21/07/2024
Up to 70% off, SUPER SALE, Promo!!
Nai-excite ka ba kapag may ganito kang mga nakikita? Palagi ka bang nasa mga shopping malls? Feeling mo ba mauubusan ka kaya grab lang ng grab?
BROKE or WOKE?
Broke: Ito ang estado ng laging nag-aalala kung saan kukunin ang pambayad sa mga naipong utang dahil sa walang patumanggang paggastos. Ang paghabol sa mga sale at promo kahit walang budget ay daan tungo sa pagkakalubog sa utang. Ang broke ay ang resulta ng walang disiplina sa paggastos, hindi iniisip ang kinabukasan, at laging umaasa sa susunod na sweldo o utang para makaraos.
Woke: Ang woke ay ang estado ng pagiging mulat at responsable sa iyong pera. Ito ay ang pagkakaroon ng disiplina sa paggastos, pagpaplano ng budget, at pag-iwas sa mga unnecessary na gastusin. Ang woke ay ang pagtatanong sa sarili bago mag-shopping: "May extra money ba ako para rito?" "Kaya ko ba itong bayaran agad nang hindi nangungutang o ginagalaw ang ipon?" Ang woke ay ang pag-iwas sa tukso ng sale at promo kapag alam mong wala kang sapat na budget.
Mga hakbang para maging woke:
Tanungin ang sarili: Bago ka maglabas ng pera, itanong muna sa sarili, “May extra money ba ako para rito?” Kung ang sagot ay hindi, iwasan na muna ang pagbili.
Planuhin ang budget: Maglaan ng budget para sa mga bagay na kailangan at gusto mo. Kung hindi ito pasok sa budget, matutong maghintay o mag-ipon muna.
Iwasan ang tukso: Bawasan ang pagpunta sa mga lugar na malaki ang temptasyon na gumastos, tulad ng malls at bazaars. Kapag hindi mo nakikita, hindi ka matutuksong gumastos.
Maging responsable: Ang paggastos ng tama ay tanda ng pagiging responsableng adult. Hindi lang ito para sa'yo, kundi para rin sa kinabukasan mo.
Ang pag-break ng habit na ito ay nangangailangan ng disiplina. Tanungin mo muna ang sarili mo: May extra money ba ako para rito? Kung wala, then STOP. Mas mabuti pa, iwasan ang pagpunta sa mga lugar na malaki ang temptasyon na gumastos. Dahil kapag gumastos tayo para sa hindi naman natin kayang bayaran, doon na nagsisimula ang utang.
Gising, kapatid, at mas maging matalino. Huwag maging broke, maging woke! Ang pagiging woke sa pera ay hindi lang nakakatulong sa'yo ngayon, kundi para rin sa kinabukasan mo. Maging responsable at siguraduhing ang bawat gastos mo ay may kabuluhan.
Follow for more financial advices. 💰
