Rehiyon Tres". Thanks to our dedicated members, employees and partners who make our mission possible.

21/10/2025

Masayang ibinabalita ng Caniogan Credit & Development Cooperative ang pagbubukas ng bagong gusali na pag-aari ng ating kooperatiba.

Simbolo ito ng ating pag-unlad at patuloy na paglago bunga ng walang sawang pagtupad ng obligasyon at pagtitiwala ng mga kasapi.

Ngayong araw ay isinagawa ang pagpapasinaya at pagbabasbas, upang kaagad na mapasimulan ang pagkakaloob ng magandang serbisyo para sa ating mga miyembro.

Inaanyayahan po namin ang lahat na bisitahin ang CCDCoop - San Jose del Monte Branch na matatagpuan sa SJBO Bldg. Gov. Halili Rd., Tungkong Mangga, City of San Jose del Monte, Bulacan.

Sa mga hindi pa miyembro, ngayon na po ang tamang panahon para sumali upang maging bahagi ng matatag na Kooperatiba na naglilingkod simula pa noong taong 1981.

Maraming salamat po sa inyong lahat at higit sa ating Panginoon na nagkaloob ng biyayang ito.

04/10/2025

Matagumpay na naisagawa ngayong Oktubre 4, 2025 ang CCDCoop Blood Letting Activity na may temang “Dugo Mo, Buhay Ko.” Nagsama-sama tayong muli, upang makapagbigay buhay at pag-asa sa mga nangangailangan.

Taos pusong pasasalamat ang ipinaaabot ng pangasiwaan sa Red Cross - Bulacan Chapter at sa lahat ng nakilahok at nag-ukol ng kanilang panahon upang maging bahagi ng ating Blood Donation.